المقارنة المنتظرة بين Honor 8x و Xiaomi Mi 8 Lite – مين الأفضل تحت 5000 جنية ؟

انا معايا 5000 جنيه اجيب ايه؟ اشتري الـ Honor 8X و لا اجيب الـ Xiaomi Mi 8 Lite ؟ مين فيهم احسن ؟ طب انا اصلا عايز ايه من الموبايل؟

احنا في موبيزل جربنا الموبايلين لفترة طويلة و في المراجعة دي هنقولك كل واحد كان أدائه عامل ازاي في الشاشة و الكاميرا و المعالج و البطارية و هنشوف مع بعض مميزات و عيوب كل واحد بدون حشو تفاصيل ملهاش لازمة .


هاتف Honor 8X :-


مميزات:

  • يمكنك إضافة كارت ذاكرة في منفذ منفصل عن شريحتين الاتصال.
  • يدعم الهاتف تقنية GPU Turbo لأداء أفضل في الألعاب.
  • متوفر بالهاتف مستشعر بصمة الاصبع و خاصية التعرف على الوجه.
  • يقدم معالج الهاتف أداء قوي و سريع.
  • لمبة الاشعارات موجودة بأكثر من لون.
  • يدعم الهاتف خاصية النقل السريع NFC.
  • كاميرا الهاتف الخلفية و الأمامية كلاهما يقدم أداء متميز.
  • بطارية الهاتف تقدم اداء ممتاز.

عيوب:

  • ظهر الهاتف سريع الاتساخ ببصمات الاصابع و سهل الخدش لأنه مصنوع من الزجاج.
  • بطارية الهاتف لا تدعم تقنية الشحن السريع.
  • يوجد ظل خفيف حول النوتش و لكن لا يؤثر على أداء الشاشة.
  • الكاميرا الخلفية للهاتف لا تدعم تصدوير فيديو بجودة 4K.
  • صوت السماعة الخارجية للهاتف منخفض عن المنافسين.
  • شاشة الهاتف لا يوجد عليها طبقة حماية و لكن قامت الشركة بلصق اسكرينة للحماية على الشاشة.

هاتف Xiaomi Mi 8 Lite :-


مميزات:

  • بصمة الهاتف سريعة و دقيقة.
  • أداء المعالج رائع و قوي.
  • بطارية تدعم تقنية الشحن السريع Quick Charge 3.0.
  • كاميرا الهاتف الخلفية تدعم التصوير بجودة 4K.
  • الهاتف متوفر به USB Type C.
  • صوت السماعة الخارجية و سماعة المكالمات عالى و مجسم.

عيوب:

  • الهاتف لا يدعم تشغيل الراديو FM.
  • ظهر الهاتف مصنوع من الزجاج لذا هو سريع الاتساخ ببصمات الاصبع و لكن يتم حل المشكلة بالجراب المرفق.
  • الهاتف لا يحتوي على منفذ 3.5 ملم لدخول سماعات الرأس.
  • الاشعارات لا تظهر بجانب النوتش و لمبة اشعارات بلون واحد فقط.

التصميم :-

مين احسن فيهم دي حاجة نسبية بتختلف من شخص للتاني في وجهة نظر موبيزل الاتنين تصميم جميل جديد و جذاب بس ال Mi 8 Lite البصمة واخدة نفس لون الموبايل مخلي الشكل أحلي.

هاتف Honor 8X بيجي بتصميم مصنوع من 15 طبقة من الزجاج مع اطار معدني من الالمونيوم مع أبعاد 160.4*76.6*7.8 مع وزن 175 جرام و يتوافر بألوان الأزرق و الأحمر و الأسود قد يجد البعض سهولة في انزلاق الهاتف من اليد لذا ننصح بتركيب الجراب المرفق و استخدام skin لحماية الهاتف.

هاتف Xiaomi Mi 8 Lite متوفر بألوان الأزرق و الرمادى بأبعاد 156.4×75.8×7.5 و وزن 169 جرام مصنوع من الزجاج مع تغيير او تدرج فى الألوان حسب الاضاءة و اطار من المعدن و التصميم جميل جدا و جديد و بيعكس احساس الفخامة .


