مراجعة النهاردة هنقارن فيها بين هاتف Samsung Galaxy A70 و هاتف Xiaomi Mi 9T علشان نشوف مين الأفضل بينهم فى الشاشة و الأداء و الكاميرا و البطارية و تشوف المناسب حسب استخدامك و احتياجاتك من الهاتف.
هاتف Samsung A70 :-
المميزات:
- يمكنك استخدام شريحتين اتصال و كارت ذاكرة خارجي فى نفس الوقت.
- ييقدم المعالج اداء مقبول في لعبة فورت نايت ولكنه ليس الأفضل واداء ممتاز في ببجي .
- أداء قفل الوجه Face unlock مقبول.
- بطارية الهاتف تقدم اداء مميز.
- كاميرا الهاتف الامامية تقدم اداء مميز.
- شاشة كبير سوبر أمولد مع حواف قليلة توليفة رائعة لتجربة مشاهدة ممتعة.
- 6 جيجا بايت رام ذاكرة عشوائية فى الفئة المتوسطة خطوة جيدة من سامسونج.
العيوب:
- بسبب خامة الهاتف من البلاستيك فهو سهل الاتساخ ببصمات الاصابع و التجريحات و الخدوش.
- تصميم الهاتف ليس جديد.
- لا يوجد طبقة حماية على الشاشة ضد الخدوش و الصدمات.
- أداء البصمة المدمجة بالشاشة ليس الأسرع.
هاتف Xiaomi Mi 9T :-
المميزات:
- شاشة كاملة بدون نوتش من نوع أمولد توفر تجربة مشاهدة مميزة.
- بطارية قوية تدعم الشحن السريع بقوة 18 وات.
- مستشعر بصمة الهاتف المدمج بالشاشة يعمل بصورة أسرع من Samsung A70 .
- خامات تصنيع الهاتف محترمة من الزجاج مع تصميمه الرائع يوفر تجربة قوية لهاتف Premium خاصة فى الألوان الأحمر و الأزرق.
- حافظت الشركة على وجود لمبة الاشعارات بأعلى ال Pop up.
- تدعم واجهة الهاتف خاصية Dual app لعمل نسختين من كل التطبيقات.
- سوفت وير الكاميرا الخلفية يقدم أداء مميز و تصوير رائع و أوضاع عديدة للتصوير.
- يقدم المعالج تجربة اداء رائعة فى المهام اليومية و الألعاب حتى الثقيلة منها بشكل ممتاز ويكاد يكون هو الأفضل حاليا.
العيوب:
- لا يمكنك تركيب كارت ذاكرة خارجي لأنه لا يوجد منفذ له.
- لا يأتى فى صندوق الهاتف سماعات الرأس Headphones.
- الهاتف لا يدعم مستشعر IR بالرغم من وجوده دائما فى هواتف شاومى.
- ثقل وزن الهاتف مع سُمكه الكبير نسبيا قد يجعل صعوبة فى مسك الهاتف.
- جودة الكاميرا السيلفي ضعيفة .
- ظهر الهاتف اللامع سريع الاتساخ ببصمات الاصابع.
التصميم :-
هاتف Samsung Galaxy A70 بأبعاد الهاتف 164.3×76.7×7.9 ملم مع وزن 183 جرام بألوان الأسود و الأبيض و الأزرق مصنوع من البلاستيك المقوى البولى كاربونيت مع انحنائات خفيفة فى ظهر الهاتف و لكن بسبب البلاستيك الهاتف هيكون أكثر عُرضة للخرابيش و الخدوش علشان كده ننصحك باستخدام الجراب المُرفق فى علبة الهاتف.
أما هاتف شاومي Mi 9T بأبعاد 156.7×74.3×8.8 ملم مع وزن 191 جرام و ألوان الأحمر و الأسود و الأزرق , خامات محترمة وقوية مصنوع من الزجاج مع اطار معدني بتصميم مبتكر و جميل مع انعاكسات ألوان ظهر الهاتف مع الاضاءة و حلقة لامعة حول الكاميرا الخلفية الأولى , بس خلي بلك مع الظهر اللامع ستجد الهاتف سريع الاتساخ ببصمات الآصابع لذا يجب تنظيفه باستمرار أو استخدام الجراب المُرفق بعلبة الهاتف.
