المنافسة بين ماركات الموبايلات فى السوق المصري الفترة الاخيرة ولعت , كل شركة بتحاول تقدم أكبر امكانيات ممكنة بأفضل و أقل سعر ممكن, الفترة اللى فاتت فى هواتف كتيرة نزلت السوق و بقينا بنشوف هاتف كل يوم تقريبا فى كل الفئات من أول بداية الفئة الاقتصادية و لحد أعلى هواتف الفلاج شيب, أيوه يعنى احنا نعمل ايه؟
المراجعة دى موبيزل بتقدملك مقارنة بين أفضل 3 هواتف فى الفئة المتوسطة اللى بقت مشتعلة من كثرة الهواتف المنافسة فيها و هنتكلم عن Oppo F9 و Huawei Nova 3i و Samsung Galaxy A6+ علشان نساعدك فى اتخاذ قرارك و خلونا نبدأ بمميزات و عيوب كل موبايل منهم و بعدين نشوف مين الأفضل فى كل نقطة فى الهاتف.
وقبل ما نبتدى المقالة حابين نوضح ان في موبايلات بمعالجات قوية في الفئة المتوسطة زي Honor Play و Xiaomi Poco F1 وجه نظرنا ان الموبايلات ديه افضل من الاف 9 والنوفا والسامسونج في الاداء والبطارية بشكل كبير ولو انت بتحب تلعب العاب يبقا الافضل انك تختار واحد من الهونر بلاي او شاومي بوكوفون وتدخل على المقالة ديه , مقارنة Honor Play مع Xiaomi Poco F1 .
هاتف OPPO F9 :-
أحدث هواتف أوبو OPPO بعد أخوه هاتف OPPO F7 و يعتبر F9 تطور و تحديث لأخوه الأصغر و تكملة فى سلسة أوبو لخبراء السيلفي Selfie expert.
مميزات :
- تصميم جميل بألوان المميزة للهاتف.
- شاشة تتمتع بطبقة حماية من corning gorilla glass 5 للحماية من الخدوش.
- أصغر و أجمل نوتش Notch على شكل قطرة ماء صغيرة مع حجم الشاشة الكبيرة و الحواف القليلة تقدم أوبو شاشة متميزة.
- مستشعر بصمة الاصبع يقدم أداء سريع و مميز.
- امكانية اضافة كارت ذاكرة خارجي فى منفذ منفصل عن شريحتين الاتصال.
- معالج الهاتف جيد جدا و يوفر فى استهلاك البطارية.
- أداء مميز للبطارية مع شحن سريع جدا.
- كاميرا الهاتف السيلفي و الخلفية كلاهما يقدم أداء مميز.
- خاصية استخدام نستخين من أى تطبيق Dual apps.
عيوب :
- عدم وجود لمبة اشعارات.
- سهولة خدش ظهر الهاتف مع الوقت حتى مع تركيب جراب للهاتف.
- كاميرا الهاتف الخلفية لا يمكنها التصوير بجودة 4K.
- مدخل ال USB ليس من نوع Type C.
- ظهر الهاتف سريع الاتساخ ببصمات الاصابع.
- سماعة الهاتف الخارجية موجودة بأسفل الهاتف على اليسار مما يتسبب بكتم الصوت أثناء استخدام الهاتف بشكل أفقي.
هاتف Samsung A6 Plus :-
واحد من هواتف سامسونج المميزة متميز بخامات ممتازة و كاميرا رائعة تعطي تفاصيل حقيقية مع شاشة سوبر اموليد .
مميزات :-
- يمكنك الهاتف من تركيب كارت ذاكرة خارجي فى منفذ منفصل مع الاحتفاظ بشريحتين الاتصال .
- الموبايل مصنوع من معدن قوي و خامات تصنيع مميزة .
- متوفر بالهاتف دعم الجيروسكوب و NFC .
- متوفر بالهاتف أدوات لحماية الخصوصة مثل مستشعر بصمة الاصبع و خاصية التعرف على الوجه .
- شاشة سوبر أمولد المتميزة كعادة سامسونج .
- كاميرا الهاتف الخلفية و الأمامية تقدم أداء مميز .
