مقارنة Honor 10 Lite مع Oppo F9 – حرب الكاميرا السيلفي !

الفئة المتوسطة دايما مشتعلة المنافسة و بنسبة كبيرة بتكون موجهة للشباب و هنا شركة OPPO لعبت على النوتش الصغير و الكاميرا السيلفي المميزة فى تسويق هاتف OPPO F9 والموبايل حقق نجاح كبير جدا , وعلشان كدا شركة هونر نزلت موبايل جديد اسمه Honor 10 Lite بنوتش صغير وكاميرا سيلفي قوية وكمان مع سعر أقل من الاوبو ! , هل نقدر نقارن ما بينهم برغم فرق السعر الكبير !

تعالوا نشوف مع بعض مين فيهم الأفضل فى الشاشة و الأداء و البطارية و الكاميرا والسوفت وير .


هاتف Honor 10 Lite :-

مميزات:-

  • يدعم الهاتف مستشعر بصمة الاصبع لحماية خصوصية المستخدم كما يتوفر خاصية قفل الوجه Face unlock.
  • يتم اصدار الهاتف باحدث نظام اندرويد و هو اندرويد فطيرة 9.0 Pie
  • متوفر بالهاتف دعم مستشعر الجيروسكوب و خاصية ال OTG.
  • كاميرا الهاتف السيلفي تقدم اداء رائع.
  • لا يوجد بروز للكاميرا عن جسم الهاتف.
  • متوفر بالهاتف لمبة اشعارات و لكنها ليست فوق الشاشة أنما أسفلها.
  • استغلال الحواف كان ممتاز حيث تعتبر قليلة.
  • يقدم الهاتف أداء متميز بفضل المعالج Hisilicon Kirin 710.

عيوب:-

  • الهاتف مصنوع من البولى كاربونيت لذا هو سريع الاتساخ ببصمات الاصابع و سهل الخدش.
  • يجب الاستغناء عن الشريحة الثانية لاستخدام كارت الذاكرة الخارجي.
  • بطارية الهاتف تقدم أداء متوسط.
  • شاشة الهاتف لا يوجد عليها طبقة حماية ضد الخدوش و الصدمات.
  • الكاميرا الخلفية أدائها ليس الأفضل فى الفئة السعرية.

هاتف OPPO F9 :-

مميزات:-

  • تصميم جميل بألوان المميزة للهاتف.
  • شاشة تتمتع بطبقة حماية من الخدوش.
  • أصغر و أجمل نوتش Notch على شكل قطرة ماء صغيرة مع حجم الشاشة الكبيرة و الحواف القليلة تقدم أوبو شاشة متميزة.
  • مستشعر بصمة الاصبع يقدم أداء سريع و مميز مع دعم للـ Face Unlock .
  • امكانية اضافة كارت ذاكرة خارجي فى منفذ منفصل عن شريحتين الاتصال.
  • معالج الهاتف جيد جدا و يوفر فى استهلاك البطارية.
  • أداء مميز للبطارية مع شحن سريع جدا.
  • كاميرا الهاتف السيلفي و الخلفية كلاهما يقدم أداء مميز.
  • خاصية استخدام نستخين من أى تطبيق Dual apps.

عيوب:-

  • عدم وجود لمبة اشعارات.
  • سهولة خدش ظهر الهاتف مع الوقت حتى مع تركيب جراب للهاتف.
  • الكاميرا الخلفية بارزة قليلا عن ظهر الهاتف.
  • ظهر الهاتف سريع الاتساخ ببصمات الاصابع وهو مصنوع ايضا من البولي كربونيت او البلاستيك.

التصميم :-

هاتف OPPO F9 متوفر بألوان الأزرق و الأحمر و البنفسجي بأبعاد 156.7x74x8 ملم و وزن 169 جرام مصنوع من البلاستيك المقوي البولي كاربونيت مع ظهر بطلاء لامع يوحي بانه مصنوع من الزجاج بس مشكلته ان ظهر الهاتف بيتجرح بسهولة حتى مع وجود جراب بسبب ذرات التراب و مع ذلك تصميم الهاتف حلو جدا و شيك و خصوصا مع شكل النوتش الجديد .

أما هاتف Honor 10 Lite بيجي بوزن 162 جرام و أبعاد 154.8*73.6*8 ملم بألوان الأسود و الأزرق و الأحمر و السماوي مصنوع من البولى كاربونيت مع اطار بلاستيكي الهاتف مريح فى الاستخدام باليد الواحدة مع انحناءات موجودة بظهر الهاتف تجعله سهل فى الاستخدام .

الأفضلية فى التصمم احنا متفقين انها مختلفة لذوق كل واحد و لكن ممكي نتكلم سوا على الخامات الاتنين من البولي كاربونيت اللى هو البلاستيك و بالتالى دا بيخلي الهاتف سريع الاتساخ من بصمات الاصابع و سهل الخدش بسبب الصدمات علشان كده ننصح بتركيب جراب الحماية المُرفق فى علبة الهاتف .

فى ال OPPO F9 الهاتف متين و أقوي فى جودة الخامات بس أكبر و أثقل فى الحجم و الوزن أما ال Honor 10 Lite مريح أكثر فى المسكة فى اليد بفضل انحنائات الظهر.