الأفضلية فى الشكل دى أذواق و مختلفة من شخص للتانى لكن الزجاج أفضل من البلاستيك لأنه بيديك احساس ال Premium أكثر لكن لو وقع بيتكسر يعني من الاخر ال A70 سهل يتخربش لكن صعب يتكسر و الشاومي سهل يتكسرلو وقع وقعة شديدة لكن صعب يتخربش.
لو هنتكلم على الوزن A70 أخف و أرفع فى السُمك لانه من البلاستيك و لكنه أطول لأنه الشاشة أكبر و صعب استخدامه بايد واحدة أما ال Mi 9T أثقل بسبب الزجاج و لكنه أقصر لأن الشاشة أصغر فى النهاية الاتنين مش هينفع تستخدمهم بايد واحدة.
الشاشة :-
شاشة هاتف Samsung Galaxy A70 تأتي من نوع Super Amoled كما هو متعتاد من سامسونج بقياس 6.7 بوصة بدقة Full HD+ بجودة 1080*2400 بيكسل مع كثافة بيكسلات 393 بيكسل لكل بوصة بأبعاد 19.5:9 يوجد اسكرينة حماية تم تركيبها على الشاشة مسبقا و تمثل الشاشة 86% من حجم الهاتف و الأطراف حول الشاشة قليلة جدا خاصة الحافة السفلية و أعلى الهاتف نوتش Infinity U .
يأتي هاتف Xiaomi M 9T شاشة من نوع Amoled بقياس 6.4 بوصة بدقة Full HD plus بجودة 1080*2340 بيكسل مع كثافة بيكسلات 403 بيكسل لكل بوصة و نسبة استحواذ 86.1% كما أن الشاشة عليها طبقة حماية من Corning gorilla glass 5.
الاتنين الشاشة ممتازة و السطوع تحت الشمس ممتاز و الألوان و التفاصيل مميزة نقطة التفوق هنا لصالح الشاومى علشان مفيش نوتش لأنها هتوفر تجربة مشاهدة مميزة بشاشة كاملة.
الصوت:
صوت السماعة الخارجية أعلى بفرق بسيط فى Mi 9T عن ال A70 و مجسم .
أما عن سماعة المكالمات فهو أعلى فى Mi 9T و أما بالنسبة لصوت سماعات الأُذن فهو أعلى فى Mi 9T و مجسم أكثر الشاومى هنا فعلا بيقدم تجربة صوتية مميزة.
كما يدعم كلاهما ميكروفون اضافي لإزالة الضوضاء مما يُحسن من جودة الصوت في التسجيل و الفيديو.
الأداء :-
معالج الـ Samsung A70 هو Qualcomm Snapdragon 675 و هو معالج الفئة المتوسطة لعام 2018 وهو معالج ثماني النواة يعمل بقوة تردد 2*2.0 جيجا هرتز Kyro 460 gold و 6*1.7 جيجا هرتز Kyro 460 silver بمعمارية 11 نانوميتر مع معالج رسوميات و جرافيك Adreno 612 و سجل الهاتف 167688 نقطة فى اختبار Antutu.
معالج الـ Mi 9T هو Qualcomm Snapdragon 730 وده اجدد واعلى معالج في الفئة المتوسطة لعام 2019 والمعالج بمعمارية 8 نانومتر يعمل بقوة تردد 2*2.2 جيجا هرتز kyro 470 gold و 6*1.8 جيجا هرتز kyro 470 silver مع معالج رسوميات Adreno 630 وسجل الهاتف 212651 نقطة في اختبار Antutu.
بالنسبة للأداء يتفوق الشاومى بفرق بسيط بسبب استخدام معالج أحدث وأسرع وكمان واجهة تشغيل شاومي EMUI أخف شوية من واجهة سامسونج One UI ولكن في الاخر الموبايلين ممتازين بس الشاومي أفضل بسبب المعالج الأقوى.
أما عن الأداء الرسومى فسبب المعالج الاقوى في الشاومي فهو يتفوق في تشغيل لعبة فورت نايت بشكل أفضل عن السامسونج A70 , اما بالنسبة لببجي فالموبايلين بيشغلوها عادي جدا من غير اي مشاكل .
الذاكرة الداخلية و العشوائية :-
يتوافر هاتف A70 بذاكرة داخلية 128 جيجا بايت مع 6 جيجا بايت رام ذاكرة عشوائية و يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 512 جيجا بايت فى منفذ منفصل عن شريحتى الاتصال.
