هو ينفع المقارنة اصلا موبايل بحوالي 4000 جنيه اللي هو Xiaomi Note 6 Pro و موبايل بحوالي 6000 جنيه اللي هو Samsung Galaxy A7 2018 خليكوا معانا احنا موبيزل قررنا نعمل المقارنة ديه علشان نشوف فعلا السامسونج يستاهل سعره ولا ؟
هاتف Samsung Galaxy A7 2018 :-
مميزات:
- مساحة تخزين 128 جيجا .
- متوفر منفذ منفصل لكارت الذاكرة الخارجي مع الاحتفاظ بشريحتى الاتصال.
- شاشة الهاتف مميزة من نوع سوبر أمولد كما أنها تدعم طبقة حماية Gorilla glass 3.
- كاميرا خلفية ثلاثية مميزة .
- يدعم الهاتف مستشعر الجيروسكوب.
عيوب:
- ظهر الهاتف مصنوع من الزجاج لذا هو سريع الاتساخ ببصمات الاصابع و يحتاج للتنظيف باستمرار.
- بطارية الهاتف لا تدعم تقنية الشحن السريع.
- خاصية قفل الوجه Face Unlock تفتح حتى و العين مغلقة .
- USB ليس من نوع Type C.
- لا يدعم الهاتف التصوير بجودة 4K ولا حتى بجودة 1080 بيكسل مع 60 لقطة فى الثانية.
- الحواف حول الشاشة تعتبر كبيرة نوعا ما.
- سخونة عالية فى حالة الألعاب الثقيلة.
هاتف Xiaomi Note 6 Pro :-
مميزات:
- يوجد طبقة حماية على شاشة الهاتف.
- يدعم مستشعر IR والجيروسكوب.
- صوت السماعات الخارجية رائع و ممتاز.
- واجهة تتميز بالسلاسة و الخفة.
عيوب:
- نوتش كبير مع حواف كبيرة.
- تصميم تقليدى ليس جديد.
- يجب الاستغناء عن الشريحة الثانية للاستخدام كارت الذاكرة الخارجي.
- بروز الكاميرا لا يزال موجود و لكنه أقل من المعتاد.
- سخونة خفيفة الهاتف فى الألعاب.
- الاشعارات لا تظهر بجانب النوتش و لمبة اشعارات بلون واحد فقط.
التصميم :-
Samsung Galaxy A7 2018 متوفر بألوان الأسود و الأزرق و بأبعاد 159.8*76.8*7.5 ملم مع وزن 168 جرام مع تصميم جميل و شيك الهاتف مصنوع من الزجاج مع اطار بلاستيكي و وزنه خفيف و مريح في الاستخدام.
Xiaomi Note 6 Pro متوفر بألوان الأسود و الأزرق و الذهبي الوردي و بأبعاد 157.9×76.4 x8.2 ملم و وزن 182 جرام مصنوع من المعدن الخفيف مع اطار بلاستيكي قوى و التصميم يعتبر المعتاد من شاومي مع انحنائات فى الظهر بتسهل حمله و استخدامه.
الأفضلية هنا ترجع لذوق كل واحد و ذوق موبيزل هنا أن السامسونج احلي في التصميم.
الشاشة :-
بالنسبة لهاتف Samsung Galaxy A7 2018 تأتي الشاشة بحجم 6 بوصة من نوع Super amoled بدقة Full HD plus بجودة 1080*2220 بيكسل مع كثافة بيكسلات 411 بيكسل لكل بوصة و تستهلك 74.4% من حجم الهاتف و تأتي بأبعاد 18.5:9 و تدعم طبقة حماية من جوريلا جلاس 3 و كمان الشركة مركبة اسكرينة للحماية علي الهاتف و الإصدار و تدعم خاصية Always on display و خبر حلو للناس اللي مش بتحب النوتش هنا مفيش نوتش، حواف الشاشة غير منحنية و تعتبر كبيرة بعض الشيء.
أما عن Xiaomi Note 6 Pro تأتى بحجم 6.26 بوصة IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة و أبعاد 19:9 تفوقت بطبقة حماية من Corning gorilla glass و لكن غير محدد اصدارها و تمثل الشاشة 81.1% من حجم الشاشة و تأتى الشاشة بنوتش كبير يمكن اخفائه من الاعدادات.
هنا تتفوق السوبر أمولد الخاصة بالسامسونج بالرغم من أن الحواف أكبر شوية .
الأداء :-
بالنسبة لنتائج الهواتف في اختبار Antutu سجل هاتف Samsung Galaxy A7 2018 عدد 122000 نقطة بمعالج Exynos 7885 octa 14 نانوميتر .
