رمضان كريم عليكم … بقالكم فترة طالبين مننا مقارنة ما بين هاتف Samsung Galaxy A30 و هاتف Xiaomi Redmi Note 7 لأنهم أحدث هواتف تحت فئة 4000 جنية.
النهاردة هنقدملكم المقارنة دى بعد تجربة الاتنين لمدة شهر علشان تقرر مين الأفضل منهم و مناسب أكثر لاحتياجاتك و نقارن بين أدائهم فى المعالج و الكاميرا و البطارية و الشاشة.
هاتف Samsung Galaxy A30 :-
المميزات:
- بطارية بسعة 4000 مللي أمبير و أداء جيد جدا مع زمن شحن سريع أقل من ساعتين.
- كاميرا سيلفي متميزة .
- تجديد سامسونج للسوفت وير و اضافة العديد من المميزات و الخصائص مع احدث نظام أندرويد 9.0 Pie.
- شاشة سوبر أمولد تقدم اداء مذهل مع ألوان رائعة.
- يمكنك استخدام كارت ذاكرة خارجي و شريحتين اتصال فى نفس الوقت.
- وزن الهاتف الخفيف مع انحناءات الظهر تجعله مريح فى المسك باليد الواحدة.
العيوب:
- صوت السماعة الخارجية ضعيف و منخفض ولكن يمكنك رفعه عن طريق خاصية Mono Audio ولكن على حساب الجودة .
- الهاتف مصنوع من البلاستيك مما يجعله أكثر عُرضة للتجريحات.
- انخفاض جودة الكاميرا الخلفية في التصوير الليلي .
- الهاتف لا يدعم لمبة اشعارات و لكن تم التعويض عنها بأكثر من طريقة.
هاتف Xiaomi Redmi Note 7 :-
المميزات:
- يقدم معالج الهاتف أفضل أداء فى الفئة أقل من 4000 جنيه.
- يتوافر الهاتف بنظام تشغيل اندرويد 9.0 Pie.
- مستشعر بصمة الهاتف يعمل بسرعة عالية.
- متوفر بالهاتف دعم مستشعر IR للتحكم بالأجهزة المنزلية.
- يدعم الهاتف USB Type C مع بطارية ضخمة 4000 مللي أمبير.
- أمكانية تصوير فيديو Slow Motion.
- تدعم الكاميرا الخلفية العديد من الأوضاع للتصوير و قد تكون الأفضل فى الفئة السعرية.
- تدعم الشاشة طبقة حماية من Corning gorilla glass 5.
العيوب:
- يجب الاستغناء عن الشريحة الثانية لاستخدام كارت الذاكرة الخارجي.
- كاميرا الهاتف الخلفية بارزة عن جسم الهاتف.
- كاميرا السيلفي تعتبر قليلة فى دقتها و تقدم أداء أقل من المنافسين.
- اضاءة لمبة الاشعارات ضعيفة.
- صندوق الهاتف لا يحتوي على سماعات الأُذن Earphones.
- الشاحن المُرفق فى علبة الهاتف يقوم بالشحن فى وقت طويل لذا سيتوجب عليك أن تشتري شاحن أخر للاستمتاع بالشحن السريع.
التصميم :-
زي ما احنا متفقين ان أفضلية شكل التصميم دى وجهة نظر شخصية .
هاتف Samsung Galaxy A30 مصنوع من البولى كاربونيت البلاستيك المقوي بأبعاد الهاتف 158.5*74.5 *7.7 ملم مع وزن 165 جرام و ألوان الأسود و الأبيض و الأزرق.
هاتف Xiaomi Redmi Note 7 بظهر زجاجى لامع تتغير ألوانه باختلاف الاضاءة مع اطار بلاستيكي و لكنه سميك قليلا حيث يأتى بأبعاد 159.2*75.2*8.1 ملم و وزن 186 جرام بألوان الأسود و الأحمر و الأزرق .
الأفضلية هنا فى متانة التصميم هتكون لصالح النوت 7 لأنه أكثر قيمة و دا هتحسه لما تمسك الاتنين فى ايديك أما اللى يكسب فى سهولة الاستخدام هو ال A30 لأنه أخف فى الوزن و أرفع و فيه انحنائات فى الظهر و كمان مفيش بروز فى الكاميرات الخلفية على عكس النوت 7 و عموما موضوع بروز الكاميرا يتحل عن طريق تركيب Skin للهاتف و على العدسات.