- مكان السماعات الخارجية مميز في جانب الهاتف .
عيوب :
- معالج ذو أداء ضعيف لأنه معالج اقتصادي و لا يجب أن يكون فى هاتف بالفئة المتوسطة .
- لا يدعم الهاتف USB Type C و يأتى بمدخل micro USB 2.0.
- الحواف حول الشاشة كان يمكن استخدامها بشكل أفضل .
- بصمة الهاتف بطيئة نوعا ما .
- بطارية الهاتف لا تدعم تقنية الشحن السريع .
- الهاتف لا يدعم طبقة حماية ضد الخدوش و الصدمات .
- لا يوجد لمبة اشعارات.
هاتف Huawei Nova 3i :-
هاتف سيلفي النجوم اللى مصر كلها اتكلمت عليه بسبب اعلانه و اخد شهرة واسعة بين الناس و فى الحقيقة الهاتف يستحق الانتباه خصوصا بسبب جمال شكله.
مميزات :
- يدعم الهاتف تقنية GPU Turbo لأداء أعلى فى الألعاب.
- الهاتف متوفر باصدار 128 جيجا بايت ذاكرة داخلية.
- تصميم مميز و جميل.
- معالج قوى بأداء متميز مع توفير فى استهلاك الطاقة.
- كاميرا الهاتف الخلفية و السيلفي يقدموا أداء متميز.
عيوب :
- يجب الاستغناء عن الشريحة الثانية لاستخدام كارت الذاكرة الخارجي.
- كاميرا الهاتف الخلفية لا تدعم التصوير بجودة 4K.
- بطارية الهاتف لا تدعم تقنية الشحن السريع.
- لا يدعم منفذ USB Type C.
- الهاتف مصنوع من الزجاج و لايدعم طبقة حماية من الخدوش و الصدمات و كذلك الشاشة.
طب تعالوا نتكلم بالتفصيل شوية عن أهم نقاط المنافسة بين الثلاث هواتف و نشوف مين أحسن فيهم فى كل نقطة.
الكاميرا :-
نتكلم عن الكاميرا الأساسية بالنسبة لهاتف OPPO F9 الكاميرا الخلفية مزدوجة بجودة 16+2 ميجا بيكسل مع فتحة عدسة F/1.8 و F/2.4 مع فلاش LED و تصوير فيديو بجودة 1080 بيكسل تدعم العزل مع وجود stickers لطيفة و ايضا امكانية التصوير Slow motion و تقدم أداء مميز و جميل و لكن مع ألوان مشبعة قليلا.
أما بالنسبة لهاتف Samsung Galaxy A6 Plus مزدوجة بجودة 16 ميجا بيكسل مع فتحة عدسة f/1.7 مع PDAF الضبط التلقائي للصور +5 ميجا بيكسل مع فتحة عدسة f/1.9 مع فلاش أحادى LED و تصوير فيديو بجودة 1080 بيكسل و تقدم أداء مميز جدا.
أما عن هاتف Nova 3i كاميرا مزدوجة 24+2 ميجا بيكسل مع فتحة عدسة f/2.0 و تصوير فيديو بجودة 1080 بيكسل.
يفتقر الثلاث الهواتف الى وجود مثبت بصري و تصوير الفيديو بجودة 4K.
وبشكل نهائي تتفوق كاميرا موبايل نوفا 3i الخلفية .
نيجي بقي للكاميرا السيلفي :
بالنسبة لهاتف OPPO F9 بجودة 25 ميجا بيكسل مع فتحة عدسة f/2.0 وتصوير فيديو بجودة 1080 بيكسل تدعم العزل عن طريق السوفت وير مع أداء ممتاز خاصة فى الاضاءة العالية.
بالنسبة لهاتف Samsung Galaxy A6 Plus بجودة 24 ميجا بيكسل مع فتحة عدسة f/1.9 مع تصوير فيديو بجودة 1080 بيكسل كما تدعم وجود فلاش أمامي LED بفضل العدسة الواسعة تعطى صور بأعلى جودة ممكنة و تفاصيل واضحة.
