أخر أخبار سوق الموبايلات المصرية – Mate 20 من هواوي و A9 2018 من سامسونج !

في المقالة ديه هنعمل نشرة سريعة لأحدث أخبار الموبايلات في الاسواق المصرية والعربية وكمان العالمية وكمان هنعرض عليكم الموبايلات الي اسعارها اتغير في الفترة الاخيرة , خليك دايما متابع موبيزل وهتعرف الجديد بدون حشو وباختصار .

في السوق المصري وصل موبايلين جداد وهما Samsung A9 2018 و Huawei Mate 20 , هنعرض عليكم اهم مواصفاتهم واسعارهم وموقفهم ايه في السوق المصري !


موبايل A9 2018 :-

  • تصميم زجاجي قوي من سامسونج .
  • شاشة سوبر امولد بقياس 6.3 بدون نوتش مع دقة FHD+ .
  • بطارية كبيرة 3800 مللي أمبير مع شحن سريع عن طريق USB Type C .
  • معالج سناب دراجون 660 المميز الموجود في هواتف أقل في السعر مثل Xiaomi Mi 8 Lite .
  • يأتي بأندرويد أوريو 8.0 مع واجهة سامسونج .
  • كاميرا امامية 24 ميجا بيكسل فتحة عدسة f/2.0 نفس الموجودة في A7 2018 .
  • كاميرا خلفية رباعية 24+8+10+5 ميجا بيكسل بفتحات عدسة مختلفة اهما الفتحة للعدسة الرئيسية   f/1.7 مع دعم تصوير فيديوهات 4k .
  • مساحة 128 جيجا مع 6 جيجا رام .
  • بالطبع يدعم جميع المستشعرات مثل البصمة و الجيروسكوب والبوصلة كما يدعم Face Unlock .
  • السعر للأسف 10 الاف جنية وهو مبلغ كبير جدا ف وجه نظرنا بسبب ان المعالج الموجود بالهاتف موجود في هواتف أقل بالسعر بكتير وكمان تجربة الكاميرات مش هتكون الأفضل , أعتقد كاميرا زي النوت 8 الي بنفس السعر هتكون أفضل بعيدا عن تجربة الزوم أو التصوير الواسع المميز في A9 2018 .

موبايل Mate 20 :-

  • تصميم زجاجي مميز من هواوي .
  • شاشة IPS LCD بقياس 6.5 بوصة مع نوتش صغير جدا و دقة FHD+ مع وجود حماية جوريلا ولكن غير معروف نوعها .
  • بطارية عملاقة 4000 مللي أمبير مع شحن سريع ومدخل Type C .
  • معالج هواوي الجديد Kirin 980 وهو أفضل معالج قدمته هواوي حتى الأن بتكنولوجيا 7 نانو .
  • أندرويد 9.0 الجديد مع واجهة هواوي الجديدة EMUI 9.0 .
  • سماعات الهاتف ستريو مميزة .
  • كاميرا امامية 24 ميجا بيكسل فتحة عدسة f/2.0 .
  • كاميرا خلفية ثلاثية 12+16+8 ميجا بيكسل بفتحة عدسة رئيسية f/1.8 مع تصوير فيديوهات بجودة 4k .
  • مساحة 128 جيجا مع 6 جيجا رام .
  • الهاتف مقاوم لطرطشة الماء بشهادة IP53 .
  • يدعم جميع المستشعرات مثل البصمة و الجيروسكوب والبوصلة كما يدعم Face Unlock .
  • السعر 12400 جنية فقط وهو سعر ممتاز بالنسبة لتواجد معالج جبار في هذا الهاتف المميز من هواوي واعتقد انه سيحقق نجاح كبير في فئة الموبايلات تحت سعر 15 الف جنية .
  • ولسه مفيش اخبار عن تواجد Mate 20 Lite او Mate 20 Pro .

