عن موقع موبيزل – احنا مين

 

About Us -Mobizil

 

ايه هو موبيزل ؟

موبيزل هو موقع تقني يهتم بالتحديد في مجال الهواتف الذكيه ( الموبايلات ) , في موبيزل تقدر تلاقي كل حاجة عايز تعرفها في سوق الهواتف الذكيه من حيث مواصفات الهواتف و الأسعار و المراجعات الكاملة ومميزات و عيوب كل موبايل بكل حياديه وبكل وضوح من مستخدمين حقيقيين او من خلال تجربتنا الشخصية للموبايل بدون فتي!

ازاي اقدر استفيد من موقع موبيزل ؟

موبيزل كل يوم بيقدملك الجديد في سوق الهواتف الذكيه ( الموبايلات ) فا لو حبيت في يوم تشتري موبايل جديد و محتار نتيجة التنوع الشديد فالسوق حالياً فالحل هو موبيزل ! موبيزل بكل بساطه هيقدملك أفضل ترشيحات للفئة السعريه الي انت بتدور عليها و هيقارنلك بين كل الموبايلات في الفئة دي و يقنعك بالتجربة و بالدليل تشتري ايه و تبعد عن ايه بكل حياديه.

كمان في موبيزل تقدر تدخل تبحث عن مواصفات اي موبايل و تقدر تقارنة بموبايل تاني من خلال خاصية المقارنة المتاحة في موبيزل , كمان تقدر تبعتلنا علي صفحة الفيس بوك بتاعتنا و تسأل سؤالك و احنا هنجاوبك علي اي استفسار يخص الموبايلات.

ليه أثق في موبيزل ؟

ببساطة موبيزل موقع حيادي جداً بيقوم بمراجعة الموبايلات بكل شفافيه و بكل حياديه و بيقارن بينهم و بينصحك بموبايلات معينه الي اثبتت نجاحها في المقارنة بغيرها في نفس الفئة السعريه.

نقطة مهمه جدأ لازم تعرفها ! موبيزل مش بيبيع موبايلات و لا متعاقد مع اي شركة من شركات تصنيع الموبايلات و رأينا هو رأينا الشخصي بالتجربة و الدليل و غير مبني علي اراء الشركات ولا احنا تحت اي ضغط من اي نوع من اي شركة موجودة فالسوق.

الـ Business Model لموبيزل مبني علي ارباح شركة أعلانات Google Adsense وهي شركة وسيطة بينا و بين المعلنين و ليس لنا اتصال شخصي مع اي شركة من شركات تصنيع الموبايلات او اي براند مشهور بيبيع موبايلات.

عشان كدة موبيزل موقع يستحق انك تثق فيه و في المعلومات الموجودة فيه ! موبيزل مش بيبيع موبايلات و ملوش اي دافع ان يوجهك ناحية موبايل معين أو براند معين ولا متعاقد مع اي براند مشهور بيبيع موبايلات أو اكسسوارات او شركة تصنيع موبايلات.

مهمتنا في موبيزل :

كل يوم فريق عمل موبيزل بيشتغل و بيبحث عشان يوفرلك وقتك و مجهودك و عشان ميضحكش عليك في سوق صعب و متغير زي سوق الهواتف الذكيه ! هدفنا ان كل الوطن العربي يلاقي في موبيزل مصدر عربي للمعلومات عن الهواتف الذكيه موثوق 100%.

عن أصحاب موقع موبيزل : 

موقع موبيزل يملكة شركة HAZO للتسويق الإلكتروني و الي بيديرها مجموعة شباب مصريين , شركتنا قايمة علي العديد من المشروعات الأونلاين الي منها موبيزل و لينا خبرة كبيرة في مجال الـ Digital Marketing و الـ Affiliate Marketing.

About Us – Hazo

طريقة التواصل مع موقع موبيزل : 

تقدر تتواصل مع موقع موبيزل من خلال صفحته علي الفيس بوك من الرابط التالي : موبيزل Mobizil

تقدر تتواصل مع فريق عمل موبيزل من خلال صفحته علي الفيس بوك من الرابط التالي : Hazo Digital Marketing

أو يمكنكم مراسلتنا عبر الايميل التالي :-

أو يمكنكم مراسلتنا بشكل مباشر من الفورم التالي :-