مقارنة Realme 3 Pro مع Xiaomi Mi A3 – مين الأفضل تحت الـ 4000 جنية !

هاتف Realme 3 Pro قدر يحقق معادلة صعبة وبينافس معظم الموبايلات في الفئة المتوسطة بمتوسط سعر 4000 جنية وفي مقالة اليوم سنقوم بعمل مقارنة شاملة بين هاتف شاومي الجديد Xiaomi Mi A3 مع هاتف Realme 3 Pro لأنهم في نفس الفئة السعرية.


هاتف Xiaomi Mi A3 :-

مميزات:

  • بطارية الهاتف عملاقة و تقدم أداء مميز.
  • يدعم الهاتف يستشعر بصمة الاصبع المدمج بالشاشة و يتميز بسرعة مقبولة جدا.
  • متوفر بالهاتف مستشعر IR للتحكم فى أجهزة المنزل.
  • خامات التصنيع المميزة مع تصميم جميل.
  • متوفر بالهاتف لمبة اشعارات.
  • صوت الموبايل عالي ومجسم.
  • معالج الهاتف يقدم أداء جيد جدا فى المهام اليومية.
  • تحديثات مستمرة بفضل الأندرويد الخام.

عيوب:

  • كان من الأفضل لو دقة الشاشة كانت FHD بدلا من HD+.
  • يجب الاستغناء عن الشريحة الثانية لاستخدام كارت الذاكرة الخارجي.
  • لا يمكنك لعب PUBG على High جرافيك.
  • الشاحن المُرفق فى علبة الهاتف يأتى بقوة 10 وات فى حين ان الهاتف يدعم الشحن بقوة 18 وات.

هاتف Realme 3 Pro :

مميزات:

  • يمكنك استخدام شريحتين اتصال و كارت ذاكرة خارجي فى نفس الوقت.
  • شحن البطارية سريع جدا VOOC 3.0 و تصمد لمدة أكثر من يوم فى الاستخدام المتوسط.
  • يقدم المعالج اداء متميز فى المهام اليومية و الألعاب الثقيلة.
  • تقدم الكاميرا السيلفي اداء مميز جدا.

عيوب:

  • لا يوجد لمبة اشعارات بالهاتف.
  • الهاتف سهل الخدش و التجريحات و الاتساخ ببصمات الآصابع بسبب أنه مصنوع من البلاستيك.

التصميم :

هاتف Xiaomi Mi A3 مثالى للاستخدام بالايد الواحدة مع وزنه الخفيف 173 جرام و أبعاد صغيرة 153.5×71.9×8.5 ملم بألوان الأزرق و الأبيض و الأسود مع انحناءات فى ظهر الهاتف و الشاشة الصغيرة تجعله مريح فى الاستخدام و الهاتف مصنوع من الزجاج مع فريم بلاستيكي من انعكاسات لامعة فى ظهر الهاتف مع الضوء , كما يوجد بروز بسيط فى الكاميرا الخلفية و لكن الجراب المُرفق فى علبة الهاتف يخفي هذا البروز و يحمي الهاتف.

هاتف Realme 3 Pro يأتى بأبعاد الهاتف 156.8x 74.2×8.3 ملم مع وزن خفيف 172 جرام  بألوان البنفسجي المتدرج و الأزرق المتدرج بتصميم يشبه كثيرا الخاص بهاتف Realme 3 مصنوع من البولى كاربونيت البلاستيك المقوي و هو أقوي من الهواتف السابقة و ألوان الهاتف بتلمع فى الشمس مع ظهر حرف S و اللى بيرمز لسرعة الأداء و الحفاظ على الحلقة الصفراء الموجودة حول الكاميرا الخلفية.

و زى ما بننصح دايما لو انت شخص بيوقع الموبايل كتير من ايده يبقي تشتري هاتف بلاستيك لو لأ تشتري زجاجى عادى طالما هتحافظ عليه.


الشاشة :

يأتى هاتف Xiaomi Mi A3 بشاشة بحجم 6.01 بوصة من نوع سوبر أموليد بدقة HD+ و جودة 720*1560 بيكسل و كثافة بيكسلات 286 بيكسل لكل بوصة بأبعاد 19.5:9 و تمثل 80.3% من حجم الهاتف و الحواف حول الشاشة كبيرة بعض الشئ  و يوجد طبقة حماية من نوع جوريلا جلاس 5 بس بردوا لازم تركب اسكرينة للحماية.

