وأخيرا تم الأعلان عن سلسلة Samsung Note 10 الجديدة – مع الاسعار في مصر والسعودية !

وأخيرا وبعد انتظار طويل وتسريبات كثيرة تم الاعلان اليوم عن سلسلة النوت الجديدة من سامسونج وهي السلسلة الأشهر عالميا من سامسونج , أكبر تغيير في سلسلة النوت هذا العام هو ان سامسونج قامت باصدار نسختين من النوت 10 , النسخة العادية من Samsung Note 10 بحجم أصغر من المعتاد من سلسلة النوت لتجذب لها شريحة من المستخدمين الي كانوا عاوزين يجربوا النوت من سامسونج بس مش حابين الموبايل الكبير , فسامسونج بتقولهم السنة , نوت 10 العادي هيبقا مناسب ليكم !

والنسخة التانية من الموبايل Samsung Note 10 Plus بحجم شاشة أكبر وده المعتاد من سامسونج في فئة النوت , وبكدا سامسونج ريحت كل الأطراف من ناحية حجم الموبايل .

فرق حجم الشاشات بين نوت 10 ونوت 10 بلس

ده طبعا غير مميزات القلم S Pen الجديدة الي تم اضافتها في سلسلة النوت 10 الجديدة , وبالفعل نجحت سامسونج في خلق حالة حب شديد بين المستخدمين و قلم الـ S Pen لدرجة انه المستخدمين بيغيروا النوت القديم بالجديد بس علشان يجربوا مميزات القلم الجديدة الي هنعرفها بردة بالتفصيل دلوقتي .

خلينا دلوقتي نعرض مواصفات Samsung Note 10 العادي وبعدها هنعرض ليكم الاختلاف او الاضافات الي موجودة في Samsung Note 10+ وبعدها نعرض مميزات القلم S Pen الجديد وبكدا يبقا عرفت كل حاجة عن سلسلة النوت 10 الجديدة مع موبيزل .


مواصفات Samsung Note 10 العادي :-
Note 10 العادي
  • التصميم للظهر زجاجي بالكامل مع فريم صغير معدني , والي هتلاحظه السنة ديه ان الشاشة بقت مستطيلة أكتر والانحناءات قلت جدا والفريم يمين وشمال الشاشة بقا صغير جدا والشاشة لافة عليه وبقا مناسب اكتر للاستخدام في الايد .. ده غير شكل الكاميرات المستطيل بظهر الموبايل والي شوفنا شكله قبل كدا في التسريبات السابقة.
  • وأخيرا تم الغاء زرار بيكسبي , على الجانب الايسر زر الباور وازرار التحكم بالصوت .
  • وزن خفيف 168 جرام .
  • ألوان الموبايل أسود و أبيض و لون أسمه Aura glow بيعمل انعكاسات شيك جدا .
  • يوجد حماية من كورينج جوريلا على الظهر والشاشة مع مقاومة للماء والاتربة بشهادة IP68 .
  • الشاشة 6.3 بوصة من نوع Dynamic AMOLED بدقة FHD+ فقط مع دعم HDR+ والجديد في تصميم الشاشة هو الـ Punch Hole او ثقب الشاشة الي بيتحط فيه الكاميرا السيلفي المرة ديه موجود في نصف الشاشة بالظبط علشان يديلك شكل متماثل واستغلال للشاشة أحسن وحواف الشاشة أقل ما يمكن وهي ممتازة بالنسبة لسلسلة النوت من سامسونج .
  • الكاميرا الخلفية ثلاثية الرئيسية المعتادة من سامسونج 12 ميجا بيكسل فتحة عدسة متغيرة من F/1.5 الي F/2.4 مع مثبت بصري والثانية 12 ميجا بيكسل فتحة عدسة F/2.1 للزوم والاخيرة 16 ميجا بيكسل فتحة عدسة F/2.2 للتصوير الواسع مع دعم تصوير فيديوهات بجودة 4K بمعدل 60 اطار لكل ثانية وكمان تقدر تصور فيديو Live Focus بمعنى انك تحدد شخص وانت بتصور فيديو هيركز عليه ويزغلل باقي الخلفية ودي ميزة حلوة جدا في تصور الفيديوهات بالنوت 10 الجديد .
  • الكاميرا السيلفي 10 ميجا بيكسل فتحة عدسة F/2.2 .
  • المعالج الي هيوصل الشرق الأوسط ومصر هو من تصنيع سامسونج Exynos 9825 بمعمارية 7 نانوميتر وهو أحسن بفرق بسيط اوي عن الي موجود في Samsung S10 Plus وتم اضافة غرفة بخار لتبريد المعالج .
  • البصمة مدمجة بالشاشة Ultra-sonic وما زالت تحت التجربة لمعرفة سرعتها .
  • الهاتف بسماعات ستريو سبيكر .
  • للأسف تم ازالة مدخل سماعات الـ 3.5 مم لأول مرة في سلسلة النوت , وهذا هو الاتجاة الجديد , ومع ذلك سامسونج اضافت سماعة بمدخل Type C في علبة الموبايل .
  • مساحة تخزين 256 جيجا مع 8 جيجا رام ولا يدعم تركيب كارت ميموري .
  • بطارية صغيرة 3500 مللي امبير مع دعم شحن سريع 25 واط يأتي مع العلبة مع دعم شحن لاسلكي مع دعم الشحن العكسي .
  • السعر الرسمي في مصر 16499 جنية وبسعر 3499 ريال في السعودية للنسخة 256 جيجا مع 8 جيجا رام .

