موبايلات Oppo F9 و Nokia 6.1 Plus و موبايلات جديدة نزلت مصر – اعرف السعر والمواصفات

الموبايل الي معظم المصريين منتظرينه بشكل كبير جدا الفترة الأخيرة هو موبايل Oppo F9 في كلام كتير عنه هتعرفه لما تقرأ المقالة ديه على موبيزل وكمان في كام موبايل نزلوا مصر وكام موبايل تاني نازلين قريبن , اقرأ المقالة لأخرها واعرف جديد الموبايلات في مصر مع موبيزل .

 

موبايل Oppo F9 هيبقا احسن من Oppo F7 في كام نقطة وهما :-

  • شحن البطارية في زمن أقل لان الموبايل بيجي معاه شاحن VOOC من اوبو .
  • شكل النوتش الي في الشاشة اتغير وبقا أصغر على شكل قطرة ماء .
  • الكاميرا الخلفية بقت مزدوجة علشان تاخد عزل افضل .
  • التصميم اتغير وبقا أفضل من وجه نظرنا في موبيزل بس بردة من البولي كربونيت وبيتخدش بسرعة جدا ولازم تركب الجراب الي جاي معاه فورا .
  • الشاشة بقا عليها طبقة حماية جوريلا 6 وتقريبا ده من اوائل الموبايلات الي بتيجي بطبقة الحماية ديه .
بالنسبة لمواصفات وسعر اوبو F9 :-

  • معالج ميدياتيك P60 الي اثبت كفائه وتقريبا بيدي نفس اداء سناب 660 الي موجود في Mi A2 و كيرين 710 الي موجود في نوفا 3i .
  • مساحة 64 جيجا مع 4 جيجا رام أو 6 جيجا رام .
  • بطارية 3500 مللي أبير شحن سريع عن طريق microUSB v.2.0 .
  • شاشة 6.3 بوصة FHD+ من نوع IPS وفيها نوتش صغير اوي وكمان طبقة حماية جوريلا 3 ضد الخدش والكسر والموبايل كمان بيجيلي في العلبة ملزوق عليه لاصقة حماية للشاشة .
  • كاميرا امامية 25 ميجا بيكسل فتحة عدسة f/2.0 نفس الموجود في اوبو F7 بس اوبو بتقول انها طورت شوية في تشبع الألوان مش أكتر .
  • كاميرا خلفية 16 ميجا بيكسل فتحة عدسة f/1.8 مع واحدة تانية للعزل 2 ميجا بيكسل علشان العزل يبقا أفضل شوية في اوبو F9 عن اوبو F7 .
  • اندرويد اوريو 8.1 مع واجهة ColorOS .
  • الموبايل نزل في بعض المحلات بسعر 5850 جنية لـ 6000 جنية ع حسب المحل للنسخة 64 جيجا مع 4 جيجا رام والسعر الرسمي للموبايل هيتحدد يوم 24/9 في مؤتمر الأعلان عن الموبايل لأوبو .

السوق المصري النهاردة هيشهد نزول أرخص موبايل بقلم وهو Infinix Note 5 Stylus الي احنا في موبيزل شايفينه اختيار ممتاز للي بيدور على موبايل بجسم معدني ومواصفات كويسة وكمان مع قلم ! .

مواصفات وسعر Infinix Note 5 Stylus :-

  • معالج ميدياتيك P23 نفس الموجود في انفنكس نوت 5 العادي الي اثبت كفائته من ناحية الأداء .
  • اندرويد خام من جوجل أوريو 8.1 مع بعض الاضافات علشان القلم .
  • الموبايل بجسم معدني والقلم جوا الموبايل وكمان القلم جسمه معدني بردة .
  • شاشة 6 بوصة بدقة FHD+ من نوع IPS من غير نوتش .
  • كاميرا خلفية 16 ميجا بيكسل فتحة عدسة f/1.8 يعني التصوير في الاضاءة الضعيفة هيبقا ممتاز .
  • كاميرا امامية 16 ميجا بيكسل فتحة عدسة f/2.0 .
  • بطارية 4000 مللي أمبير تدعم شحن سريع .
  • نسخة 64 جيجا مع 4 جيجا رام السعر المتوقع ليها 4000 جنية و اول كام نسخة هيتباعوا للموبايل على موقع جوميا هيبقا عليه سماعة هدية سعرها لوحدها 400 جنية !