الشاشة :-

هاتف OPPO F9 يأتى بشاشة بحجم 6.3 بوصة و نوتش صغيرة جدا على شكل قطرة ماء مش هينفع تتلغى من الاعدادات الا فى تطبيقات معينة و دقة Full HD+ بجودة 1080*2340 بيكسل مع حماية من جوريلا جلاس مش معروف اصدارها بالظبط بس غالبا هي الجيل الثالث و كده كده اصلا بيجي الهاتف على اسكرينة حماية و لو عايز تغيرها لازم تخلي بالك من شكلها من فوق علشان مستشعر المكالمات و نسبة استحواذ تصل الى 90% و أبعاد 19.5:9 مع كثافة بيكسلات 409 بيكسل لكل بوصة.

شاشة هاتف Honor 10 Lite تأتي بقياس 6.2 بوصة بدقة full HD plus بجودة 1080*2340 بيكسل مع كثافة بيكسلات 415 بيكسل لكل بوصة و تدعم اللمس المتعدد وتمثل 90% من حجم الهاتف و لا تدعم طبقة حماية علي الشاشة و لكن قامت الشركة بتركيب اسكرينة للحماية بشكل مسبق على الهاتف و يوجد نوتش على شكل قطرة ماء و يمكن الغائها من الاعدادات.

الاتنين أدائهم ممتاز و جيد جدا و الألوان ممتازة و الحواف واحدة فى الاتنين و درجة السطوع ممتازة فى الاتنين و لكن ممكن نعتبر ان OPPO F9 الأفضل بسبب وجود طبقة الحماية من جوريلا جلاس الجيل الثالث.


الأداء :-

هاتف OPPO F9 سجل 138512 نقطة فى اختبار Antutu بمعالج Mediatek helio P60 بتكنولوجيا 12 نانوميتر بينما سجل هاتف Honor 10 Lite عدد 129000 نقطة بمعالج من نوع Hisilicon Kirin 710 و دى أول مرة المعالج دا يكون فى هاتف أقل من 4000 فى حين ان الأوبو بأكثر من 5000 جنيه .

الفرق الملحوظ هنا بيكون فى حجم الرام لأن الأوبو 4 جيجا بايت رام و الأونر 3 جيجا بايت رام و دا بيظهر فى عدد التطبيقات المفتوحة فى الخلفية و طبعا يتفوق هنا أوبو فى عدد التطبيقات.

الاتنين بيشغلوا PUBG على جرافيك متوسط بدون تهنيج و أداء مميز.

بالنسبة لواجهة التشغيل تفوق Honor 10 Lite لانه بنظام تشغيل أندرويد فطيرة 9.0 Pie و واجهة تشغيل EMUI 9.0 دا كمان بالاضافة الى ان HONOR دايما بتوصلها التحديثات أسرع من OPPO اللى بيجي بأندرويد أوريو 8.1 Oreo مع واجهة تشغيل Color OS 5.2.

من الأخر فى مساواة بين قوة المعالج بين الاتنين و لكن أندرويد أحدث فى الأونر و رام أكبر فى الأوبو.


الكاميرا الخلفية :-

نتكلم عن الكاميرا الأساسية بالنسبة لهاتف OPPO F9 الكاميرا الخلفية مزدوجة بجودة 16+2 ميجا بيكسل مع فتحة عدسة F/1.8 و F/2.4 مع فلاش LED و تصوير فيديو بجودة 1080 بيكسل تدعم العزل مع وجود stickers لطيفة و ايضا امكانية التصوير Slow motion و تقدم أداء مميز و جميل و لكن مع ألوان مشبعة قليلا.

اما بالنسبة لموبايل هونر 10 لايت فالكاميرا الخلفية تأتي مزدوجة بجودة 13+2 ميجا بيكسل مع فتحة عدسة F/1.8 و فلاش LED و تصوير فيديو بجودة 1080 بيكسل مع 30 أو 60 لقطة في الثانية و تدعم الكاميرا خاصية الضبط التلقائي للصور PDAF مع دعم الذكاء الاصطناعى AI , فى الاضاءة الجيدة تقدم الكاميرا أداء جيد و لكن احيانا بألوان غير دقيقة و تفاصيل قليلة هى ليست الأفضل فى الفئة السعرية, بالنسبة للعزل لم يكن جيد و فى الاضاءة الليلية يمكنك التقاط صور جيدة عن طريق Night mode فى حالة انك تلتقط الصورة بهدوء فى خلال 4 ثوانى أما اذا كنت تلتقط صور سريعة فان الجودة ليست جيدة.

أداء OPPO F9 أفضل بشكل بسيط.


الكاميرا السيلفي :-

هاتف OPPO F9 بجودة 25 ميجا بيكسل مع فتحة عدسة f/2.0 وتصوير فيديو بجودة 1080 بيكسل تدعم العزل عن طريق السوفت وير مع أداء ممتاز خاصة فى الاضاءة العالية.

