عن موقع موبيزل – احنا مين
ايه هو موبيزل ؟
موبيزل هو موقع تقني يهتم بالتحديد في مجال الهواتف الذكية ( الموبايلات ) , في موبيزل تقدر تلاقي كل حاجة عايز تعرفها في سوق الهواتف الذكية من حيث مواصفات الهواتف و الأسعار و المراجعات الكاملة ومميزات و عيوب كل موبايل بكل حيادية وبكل وضوح من مستخدمين حقيقيين او من خلال تجربتنا الشخصية للموبايل بدون فتي!
ازاي اقدر استفيد من موقع موبيزل ؟
موبيزل كل يوم بيقدملك الجديد في سوق الهواتف الذكية ( الموبايلات ) فا لو حبيت في يوم تشتري موبايل جديد و محتار نتيجة التنوع الشديد فالسوق حالياً فالحل هو موبيزل ! موبيزل بكل بساطه هيقدملك أفضل ترشيحات للفئة السعرية الي انت بتدور عليها و هيقارنلك بين كل الموبايلات في الفئة دي و يقنعك بالتجربة و بالدليل تشتري ايه و تبعد عن ايه بكل حيادية .
كمان في موبيزل تقدر تدخل تبحث عن مواصفات اي موبايل و تقدر تقارنة بموبايل تاني من خلال خاصية المقارنة المتاحة في موبيزل , كمان تقدر تبعتلنا علي صفحة الفيس بوك بتاعتنا و تسأل سؤالك و احنا هنجاوبك علي اي استفسار يخص الموبايلات .
ازاي استخدم موقع موبيزل ؟
لو عاوز تعرف تستخدم موقع موبيزل ازاي .. وتستفيد من كل المميزات الموجودة في الموقع لازم تشوف الفيديو ده .
ليه أثق في موبيزل ؟
ببساطة موبيزل موقع حيادي جداً بيقوم بمراجعة الموبايلات بكل شفافيه و بكل حيادية و بيقارن بينهم و بينصحك بموبايلات معينه الي اثبتت نجاحها في المقارنة بغيرها في نفس الفئة السعريه .
وكمان بنعمل فيديوهات مراجعات ومقارنات لكل الموبايلات في كل الفئات السعرية على قناة موبيزل على اليوتيوب .
موقع موبيزل حاليا من أكبر 100 موقع على مصر .. وحاليا هو أكبر موقع يهتم بالموبايلات في مصر و الوطن العربي .. وبيدخل الموقع أكتر من 5 مليون مستخدم حقيقي كل شهر .
نقطة مهمه جدأ لازم تعرفها ! موبيزل دلوقتي بيبيع بعض أنواع الموبايلات الي من وجهة نظرنا شايفنها قيمة مقابل سعر , وده من خلال الأستور التجريبي لموقع موبيزل تقدر تدخل عليه من هنا موبيزل شوب , كل عمليات الشراء الي هتتنفذ في الاستور هيتم معالجتها من خلال فريق عمل موبيزل مباشرة واحنا غير مسؤليين عن اي عمليات تتم خارج اللينك ده او التعامل مع الحسابات المزيفه علي مواقع التواصل الأجتماعي .
كمان نقطة مهمه لازم تعرفها : في موبايلات كتير جداً مش هتلاقيها علي موبيزل شوب وده لأننا فقط هنعرض الموبايلات المفضلة بالنسبالنا في كل فئة سعريه , وده عشان المصداقيه في المراجعات لا تتأثر و المراجعات الي هتتعمل علي اي موبايل في السوق هتفضل زي ما هي بكل حياديه و بكل مصداقيه و مبنيه علي التجربة الفعليه للموبايل و تقيمنا الشخصي ليها بدون توجه أو تحيز زي ما انتم متعودين من موبيزل دايماً.
الـ Business Model لموبيزل مبني علي ارباح شركة أعلانات Google Adsense وهي شركة وسيطة بينا و بين المعلنين و ليس لنا تعاقد مع اي شركة من شركات تصنيع الموبايلات او اي براند مشهور بيبيع موبايلات .
عشان كدة موبيزل موقع يستحق انك تثق فيه و في المعلومات الموجودة فيه ! موبيزل ملوش اي دافع ان يوجهك ناحية موبايل معين أو براند معين ولا متعاقد مع اي براند مشهور بيبيع موبايلات أو اكسسوارات او شركة تصنيع موبايلات .
مهمتنا في موبيزل :
كل يوم فريق عمل موبيزل بيشتغل و بيبحث عشان يوفرلك وقتك و مجهودك و عشان ميضحكش عليك في سوق صعب و متغير زي سوق الهواتف الذكيه ! هدفنا ان كل الوطن العربي يلاقي في موبيزل مصدر عربي للمعلومات عن الهواتف الذكية موثوق 100% .
عن أصحاب موقع موبيزل :
موقع موبيزل يملكة شركة HAZO للتسويق الإلكتروني و الي بيديرها مجموعة شباب مصريين , شركتنا قايمة علي العديد من المشروعات الأونلاين الي منها موبيزل و لينا خبرة كبيرة في مجال الـ Digital Marketing و الـ Affiliate Marketing .
طريقة التواصل مع موقع موبيزل :
تقدر تتواصل مع موقع موبيزل من خلال صفحته علي الفيس بوك من الرابط التالي : موبيزل Mobizil
تقدر تتواصل مع فريق عمل موبيزل من خلال صفحته علي الفيس بوك من الرابط التالي : Hazo Digital Marketing
أو يمكنكم مراسلتنا عبر الايميل التالي :-
أو يمكنكم مراسلتنا بشكل مباشر من الفورم التالي :-