التجربة الكاملة لـ اندرويد 10 على Honor 20 – ارخص فلاج شيب في مصر !

شركة هونر من فتره كبيرة اطلقت سلسلة Honor 20 في مصر، واللي بيجي فيها هونر 20 وHonor 20 Pro وهونر 20 لايت، والشركة وعدت بإن موبايلات السلسلة دي هتكون من اول الموبايلات اللي هتحصل على اندرويد 10 في مصر، وطبعًا زي ما احنا عارفين مشاكل هواوي واللي بتخلي اي حد بيشتري موبايل هونر او هواوي يقلق شوية، لكن هونر اثبتت عكس ده وبالفعل بدأت بإرسال اندرويد 10 لارخص فلاج شيب في مصر حاليًا Honor 20.

لو متابع سوق الموبايلات في مصر هواوي اطلقت Huawei Nova 5T في السوق المصري بشكل رسمي من فتره، والنوفا 5 تي اتميز عن الهونر 20 في الـ8 جيجا رام مقابل 6 جيجا رام بس في هونر 20، والنهارده هونر بتميز الـ هونر 20 عن Nova 5T عن طريق تحديث Honor 20 لأحدث إصدار اندرويد، وكمان بتميزه بحاجه مُهمه جدًا وهي ان اللون الابيض من الموبايل بقى متوفر دلوقتي، وفي المقاله دي على موقع موبيزل هقولكم على تجربة إستخدامي للهونر 20 بعد تحديثه لـ اندرويد 10.

Honor 20

مواصفات Honor 20 :-
  • تصميم زُجاجي من الامام والخلف مع فريم من الالومنيوم
  • الموبايل يدعم تركيب شريحتين إتصال ولا يدعم تركيب كارت ميموري
  • شاشة الموبايل IPS LCD حجمها 6.26 بوصة بجودة FHD+ والشاشة كامله والكاميرا الاماميه في ثُقب
  • معالج كيرين 980 الرائد ثماني النواة بدقة تصنيع 7 نانو وبقوة 2.6 جيجا هيرتز ومعالج رسومي Mali-G76 MP10
  • اندرويد 10 بواجهة هونر Magic UI 3.0
  • مساحة تخزين 128 جيجا مع 6 جيجا رام
  • كاميرا خلفية رُباعية بدقة 48 ميجا بيكسل بفتحة عدسة F/1.8 للأساسية وبدقة 16 ميجا بيكسل بفتحة عدسة F/2.2 للثانيه وهي Ultra Wide، وبدقة 2 ميجا بيكسل بفتحة عدسة F/2.4 للعدسة الثالثه وهي ماكرو، وبدقة 2 ميجا بيكسل مع فتحة عدسة F/2.4 للعزل، والكاميرات تدعم تصوير فيديوهات بجودة [email protected] مع مثبت إلكتروني ودعم للـHDR وPanorama وفلاش ليد
  • كاميرا سيلفي بدقة 32 ميجا بيكسل بفتحة عدسة F/2.0 تدعم HDR وتصوير فيديوهات بجودة [email protected] مع دعم لمثبت بصري امامي
  • بطارية الهاتف بحجم 3750 مللي امبير تدعم الشحن السريع بقوة 22.5 وات لشحن 50% من البطارية في 24 دقيقه عن طريق منفذ USB Type C
  • الهاتف لا يدعم منفذ السماعات 3.5 مللي، وبصمة الإصبع موجوده على زِر الباور
  • الوان الهاتف الإسود والأبيض والأزرق

اندرويد 10 على هونر 20

الموبايل بيجي في مصر بنسخة واحده بس، والنسخة دي بتيجي بمساحة تخزين 128 جيجا مع 6 جيجا رام وسعرها الرسمي 6200 جنيه مصري، وموجوده في المحلات بسعر من 5700 جنيه لـ 6100 جنيه، والموبايل ده من احسن الموبايلات في فئته السعرية لإنه بيجي بمعالج كيرين 980 الموجود في موبايلات بضعف السعر وبينافس اقوى معالجات موجوده حاليًا وكمان الموبايل بيجي بكاميرات محترمه جدًا وبطارية كويسه بتدعم الشحن السريع، ده غير الخامات والتصميم الرهيب واللي هتكلم عليه في فقرة لوحده !

وبالنسبة لنقطة التحديث، كل اللي فعليًا اشترى هونر 20 خلاص ومعاه من فتره هيوصله تحديث اندرويد 10 الفتره الجايه.

