افضل الموبايلات في السوق تحت سعر 6000 جنية

موبايلات كتيرة نزلت السوق المصري الفترة الأخيرة غيرت معالم ترشيحاتنا للموبايلات في كل الفئات واحنا ف موبيزل هنعمل ترشيحات جديدة كل الفئات السعرية للموبايلات , وهنبتدي النهاردة بافضل الموبايلات تحت سعر 6000 جنية الي فيها مفاجئة كبيرة جدا وتغير كامل عن الترشيحات السابقة الي كانت من 3 شهور بس !

نحب نفكرك انك لو عاوز تشتري الموبايل ممكن تشتريه من المحلات المعتمده او الموزعين في منطقتك وكل الي عليك انك تبقا عارف رنج سعر الموبايل كام لان بيبقا في اختلافات بسيطة من منطقة لاخرى ومن محل للثاني وانت وشطارتك في انك تلاقي افضل سعر للموبايل .

من غير ما نطول عليكوا في المقدمة ندخل في الموضوع علاطول ونبتدي مع افضل الموبايلات الجديدة في السوق المصري بسعر 6000 جنية او أقل .

تصفح المقالة الأحدث بالاسعار الجديدة : افضل الموبايلات بسعر 6000 جنية في مصر

1- Oppo F7 :-

موبايل اوبو الجديد Oppo F7 يدخل قلبك من اول ما تشوفه , اللون الاحمر فيه رائع مع تصميم جديد ومميز بس للاسف من البولي كربونيت ( بلاستيك ) بس قوي وبيستحمل عادي .

مواصفات الموبايل :-

  • شاشة كبيرة 6.23 بوصة IPS بابعاد 19:9 بحواف قليلة جدا مع طبقة حماية Corning Gorilla Glass 5 للحماية من الخدش والصدمات الخفيفة مع دقة Full HD+ وكثافة بيسكلات 405 بيسكل لكل بوصة وفي اعلى الشاشة Notch موجود فيها سماعة المكالمات والكاميرا الامامية وحساس الاضاءة ومفيش Led Notification .
  • معالج جديد قوي من ميدياتيك باسم Helio P60 بمعمارية 12 نانو موفرة جدا في استهلاك البطارية مع اداء ممتازة للمعالج .
  • واجهة تشغيل جديدة ColorOS 5.0 مع نظام اوريو 8.1 .
  • يدعم بصمة فائقة السرعة في ظهر الموبايل .
  • كاميرا خلفية 16 ميجا بيكسل بفتحة عدسة f/1.8 تدعم العزل عن طريق السوفت وير .
  • كاميرا امامية 25 ميجا بيكسل بفتحة عدسة f/2.0 تدعم العزل وفيها ذكاء اصطناعي للحصول على افضل صورة وافضل اضاءة والوان وطبعا بيدعم خاصية face unlock .
  • بطارية 3400 مللي أمبير بتشحن شحن عادي مش سريع microUSB 2.0 وادائها ممتاز علشان زي ما قولنا المعالج موفر جدا في الاستهلاك .
  • في نسختين من الموبايل نسخة 64 جيجا مع 4 جيجا رام بسعر من 5700 ل 6000 جنية ونسخة اعلى بمساحة 128 جيجا مع 6 جيجا رام سعرها حوالي 7600 جنية .

ليه تشتري الاوبو F7 ؟

  • لو بتحب تتصور سيلفي كتير هو هيبقا احسن حاجه ليك .
  • لو حابب تصميم شيك وجميل جدا .
  • لو يهمك قطع الغيار وسعر اعادة البيع واكسسوارات الموبايل , الاوبو منتشر بقوة .
  • لو عاوز موبايل الشريحتين الي فيه بيشتغلوا مع بعض 4G وكمان فيه مكان تالت لكارت الذاكرة .

2 – Xiaomi Redmi Note 5 – 64 gb :-

بعد ما شاومي اعلنت عن اسعار موبايل Xiaomi Redmi Note 5 الجديد بالامكانيات الجبارة والكاميرا الي اتحسنت كتير بقا صعب منقارنش الموبايل بموبايلات اعلى منه ف السعر بالفين جنية على الاقل , فعلا شاومي عاوزه تقتل السوق وتحسم صراع المبيعات في الفئة ديه على الاقل مبيعات الاونلاين لصالحها .

