مقارنة بين Oppo F9 و Xiaomi Mi 8 Lite – مين الأفضل خصوصا في الكاميرات ؟!

بعد نزول هاتف شاومي مي 8 لايت , معظم الاعضاء على صفحة الفيس بوك الخاصة بموقع موبيزل , الي ممكن تتابعها من هنا , طلبوا مننا مقارنة بين Oppo F9 و Xiaomi Mi 8 Lite , واحنا عملنا المقارنة ديه على اليوتيوب وهننقلها ليكم هنا في صورة مقالة للي مش هيعرف يشوف الفيديو لاي سبب من الاسباب , والفيديو هتلاقيه تحت في أخر المقالة .


هاتف Oppo F9 :-


مميزات:

  • تصميم جميل بألوان المميزة للهاتف.
  • شاشة تتمتع بطبقة حماية من الخدوش.
  • أصغر و أجمل نوتش Notch على شكل قطرة ماء صغيرة مع حجم الشاشة الكبيرة و الحواف القليلة تقدم أوبو شاشة متميزة.
  • مستشعر بصمة الاصبع يقدم أداء سريع و مميز.
  • امكانية اضافة كارت ذاكرة خارجي فى منفذ منفصل عن شريحتين الاتصال.
  • معالج الهاتف جيد جدا و يوفر فى استهلاك البطارية.
  • أداء مميز للبطارية مع شحن سريع جدا.
  • كاميرا الهاتف السيلفي و الخلفية كلاهما يقدم أداء مميز.
  • خاصية استخدام نستخين من أى تطبيق Dual apps.

عيوب:

  • عدم وجود لمبة اشعارات.
  • سهولة خدش ظهر الهاتف مع الوقت حتى مع تركيب جراب للهاتف.
  • كاميرا الهاتف الخلفية لا يمكنها التصوير بجودة 4K كما لا يمكنك التحكم فى خاصية الجمال الاصطناعى فى الكاميرا.
  • مدخل ال USB ليس من نوع Type C.
  • الكاميرا الخلفية بارزة قليلا عن ظهر الهاتف.
  • ظهر الهاتف سريع الاتساخ ببصمات الاصابع.
  • سماعة الهاتف الخارجية موجودة بأسفل الهاتف على اليسار مما يتسبب بكتم الصوت أثناء استخدام الهاتف بشكل أفقي.

هاتف Xiaomi Mi 8 Lite :-


مميزات:

  • بصمة الهاتف سريعة و دقيقة.
  • أداء المعالج رائع و قوي.
  • بطارية تدعم تقنية الشحن السريع Quick Charge 3.0.
  • كاميرا الهاتف الخلفية تدعم التصوير بجودة 4K.
  • الهاتف متوفر به USB Type C.
  • صوت السماعة الخارجية و سماعة المكالمات عالى و مجسم.

عيوب:

  • الهاتف لا يدعم تشغيل الراديو FM.
  • بروز الكاميرا لا يزال موجود.
  • ظهر الهاتف مصنوع من الزجاج لذا هو سريع الاتساخ ببصمات الاصبع و لكن يتم حل المشكلة بالجراب المرفق.
  • شاشة الهاتف لا تدعم طبقة حماية ضد الخدوش و الصدمات.
  • الهاتف لا يحتوي على منفذ 3.5 ملم لدخول سماعات الرأس.
  • الاشعارات لا تظهر بجانب النوتش و لمبة اشعارات بلون واحد فقط.

التصميم :-

هاتف Oppo F9 متوفر بألوان الأزرق و الأحمر و البنفسجي بأبعاد 156.7x74x8 ملم و وزن 169 جرام مصنوع من البلاستيك المقوي البولي كاربونيت مع ظهر بطلاء لامع يوحي بانه مصنوع من الزجاج بس مشكلته ان ظهر الهاتف بيتجرح بسهولة حتى مع وجود جراب بسبب ذرات التراب و مع ذلك تصميم الهاتف حلو جدا و شيك و خصوصا مع شكل النوتش الجديد.

