من فترة شركة شاومي نزلت موبايل Xiaomi 12 Pro في السوق المصري .. وكان أغلى موبايل من شاومي ينزل مصر .. ولما عملنا مقارنة بينه وبين Galaxy S22 Ultra لاقينا ان اداء الكاميرات متواضع الى حد كبير بالنسبة لموبايل Flagship بالسعر ده .. بعدها شاومي أطلقت Xiaomi 12S Ultra في الصين.
موبايل Xiaomi 12S Ultra من شاومي كان مختلف .. وده لإنه بيقدم عتاد ومواصفات فائقة متكاملة الى أقصى درجة .. لكن اللي كان فعلًا مميز فيه هي الكاميرات .. الموبايل ده بيقدم كاميرا خلفية أساسية بمستشعر 1 بوصة وده مستشعر ضخم جدًا .. وده اللي بيخلينا نقارن الكاميرا بتاعته بكاميرا Galaxy S22 Ultra.
كاميرات Galaxy S22 Ultra :-
يأتي هاتف S22 Ultra الرائد من سامسونج بأربعة كاميرات خلفية، العدسة الأساسية تأتي بدقة 108 ميجا بيكسل بفتحة عدسة F/1.8 بمستشعر ISOCELL HM3 من سامسونج والمستشعر يأتي بحجم 1/1.33 بوصة، وهي بها مثبت بصري وتدعم Laser AutoFocus وتدعم تصوير فيديوهات بجودة تصل الى 4320p@24fps.
أما عن العدسة الثانية فهي عدسة Telephoto مُخصصة للزوم، تأتي بدقة 10 ميجا بيكسل بفتحة عدسة F/4.9 بمستشعر سوني IMX754 بحجم مستشعر 1/3.52 بوصة وبها مثبت بصري، وهي مُخصصة لعمل زوم يصل الى 10X حقيقي بدون فُقدان تفاصيل، كما يُمكن عمل زوم يصل الى 100X عن طريق السوفت وير.
العدسة الثالثة هي عدسة Ultra Wide Angle بدقة 12.2 بوصة بفتحة عدسة F/2.2 بمستشعر سوني IMX563 وحجم المستشعر 1/2.55 بوصة، تدعم الـSuper Steady. العدسة الأخيرة مُخصصة للـPortrait بدقة 12 ميجا بيكسل بفتحة عدسة F/2.4 بمستشعر سوني IMX754 والمستشعر حجمه 1/3.52 بوصة، وبها مثبت بصري.
بالنسبة للكاميرا السيلفي فهي واحدة وتأتي بدقة 40 ميجا بيكسل بفتحة عدسة F/2.2 بمستشعر بحجم 1/2.8 بوصة، تدعم تصوير فيديوهات بجودة 2160p@60fps وتدعم Auto HDR.
كاميرات Xiaomi 12S Ultra :-
يأتي هاتف Xiaomi 12S Ultra بثلاثة كاميرات خلفية مُختلفة الوظائف، وجميع العدسات تأتي من Leica، منهم العدسة الأساسية التي تأتي بدقة 50.3 ميجا بيكسل بفتحة عدسة F/1.9 بمستشعر سوني IMX989 بحجم 1 بوصة مع دعم للـLaser AutoFocus والمثبت البصري، ويُمكنها تصوير فيديوهات بجودة 4320p@24fps.
العدسة الثانية Telephoto بدقة 48 ميجا بيكسل بفتحة عدسة F/4.1 بمستشعر سوني IMX586 وحجم مستشعر 1/2 بوصة، وبها مثبت بصري، لعمل زوم يصل الى 5X حقيقي بدون فُقدان تفاصيل ويصل الى 120X عن طريق السوفت وير، العدسة الأخيرة Ultra Wide بدقة 48 ميجا بيكسل بفتحة عدسة F/2.2 وهي بمستشعر سوني IMX586.
أما عن الكاميرا السيلفي فهي عدسة واحدة تأتي بدقة 32 ميجا بيكسل بفتحة عدسة F/2.5 بمستشعر OV32C وحجم المستشعر 1/3.2 بوصة تدعم المثبت الإلكتروني عند تصوير الفيديوهات.
التجربة الفعلية للكاميرات :-
بعد ما وضحتلك أرقام الكاميرات للموبايلين .. وبعد ما جربنا الكاميرات في مختلف أوضاع التصوير .. أقدر أقولك ان Xiaomi 12S Ultra بيقدم تجربة إستثنائية بالكاميرا الخلفية الرئيسية، الموبايل فعلًا بيطلع صور فيها HDR ممتاز وكمية تفاصيل محترمة .. الـLook بتاع الصورة حلو جدًا .. وكمان ألوان الصور مظبوطة جدًا.
معظم الصور اللي صورتها بالموبايلين بالعدسة الأساسية تفوق فيها Xiaomi 12S Ultra على Galaxy S22 Ultra .. وكمان بيتفوق في تصوير الفيديوهات .. وده لإنه بيقدم كمية تفاصيل أكبر ومعالجة أفضل للألوان وللتفاصيل بشكل عام، بيطلع شكل واقعي أكثر مع الثبات الممتاز .. سواء الصبح او بالليل.
اما بالنسبة لباقي العدسات فا S22 Ultra بيتفوق في الـPortrait الـ3X بفرق ضخم جدًا .. لحد دلوقتي مفيش موبايل قدر يسد قصاده في تصوير البورتريه الزوم.
وبالنسبة للزوم فا الموبايلين كويسين .. السامسونح لحد 100X و الشاومي 120X .. يمكن بشكل عام موبايل S22 Ultra تفوق في عدد أكبر من الصور الزوم ان تفاصيلها احسن خصوصا بالاضاءة العالية .. لكن مازال 12S Ultra ممتاز في الزوم خصوصا في الاضاءات المنخفضة .
وبالنسبة للتصوير السيلفي فا للأسف Xiaomi 12S Ultra كاميرته الأمامية ضعيفة جدًا .. دي حاجه محتاجه من شاومي انها تطور فيها .. تفوق واضح وصريح لكاميرا S22 Ultra الأمامية.
ممكن تشوف تجربة التصوير في الفيديو الموجود بأعلى المقالة.
Comments