واخيرا بقا توكيل نوكيا في مصر صحي من النوم ونزل الموبايل المنتظر Nokia X6 او اسمه الرسمي في مصر وهو Nokia 6.1 Plus وهيتوافر في المحلات خلال أيام .

مواصفات وسعر Nokia 6.1 Plus :-

  • شاشة 5.8 بوصة فيها نوتش مع دقة FHD+ من نوع IPS .
  • جسم زجاجي من الامام والخلف باطار معدني .
  • معالج سناب 636 .
  • كاميرا امامية 16 ميجا بيكسل فتحة عدسة f/2.0 .
  • كاميرا خلفية 16+5 ميجا بيكسل فتحة عدسة اساسية f/2.0.
  • بطارية 3060 مللي أمبير تدعم شحن سريع عن طريق USB Type C .
  • أندرويد أوريو 8.1 خام من جوجل .
  • سعر النسخة 64 جيجا مع 4 جيجا رام حوالي 5300 جنية وده السعر الرسمي ونعتقد هيبقا في المحلات أقل من كدا وممكن يوصل ل 5000 جنية .

أوبو نزلت في صمت كدا موبايل جديد ليها في الفئة الاقتصادية اسمه Oppo A3s تقريبا أحسن كاميرات وبطارية واكبر شاشة في الفئة السعرية ديه بس مشكلته انه 16 جيجا و 2 جيجا رام بس .

مواصفات وسعر Oppo A3s :-
  • معالج سناب 450 .
  • بطارية 4230 مللي أمبير .
  • شاشة كبيرة 6.2 بوصة فيها نوتش بدقة HD+ من نوع IPS .
  • كاميرا خلفية 13+2 ميجا بيكسل فتحة عدسة f/2.2 .
  • كاميرا امامية 8 ميجا بيكسل فتحة عدسة f/2.2 .
  • أندرويد أوريو مع واجهة ColorOS .
  • مفيش مستشعر بصمة بس في Face Unlock سريع جدا .
  • سعر نسخة 16 جيجا مع 2 جيجا رام هو 2890 جنية وفي المحلات ممكن تلاقيه أرخص من كدا ب 100 جنية تقريبا , وكمان في نسخة تانية 32 جيجا مع 3 جيجا رام هتنزل قريب بسعر 3490 جنية .

من أكتر الموبايلات المنتظرة الفترة الجاية هو موبايل جديد من شركة هونر أسمه Honor 8X الموبايل ده متوقعين ينزل الاسواق المصرية في أول شهر أكتوبر وهيبقا في الفئة المتوسطة وهينافس بشكل كبير شاومي نوت 5 و Mi A2 , وبالنسبة لشاومي نوت 6 فلسه قدامه شوية على ما يوصل مصر .

مواصفات وسعر Honor 8X :-

  • معالج كيرين 710 الموجود في نوفا 3i .
  • شاشة 6.5 بوصة فيها نوتش وبدقة FHD+ من نوع IPS .
  • كاميرا خلفية 20+2 ميجا بيكسل فتحة عدسة f/1.8
  • كاميرا امامية 16 ميجا بيكسل فتحة عدسة f/2.0 .
  • واجهة تشغيل هواوي EMUI 8.2 مع أوريو 8.1 .
  • بطارية 3750 مللي أمبير لا تدعم شحن سريع .
  • نتوقع نزول نسخة 64 جيجا مع 4 جيجا رام بسعر 4500 جنية .
اكتب في جوجل موبيزل وادخل على موقعنا واعرف كل الجديد في عالم الموبايلات كل يوم !

قد يعجبك أيضا...

Comments

Loading...