مقارنة بين Xiaomi Mi 8 Lite و Xiaomi Note 6 Pro – الأفضل مش دايما أغلى !

شركة Xiaomi ماشية على خطى أحمد حلمى لما قال “كُل نفسك قبل ما حد تانى يجي و يأكلك” و دا اللى بيحصل بين هواتف شاومي حاليا فى الفئة المتوسطة و هم هاتف Xiaomi Mi 8 Lite و هاتف Xiaomi Note 6 Pro هنتعرف عليهم و على مميزات و عيوب كل منهم و نشوف مين أحسن فى التصميم و الشاشة و الأداء و الكاميرا و البطارية بلاش رغي كتير فى المقدمة و ندخل فى الموضوع على طول.

هاتف Xiaomi Mi 8 Lite :-

مميزات:

  • بصمة الهاتف سريعة و دقيقة.
  • أداء المعالج رائع و قوي.
  • بطارية تدعم تقنية الشحن السريع Quick Charge 3.0.
  • كاميرا الهاتف الخلفية تدعم التصوير بجودة 4K.
  • الهاتف متوفر به USB Type C.
  • صوت السماعة الخارجية و سماعة المكالمات عالى و مجسم.

عيوب:

  • الهاتف لا يدعم تشغيل الراديو FM.
  • بروز الكاميرا قليلا عن جسم الهاتف .
  • ظهر الهاتف مصنوع من الزجاج لذا هو سريع الاتساخ ببصمات الاصبع و لكن يتم حل المشكلة بالجراب المرفق.
  • شاشة الهاتف لا تدعم طبقة حماية ضد الخدوش و الصدمات.
  • يجب الاستغناء عن الشريحة الثانية للاستخدام كارت الذاكرة الخارجي.
  • الهاتف لا يحتوي على منفذ 3.5 ملم لدخول سماعات الرأس.
  • الاشعارات لا تظهر بجانب النوتش و لمبة اشعارات بلون واحد فقط.

هاتف Xiaomi Note 6 Pro :-

مميزات:

  • يوجد طبقة حماية على شاشة الهاتف.
  • يدعم مستشعر IR .
  • صوت السماعات الخارجية رائع و ممتاز.
  • واجهة تتميز بالسلاسة و الخفة.
  • كاميرات ممتازة بالنسبة لسعر الهاتف .

عيوب:

  • نوتش كبير مع حواف كبيرة.
  • تصميم تقليدى ليس جديد.
  • يجب الاستغناء عن الشريحة الثانية للاستخدام كارت الذاكرة الخارجي.
  • بروز الكاميرا لا يزال موجود و لكنه أقل من المعتاد.
  • الاشعارات لا تظهر بجانب النوتش و لمبة اشعارات بلون واحد فقط.

التصميم :-

احنا متفقين ان التصميم الأفضل أمر نسبي و مختلف من شخص للتانى خلينا نعرف الخامات و الأبعاد و الوزن و ألوان كل واحد فيهم.
هاتف Xiaomi Mi 8 Lite متوفر بألوان الأزرق و الرمادى بأبعاد 156.4×75.8×7.5 و وزن 169 جرام مصنوع من الزجاج مع تغيير فى الألوان حسب الاضاءة و اطار من المعدن و التصميم جميل جدا و جديد و فى احساس فخامة كده.

اما عن Xiaomi Note 6 Pro متوفر بألوان الأسود و الأزرق و الذهبي الوردي بأبعاد 157.9×76.4×8.2 ملم و وزن 182 جرام مصنوع من المعدن الخفيف مع اطار بلاستيكي قوى و التصميم يعتبر المعتاد من شاومي مع انحنائات فى الظهر بتسهل حمله و استخدامه.

كلاهما بتصميم جميل و لكن فى وجهة نظر موبيزل Xiaomi Mi 8 Lite يكسب فى تصميم أجمل و أفخم مع احساس ال Premium بس لو هتوقع الموبايل من  ايديك كتير يبقا الافضل النوت 6 برو .


الشاشة :-

تأتى الشاشة فى هاتف Xiaomi Mi 8 Lite بحجم 6.26 بوصة من نوع IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة مع ابعاد 19:9 و نسبة استحواذ الشاشة 82.5% من حجم الهاتف و للأسف مفيش طبقة حماية على الشاشة مع وجود نوتش أعلى الشاشة.

أما عن Xiaomi Note 6 Pro تأتى بحجم 6.26 بوصة IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة و أبعاد 19:9 تفوقت بطبقة حماية من Corning gorilla glass و لكن غير محدد اصدارها و تعتبر نقطة تفوق على Mi 8 Lite و تمثل الشاشة 81.1% من حجم الشاشة و تأتى الشاشة بنوتش أكبر من الموجودة فى Mi 8 Lite و يمكن اخفائها من الاعدادات.