الشاشة :-
شاشة هاتف Samsung Galaxy A30 تأتي من نوع Super Amoled بقياس 6.4 بوصة تعرض 16 مليون لون بدقة Full HD+ بجودة 1080*2340 بيكسل مع كثافة بيكسلات 403 بيكسل لكل بوصة بأبعاد 19.5:19 مع دعم حماية من نوع Corning gorilla glass 3 كما يوجد اسكرينة حماية تم تركيبها على الشاشة مسبقا و تمثل الشاشة 84.9% من حجم الهاتف و أعلى الهاتف نوتش Infinity U يمكنك الغائها من الاعدادات و الأطراف حول الشاشة قليلة.
أما عن شاشة هاتف Xiaomi Redmi Note 7 تأتي من نوع IPS LCD بقياس 6.3 بوصة تعرض 16 مليون لون بدقة Full HD+ بجودة 1080*2340 بيكسل مع كثافة بيكسلات 409 بيكسل لكل بوصة بأبعاد 19.5:19 مع دعم حماية من نوع Corning gorilla glass 5 لكن ننصح بتركيب اسكرينة للحماية ايضا و تمثل الشاشة 81.4% من حجم الهاتف مع نوتش يمكنك الغائها من الاعدادات.
بالنسبة للسامسونج هو أرخص هاتف ب شاشة سوبر أمولد ممكن تشتريه فى الفئة دى و كمان نسبة الاستحواذ أعلى و الحواف أقل فى السامسونج, الA30 متفوق هنا فى الشاشة.
الأداء :-
معالج هاتف Samsung A30 هو Exynos 7904 octa ثماني النواة يعمل بقوة تردد 4*1.8جيجا هرتز Cortex A73 و 4*1.6 جيجا هرتز Cortex A53 بمعمارية 14 نانو مع معالج رسوميات و جرافيك Mali-G71 Mp2 و سجل 95631 نقطة فى اختبار Antutu.
معالج هاتف Xiaomi Redmi Note 7 هو Qualcomm Snapdragon 660 ثماني النواة يعمل بقوة تردد 4*2.2 جيجا هرتز Kyro 260 و 4*1.8 جيجا هرتز Kyro 260 بمعمارية 14 نانو مع معالج رسوميات و جرافيك Adreno 512 وسجل 138070 نقطة فى اختبار Antutu.
السناب دراجون 660 أفضل بشكل ملحوظ عن Exynos 7904 و لو مهتم بالأداء الأفضل نرشحلك النوت 7و مع ذلك دا مش معناه ان أداء ال A30 سيئ بالعكس بعد وصول أكثر من تحديث يقدم أداء مقبول جدا كل فترة ممكن يهنج شوية.
بالنسبة ل PUBG الاتنين بيشغلوها على High HD بس الأداء فى النوت 7 كان أفضل شوية والسخونية فى الهاتف كانت أقل.
الصوت :-
بالنسبة لصوت السماعة الخارجية النوت 7 عالى و مجسم و ال A30 صوته متوسط أو أقل و لو عليت الصوت من ال Mono Audio الصوت بيبقي عالى بس جودته سيئة و نقاء ضعيف .
أما عن صوت سماعة المكالمات فهو أفضل فى A30 عن النوت 7 اللى صوتها مكتوم شوية .
صوت سماعة الأُذن أعلى بفرق ملحوظ في النوت 7 عن ال A30 حتى بعد تشغيل Dolby Atmos فى الأخير و كلاهما يدعم ميكروفون اضافي لازالة الضوضاء.
الذاكرة الداخلية و العشوائية :-
يتوافر هاتف Samsung Galaxy A30 بذاكرة داخلية 64 جيجا بايت مع 4 جيجا بايت رام ذاكرة عشوائية و يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 512 جيجا بايت فى منفذ منفصل عن شريحتى الاتصال و تعتبر نقطة تفوق فى صالحه.
أما عن هاتف Xiaomi Note 7 يتوافر بنسختين حيث الأولي بذاكرة داخلية 32 جيجا بايت مع 3 جيجا بايت رام و الثانية 64 جيجا بايت مع 4 جيجا بايت رام ذاكرة عشوائية ( النسخة الي في المقارنة هنا ) ونسخة أعلى 128 جيجا مع 4 رام و يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 256 جيجا بايت و لكن مع الاستغناء عن الشريحة الثانية لاستخدامه.
