فيديو مراجعة موبايل شاومي المنتظر Xiaomi Mi 8 Lite – شياكة و فخامة مع اداء سريع !

شاومي شركة صينية نشيطة جدا وكل يوم بتفاجئنا بموبايل جديد متطور جدا بسعر مناسب , بعيدا عن الاعتمادية و خدمات ما بعد البيع الي لسه شاومي بتحاول تحسن مستواها فيه , بس مدى انتشار شاومي في الاسواق المصرية والعربية في الفترة الأخيرة كبير جدا , و علشان كدا احنا قررنا نحصل على موبايل Xiaomi Mi 8 Lite من الخارج علشان نقدر نستخدمه فتره طويلة ونعمله مراجعة حيادية زي ما انتوا عارفين عننا , علشان الموبايل ده متوقع نزوله مصر خلال أيام بسعر منافس أقل من 5000 جنية علشان يقدر ينافس مع Honor 8X الي مستحوذ على مبيعات الفئة ديه في مصر .

عموما احنا عملنا فيديو مراجعة لموبايل Mi 8 Lite وقولنا كل كبيرة وصغيرة في الموبايل .

شوف الفيديو من هنا :-

متنساش بعد ما تشوف الفيديو تعمل لايك و اشتراك في قناة يوتيوب موبيزل علشان يوصلك جديد عالم الموبايلات .

بالنسبة للمستخدمين الي مش هيقدروا يشوفوا الفيديو لاي سبب من الاسباب , هنكتب هنا أبرز مواصفات و مميزات و عيوب الموبايل واستنوا مراجعة كتابية على الموقع كعادة موقع موبيزل بنوفر مقالات كتابية على الموقع و بوستات على صفحة الفيس بوك و فيديوهات على اليوتيوب علشان نرضي كل المستخدمين .

مواصفات Xiaomi Mi 8 Lite :-

• شاشة 6.26 بوصة بها نوتش يمكن اخفائه من الاعدادات والشاشة بدقة FHD+ ولا يوجد عليها طبقة حماية وهي من نوع IPS LCD .
• بطارية 3350 مللي أمبير تدعم الشحن السريع عن طريق منفذ شحن USB Type C .
• معالج سناب دراجون 660 نفس الموجود في Xiaomi Mi A2 .
• واجهة تشغيل شاومي MIUI 9.6 .
• لا يوجد مخرج سماعات 3.5 مم ولا يدعم تشغيل الراديو .
• كاميرا خلفية مزدوجة 12+5 ميجا بيكسل فتحة عدسة رئيسية f/1.9 مع دعم تصوير فيديوهات 4k .
• كاميرا امامية 24 ميجا بيكسل فتحة عدسة f/2.0 .
• تصميم الظهر من الزجاج اللامع كالمراية مع اطار معدني قوي كما يوجد في علبة الهاتف جراب شفاف لحماية الموبايل .

أبرز مميزات الموبايل :-

• الاداء ممتاز مع معالج سناب دراجون 660 + واجهة شاومي السلسة .
• الكاميرات ممتازة في التصوير النهاري والليلي ولكن تصوير الفيديوهات في الاضاءة الضعيفة يوجد به بعض الNoise .
• البطارية تدعم الشحن السريع وصمدت حوالي 5 ساعات screen on ولكن الشاحن المرفق مع الهاتف 5V/2A يشحن في ساعه وتلت وكان من الافضل ان يتم وضع شاحن اسرع لان الهاتف يدعم شحن أسريع .
• تصميم شيك جدا بخامات ممتازة .

أبرز عيوب موبايل Mi 8 Lite :-

• لا يوجد مخرج سماعات 3.5 مم .
• سعة البطارية ليست الأكبر ضمن المنافسين مثل هاتف Honor 8x صاحب البطارية الأكبر .
• لا يدعم تشغيل الراديو .
• انخفاض جودة تصوير الفيديو على عكس المتوقع وخصوصا في الاضاءة الضعيفة .

-من المتوقع نزول هاتف Mi 8 Lite خلال أيام في الاسواق المصرية بسعر تنافسي أقل من 5000 جنية .