أما عن هاتف Nova 3i بجودة 24+2 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع دعم خاصية العزل و تقدم اداء مميز جدا.
تتفوق كاميرا OPPO F9 في التصوير السيلفي !
البطارية :-
لو هنقارن من حيث السعة و screen on time فا عندنا OPPO F9 ببطارية 3500 مللي أمبير تصمد لمدة 8 ساعات وقت عمل الشاشة و Samsung A6 Plus بطارية 3500 مللي أمبير تصمد 7 ساعات وقت عمل الشاشة و Nova 3i بطارية 3340 مللي أمبير و تصمد لمدة 6 ساعات ونصف أما لو هنقارن بوقت الشحن , يتفوق هنا OPPO F9 بساعة و نص لاكتمال الشحن الى 100% حيث انه يدعم تقنية الشحن السريع VOOC Charge و بعده النوفا و الA6+ ساعتين و ربع زمن الشحن و الاتنين مش بيدعموا تقنية الشحن السريع.
طب مين اللى هيكمل معاك اليوم كله ؟؟
كلهم هيكملوا معاك اليوم بشكل طبيعي ومش هتحتاج تعيد الشحن الا في حالة انك مش بتسيب الموبايل من ايديك !
فى النهاية يتفوق هنا فى البطارية OPPO F9 بسبب ميزة الشحن السريع !
الأداء :-
يتساوي OPPO F9 و NOVA 3i فى الأداء حيث يقدم كلاهما أداء مميز و جميل و سلس جدا استخدمت أوبو نفس معالج F7 و هو Mediatek MT 6771 helio P60 أما النوفا يأتى بمعالج Hisilicon kirin 710 الموفر في استهلاك الطاقة بشكل مميز و كلاهما يقدم أداء مميز فى الألعاب الثقيلة حتى فى أعلى جرافيك و لكن مستوي معالج الرسوميات فى أوبو متفوق قليلا على معالج رسوميات النوفا و تنقل سلس بين التطبيقات .
أما عن ال A6+ مشكلته ان المعالج اقتصادى فى هاتف بالفئة المتوسطة و هو Qualcomm snapdragon 450 علشان كده هو يعتبر أقل فى الأداء من المنافسين خصوصا فى الألعاب الثقيلة و الاستخدام الشاق محتاج استخدام خفيف ومع ذلك واجهة سامسونج الجديدة خفيفة جدا ومش هتحسسك ان اداء الموبايل الفعلي وحش بل بالعكس الاداء مقبول جدا بس بردة فكرة المعالج القديم الاقتصادي غير مقبولة في موبايل بالسعر ده !
يتفوق هنا فى الأداء الOPPO F9 و NOVA 3i.
الشاشة و الصوت :-
هاتف OPPO F9 شاشة بحجم 6.3 بوصة و نوتش صغيرة جدا و دقة Full HD+ 1080*2340 بيكسل مع حماية من جوريلا جلاس 5 و هى نقطة تفوق على المنافسين الاخرين و نسبة استحواذ تصل الى 90% و أبعاد 19.5:9 .
أما عن Samsung A6+ يتفوق بشاشة سوبر أمولد بحجم 6 بوصة مع جودة 1080*2220 بيكسل و دقة Full HD+مع 411 كثافة بيكسلات لا تدعم طبقة حماية مع نسبة استحواذ 75.3% و أبعاد 18.5:9 .
أما بالنسبة لهاتف Nova 3i بحجم 6.3 بوصة من نوع IPS LCD و 409 كثافة بيكسلات و دقة Full HD+ بجودة 1080*2340 بيكسل و لا تدعم طبقة حماية مع نسبة استحواذ 82.2% و أبعاد 19.5:9 .
الF9 يعتبر أكثر واحد الشاشة بتشكل أكبر مساحة ممكنة من حجم الهاتف تصل الى 90% أما بالنسبة للأداء فا الثلاثة ممتازين ألوان رائعة و سطوع جيد و أداء متميز و لكن تتفوق شاشة ال A6+فى كونها سوبر أمولد المعروف بأدائها الأفضل و يتساوي أداء شاشة ال OPPO F9 و ال NOVA 3i.