الكاميرا الخلفية :-
فى الأول خلينا نتكلم عن المواصفات لكل كاميرا و بعدني نشوف الأداء الفعلى نبدأ بكاميرا هاتف Samsung Galaxy A30 الخلفية تأتي مزدوجة بجودة 16+5 ميجا بيكسل مع فتحة عدسة f/1.7 للأول مع دعم الضبط التلقائي المزدوج PDAF و فتحة عدسة F/2.2 للثانية مع التصوير بزاوية واسعة Ultra wide و فلاش أحادى LED و تصوير فيديو بجودة 1080 بيكسل مع 30 لقطة فى الثانية و ايضا 720 بيكسل مع 30 لقطة فى الثانية.
و ثانيا كاميرا هاتف Xiaomi Redmi Note 7 الخلفية تأتي مزدوجة الأولى 48 بجودة ميجا بيكسل مع فتحة عدسة f/1.8 مع دعم الضبط التلقائي المزدوج PDAF و مستشعر من سامسونج GM1 والثانية بجودة 5 ميجا بيكسل مع فتحة عدسة f/2.2 مع فلاش ثنائي Dual LED و تصوير فيديو بجودة 1080 بيكسل مع 30 لقطة فى الثانية كما يمكنه تصوير ال Slow motion و ايضا التصوير بجودة 720 بيكسل مع مثبت بصري اليكتروني gyro EIS مع دعم التصوير بوضع بانوراما و HDR و دعم الذكاء الاصطناعى.
مبدأيا فيه تفوق للA30 لوجود العدسة الثالثة للتصوير الواسع أما ال Note 7 العدسة الثانية أفضل فى العزل.
يتفوق النوت 7 فى العزل و قص الأطراف و بورتريه سينمائي جميل بشكل ملحوظ عن A30 و الألوان فى النوت 7 أكثر واقعية و أكثر وضوح.
فى التصوير بالليل هنا بيتفوق النوت7 باستخدام برنامج جوجل كاميرا ( بيتسطب بدون روت ) فى التصوير فى اضاءة ضعيفة مع تفاصيل و ألوان مظبوطة و حقيقي النوت 7 مع جوجل كاميرا بيقدموا هاتف تقدر تاخد بيه أفضل صور فى الفئة السعرية دى و أعلى منها بحوالى 1000 جنيه.
يتفوق النوت 7 فى الثبات وقت تصوير الفيديو و تقدر توصل تصوير الفيديوهات الى 4K عن طريق تحميل تطبيق جوجل كاميرا.
وكالعادة هتلاقي صور المقارنة في الفيديو الموجود في أخر المقالة .
لينك برنامج جوجل كاميرا للنوت 7 – أضغط هنا .
الكاميرا الأمامية :-
تأتي كاميرا هاتف سامسونج A30 بجودة 16 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية كما تدعم HDR كما تدعم العزل عن طريق السوفت وير.
أما عن هاتف شاومى ريدمي نوت 7 تأتي بجودة 13 ميجا بيكسل مع فتحة عدسة F/2.2و تصوير فيديو بجودة 1080 بيكسل مع 30 لقطة فى الثانية كما تدعم HDR كما تدعم العزل عن طريق السوفت وير.
وبالاستخدام الفعلي .. تفاصيل أكثر و ألوان مشبعة تظهر أكثر فى صور هاتف A30 عن النوت 7 .
فى البورتريه الاتنين بيغلطوا فى القص و لكن الصورة النهائية شكلها أحسن فى A30.
وكالعادة هتلاقي صور المقارنة في الفيديو الموجود في أخر المقالة .
البطارية :-
بسعة 4000 مللي أمبير تأتى بطارية هاتف Samsung Galaxy A30 تدعم تقنية الشحن السريع و تستهلك البطارية حوالي ساعتين الا ربع لإعادة الشحن الى 100% و يعتبر زمن شحن جيد جدا و تصمد لمدة 6 ساعات شاشة مفتوحة Screen on فى أداء طول اليوم لو لعبت PUBG لمدة نص ساعة مثلا هتستهلك حوالى 9 الى 10%.
و بطارية هاتف Xiaomi Redmi Note 7 تأتى بسعة 4000 مللي أمبير تدعم تقنية الشحن السريع Quick Charge 4 و تستهلك البطارية حوالي ساعتين و ربع لإعادة الشحن من 15% الى 100% بالشاحن الموجود بعلبة الهاتف الوقت طويل قليلا و يمكنك تقليل وقت الشحن عن طريق استخدام شاحن سريع 9 فولت و تصمد البطارية لمدة 7 ساعات شاشة مفتوحة Screen on على Mobile data و Wi-Fi لو لعبت PUBG لمدة نص ساعة مثلا هتستهلك حوالى 7 الى 8%.