مواصفات Samsung Note 10 Plus :-
Note 10 Plus بلون Aura glow
  • نفس المواصفات الي فاتت مع اختلاف التالي .
  • وزن أتقل 196 جرام .
  • الشاشة أكبر 6.8 بوصة من نفس النوع بس مع دقة أعلى QHD+ .
  • نفس الكاميرا الخلفية الثلاثية مع كاميرا اضافية رابعة TOF لحسابات العمق والعزل .
  • مساحة تخزين 256 أو 512 جيجا مع 12 جيجا رام والموبايل هنا بيدعم تركيب كارت ميموري .
  • بطارية أكبر 4300 مللي أمبير مع دعم شحن سريع لحد 45 واط ولكن للأسف الشاحن المرفق 25 واط .
  • السعر الرسمي في مصر 19499 جنية للنسخة 256 جيجا مع 12 جيجا رام وبسعر 3999 ريال في السعودية لنفس النسخة .

مميزات الـ S Pen الجديد :-

  • بطارية الـ S Pen أصبحت أقوى ويتم شحنها أسرع وزمن استخدامها أصبح أطول .
  • تقدر تحول خط أيديك المكتوب بالـ S Pen الي كلام تقدر تنسخه وتقدر تعمله نسخ في ملف Word مثلا مع دعم كل اللغات عربي وأنجليزي .. ألخ .
  • تم اضافة Air Actions للقلم , تقدر تعمل حركة بالقلم وانت ضاغط على زر الـ S pen وانت فاتح تطبيق الكاميرا مثلا وبكدا تقدر تقلب في الـ Modes بتاعت التصوير , مثلا تحول من Photo لـ Live Focus من غير ما تلمس الشاشة .
  • بمجرد حركات بالقلم من بعيد تقدر تقلب في الفيديوهات وتعلي الصوت وتوطيه في تطبيقات تانية زي اليوتيوب مثلا .
  • تقدر تعدل وتظبط كل حركات Air Actions براحتك من الاعدادات بتاعتها وديه ميزة حلوة جدا تقدر فعلا تخلي بيها الـ S Pen يبقا عبارة عن ريموت للموبايل .

الموبايلات متاحة للحجز المسبق على موقع سوق . كوم بالاسعار المكتوبة بالأعلى .

في نسخ أخرى 5G من الموبايلات هتنزل بالخارج لان لسه عندنا الشبكات موصلتش لسرعة 5G .

قد يعجبك أيضا...

Comments

جاري التحميل...