الشاشة :-

يأتي هاتف Honor 8X بشاشة بحجم 6.5 بوصة من نوع IPS LCD مع دقة Full HD plus بجودة 1080*2340 بيكسل مع كثافة بيكسلات 397 بيكسل لكل بوصة و تمثل الشاشة 91% من حجم الهاتف و لا يدعم الهاتف طبقة حماية مفيش كلام رسمي من الشركة عن الحماية و الهاتف بيكون عليه اسكرين للحماية من و هو في العلبة مع وجود نوتش و يمكنك إخفائها تقدم الشاشة أداء جيد جدا مع الوان رائعة و درجة سطوع جيدة جدا.

تأتى الشاشة فى هاتف Xiaomi Mi 8 Lite بحجم 6.26 بوصة من نوع IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة مع ابعاد 19:9 و نسبة استحواذ الشاشة 82.5% من حجم الهاتف مع احتمالية وجود حماية جوريلا الجيل الخامس كما تزعم شاومي على الشاشة مع وجود نوتش أعلى الشاشة يمكن اخفائه من الاعدادات .

تتفوق هنا شاشة ال Honor 8X لان حجم الشاشة أكبر و الحواف أقل بينما تتفوق شاشة الشاومي في وجود حماية ( لو فعلا موجودة ) .


الأداء :-

بالنسبة لنتائج اختبار Antutu سجل هاتف Honor 8X عدد 140000 نقطة بمعالج Hisilicon Kirin 710 بمعمارية 12 نانومتر أما عن هاتف Xiaomi Mi 8 Lite سجل 144126 نقطة بمعالج Qualcomm Snapdragon 660 بمعمارية 14 نانومتر .

بعيدا عن الارقام الأداء الفعلي كان متقارب جدا و الاتنين بيسخنوا علشان زجاج بس مش بشكل كبير و الاتنين تقدر تلعب عليهم ألعاب ثقيلة زي Pubg بدون تهنيج او تقطيع بس الشاومي احسن بفرق بسيط لان معالج الرسوميات أفضل، كمان واجهة شاومي خفيفة جدا وده بينعكس على احساسك باداء شاومي انه أفضل .


الكاميرا الخلفية :-

يأتي هاتف Honor 8X بكاميرا مزدوجة بجودة 20+2 ميجا بيكسل مع فتحة عدسة f/1.8 مع خاصية الضبط التلقائي المزدوج PDAF و فلاش أحادي LED و تصوير بانوراما و HDR مع تصوير فيديو بجودة 1080 بيكسل مع 30 أو 60 أو 480 اطار في الثانية حيث التصوير بالبطئ تقدم الكاميرا أداء ممتاز و يمكنها منافسة كاميرا هواتف اكبر سعرا كما أنها تقدم جودة متميزة بفضل العدسة الواسعة و تدعم الذكاء الاصطناعي AI و خاصية العزل Bokeh effect و يمكنك التحكم بكلاهما حتي بعد التقاط الصورة.

قد يقوم الذكاء الاصطناعي يجعل الالوان غير حقيقة و مشبعة اكثر من اللازم و احيانا يحدث خطأ فى توزيع الالوان و تظهر علي غير حقيقتها.

تأتى الكاميرا الخلفية لهاتف Xiaomi Mi 8 Lite مزدوجة بجودة 12+5 ميجا بيكسل مع فتحة عدسة f/1.9 و f/2.0 بالترتيب مع خاصية الضبط التلقائي المزدوج PDAF و فلاش أحادى LED مع HDR و تصوير بانوراما و تصوير الفيديو بجودة 4K 2160 بيكسل مع 30 لقطة فى الثانية و بجودة 1080 بيكسل مع 60 أو 120 لقطة فى الثانية و بجودة 1080 بيكسل مع 30 لقطة فى الثانية مع gyro EIS مثبت اليكتروني ( لا يعمل على الـ 4K ) تقدم الكاميرا صور بجودة متميزة مع تفاصيل رائعة و تتميز بPortrait جيد جدا.


