شاومي كل يومين بتفاجئنا بموبايل جديد فبعد نزول موبايل Xiaomi Note 6 من شهر تقريبا فاجئتنا شاومي بالاعلان عن نزول هاتف جديد في الفئة المتوسطة يوم 13 نوفمبر القادم وهو موبايل Xiaomi Mi 8 Lite , واحنا ف موبيزل عملنا مراجعات لكل موبايل على الموقع و على قناة اليوتيوب تقدر توصلهم لما تدوس ع اسم الموبايل باللون الأزرق .
بس المرة ديه قررنا نعمل مقارنة قوية بين الاداء القعلي للموبايلين جمب بعض بعيدا عن الارقام , عملنا المقارنة في فيديو جديد على قناة موبيزل على اليوتيوب .
شوف فيديو المقارنة من هنا :-
وبالنسبة لمتابعين موقع موبيزل الي مش هيقدروا يشوفوا الفيديو فكالعادة هننزل مقالة كتابية خلال يومين بس ممكن تعرفوا ابرز نقط المقارنة من باقي المقالة .
نقاط تفوق شاومي مي 8 لايت :-
- خامات تصنيع افضل مع تصميم زجاجي جديد اشيك بكثير من الموجود في نوت 6 .
- معالج اقوى سناب دراجون 660 اقوى من ال 636 الموجود في نوت 6 .
- صوت الاسبيكر اقوى بفارق ملحوظ ومجسم اكتر من نوت 6 .
- التعامل مع الشبكة في الاماكن التي يوجد بها شبكة ضعيفة افضل في هاتف مي 8 لايت بشكل ملحوظ .
- يوجد منفذ شحن Type C مع شحن سريع جدا .
نقاط تفوق Xiaomi Note 6 :-
- بطارية اكبر 4000 مللي أمبير في نوت 6 اكبر من ال 3350 المللي امبير الموجودة في مي 8 لايت .
- يدعم IR Blaster لاستخدامه كريموت وهذه الميزة لا توجد بهاتف مي 8 لايت .
- يوجد مخرج سماعات 3.5 مم وهذا المخرج لا يتواجد ب مي 8 لايت وستحتاج الي وصلة تحويل من Type c الي 3.5 مم في هاتف مي 8 لايت لتركيب السماعات .
- يوجد طبقة حماية على الشاشة جوريلا الجيل الثالث بينما في مي 8 لايت لا يوجد اعلان رسمي عن وجود اي نوع من طبقات الحماية .
وستحتاج الي مشاهدة الفيديو لمقارنة كاميرات الموبايلات بصور فعلية من الموبايلين مع فيديو متصور بالموبايلين مع بعض .
وقريب جدا هنعمل مقارنة بين موبايل Xiaomi Mi 8 Lite مع Oppo F9 و Honor 8x , علشان تشتري الأفضل فيهم بالنسبة لاستخدامك .
تابعوا موبيزل دائما على موقعنا او صفحة الفيس بوك او قناة اليوتيوب علشان تعرفوا كل جديد في عالم الموبايلات في مصر و والوطن العربي .
Comments