أما ال Xiaomi Note 6 Pro بيسجل 115027 نقطة بمعالج Qualcomm Snapdragon 636 تكنولوجيا 14 نانوميتر.
بعيدا عن الارقام بعد تجربة الاتنين سوا الأداء الفعلي متقارب جدا في فتح التطبيقات و التنقل بينهم حتي في الألعاب الثقيلة زي Pubg الاتنين الأداء كان واحد و اللي هو جيد جدا بس ال A7 كانت السخونة فيه أعلي و استهلاك اكثر للبطارية .
الكاميرا الخلفية :-
هاتف Samsung Galaxy A7 2018 يأتي بكاميرا خلفية ثلاثية بجودة 24+8+5 بفتحة عدسة f/1.7 و f/2.4 و f/2.2 بنفس الترتيب مع فلاش أحادي LED و خاصية الضبط التلقائي المزدوج PDAF و تصوير فيديو بجودة 1080 بيكسل مع 30 لقطة في الثانية و يدعم وجود مثبت الكتروني gyro EIS .
مش معني انهم 3 كاميرات دا معناه انهم افضل حاجة ببساطة وظيفة الثلاثة ايه؟ الأولي الكاميرا الرئيسيه و الثانية بتصور كادر أوسع و الثالثة علشان العزل.
الكاميرا تدعم التنقل بين العدسة الأولي و الثانية الأوسع و فيها وضع التجميل Beauty mode و فيها وضع التعرف علي المشهد علشان يظبط الألوان مع وجود emoji بالنسبة للجودة الكاميرا الرئيسية بتطلع صور ممتازة في الإضاءة النهارية و بالليل مقبولة اما العدسة الواسعة جيدة في إضاءة النهار و في إضاءة الليل غير عملية لان فتحة العدسة ضيقة.
أما عن هاتف Xiaomi Note 6 Pro يأتى بكاميرا خلفية مزدوجة بجودة 12+5 ميجا بيكسل مع فتحة عدسة F/1.9 و F/2.0 مع خاصية الضبط التلقائي المزدوج PDAF و فلاش ثنائي Dual LED مع تصوير فيديو بجودة 1080 بيكسل مع 30 لقطة فى الثانية كما أنها تدعم الذكاء الاصطناعى و يمكنك التحكم به .
كاميرا السيلفي :-
هاتف Samsung Galaxy A7 2018 تأتي بجودة 24 ميجا بيكسل مع فتحة عدسة f/2.0 مع تصوير فيديو بجودة 1080 بيكسل مع 30 لقطة في الثانية و التصوير بتقنية HDR و فيها فلاش أحادي LED و خاصية العزل عن طريق السوفت وير و كمان فيه Emoji تقدم جودة ممتازة في جميع الإضاءات بس لازم تثبت ايدك كويس و انت بتصور بوضع العزل علشان الصورة متكونش مهزوزة.
أما عن هاتف Xiaomi Note 6 Pro يأتى بكاميرا سيلفي مزدوجة 20+2 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع 30 لقطة فى الثانية و تتميز بجودة عالية و Portrait ممتاز فى الصور.
البطارية :-
هاتف Samsung Galaxy A7 2018 تأتي بسعة 3300 مللي أمبير و لا تدعم تقنية الشحن السريع و استهلكت ساعتين و خمس دقائق علشان تشحن من 20% الي 100% و يعتبر وقت كبير بالنسبة لحجم البطارية و مع التجربة الفعلية صمدت البطارية لمدة 5 ساعات ونصف screen on .
أما عن هاتف Xiaomi Note 6 Pro البطارية تأتى بسعة 4000 مللي أمبير و لا يدعم الشحن السريع و تصمد لمدة 7 ساعات Screen on على WiFi و Mobile Data و تستهلك حوالى ساعتين و ثلث ليكتمل شحنها الى 100%.
طبعا هنا تتفوق بطارية Note 6 Pro.
الذاكرة الداخلية و العشوائية :-
هاتف Samsung Galaxy A7 2018 يأتي باصدار واحد في مصر حيث 128 جيجا بايت مع 4 جيجا بايت رام و يمكنك زيادة المساحة الداخلية للهاتف عن طريق إضافة كارت ذاكرة خارجي يصل حتي 512 جيجا بايت في منفذ منفصل عن شريحتين الاتصال.
أما بالنسبة لهاتف Xiaomi Note 6 Pro نستخين الأولى 32 جيجا بايت مع 3 جيجا بايت رام أو 64 جيجا بايت مع 4 بايت رام ذاكرة عشوائية و يمكنك اضافة كارت ذاكرة يصل الى 256 جيجا بايت مع الاستغناء عن الشريحة الثانية.