أما هاتف Xiaomi Mi 9T متوفر بذاكرة داخلية 64 أو 128 جيجا بايت مع ذاكرة عشوائية 6 جيجا بايت رام و لا يمكنك تركيب كارت ذاكرة خارجي حيث أن الهاتف لا يدعم منفذ له.
الكاميرا الخلفية :-
خلينا نتلكم عن المواصفات بالأرقام للاتنين و بعدين الأداء عندنا كاميرا هاتف Samsung Galaxy A70 الخلفية تأتي ثلاثية بجودة 32 ميجا بيكسل مع فتحة عدسة f/1.7 مع دعم الضبط التلقائي المزدوج PDAF و الثانية 8 ميجا بيكسل مع فتحة عدسة f/2.2 بزاوية واسعة Ultra wide و الثالثة 5 ميجا بيكسل مع فتحة عدسة f/2.2 مخصصة للعزل و فلاش أحادى LED و تصوير فيديو بجودة Ultra HD 2160 مع 30 لقطة فى الثانية و بجودة 1080 بيكسل مع 30 أو 60 لقطة فى الثانية و لكن فى ال 60 لقطة لا يعمل المثبت الاليكترونى مع تصوير بجودة 720 بيكسل مع 30 لقطة فى الثانية كما يمكن تصوير Super Slow motion كما يمكنك تصوير الفيديو بالزاوية الواسعة بجودة 1080 بيكسل كما تدعم التصوير بوضع بانوراما و HDR.
تأتي كاميرا هاتف Xiaomi Mi 9T الخلفية ثلاثية بجودة 48 ميجا بيكسل مع فتحة عدسة F/1.8 و خاصية الضبط التلقائي المزدوج PDAF و الثانية بجودة 8 ميجا بيكسل Telephoto زوم و دى نقطة تفوق لصالحه ( مش موجودة في A70 ) مع فتحة عدسة f/2.4 و خاصية الضبط التلقائي للصور PDAF مع 2x optical zoom و الثالثة بجودة 13 ميجا بيكسل مع فتحة عدسة f/2.4 للتصوير بزاوية واسعة Wide Angel مع فلاش ثنائي Dual LED و التصوير HDR و بانوراما.
يمكنك تصوير الفيديو في Mi 9t حتي جودة 4K 2160 بيكسل مع 30 لقطة في الثانية و فيها تثبيت اليكترونى و دى حاجة مش موجودة فى هواتف الفئة المتوسطة مع 4K أو بجودة 1080 بيكسل مع 30 أو 120 أو 240 أو بجودة 720 بيكسل لحد 960 لقطة في الثانية.
بالنسبة للأداء الفعلى فى اضاءة الشمس الذكاء الاصطناعى AI فى الشاومى بيخلي الألوان فاقعة أكثر من السامسونج ولو عملت Zoom هتلاقي لون البشرة و بعض التفاصيل مش مضبوطة فى الاتنين و فى البورترية السامسونج بيكون أفضل مع ألوان واقعية أكثر.
فى اضاءة الغرفة التفاصيل أفضل فى الشاومى و كمان فى التصوير بالليل الشاومى أفضل بردوا مع تفاصيل أكثر.
فى تصوير الفيديو الثبات الاليكتروني شغال أفضل بفرق ملحوظ فى Mi 9T عن الA70 في جودة 4K .
يمكنك مشاهدة مقارنة الصور وتصوير الفيديوهات في فيديو المقارنة الموجود في أخر المقالة .
الكاميرا الأمامية :-
السيلفي فى هاتف A70 بجودة 32 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية كما تدعم HDR كما تدعم العزل عن طريق السوفت وير .
وبالنسبة Xiaomi Mi 9T بجودة 20 ميجا بيكسل مع فتحة عدسة f/2.2 بموتور سلايدر و تصوير فيديو بجودة 1080 بيكسل مع 30 لقطة في الثانية و ايضا HDR.
بالنسبة للأداء الفعلي فى السيلفي , فبعد تجربة مكثفة لاقينا صور السيلفي أحسن في A70 عن Mi 9T في معظم اوضاع التصوير .