شاشة هاتف Realme 3 Pro تأتي من نوع IPS LCD بقياس 6.3 بوصة بدقة Full HD+ بجودة 1080*2340 بيكسل مع كثافة بيكسلات 409 بيكسل لكل بوصة بأبعاد 19.5:9 و تمثل الشاشة 83.7 % من حجم الهاتف ويأتي الهاتف عليه سكرينه.

اللون الأبيض أكثر سطوعا فى الشاومى عن الريلمى و لكن شاشة الريلمى هتدي كثافة بيسكلات أفضل و الشاومى هتدي تشبع ألوان أعلى و الاتنين كويسين جدا فى السطوع تحت الشمس و الاتنين فيهم نوتش Drop water أعلى الشاشة لا يمكنك الغائها من الاعدادات و الحواف حول الشاشة فى الشاومى أكبر من الموجودة حول شاشة الريلمى.

فى نقطة تفوق لصالح الريلمى 3 برو فى نقطة كثافة البيكسلات و اللى هتكون واضحة بس فى حالة تشغيل الفيديوهات على FHD و تركز كويس علشان تلاحظها غير كده الاتنين تقريبا زي بعض مش هتلاحظ فرق جوهري بينهم.


الأداء :

هاتف Xaiomi Mi A3 بمعالج Qualcomm Snapdragon 665  ثمانى النواة يعمل بقوة تردد 4*2.0 جيجا هرتز  Kyro 260 gold و  4*1.8 جيجا هرتز Kyro 260 silver بمعمارية 11 نانومتر و اللى بيوفر سلاسة فى التشغيل بفضل الأندرويد الخام Android one و اللى هيبقي مميز فى كونه أسرع من أى واجهة تانية فى وصول تحديثات جوجل.

هاتف ريلمى 3 برو ما زال بيقدم أفضل معالج فى فئة الـ 4000 جنية بمعالج  Qualcomm Snapdragon 710 ثماني النواة يعمل بقوة تردد 2*2.22 جيجا هرتز Kyro 360 gold  و 6*1.7 Kyro 360 silver بمعمارية 10 نانومتر المعالج هنا بنفس التردد بتاعه العادى مش قليل الفكرة هنا ان ريلمى عملت فى الهاتف وضع و وضع High performance اللى بيخلي المعالج يشتغل بكامل كفائته بس على حساب البطارية بس خد بالك ان البطارية اصلا كبيرة 4045 مللي أمبير.

الريلمى بيجي بواجهة تشغيل Color OS 6.2 و دى طبعا فيها مميزات عن الأندرويد الخام الموجود فى الشاومى و بتوفر خاصية عمل نسختين من تطبيقات التواصل الاجتماعى Dual apps.

فى اختبار السرعة Speed test بين الاتنين يتفوق شاومي Mi A3 بالأندرويد الخام ونوع الذاكرة USF 2.1 في سرعة فتح التطبيقات .. بس في الاستخدام اليومي الهاتفين زي بعض تقريبا.

فى اختبار Antutu  سجل هاتف Xaiomi Mi A3  عدد 138678 نقطة بينما سجل هاتف Realme 3 Pro عدد 159474 نقطة دا لو فى وضع البطارية العادى لكن لو فى وضع ال High performance بيسجل 172658 نقطة و دا الرقم الطبيعي اللى بيحققه السناب 710.

بالنسبة للمعالج الرسومي بهاتف شاومى مي A3 هو Adreno 610 و هاتف Realme 3 Pro بمعالج رسومى Adreno 616.

أما بالنسبة للعبة PUBG الريلمى 3 برو بيشغلها على High HD بأداء عالى و جيد بدون تهنيج أو سقوط فى ال Frames لكن ال Mi A3 بيشغلها بس على جرافيك Medium و مستنين يوصل تحديث للـ Mi A3 يمكن يخليها تشتغل على أعلى اعدادات خصوصا و ان المعالج يقدر يشغلها عادى.

و كمان ال Realme 3 Pro بيدعم تشغيل فورت نايت على اعدادات جرافيك متوسطة بدون تهنيج على عكس الMi A3 اللى مش بيدعمها بشكل رسمي

من الاخر الاتنين قريبين جدا من بعض فى حالة الاستخدام اليومي لكن لو هتطحن الهاتف ألعاب ثقيلة يبقي Realme 3 Pro هو اللى هيسد معاك.


