كلام كتير جدا عن موبايل شاومي المنتظر بشدة Xiaomi Mi 8 الرائد , طبعا هيجي بكاميرا خلفية مزدوجة واقوى معالج حالي من كوالكم , فعلا هيبقا منافس قوي جدا لكل الهواتف الرائدة او الفلاج شيب زي ما بيقولوا , تعالوا نشوف مواصفات الموبايل المتوقعة , وخلينا نفكركم ان الموبايل هيتم الاعلان الرسمي عنه اخر الشهر هو و واجهة شاومي الجديدة الي متوقعين انها اخيرا هتدعم خاصية Face Unlock .
مواصفات موبايل Xiaomi Mi 8 :-
- اكيد هيدعم شبكات الجيل الرابع عن طريق شريحتين اتصال مش محتاجه كلام !
- الموبايل زجاج من الامام والخلف مع اطار معدني قوي .
- شاشة كبيرة 6.2 بوصة غالبا فيها Notch لانها بابعاد طويل 19:9 بدقة FHD+ من نوع IPS LCD والشاشة عليها حماية Corning Gorilla Glass .
- الموبايل هيجي بمعالج Snapdragon 845 وهو اقوى معالج من كوالكم حاليا .
- مساحة تخزين 64 او 128 جيجا مع 6 جيجا رام .
- للأسف مفيش مكان لكارت ميموري .
- كاميرا خلفية مزدوجة 16+20 ميجا بيكسل الرئيسية فيهم هتبقا بفتحة عدسة واسعة f/1.7 مع فلاش LED و مثبت بصري و زوم 2X وطبعا تصوير فيديوهات عالية الجودة 2160p@60fps .
- كاميرا امامية 16 ميجا بيكسل بفتحة عدسة f/2.0 وطبعا بتدعم الذكاء الاصطناعي زي الكاميرا الخلفية وهنشوف منها عزل وبورترية ممتازين وطبعا وضع التجميل هيبقا ممتاز فيها .
- للأسف مفيش مدخل سماعات 3.5 مم وهتحتاج التحويلة الي بتيجي ف علبة المويايل من USB Type C لـ 3.5 مم .
- بطارية غالبا هتبقا في رنج 3300 مللي أمبير بتشحن بسرعة .
- الضجة كلها حوالين هل الموبايل فعلا هيدعم مستشعر بصمة تحت الشاشة , يعني هتدوس ع الشاشة نفسها من تحت يفتح ؟! , لسه مش عارفين ومش متأكدين لحد دلوقتي من المعلومة ديه .
- الموبايل هيجي عليه واجهة شاومي MIUI 9.0 باندرويد أوريو 8.1 واعتقد مش هتدعم Face Unlock بس هيتحدث بسرعة للواجهة الجديدة MIUI 10.0 الي هيتم الاعلان عنها في نفس اليوم وهيدعم الميزة ديه , او ممكن يتم الاعلان عن الموبايل بالواجهة الجديدة علاطول .
- اي جديد عن الموبايل هيتم الاعلان عنه في موقع موبيزل لمراجعة الموبايلات , تابعنا دايما 🙂
لو عاوز تشوف موبايلات شاومي الي في السوق اضغط على اللينك ده , اسعار موبايلات Xiaomi .
Comments