الكاميرا السيلفي :-

تأتي في هاتف Honor 8X بجودة 16 ميجا بيكسل مع فتحة عدسة f/2.0 مع تصوير HDR و فيديو بجودة 1080 بيكسل مع 30 لقطة في الثانية، لا تدعم الكاميرا الذكاء​ الاصطناعي و لكنها تدعم وضع التجميل Beauty mode مع دعم خاصية العزل عن طريق السوفت وير و تقدم الكاميرا أداء متميز حتي فى الإضاءة الخافتة.

تأتى الكاميرا الأمامية بهاتف Xiaomi Mi 8 Lite بجودة 24 ميجا بيكسل مع تصوير فيديو بجودة 1080 بيكسل مع 30 لقطة فى الثانية و تدعم العزل عن طريق السوفت وير و لكن فى حالة الاضاءة الخافتة تصبح التفاصيل قليلة خاصة مع ال Zoom.

طيب نجي للخلاصة في موضوع الكاميرات…
الأداء في إضاءة النهار ممتاز في Xiaomi Mi 8 Lite الصور فيها اصفرار بسيط في الاضاءة العالية و متميز فإنه بينقل الصورة حقيقة بدون تعديل علي عكس Honor 8X احنا قلنا الألوان بتكون فاقعة و متغيرة عن الحقيقة.

بالنسبة للعزل يتفوق الشاومي في الإضاءة العالية بفرق بسيط و يكتسح و يتفوق بجدارة في الإضاءة الضعيفة.

وبالنسبة للكاميرا السيلفي الاتنين ادائهم متقارب الا ان الشاومي يتفوق بفرق بسيط علشان المستشعر الي في الكاميرا السيلفي ممتاز بس لازم تثبت ايديك كويس وانت بتتصور سيلفي علشان تقدر تطلع اكبر قدر من التفاصيل في الصورة .


البطارية :-

بالنسبة لهاتف Honor 8X تأتي بسعة 3750 مللي أمبير و لا تدعم تقنية الشحن السريع و تستهلك حوالي ساعتين فأكثر لاتمام الشحن الي 100%  و حوالي 7 ساعات screen on و تصمد البطارية فى الاستخدام المكثف طوال اليوم تقريبا و الاستخدام المتوسط قد تصمد الي اكثر من يوم.

عن شحن الهاتف يحدث سخونة في الشاحن و هذا طبيعي مع شواحن اخري و لكن ايضا لاحظنا وجود زنّ أثناء الشحن لذا ننصح بفصل الشاحن عن الكهرباء بعض انتهاء الشحن.

بالنسبة لبطارية هاتف Xiaomi 8 Mi Lite تأتى بسعة 3350 مللي أمبير مع دعم الشحن السريع Quick Charge 3.0 و تصمد لمدة 5 ساعات Screen on على WiFi و Mobile Data و تستهلك حوالى ساعة و نصف ليكتمل شحنها الى 100%.

لو عايز بطارية تقعد طول اليوم معاك علشان مش هقدر تشحن في اي مكان يبقي تاخد Honor 8X أما لو مش فارقة معاك و ممكن تشحن عادي لمدة نص ساعة مثلا يبقي خليك مع الـ Xiaomi Mi 8 Lite عادي.


الذاكرة الداخلية و العشوائية: :-

يتوافر هاتف هونر 8X باصدار واحد في مصر وهو بمساحة 128 جيجا مع 4 جيجا رام و يمكنك زيادة المساحة الداخلية للهاتف عن طريق إضافة كارت ذاكرة خارجي يصل حتي 400 جيجا بايت مع وجود منفذ مفصل له عن شريحتين الاتصال.

هاتف Xiaomi Mi 8 Lite يأتى باصدارين الاول 64 جيجا مع 4 جيجا رام و الثاني 128 جيجا مع 6 جيجا رام و الهاتف يدعم تركيب كارت ميموري بدلا من الشريحة الثانية .