Honor 20 Gaming


مميزات اندرويد 10 على هونر 20 :-

تحديث اندرويد 10 واجهة Magic UI 3.0 اهم مميزاتها الجديدة :-

  • تم إضافة الدارك مود او الوضع الليلي الى الإصدار الجديد من الواجهة
  • ترتيب العناصر داخل الاعدادات بشكل اسهل وتغير الشكل للأفضل
  • تحسين الاداء الرسومي على الهاتف بنسبة بسيطة
  • تغير شكل شريط الإشعارات المُعتاد من هونر وإستخدام شكل جديد مُميز
  • تحسين الـGPU Turbo الخاص بالهاتف بنسبة بسيطة

Honor 20 StatusBar

  • تحسين التعامل مع البطارية والتوفير في الاستهلاك بشكل اكبر وخصوصًا اثناء اللعب
  • تحسين اداء الكاميرا الاماميه في الاضاءه الضعيفه بشكل بسيط
  • انيميشن او حركات اسهل واسرع واسلس في التعامل بنسبة بسيطة عن الواجهة السابقة
  • تحسين إستجابة الشاشة للتاتش او اللمس في الالعاب بنسبة 40%
  • معدل الفريمات Frame Rate داخل اللعب اصبح افضل ويُقدم استقرار أفضل بنسبة بسيطة

تصميم هونر 20 :-

هونر 20 بيجي بـ3 الوان في الاسواق المصرية، الأزرق والإسود، ومؤخرًا الشركة اطلقت اللون الأبيض في مصر، واللون الابيض في Honor 20 هنا بريميم جدًا وشكله شيك وفخم جدًا، ولو تفتكر اللون الابيض طلع من فتره كبيرة وإنتهى مع موجه الشاشة الكامله والكاميرات الكتيره اللي في الضهر، لكنه رجع تاني في S10 من شركة سامسونج ومن وقتها بدء ينتشر ويرجع تريند تاني وفعلًا اللون الابيض مع الفريم المعدن الفضي والخامات المحترمه بتاعت هونر 20 هتديك إحساس مش اي موبايل هيديهولك.

Honor 20 White

وتبقى نفس المشكلة الوحيده اللي هتقابلك في التصميم وهي بروز الكاميرات، بروز الكاميرا هنا كبير جدًا وواضح وبتلاحظه جدًا، لما مثلًا بتحط الموبايل على مكتب بتلاحظ ان الموبايل ساند على الكاميرات وده تأثير البروز بتاعها، والحل هنا هو إنك تركب الجراب الشفاف اللي بيجي جوه علبة الموبايل وهو هيقضيلك على حوار بروز الكاميرات الرزل ده.

وكمان الموبايل بيجي بدون تدرج في الالوان، وخصوصًا اللون الابيض اللي بيجي بلون ثابت بيعمل إنعكاسات في الاضاءه بس، ودي هتكون ميزة لما تركب الجراب في الموبايل هتلاقي شكله كويس جدًا وبريميم زي ما هو مش هيفقد فخامته مع الجراب زي اغلب الموبايلات اللي بتيجي بتدرج في الالوان واللي بتفقد فخامتها لما بتركب لها الجراب.


مميزات Honor 20 :-
  • تصميم الهاتف مُميز جدًا وخاماته الخارجية هي الافضل في الفئة السعرية الخاصه به
  • اداء الهاتف هو الافضل في الفئة المتوسطة حاليًا بفضل معالج كيرين 980 الرائد الموجود فيه
  • كاميرات الموبايل الخلفية تُقدم اداء مُمتاز جدًا يكاد يكون الافضل في الفئة المتوسطة
  • شاشة الهاتف كامله وتصميمها الامامي مُمتاز وحواف الشاشة قليلة جدًا
  • بطارية الهاتف تُقدم اداء مُمتاز بسبب المعالج الموفر وبسبب السوفت وير الذي يعمل على توفير الإستهلاك بشكل كبير خصوصًا بعد تجربة اندرويد 10 على هونر 20
عيوب هونر 20 :-
  • شاشة الهاتف IPS LCD وليست اموليد وهذا هو اكبر عيب في الهاتف
  • الهاتف لا يدعم منفذ السماعات 3.5 مللي لكن وصلة التحويل موجوده في علبة الهاتف
  • لا يدعم تركيب كارت ميموري
  • كاميرا الهاتف الخلفية تأتي بارزة بشكل كبير مما يجعلها مُعرضه للكسر بسهولة، ويتم معالجة البروز عن طريق جراب الهاتف الذي يأتي في العلبة
  • هونر 20 لا يدعم تركيب كارت ذاكره خارجي لزيادة مساحة التخزين

محتويات علبة Honor 20 :-

Honor 20 Box

  • موبايل هونر 20 وعليه لاصقة حماية على الشاشة
  • جراب بلاستيك شفاف
  • سماعات خارجية Type C وليست 3.5 مللي
  • وصلة التحويل من Type C الى 3.5 مللي
  • رأس الشاحن الـ22.5 وات
  • وصلة الـUSB Type C الخاصة بشحن الموبايل

قد يعجبك أيضا...

Comments

جاري التحميل...