تتفوق هنا شاشة الA6+ من حيث الأداء و تتفوق شاشة ال OPPO F9 فى الحجم و الاستحواذ.
أما عن الصوت فى OPPO F9 أعلى شوية من الصوت فى NOVA 3i ويتساوي تقريبا مع A6+ .
التصميم :-
الOPPO F9 مصنوع من البلاستيك المقوي البولي كاربونيت مع ظهر بطلاء لامع يوحي بانه مصنوع من الزجاج بس مشكلته ان ظهر الهاتف بيتجرح بسهولة حتى مع وجود جراب بسبب ذرات التراب و مع ذلك تصميم الهاتف حلو جدا و شيك و خصوصا مع شكل النوتش الجديد أما بالنسبة للنوفا تصميم رائع و جميل جدا و مميز بشكل كبير بسبب انه مصنوع من الزجاج و ألوان الظهر بتختلف حسب الاضاءة أما عن A6+ بيتميز فى انه مصنوع من المعدن بالكامل مع تصميم فخم و جميل و بكده يتفوق فى خامات التصنيع.
التفوق فى التصميم أمر نسبي مختلف من شخص للتانى لو على جودة الخامات ال NOVA 3i و ال Samsung A6+ يتفوقوا على OPPO F9 لو على الشكل الأجمل بالنسبة لرأي الشخصي النوفا شكله أجمل.
مميزات أخري :-
الذاكرة الداخلية متفوقة فى النوفا بكون انها 128 جيجا بايت مع 4 جيجا بايت رام و دا بيعوض عدم وجود منفذ منفصل لكارت الذاكرة الخارجي.
يتفوق ال A6+فى دعمه لمستشعر النقل السريع NFC.
الثلاثة بيدعموا مستشعر بصمة الاصبع و التعرف على الوجه و لكن الA6+ مشكلته ان البصمة و بصمة الوجه بطئية شوية عن المنافسين فى حين ان فى OPPO F9 و Nova 3i يتميزوا بسرعة مذهلة و دقة متميزة و يتفوق المستشعر فى النوفا كونه متعدد الاستخدامات حيث سحب لوحة الاشعارات و التنقل بين الصور و التقاط الصور و ارد على المكالمات.
النوفا هو الوحيد الي فيه لمبة اشعارات بتنور لما يجيلك تنبيه على الموبايل !
سعر الموبايلات فى السوق :-
هاتف OPPO F9:
بالسوق المصري 5425 جنيه مصري نسخة 64 جيجا مع 4 جيجا رام.
بالسوق السعودى 1300 ريال سعودى لنفس النسخة .
هاتف Nova 3i:
بالسوق المصري 5599 جنيه مصري للنسخة 128 جيجا بايت مع 4 جيجا رام.
بالسوق السعودى 1289 ريال سعودى لنفس النسخة.
هاتف Samsung A6+:
بالسوق المصري 5500 جنية مصري نسخة 64 جيجا مع 4 جيجا رام.
بالسوق السعودى 1140 ريال سعودى لنفس النسخة.
التقييم النهائي :-
مش هنقدر نقلك تشتري ايه , كل شخص ليه متطلبات معينه في الموبايل الي هيشتريه واحنا دورنا في موبيزل نقلك نقط تفوق وضعف كل موبايل وزي ما قولنا في الاول الـ Honor Play والشاومي بوكوفون افضل من الموبايلات ديه بسبب المعالج ومدخل اليو اس بي الجديد مع العلم ان كاميرات البوكوفون كمان افضل من كل الموبايلات الي موجود في الفئة ديه بس مع تصميم مش شيك خالص !
و انت لازم تحدد الي هتحتاجه من الموبايل وافتكر دايما ان مفيش موبايل في الفئة المتوسطة متكامل ولازم تحدد اولوياتك وتختار !
و دخل المنافسة قريب موبايل جديد من هونر اسمه Honor 8X تقريبا بمواصفات قريبة جدا من نوفا 3i مع كاميرا سيلفي اقل وكاميرا خلفية اعلى وبسعر اقل واحنا قريب هنعمل مقارنة بينه وبين الموبايلات التانية .
Comments