تغيير في اسعار الموبايلات في مصر :-

فبرغم ارتفاع سعر الدولار الجمركي الا ان هواوي فاجئتنا ورخصت سعر موبايل Huawei Nova 3i الي 4888 جنية وهتلاقيه في المحلات بالسعر ده او أغلى حاجه بسيطة .

والكلام ده علشان الموبايل أكيد مبيعاته قلت بسبب موبايل Honor 8x الي بيقدم مواصفات قريبة ويمكن احسن في بعض المميزات مع سعر 4888 جنية , وكمان هونر نزلت نسخة 64 جيجا مع من موبايلها المميز Honor 8x بسعر 4444 جنية ولكن الموبايل متوفر للبيع أونلاين بس !

ردت شاومي بتخفيض أسعار موبايلات , الشاومي نوت 6 برو النسخة 32 جيجا سعره 3500 جنية وال 64 جيجا سعره 4000 جنية علشان تقدر تستحوذ على مبيعات الفئة تحت 4000 جنية .

بالنسبة لشركة اوبو فسعر موبايل Oppo F9 حوالي 5200 جنية دلوقتي ومتوقع ينزل لحوالي 4900 جنية علشان يقدر ينافس هو كمان واحتمال اوبو تنزل موبايلها الجديد Oppo K1 برغم انه موجه للسوق الصيني وكمان كام يوم هنعرف صحة المعلومة .

طبعا شركة ريلمي التابعة لاوبو لما تنزل موبايلاتها في مصر زي ريلمي 2 برو و Realme U1 هتعمل ضجة كبيرة في السوق لو عملت تسعير صح والله اعلم ممكن الموبايلات ترخص تاني ولا .

الموبايلات المضمون انها تحافظ على سعرها حاليا بسعر اكتر من 5000 جنية هما Honor Play لان ملوش منافس بسعره و Xiaomi Poco F1 لانه بردة ملوش منافس .

والموبايلات الأقل من 5000 جنية هما Honor 8x و Xiaomi Mi 8 Lite معتقدش بردة أسعارها هتقل حاليا .


اما بقا بالنسبة لسوق الموبايلات العالمي , فنوكيا فاجئنا بالاعلان في دبي عن موبايل Nokia 8.1 او زي ما كانوا بيقولوا عليه Nokia X7 والي تقدر تقوم عليه كوالتي وخامات محترمة بس سعر غريب جدا وسياسة تسعير غالية شبه سياسة سامسونج .

مواصفات نوكيا 8.1 :-
  • معالج سناب دراجون 710 .
  • خامات تصنيع من الزجاج المتين
  • شاشة 6.18 بوصة بها نوتش مع دقة FHD+ ونوع IPS LCD .
  • مساحة 64 جيجا مع 4 جيجا رام .
  • كاميرا خلفية 12+13 ميجا بيكسل فتحة عدسة رئيسية f/1.8 مع نفس مستشعر كاميرا هاتف Xiaomi Mi 8 lite .
  • كاميرا امامية 20 ميجا بيكسل فتحة عدسة f/2.0 .
  • أندرويد خام نسخة 9.0 .
  • مدخل السماعات الـ3.5 مم موجود .
  • بطارية 3500 مللي أمبير مع شحن سريع Type C .
  • سعره في الامارات 1500 درهم وسعره المتوقع في مصر من 7 لـ 8 الاف جنية وبالسعر ده مش هيبقا ليه نصيب في المبيعات لان فعلا مواصفات وامكانيات الموبايل متستاهلش كل المبلغ ده !

وفي الكام يوم الجايين , هتنزل موضة جديدة في الموبايلات وهي موضة الشاشة الي بخرم علشان يبقا فيه الكاميرا السيلفي والشاشة تبقا كاملة بدون نوتش او حواف من فوق , والموضة ديه هنشوفها في موبايل Huawei Nova 4 و موبايل Samsung A8s الي هيتم الاعلان عنهم في الشهر ده ان شاء الله .

 

قد يعجبك أيضا...

Comments

Loading...