الأداء فى الاتنين يعتبر واحد و الألوان جميلة فى الاتنين بس وجهة نظر موبيزل ان الشاشة فى Mi 8 Lite أحلى و الألوان أفضل و أجمل خصوصا مع النوتش الصغيرة و الحواف الأقل.


الأداء :-

بالنسبة لنتائج اختبار Antutu لهاتف Xiaomi Mi 8 Lite سجل 144126 نقطة بمعالج Qualcomm Snapdragon 660 أما ال Xiaomi Note 6 Pro بيسجل 115027 نقطة بمعالج Qualcomm Snapdragon 636 والاتنين تكنولوجيا 14 نانوميتر.

معالج ال Mi 8 Lite أقوي و أفضل من الموجود فى Note 6 Pro و كمان بالنسبة للسخونة بعد ما جربنا لعبة PUBG لمدة نصف ساعة على medium graphic فى هاتف Note 6 Pro و على High graphic فى Mi 8 Lite لقينا ان السخونة أقل بكتير جدا فى ال Mi 8 Lite و بكده نقطة الأداء محسومة لصالح ال Mi 8 Lite.

الاتنين بيجوا بواجهة شاومي MIUI 9.6 و اللى بتتميز بالخفة و السلاسة.


الكاميرا :-

تأتى الكاميرا الخلفية لهاتف Xiaomi Mi 8 Lite مزدوجة بجودة 12+5 ميجا بيكسل مع فتحة عدسة f/1.9 و f/2.0 بالترتيب مع خاصية الضبط التلقائي المزدوج PDAF و فلاش أحادى LED مع HDR و تصوير بانوراما و تصوير الفيديو بجودة 4K بيكسل مع 30 لقطة فى الثانية و بجودة 1080 بيكسل مع 60 أو 120 لقطة فى الثانية و بجودة 1080 بيكسل مع 30 لقطة فى الثانية مع gyro EIS مثبت اليكتروني تقدم الكاميرا صور بجودة متميزة مع تفاصيل رائعة و تتميز بPortrait جيد جدا.

أما عن هاتف Xiaomi Note 6 Pro يأتى بكاميرا خلفية 12+5 ميجا بيكسل مع فتحة عدسة F/1.9 و F/2.0 مع خاصية الضبط التلقائي المزدوج PDAF و فلاش ثنائي Dual LED مع تصوير فيديو بجودة 1080 بيكسل مع 30 لقطة فى الثانية كما أنها تدعم الذكاء الاصطناعى و يمكنك التحكم به و تصوير الفيديو هنا ممتاز بفضل المثبت الالكتروني الموجود و الذي يمنع الاهتزاز أثناء التصوير.

اما عن السيلفي تأتى الكاميرا الأمامية بهاتف Xiaomi Mi 8 Lite بجودة 24 ميجا بيكسل مع تصوير فيديو بجودة 1080 بيكسل مع 30 لقطة فى الثانية و تدعم العزل عن طريق السوفت وير و لكن فى حالة الاضاءة الخافتة تصبح التفاصيل قليلة خاصة مع ال Zoom.

أما عن هاتف Xiaomi Note 6 Pro يأتى بكاميرا سيلفي مزدوجة 20+2 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع 30 لقطة فى الثانية و تتميز بجودة عالية و Portrait ممتاز فى الصور.

وجهة نظر موبيزل ان الجودة فى الاتنين تقريبا واحد و لكن فى Mi 8 Lite الألوان بتكون Cold أكثر و فى 6 Pro الألوان بتكون Warm أكثر.


البطارية :-

بالنسبة لبطارية هاتف Xiaomi 8 Mi Lite تأتى بسعة 3350 مللي أمبير مع دعم الشحن السريع Quick Charge 3.0 و تصمد لمدة 5 ساعات Screen on على WiFi و Mobile Data و تستهلك حوالى ساعة و نصف ليكتمل شحنها الى 100% أما عن هاتف Xiaomi Note 6 Pro البطارية تأتى بسعة 4000 مللي أمبير و لا يدعم الشحن السريع و تصمد لمدة 7 ساعات Screen on على WiFi و Mobile Data و تستهلك حوالى ساعتين و ثلث ليكتمل شحنها الى 100%.

من الاخر كده بطارية ال6 Pro بفضل السعة الأكبر هتستحمل معاك وقت اطول و تكمل يوم مرتاح بس هتاخد وقت أطول فى اعادة الشحن أما بطارية 8 Mi Lite هتصمد أقل من يوم كامل و لكن وقت شحن أقل.


الصوت :-

الاتنين فيهم ميكروفون اضافي لازالة الضوضاء, بالنسبة لصوت السماعة الخارجية فى الاتنين عالى و جيد جدا و لكن لاحظنا ان فى Xiaomi 8 Mi Lite الصوت عالى أكثر و مجسم أفضل و كمان مفيش الدوشة اللى موجودة فى Xiaomi Note 6 Pro لما نعلي الصوت لأعلى حاجة.