الصوت :

صوت السماعة الخارجية فى الشاومى أقوي عن الريلمى أما عن صوت سماعات الأُذن أعلى فى الريلمى عن الشاومى أما عن سماعة المكالمات فهو عالى و واضح فى الاتنين.

الاتنين بيدعموا ميكروفون اضافي لإزالة الضوضاء مما يُحسن من جودة الصوت في التسجيل و الفيديو.


الكاميرا الخلفية :

يأتى هاتف Xiaomi Mi A3 بكاميرا خلفية ثلاثية بجودة 48 ميجا بيكسل مع فتحة عدسة f/1.8 و الثانية بجودة 8 ميجا بيكسل مع فتحة عدسة f/2.2 للتصوير بزاوية واسعة و الثالثة بجودة 2 ميجا بيكسل مع فتحة عدسة f/2.4 للعزل مع فلاش أحادى LED و تصوير فيديو بجودة 4K 2160 مع 30 اطار فى الثانية و بجودة 1080 بيكسل مع 30 مع مثبت اليكترونى gyro EIS  أو 60 أو 120 اطار فى الثانية  أو 720 بيكسل و Slow motion و يمكنك التنقل بين العدسات مثل استخدام عدسة Wide angel و لكن حتى 1080 بيكسل مع 30 اطار فى الثانية كما يدعم التصوير بوضع بانوراما و HDR مع دعم الذكاء الاصطناعى AI.

كاميرا هاتف Realme 3 Pro الخلفية تأتي مزدوجة بجودة 16 ميجا بيكسل مع فتحة عدسة f/1.7 مع مستشعر من سونى IMX 519 و هو نفس المستشعر الموجود بفلاج شيب One Plus 6 و الثانية بجودة 5 ميجا بيكسل من اجل العزل مع دعم الضبط التلقائي المزدوج PDAF  و فلاش احادى LED و تصوير فيديو بجودة 1080 بيكسل مع 30  لقطة فى الثانية و ايضا التصوير بجودة 720 بيكسل مع 30 اطار فى الثانية كما يقوم بالتصوير Slow motion  لحد 920 اطار فى الثانية و بيقدر يصور 4K 2160 مع 30 لقطة فى الثانية مع دعم التصوير بوضع بانوراما و HDR  و تدعم مثبت اليكتروني يعمل فى جودة 1080 مع 30 اطار فقط و بالتالى هيبقي في اهتزاز بسيط فى تصوير الفيديو بأى جودة أخري.

ممكن تشوف صور مقارنة متصورة بالهاتفين في فيديو المقارنة في أخر المقالة .


الكاميرا السيلفي :

في موبايل Xiaomi Mi A3 تأتى الكاميرا الأمامية بجودة 32 ميجا بيكسل و تدعم الكاميرا ال Portrait و HDR و Beauty mode و ريلمى 3 برو بجودة 25 ميجا بيكسل مع فتحة عدسة  F/2.0 و تصوير فيديو بجودة 108  بيكسل مع 30 لقطة فى الثانية.

ممكن تشوف صور مقارنة متصورة بالهاتفين في فيديو المقارنة في أخر المقالة .


البطارية :

بطارية هاتف Xiaomi Mi A3 بسعة 4030 مللي أمبير و هاتف Realme 3 Pro بحجم بطارية 4045 مللي أمبير مع تفوق فى وجود شحن سريع بشاحن VOOC 3.0 و الاتنين نفس الأداء تقريبا بيصمدوا حوالى 6 الى 7 ساعات شاشة مفتوحة.

يتفوق الشاومى فى وجود مدخل USB Type C  لكن مفيش شاحن سريع  في علبة الموبايل .. انما في الريلمى فهو بالمدخل القديم Micro USB 2.0 ولكن معاه شاحن سريع جدا في العلبة بيشحن الموبايل في حوالي ساعة وربع .. و هنا التفوق هيكون لصالح الريلمى 3 برو علشان خاصية الشحن السريع لأن الشاومى بيتم شحنه ل100% فى حوالى ساعتين و 10 دقايق.


حماية أمان و خصوصية المستخدم :

ريلمى 3 برو مستشعر بصمة تقليدي في ظهر الهاتف سريع مفيهوش مشاكل لكن الشاومى استغلت الشاشة السوبر أموليد و عملت مستشعر بصمة مدمج بالشاشة و وبتقدر سهولة أنك أول ما تطلع الموبايل من جيبك بنفس اليد تفتح الهاتف بفضل حجمه الصغير و سرعتها مقبولة و الأهم انها دقيقة ومش بتغلط .