هاتف Xiaomi Mi 8 Lite متوفر بألوان الأزرق و الرمادى بأبعاد 156.4×75.8 x7.5 و وزن 169 جرام مصنوع من الزجاج مع تغيير فى الألوان حسب الاضاءة و اطار من المعدن و التصميم جميل جدا و جديد و فى احساس فخامة كده.

احنا متفقين ان الأفضلية هنا مختلفة من شخص للتانى, الفكرة ان البلاستيك بيستحمل أكثر خصوصا لو الموبايل وقع بس شكل الزجاج بيكون أحلى و بيدي احساس Premium أكثر.


الشاشة :-

هاتف Oppo F9 يأتى بشاشة بحجم 6.3 بوصة و نوتش صغيرة جدا على شكل قطرة ماء و دقة Full HD+ بجودة 1080*2340 بيكسل مع حماية من جوريلا جلاس مش معروف اصدارها بالظبط بس احتمال يكون الجيل الخامس و كده كده اصلا بيجي الهاتف على اسكرينة حماية و لو عايز تغيرها لازم تخلي بالك من قصتها من فوق علشان مستشعر المكالمات,  نسبة استحواذ الشاشة تصل الى 90% و أبعاد 19.5:9 مع كثافة بيكسلات 409 بيكسل لكل بوصة.

تأتى الشاشة فى هاتف Xiaomi Mi 8 Lite بحجم 6.26 بوصة من نوع IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة مع ابعاد 19:9 و نسبة استحواذ الشاشة 82.5% من حجم الهاتف مع وجود نوتش أعلى الشاشة بالنسبة لطبقة الحماية الشركة بتقول ان الشاشة عليها طبقة جوريلا جلاس 5 بس بردوا تريح دماغك و تركب اسكرينة للحماية أحسن.

رأي موقع موبيزل ان شاشة ال F9 أحسن لأنها أكبر مع نسبة استحواذ الشاشة أكبر و نوتش صغيرة جدا.


الأداء :-

هاتف OPPO F9 سجل 138512 نقطة فى اختبار Antutu بمعالج Mediatek MT 6771 helio P60 بتكنولوجيا 12 نانوميتر أما عن هاتف Xiaomi Mi 8 Lite سجل 144126 نقطة بمعالج Qualcomm Snapdragon 660 بتكنولوجيا 14 نانوميتر.

الأداء الفعلى متقارب جدا كمان واجهة شاومي أخف شوية من الأوبو و بالنسبة لمعالج الرسوميات الموجود فى Mi 8 lite أفضل من الموجود فى F9 علشان كده الألعاب الثقيلة زي Pubg هتكون أفضل على الشاومي.

أما بالنسبة لتحديثات ال Software الشاومي دايما بيعمل تحديثات لكن الأوبو من أبطئ الشركات الى بتعمل تحديثات على الهواتف.


الكاميرا الخلفية :-

نتكلم عن الكاميرا الأساسية بالنسبة لهاتف OPPO F9 الكاميرا الخلفية مزدوجة بجودة 16+2 ميجا بيكسل مع فتحة عدسة F/1.8 و F/2.4 مع فلاش LED و تصوير فيديو بجودة 1080 بيكسل تدعم العزل مع وجود stickers لطيفة و ايضا امكانية التصوير Slow motion و تقدم أداء مميز و جميل و لكن مع ألوان مشبعة قليلا.