البطارية :-
بسعة 4500 مللي أمبيرفي هاتف Samsung Galaxy A70 وتدعم تقنية الشحن السريع بشاحن بقوة 25 وات أما هاتف Mi 9T ببطارية بسعة 4000 مللي أمبير تدعم تقنية الشحن السريع بشاحن بقوة 18 وات.
فى الأول هتفتكر ان السامونج أفضل علشان البطارية أكبر و لكن الأداء الفعلى للاتنين واحد تقريبا بسبب حجم الشاشة الأصغر فى الشاومى و المعالج الموفر للطاقة و السوفت وير الموفر تقريبا الاتنين هيصمدوا حوالى 7 ساعات شاشة مفتوحة فى يوم كامل و تقريبا مش هتحتاج تشحنهم فى وسط اليوم و الاتنين تقريبا بيشحنوا بالكامل لـ 100% فى حوالى ساعة و نصف.
عوامل حماية الأمان و الخصوصية :-
الاتنين فيهم مستشعر بصمة الاصبع المدمج بالشاشة ولكن البصمة الأفضل و الأسرع فى الشاومى عن السامسونج و كمان خاصية Face Unlock سرعتها متوسطة في الموبايلين.
خواص أخري :-
الاتنين أيقونات الاشعارات بتظهر فيهم فوق فى الشريط العلوي و يتفوق الشاومى فى وجود لمبة اشعارات و لكن السامسونج عوضت عن عدم وجودها عن طريق خاصية Always on display اللى بتظهرلك الساعة و التاريخ و نفس الخاصية ديه موجودة في الشاومي Mi 9T.
أما بالنسبة لتعامل الاتنين مع قوة الشبكة مفيش أى مشاكل و كويسين جدا.
الرأي النهائي :-
شاومي قدرت تعمل هاتف فئة متوسطة قدر يقف قدام كل الموبايلات الأخرى فى نفس الفئة و يكسبهم فى حاجات كتير زي المعالج الأقوي و شاشة كاملة بدون حواف و صوت أعلى و كاميرا خلفية أفضل خصوصا بالليل و فى تصوير الفيديوهات مع وجود لمبة اشعارات و البصمة المدمجة بالشاشة الأسرع وبالتالي هو الأفضل حاليا في الفئة المتوسطة.
لكن ال Samsung A70 قدر يكسب في المقارنة ديه بفرق بسيط فى الكاميرا السيلفي و الشاشة اللى حجمها أكبر و الخامات البلاستيك اللى صعب تتكسر بسهولة خصوصا لو انت من الشخاص اللى بيوقعوا الموبايل كتير مش هتخاطر و تجيب الشاومى الزجاج وكمان لو انت بتوقع الموبايل كتير اكيد مش هتبقا حابب الموتور الي موجود في الشاومي الخاص بالكاميرا السيلفي .
و كمان ال A70 بيوفرلك امكانية تركيب كارت ذاكرة خارجي مع شريحتين اتصال فى نفس الوقت مع قوة انتشار سامسونج فى مصر و هى المركز الأول فى المبيعات وكمان ال A70 واحد من أكثر 5 هواتف مبيعا فى مصر دلوقتى و دا دليل على ثقة المستخدم في براند سامسونج .
محتويات صندوق الهاتف :-
هاتف Samsung Galaxy A70 تم تركيب اسكرينة للحماية عليه مسبقا, الشاحن 25 وات, كابل الشحن, سماعات الأُذن Earphones وجراب شفاف لحماية الهاتف.
هاتف Xiaomi Mi 9T مع الشاحن بقوة 18 وات, كابل الشحن USB Type C, جراب لحماية ظهر الهاتف.
ملحوظة: صندوق هاتف شاومي لا يحتوي على سماعات الأُذن Headphones.
سعر الهواتف :-
هاتف Samsung Galaxy A70
5800 جنيه للنسخة 128 جيجا بايت مع 6 جيجا بايت رام فى المحلات.
هاتف Xiaomi Mi 9T
5666 جنيه مصري للنسخة 64 جيجا بايت مع 6 جيجا بايت رام و لكن لا ننصح بها بسبب ان الموبايل مش بيدعم تركيب كارت ميموري وممكن مساحة 64 جيجا متكفيش استخدامك.
6000 جنيه مصري للنسخة 128 جيجا بايت مع 6 جيجا بايت رام.
Comments