كاميرا الهاتف الأمامية تأتي بجودة 24 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع 30 لقطة في الثانية مع دعم الذكاء الاصطناعى AI كما أنها تدعم العزل عن طريق السوفت وير.

السيلفي الاتنين ممتازين و نقدر نقول ان ال OPPO F9 بينقل تفاصيل أكثر.


البطارية :-

بطارية OPPO F9 بسعة 3500 مللي أمبير تصمد لمدة 7 ساعات و نصف Screen on تستهلك ساعة و نصف لاكتمال الشحن الى 100% حيث انه يدعم تقنية الشحن السريع VOOC Charge.

يأتي هاتف ببطارية بسعة 3400 مللي أمبير تصمد لمدة حوالى 6 ساعات Screen on و لا تدعم تقنية الشحن السريع حيث يتم شحنها فى خلال ساعتين.

و اذا كنت من أصحاب الاستخدام المتوسط سوف يصمد كلاهما لمدة يوم معك و يعتبر التفوق هنا فى صالح OPPO F9 لسعة أكبر و سرعة فى الشحن.


الذاكرة الداخلية و الذاكرة العشوائية :-

يتوافر هاتف OPPO F9 بنسختين 64 جيجا بايت مع 4 أو 6 جيجا بايت رام و يمكنك زيادة المساحة الداخلية للهاتف عن طريق اضافة كارت ذاكرة خارجي حتى 256 جيجا بايت فى منفذ منفصل عن شريحتى الاتصال.

هاتف Honor 10 Lite متوفر بنسخة 64 جيجا بايت ذاكرة داخلية مع 3 جيجا بايت رام ذاكرة عشوائية و يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 256 جيجا بايت و لكن يجب الاستغناء عن الشريحة الثانية لاستخدامه.


عوامل حماية الخصوصية و الأمان :-

الاتنين فيهم مستشعر بصمة الاصبع و لكن فى الأوبو أسرع , و الاتنين فيهم خاصية قفل الوجه Face Unlock و الاتنين بنفس السرعة و الدقة و مش بيفتحوا و العين مغمضة.


الصوت :-

الاتنين فيهم ميكروفون اضافي لازالة الضوضاء, بالنسبة لصوت سماعة المكالمات الاتنين صوتهم عالى و ممتاز و لكن صوت Oppo f9 أعلى و صوت Honor 10 Lite أنقي , أما بالنسبة لصوت السماعة الخارجية مجسم و أعلى أكثر فى OPPO F9 .


خواص اخري :-

الاتنين فيهم WiFi ac و دعم مستشعرات البوصلة و التقارب و السرعة و GPS مع دعم خواص A-GPS, GLONASS, BDS .

الاتنين بيدعموا خاصية ال OTG و مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.

أما بالنسبة للتعامل مع الشبكة الاتنين متساويين فى الأماكن اللى الشبكة فيها ضعيفة لكن فى حالة تشغيل Mobile data فى أماكن الشبكة الضعيفة التفوق هنا هيكون ل OPPO F9.

ال Honor 10 Lite موجود فيه لمبة اشعارات بأكثر من لون و مكانها تحت الشاشة و الاشعارات بتظهر جنب النوتش و لكن ال OPPO F9 مفيش لمبة اشعارات و مفيش اشعارات بتظهر جنب النوتش.

يأتي اوبو F9 بنظام تشغيل اندرويد اوريو 8.1 مع واجهة ColorOS 5.2 بينما يأتي Honor 10 Lite يتفوق في انه يأتي بنظام تشعيل أندرويد 9 الجديد مع واجهة واوي الجديدة EMUI 9.0 .


محتويات صندوق الهاتف :-


هاتف OPPO F9:
الهاتف وعليه اسكرينه و الشاحن و كابل الشحن و سماعات الأذن و جراب شفاف لحماية الهاتف

هاتف HONOR 10 Lite:
الهاتف وعليه اسكرينه وسماعات الرأس والشاحن وكابل الشحن و جراب شفاف لجماية الهاتف


سعر الموبايلات :-

هاتف OPPO F9:
5300 جنيه مصري للنسخة 64 جيجا بايت + 4 جيجا بايت رام.
6200 جنيه مصري للنسخة 64 جيجا بايت + 6 جيجا بايت رام.

 

هاتف HONOR 10 Lite:
3777 جنيه جنيه مصري للنسخة 64 جيجا بايت + 3جيجا بايت رام.


أجيب مين فى الأخر أو مين أحسن فى الاتنين؟؟

منقدرش نقول ان ال Honor 10 Lite أفضل من ال OPPO F9 و لكن ممكن نقول ان HONOR 10 Lite هو البديل الأقل سعرا ل OPPO F9 يعني لو مبلغ الاوبو اف 9 مش متاح معاك , اعتقد الهونر 10 لايت هيبقا افضل بديل ليه بنفس مميزاته تقريبا .

 

اما لو بتدور على مواصفات تانية زي كاميرا خلفية اقوى او بطارية اقوى , ممكن تشوف المقالة ديه :-

مقارنة Y9 2019 مع Honor 10 Lite مع Xiaomi Note 6 .


فيديو مقارنة الموبايلين :-

قد يعجبك أيضا...

Comments

جاري التحميل...