تأتى الكاميرا الخلفية لهاتف Xiaomi Mi 8 Lite مزدوجة بجودة 12+5 ميجا بيكسل مع فتحة عدسة f/1.9 و f/2.0 بالترتيب مع خاصية الضبط التلقائي المزدوج PDAF و فلاش أحادى LED مع HDR و تصوير بانوراما و تصوير الفيديو بجودة 4K 2160 بيكسل مع 30 لقطة فى الثانية و بجودة 1080 بيكسل مع 60 أو 120 لقطة فى الثانية و بجودة 1080 بيكسل مع 30 لقطة فى الثانية مع gyro EIS مثبت اليكتروني تقدم الكاميرا صور بجودة متميزة مع تفاصيل رائعة و تتميز بPortrait جيد جدا بس لسه مشكلة الظل او الخيال اللى بيظهر فى الفيديو فى الاضاءة الليلية موجود حتى مع التحديثات الجديدة.

رأي موقع موبيزل ان الكاميرا الخلفية أفضل فى Xiaomi Mi 8 Lite.


الكاميرا السيلفي :-

هاتف OPPO F9 بجودة 25 ميجا بيكسل مع فتحة عدسة f/2.0 وتصوير فيديو بجودة 1080 بيكسل تدعم العزل عن طريق السوفت وير مع أداء ممتاز خاصة فى الاضاءة العالية.

تأتى الكاميرا الأمامية بهاتف Xiaomi Mi 8 Lite بجودة 24 ميجا بيكسل مع تصوير فيديو بجودة 1080 بيكسل مع 30 لقطة فى الثانية و تدعم العزل عن طريق السوفت وير و لكن فى حالة الاضاءة الخافتة تصبح التفاصيل قليلة خاصة مع ال Zoom.

رأي موبيزل ان الكاميرا السيلفي أفضل فى OPPO F9.

وهتلاقي صور متصورة بالموبايلات ومعروضة جمب بعض في فيديو المقارنة الي موجود في أخر المقالة .


البطارية :-

بطارية OPPO F9 بسعة 3500 مللي أمبير تصمد لمدة 7 ساعات و نصف Screen on تستهلك ساعة و نصف لاكتمال الشحن الى 100% حيث انه يدعم تقنية الشحن السريع VOOC Charge.

بالنسبة لبطارية هاتف Xiaomi 8 Mi Lite تأتى بسعة 3350 مللي أمبير مع دعم الشحن السريع Quick Charge 3.0 و تصمد لمدة 6 ساعات Screen on على WiFi و Mobile Data و تستهلك حوالى ساعة و نصف ليكتمل شحنها الى 100%.

بالنسبة للسرعة فى الشحن الاتنين متعادلين لكن بالنسبة لقوة البطارية معالج الأوبو موفر أكثر من معالج الشاومي و البطارية فى F9 أكبر بفرق بسيط بالتالى الأوبو هيتحمل أكثر بفارق ساعة أو نصف ساعة Screen on أكثر من الشاومى.

فى النهاية أداء الاتنين متقارب جدا و هيكملوا اليوم معاك لو استخدامك متوسط.


الذاكرة الداخلية و الذاكرة العشوائية :-

يتوافر هاتف OPPO F9 بنسختين 64 جيجا بايت مع 4 أو 6 جيجا بايت رام و يمكنك زيادة المساحة الداخلية للهاتف عن طريق اضافة كارت ذاكرة خارجي حتى 256 جيجا بايت فى منفذ منفصل عن شريحتى الاتصال.

هاتف Xiaomi Mi 8 Lite يأتى بنستخين الاولى 64 جيجا مع 4 جيجا رام والثانية 128 جيجا مع 6 جيجا رام و الهاتف لا يدعم منفذ لاضافة كارت ذاكرة خارجي لذا يجب عليك اختيار الذاكرة المناسبة قبل شراء الهاتف أو قد ينزل الهاتف باصدار شريحتين أو شريحة و كارت ذاكرة مكان الشريحة الثانية.


عوامل حماية الأمان و الخصوصية :-

الاتنين بيدعموا مستشعر بصمة الاصبع بس أسرع بفرق بسيط فى ال Xiaomi Mi 8 Lite و الاتنين فيهم خاصية التعرف علي الوجه Face Recognition و لا يفتح اي منهما و العين مغلقة لزيادة الامان و يتميز بالسرعة و الدقة حتى فى الاضاءة الضعيفة و لكن في ال Xiaomi mi 8 Lite يجب تغيير البلد للهند علشان تشتغل خاصية التعرف علي الوجه.