أما بالنسبة لصوت سماعة المكالمات فا بردوا فى ال 8 Mi Lite مجسم و أعلى أكثر بفارق بسيط.


الذاكرة الداخلية و العشوائية :-

هاتف Xiaomi Mi 8 Lite يأتى باصدارين 64 أو 128 جيجا بايت مع 4 أو 6 جيجا بايت رام و الهاتف يدعم منفذ لاضافة كارت ذاكرة خارجي وبيتم تركيبه بدل مكان الشريحة الثانية .

أما بالنسبة لهاتف Xiaomi Note 6 Pro نسخة 32 جيجا بايت مع 3 جيجا بايت رام أو 64 جيجا بايت مع 4 بايت رام ذاكرة عشوائية و يمكنك اضافة كارت ذاكرة يصل الى 256 جيجا بايت مع الاستغناء عن الشريحة الثانية.


خواص أخري و شوية حاجات فوق بعض :-

لو جينا نتكلم عن لمبة الاشعارات فهى موجودة فى الاتنين بلون واحد فقط و هو الأبيض و كمان الاشعارات مش بتظهر بجانب النوتش لازم تسحب لوحة الاشعارات علشان تشوفها و الموضوع دا ممكن يتحل عن طريق تحديث الى MIUI 10.

الاتنين فيهم WiFi ac و بلوتوث 5.0 و دعم مستشعرات البوصلة و التقارب و السرعة و GPS مع دعم خواص A-GPS, GLONASS, BDS

و الاتنين ممكن تشغل عليهم نظارات الواقع الافتراضي VR و مشاهدة فيديوهات 360 درجة لانهم بيدعموا مستشعر الجيروسكوب.

اما عن نقط التفوق Xiaomi Note 6 Pro بيدعم تشغيل الراديو FM و كمان يتفوق بدعم مستشعر IR و اللى يخليك تقدر تتحكم بالأجهزة المنزلية كانه ريموت كنترول و لكن Mi 8 Lite لا يدعم أى منهما للأسف.


موبايل Xiaomi Mi 8 Lite بيدعم وجود USB Type C فى حين ان Xiaomi Note 6 Pro موجود فيه USB 2.0 العادى.

هاتف Mi 8 Lite لا يحتوي على منفذ 3.5 ملم لدخول سماعات الرأس و لكنه موجود فى Note 6 Pro.

بالنسبة للتعامل مع شبكات الاتصال كان أفضل و أعلى فى Xiaomi 8 Mi Lite بفرق ملحوظ عن ال Xiaomi Note 6 Pro.


حماية الخصوصية و الأمان :-

الاتنين متوفر فيهم مستشعر بصمة الاصبع و اللى بيتميز بالسرعة و الدقة مع وجود خاصية التعرف على الوجه Face recognition بس علشان تشتغل لازم تغير البلد فى الاعدادت و تخليها الهند مش عارفين شاومي ناوية تحل الموضوع دا امتى.


محتويات صندوق الهاتف :-

بالنسبة لهاتف Xiaomi Mi 8 Lite كابل الشحن و الشاحن و محول لتشغيل سماعات الأذن و جراب شفاف سيلكون.
أما بالنسبة ل Xiaomi Note 6 Pro كابل الشحن و الشاحن و جراب شفاف سيلكون.

للأسف شاومي كالعادة مفيش سماعات أذن فى صندوق الهاتف.


ايوه يعنى يا موبيزل مين احسن أو اشتري مين فيهم؟

موبيزل بيقولك ان Xiaomi Mi 8 Lite يعتبر أفضل من Xiaomi Note 6 Pro فى اكثر من نقطة منها المعالج الأفضل و ألعاب على جرافيك أعلى لان المعالج الرسومي اعلى و شاشة بألوان أفضل مع بطارية بشحن سريع و تصميم شيك و أجمل و صوت عالى فى السماعة الخارجية و سماعة المكالمات مع تعامل أفضل مع شبكات الاتصال .

اما لو موضوع السماعة ال3.5 مم وتشغيل الراديو فارق معاك بشكل كبير وكمان عاوز بطارية اكبر بعيدا عن وقت الشحن يبقا خليك في النوت 6 برو وبلاش تشتري المي 8 لايت في الحالة ديه .


سعر الهواتف :-

هاتف Xiaomi Mi 8 Lite
4666 جنيه مصري للنسخة 64+4 جيجا بايت رام.
5444 جنيه مصري للنسخة 128+6 جيجا بايت رام.

هاتف Xiaomi Note 6 Pro
3699 جنيه مصري للنسخة 32+3 جيجا بايت رام.
4300 جنيه مصري للنسخة 64+ 4 جيجا بايت رام.


ممكن تشوف فيديو المقارنة على اليوتيوب من هنا :-

قد يعجبك أيضا...

Comments

جاري التحميل...