مواصفات الموبايل :-

  • شاشة 5.99 بوصة IPS بابعاد 18:9 مع اطراف كبيرة شوية بس مقبولة مع دقة Full HD+ وكثافة بيكسلات 403 بيكسل لكل بوصة مع حماية على الشاشة Corning Gorilla Glass .
  • معالج قوي جدا Snapdragon 636 بمعمارية 14 نانو والاداء بتاعه افضل 40% من سناب 625 .
  • واجهة تشغيل MIUI 9.5 مع اندرويد اوريو 8.1 .
  • يدعم بصمة سريعة في ظهر الهاتف .
  • كاميرا خلفية مزدوجة 12+5 ميجا بيكسل تدعم الذكاء الاصطناعي والمستشعرات من صناعة سامسونج بفتحة عدسة واسعة f/1.9 والسوفت وير بيساعد الكاميرا في انها تطلع صور ممتازة حتى في الاضاءة الضعيفة وطبعا بتدعم العزل والبورتريه .
  • كاميرا امامية 13 ميجا بيكسل بفتحة عدسة f/2.0 بتدعم العزل والبورتريه عن طريق السوفت وير وفعلا اداء الكاميرا الامامية ممتاز بالنسبة للارقام بتاعتها بس لسه مفيش دعم في السوفت وير لخاصية Face unlock .
  • بطارية جبارة 4000 مللي أمبير ممكن تقعد معاك لحد 9 ساعات شاشة مفتوحة ويوم كامل من الاستهلاك الشاق وهي بتشحن في حوالي ساعتين ونصف علشان هي شحن عادي عن طريق microUSB 2.0 .
  • سعر النسخة ال 64 جيجا مع 4 جيجا رام هو 4222 جنية فقط وهيتوفر من يوم 13 مايو .

ليه تشتري الريدمي نوت 5 ؟

  • لو حابب توفر من الف ل الفين جنية وتشتري موبايل ينافس الموبايلات الي ب 6000 جنية بس ب 4222 جنية بس .
  • لو استهلاكك كبير في البطارية يبقا الشاومي افضل اختيار ليك .
  • احسن كاميرا خلفية بدون منازع في الفئة ديه .
  • لو بتلعب العاب تقيلة فالمعالج الي في شاومي نوت 5 يقدر يشغل معاك اي حاجه بدون اي مشاكل او تهنيج .
  • هيشغل شريحتين اتصال ع 4G مع بعض بس لو هتركب كارت ذاكرة هيركب مكان الشريحة الثانية .

3- Huawei P20 Lite :-

هواوي مش هتقدر تسيب الفئة ديه ونازله بموبايل جديد P20 Lite بتصميم جديد وعصري علشان تقدر تستحوذ على المبيعات في الفئة ديه بس للاسف احنا مش شايفين ان مواصفات البي 20 لايت تقدر تنافس بقوة بس الموبايل كتصميم وشاشة جديدة واستخدام في الايد ممتاز .

مواصفات الموبايل :-

  • شاشة 5.84 بوصة IPS بابعاد 19:9 مع اطراف قليلة جدا بدقة Full HD+ مع كثافة بيكسلات 432 بيكسل لكل بوصة ومفيش حماية على الشاشة .
  • معالج هواوي القديم اوي بالاداء المتوسط Kirin 659 مش عارف ليه هواوي محطتش معالج افضل شوية في الموبايل ده .
  • واجهة تشغيل EMUI 8.0 مع اوريو 8.0 .
  • يدعم بصمة سريعة في ظهر الهاتف .
  • كاميرا خلفية مزدوجة 16+2 ميجا بيكسل بفتحة عدسة f/2.2 ضيقة شوية يا هواوي التصوير بليل هيكون مش كويس , بتدعم العزل والبورتريه .
  • كاميرا امامية 16 ميجا بيكسل بفتحة عدسة f/2.0 فيها عزل عن طريق السوفت وير وبتدعم خاصية face unlock .
  • بطارية هواوي العادية 3000 مللي أمبير بس بتشحن عن طريق USB Type-C شحن سريع وديه اكبر ميزة في الموبايل ده .
  • سعر النسخة 64 جيجا مع 4 جيجا رام هو 5500 جنية .

ليه تشتري البي 20 لايت ؟

  • الموبايل في الايد افضل مسكه لانه اقل ابعاد مع شاشة بحواف قليلة اوي ده غير تصميمه الممتاز ولونه الازرق الروعة .
  • الموبايل خفيف جدا فهو اخف وزن حوالي 145 جرام تصميمه زجاج من الامام والخلف مع اطار معدني .
  • الموبايل الوحيد الي فيه USB Type-C وشحن سريع محترم .
  • انتشار هواوي قوي جدا وبراند هواوي محبوب لناس كتير لو انت منهم فالموبايل اكيد هيبقا اختيارك الاول بس خلي بالك كارت الذاكرة بيركب مكان الشريحة الثانية وملوش مكان مخصص .

في موبايلات كتير في السوق في نفس رنج الاسعار ديه بس حبينا نخلي الاختيار محدود بين اجدد وافضل 3 موبايلات والي انت ضامن وانت بتشتريهم مش هينزل احدث منهم دلوقتي .

ممكن تعتبر المقالة ديه مقارنة بين Oppo F7 مع P20 Lite مع Xiaomi Redmi Note 5 و تحديد نقاط الافضلية في كل موبايل وفي النهاية انت الي بتحدد استخدامك للموبايل وبناءا عليه هتقدر تختار الموبايل الي يناسبك .

قد يعجبك أيضا...

Comments

Loading...