حماية الخصوصية و أمان الهاتف :-
كلاهما يدعم مستشعر بصمة الاصبع و خاصية التعرف على الوجه و لكن يجب تغيير البلد الي الهند في هاتف Xiaomi Note 6 Pro لتعمل خاصية قفل الوجه و مش بتفتح و العين مغمضة.
أما بالنسبة ل A7 البصمة مدمجة بزر التشغيل علي الجانب الأيمن و مش سريعة اوي فيها بطئ بسيط و ممكن تستخدمها علشان تنزل بيها لوحة الاشعارات اما خاصية التعرف علي الوجه سرعتها جيدة و بتشتغل حتي في الإضاءة الضعيفة لكنها بتفتح حتي و العين مغمضة علشان كده بلاش تستعملها لانها مش أمان.
هنا تفوق ال Note 6 Pro لان البصمة أسرع بفرق ملحوظ و كمان قفل الوجه أكثر دقة.
الصوت :-
الاتنين فيهم ميكروفون اضافي لإزالة الضوضاء، بالنسبة لصوت السماعة الخارجية تقريبا واحد في الاتنين و صوت سماعة المكالمات متقارب بس السامسونج تفوقت بفرق بسيط.
يتميز Samsung A7 بتقنية Dolby Atmos فى سماعات الأذن فقط.
خواص اخري :-
الاتنين فيهم Wi-Fi ac و بلوتوث 5.0 و GPS مع دعم خواص A-GPS, GLONASS, BDS .
و الاتنين فيهم الجيروسكوب يعني تقدر تستخدم نظارات الواقع الافتراضي VR و تشوف فيديوهات 360 درجة.
أما لمبة الاشعارات موجودة في Note 6 Pro بلون واحد و هو الأبيض و مفيش اشعارات بتظهر جانب النوتش لذا يجب سحب لوحة الاشعارات لرؤيتها أما ال Samsung A7 مفيش لمبة اشعارات بس موجود خاصية Always on display و دي بتظهرلك الساعة والتاريخ و اخر الاشعارات علي الشاشة و الاشعارات لتظهر فوق عادي لان مفيش نوتش اصلا.
بالنسبة للتعامل مع الشبكة الاتنين مش كويسين اوي و لكن تفوق الشاومي بفرق بسيط.
الاتنين فيهم مدخل سماعات 3.5 ملم بس ال Note 6 Pro مش بيجي معاه فى العلبة سماعات أذن.
Xiaomi Note 6 Pro يتفوق بدعم مستشعر IR و اللى يخليك تقدر تتحكم بالأجهزة المنزلية كانه ريموت كنترول .
محتويات صندوق الهاتف :-
هاتف Samsung Galaxy A7 2018 الهاتف و سماعات الأذن و الشاحن و كابل الشحن و جراب شفاف و دبوس معدنى لفتح درج الشريحة.
أما بالنسبة ل Xiaomi Note 6 Pro الهاتف و كابل الشحن و الشاحن و جراب شفاف سيلكون و دبوس معدنى لفتح درج الشريحة.
طب رايك يا موبيزل اشتري مين فيهم؟
الفرق في السعر كبير حوالي 2000 جنيه و المقارنة هنا مش معمولة علشان نقول مين احسن فيهم لكن علشان نشوف الأداء الفعلي
لسامسونج A7 الجديد صاحب الشاشة الأفضل والخامات المحترمة وخدمات ما بعد البيع المميزة , اما بالنسبة لنوت 6 فهو بالتأكيد هاتف ممتاز لانه حقيقي قدر ينافس مع موبايل أغلى منه بألفين جنية !
سعر الموبايلات :-
هاتف Samsung Galaxy A7 2018
بالسوق المصري 5888 جنيه مصري للنسخة 128 جيجا بايت +4 جيجا بايت رام.
بالسوق السعودي 1139 ريال سعودي للنسخة 128 جيجا بايت +4 جيجا بايت رام.
هاتف Xiaomi Note 6 Pro
بالسوق المصري
3700 جنيه مصري للنسخة 32 جيجا بايت+ 3جيجا بايت رام.
4250 جنيه مصري للنسخة 64 جيجا بايت +4 جيجا بايت رام.
بالسوق السعودي
850 ريال سعودى للنسخة 32 جيجا بايت+ 3جيجا بايت رام.
910 ريال سعودي للنسخة 64 جيجا بايت +4 جيجا بايت رام.
Comments