ولكن سيظل مستشعر البصمة الخلفية لـريلمي 3 برو أسرع بفرق ملحوظ من مستشعر البصمة المدمج بالشاشة في شاومي Mi A3 .

و خاصية قفل الوجه Face unlock متاحة في الهاتفين , في الريلمى 3 برو أسرع بفرق بسيط جدا يكاد يكون غير ملحوظ.


الذاكرة الداخلية و العشوائية :

هاتف  Xaiomi Mi A3 متوفر بنسختين حيث ذاكرة داخلية 64 أو 128 جيجا بايت مع ذاكرة عشوائية 4 جيجا بايت رام مع امكانية زيادة المساحة الداخلية عن طريق كارت ذاكرة خارجي يصل الى 256 جيجا بايت و لكن مع الاستغناء عن الشريحة الثانية لاستخدامه ونوع الذاكرة الداخلية UFS 2.1 مساعد الموبايل انه يبقا أسرع في فتح التطبيقات ونقل الصور والملفات من والي الهاتف.

يتوافر Realme 3 Pro بنسختين حيث الأول بذاكرة داخلية 128جيجا بايت مع 6 جيجا بايت رام و الثاني 64 جيجا بايت مع 4 جيجا بايت رام ذاكرة عشوائية ويمكنك​ زيادة المساحة الداخلية للهاتف عن طريق إضافة كارت ذاكرة خارجي يصل الى 256 جيجا بايت فى منفذ منفصل عن شريحتين الاتصال.


خواص أخري :

لمبة اشعارات Mi A3

الاتنين فيهم كل المستشعرات البوصلة و التقارب و الضوء مع دعم الجيروسكوب حيث استخدام نظارات VR للواقع الافتراضي.

مع دعم خاصية OTG و تشغيل الردايو FM مع GPS.

بالنسبة لـ لمبة الاشعارات يتفوق الشاومى فى وجودها باللون الأبيض و نورها واضح و كمان بيتفوق فى وجود مستشعر IR للتحكم فى الأجهزة المنزلية.

بالنسبة لقوة الشبكة الاتنين كويسين جدا فى التعامل مع الشبكة لكن نقدر نقول ان الشبكة أفضل بفرق بسيط فى الريلمى 3 برو و كان بيستجيب أسرع فى المناطق الي الشبكة فيها ضعيفة.


رأى موبيزل :

الريلمى 3 برو يتفوق فى شاشة FHD بكثافة بيكسلات أفضل و كاميرا سيلفي أفضل خصوصا في التصوير بليل مع معالج أفضل فى الألعاب و شاحن سريع مع امكانية تركيب كارت ذاكرة خارجي مع شريحتين اتصال فى نفس الوقت.

الشاومى يتفوق بظهر زجاجى فخم مع لمبة اشعارات و مستشعر IR و صوت أعلى بشكل ملحوظ و منفذ USB Type C و كاميرا خلفية بتطلع ألوان واقعة أكثر و تحديثات أسرع بفضل الأندرويد الخام.


محتويات صندوق الهاتف :

هاتف Xiaomi Mi A3 والشاحن وكابل الشحن و جراب شفاف لحماية الهاتف.

ملحوظة: صندوق الهاتف لا يحتوي على سماعات الرأس Headphones.

 

هاتف Realme 3 Pro و تم تركيب اسكرينة للحماية عليه مسبقا من الشركة مع الشاحن السريع VOOC 3.0 و كابل الشحن و جراب شفاف لحماية الهاتف.

ملحوظة : صندوق الهاتف لا يحتوي على سماعات الأُذن Earphones.


سعر الهاتف :

هاتف Xiaomi Mi A3

3666 جنيه مصري بما يعادل 215 دولار أمريكي للنسخة 64 جيجا بايت مع 4 جيجا رام.

4222 جنيه مصري بما يعادل 250 دولار أمريكي للنسخة 128 جيجا بايت مع 4 جيجا رام.

هاتف Realme 3 Pro

3800 جنيه مصري بما يعادل 225 دولا أمريكي للنسخة 64 جيجا بايت مع 4 جيجا رام.

4800 جنيه مصري بما يعادل 280 دولارأمريكي للنسخة 128 جيجا بايت مع 6 جيجا رام.


فيديو المقارنة على اليوتيوب :

قد يعجبك أيضا...

Comments

جاري التحميل...