عوامل الامان و حماية الخصوصية :-

كلاهما يدعم مستشعر بصمة الاصبع بدقة و الشاومي اسرع بفرق بسيط من الهونر مع دعم خاصية التعرف علي الوجه Face Recognition و لا يفتح اي منهما و العين مغلقة لزيادة الامان و لكن في ال Xiaomi mi 8 Lite يجب تغيير البلد للهند علشان تفعل  خاصية التعرف علي الوجه.

البصمة في ال Honor 8X متعددة الاستخدامات حيث التنقل بين الصور و التقاط الصور و الرد علي المكالمات و سحب لوحة الاشعارات.


الصوت :-

سماعة المكالمات صوتها ممتاز في الاتنين و بالنسبة لصوت السماعة الخارجية الصوت أعلي و مجسم أكثر في Mi 8 Lite عن Honor 8X و كلاهما يدعم ميكروفون اضافي لازالة الضوضاء.


خواص اخري :-

الاتنين فيهم WiFi ac و دعم مستشعرات البوصلة و التقارب و السرعة و GPS مع دعم خواص A-GPS, GLONASS, BDS .

و خاصية ال OTG و مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.

يتفوق هاتف هونر 8X في تشغيل الراديو Fm .

يدعم كلاهما لمبة اشعارات و لكن في Honor 8X تأتي بأكثر من لون كما أن الاشعارات تظهر بجانب النوتش و لكن في Mi 8 Lite تأتي بلون واحد و هو الأبيض و لا تظهر الاشعارات بجانب النوتش و الموضوع دا هيتحل لما ينزل تحديث EMUI 10.

Xiaomi Mi 8 Lite بيدعم وجود USB Type C و لكن ال Honor 8X بيجي بمنفذ قديم USB 2.0 .

هاتف Mi 8 Lite لا يحتوي على منفذ 3.5 ملم لدخول سماعات الرأس و لكنه موجود فى Honor 8X.


في Honor 8X الشريحتين كلاهما يعمل علي شبكة الجيل الرابع معا في نفس الوقت .

بالنسبة للتعامل مع الشبكة تفوق Xiaomi mi 8 Lite بشكل ملحوظ في الاماكن اللي الشبكة فيها ضعيفة جدا.


محتويات صندوق الهاتف :-


هاتف HONOR 8X:
الهاتف و سماعات الاذن و الشاحن و كابل الشحن و جراب و دبوس معدني و اسكرينة علي الشاشة و الضمان.

هاتف Xiaomi Mi 8 Lite:
الهاتف و الشاحن و كابل الشحن و محول لتشغيل سماعات الأذن و جراب شفاف سيلكون.


طب انا احترت كده يا موبيزل اشتري مين فيهم ؟

لو عايز موبايل يكون بطارية كبيرة تصمد طول اليوم بغض النظر عن الشحن السريع مع شاشة كبيرة و ارخص هاتف بمساحة داخلية كبيرة 128 جيجا بايت و فيه مدخل 3.5 ملم للسماعات يبقي خليك مع Honor 8X.

اما لو انت محتاج موبايل يتعامل بشكل أفضل مع الشبكات لانك متواجد في مكان الشبكة فيه ضعيفة و محتاج شحن سريع و صوت أعلي و مجسم مع واجهة سلسلة و سريعة و كاميرا متميزة في الثبات في تصوير الفيديوهات و في التصوير في الإضاءة الضعيفة يبقي خليك مع Xiaomi Mi 8 Lite .


سعر الموبايلات :-

هاتف Honor 8X :
نسخة واحدة 128 جيجا مع 4 جيجا رام سعرها 4777 جنية .

 

هاتف Xiaomi Mi 8 Lite :
4666 جنيه مصري للنسخة 64 جيجا بايت + 4 جيجا بايت رام.
5444 جنيه مصري للنسخة 64 جيجا بايت + 4 جيجا بايت رام.


ممكن تشوف فيديو مقارنة بين الموبايلين على اليوتيوب من هنا :-

 

قد يعجبك أيضا...

Comments

جاري التحميل...