الصوت :-

الاتنين فيهم ميكروفون اضافي لازالة الضوضاء, بالنسبة للصوت فى سماعات الأذن أفضل بفرق بسيط فى Xiaomi Mi 8 Lite أما بالنسبة لصوت سماعة المكالمات فهو أفضل بفرق بسيط فى OPPO F9 و بالنسبة لصوت السماعة الخارجية متساوس فى الاتنين عالى و جيد جدا.


خواص اخري :-

الاتنين فيهم WiFi ac و دعم مستشعرات البوصلة و التقارب و السرعة و GPS مع دعم خواص A-GPS, GLONASS, BDS .

الاتنين بيدعموا خاصية ال OTG و مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.

لمبة الاشعارات موجودة في Mi 8 Lite بلون واحد و هو الأبيض و لا تظهر الاشعارات بجانب النوتش لكن مفيش لمبة اشعارات فى ال OPPO F9 و كمان الاشعارات مش بتظهر بجانب النوتش.

Xiaomi Mi 8 Lite بيدعم وجود USB Type C لكن OPPO F9 منفذ USB 2.0.

هاتف Mi 8 Lite لا يحتوي على منفذ 3.5 ملم لدخول سماعات الرأس و لا يأتى فى صندوق الهاتف سماعات الأذن و لكن هاتف OPPO F9 يدعم منفذ 3.5 ملم لسماعات الرأس Headphones.

بالنسبة للتعامل مع الشبكة تفوق Xiaomi mi 8 Lite بشكل ملحوظ في الاماكن اللي الشبكة فيها ضعيفة جدا.


طب يعنى يا موبيزل أجيب من فيهم؟

تشتري ال OPPO F9 لو عايز موبايل مضمون و منتشر جدا مع نوتش صغير و عملي و يستحمل يوقع منك ولو متقدرش تستغني عن منفذ 3.5 ملم لسماعات الأذن و لو عايز كاميرا سيلفي ممتازة.

أما ال Xiaomi Mi 8 Lite تشتريه لو عايز موبايل يقدم أداء أفضل فى الألعاب مع تصميم أشيك و أجمل و المكان اللى انت موجود فيه علاطول الشبكة فيه ضعيفة و متقدرش تستغنى عن لمبة الاشعارات و محتاج كاميرا خلفية ممتازة.


محتويات صندوق الهاتف :-


هاتف أوبو F9:
الهاتف و الشاحن و كابل الشحن و سماعات الأذن و جراب شفاف لحماية الهاتف.

هاتف Xiaomi Mi 8 Lite:
الهاتف و الشاحن و كابل الشحن و محول لتشغيل سماعات الأذن و جراب شفاف سيلكون.


سعر الهواتف :-

هاتف OPPO F9 :
بالسوق المصري
5490 جنيه مصري للنسخة 64 جيجا بايت + 4 جيجا بايت رام.
6400 جنيه مصري للنسخة 64 جيجا بايت + 6 جيجا بايت رام.

بالسوق السعودى 1300 ريال سعودى للنسخة 64 جيجا بايت + 4 جيجا بايت رام.

هاتف Xiaomi Mi 8Lite :
بالسوق المصري
4666 جنيه مصري للنسخة 64 جيجا بايت + 4 جيجا بايت رام.
5444 جنيه مصري للنسخة 128 جيجا بايت + 6 جيجا بايت رام.

بالسوق السعودى
1199 ريال سعودى للنسخة 64 جيجا بايت + 6 جيجا بايت رام.


لو عاوز تشوف فيديو المقارنة من هنا :-

قد يعجبك أيضا...

Comments

Loading...