فى النوت 7 بعد التحديث ممكن تحس أن البطارية بقت أضعف بس بردوا هتكمل معاك يوم تمام من الاستخدام المتوسط.
نظام الأمان وحماية الخصوصية :-
كلاهما يدعم مستشعر بصمة الاصبع و البصمة سريعة و كويسة فى الاتنين لكنها أسرع بفرق بسيط فى النوت7 و الاتنين فيهم خاصية قفل الوجه Face unlock اللى بتشتغل بدقة و سرعة و لكنها أسرع بفرق بسيط فى Xiaomi Note 7 و البلد على مصر مفيش مشاكل و لكن فى اختلاف بين النسخ للهاتف فى السوفت وير.
المستشعرات و خواص أخري :-
متوفر بالاثنين دعم مستشعرات القرب و السرعة و البوصلة و الضوء .
الاتنين فيهم GPS و لكنه أسرع و أفضل فى النوت 7 عن ال A30 اللى ساعات بيتأخر و بيفصل لوحده.
كلاهما يدعم تشغيل الراديو FM .
كلاهما يدعم مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.
يدعم هاتف شاومى ريدمى نوت 7 مستشعر IR حيث يمكنك استخدام الهاتف كريموت كنترول للتحكم بالأجهزة المنزلية.
النوت 7 بيتفوق فىى امكانية عمل نسختين من كل البرامج و التطبيقات Dual apps مش مواقع التواصل الاجتماعى فقط اللى موجودة فى ال A30.
الA30 بيتفوق فى وجود Night mode فى السوفت وير و دا بيخليك تحول لون كل القوائم للون الأسود و شاومى وعدت المستخدمين بالخاصية دى قريب و كمان واجهة السامسونج الجديدة تدعم خاصية Pop up view و التى بتخلي التطبيقات على شكل كرة عائمة على الشاشة زي تطبيق ال Messenger.
الNote 7 الاشعارات مش بتظهر بجانب النوتش حتى بعد وصول أخر تحديث 10.3.2 حتى لما بتفعلها من الاعدادت بتظهر ثوانى و تختفي تانى أما بالنسبة للمبة الاشعارات مكنتش شغالة بس اشتغلت بعد التحديث ولو لسه فيها مشاكل ادخل الاعدادات اقفلها و افتحها تانى هتشتغل معاك.
بالنسبة لA30 ايقونات الاشعارات بتظهر جانب النوتش عادى بس مفيش لمبة اشعارات و لكن تم التعويض عنها بخاصية Always on display اللى بتنور الشاشة و تظهرلك الاشعارات كل ما توصل.
بالنسبة للتعامل مع الشبكة فى هاتف Xiaomi Redmi Note 7 فى الأول كانت ضعيفة و بعد أول تحديث اتظبطت شوية وحاليا كويسة و لكن وصلنا من ناس كتير مستخدمين للهاتف شكاوي بسبب مشاكل فى الشبكة و انها بتقع مرة واحدة و الموضوع بيختلف حسب الشبكة اللى بتستخدمها.
أما بالنسبة لل Samsung A30 بعد التحديث الشبكة اتحسنت شوية و لكنها مازالت بتقع بردوا ساعات و وصلنا بردوا شكاوي أكثر بخصوصها من المستخدمين للهاتف دا كمان غير ان كل هواتف سلسلة ال A من سامسونج المستخدمين اشتكوا من استقبال الهاتف للنت WiFi و انه بطئ.
كده الاتنين فيهم مشاكل فى الشبكة فا لو مهم بالنسبة ان الشبكة تكون قوية ننصحك بهاتف Realme 2 Pro أو هاتف Huawei Y9 2019 اللى بيقدموا مواصفات كويسة و شبكات قوية.
رأى موبيزل النهائي…
Xiaomi Redmi Note 7 بيتميز بخامات خارجية أفضل مع معالج بأداء أفضل مع كاميرا خلفية أكثر من ممتازة فى تصوير الفيديوهات و الصور خصوصا مع استخدام تطبيق جوجل كاميرا مع صوت عالى و ممتاز.
أما ال Samsung Galaxy A30 يتفوق فى الشاشة السوبر أمولد الممتازة و الوحيدة فى الفئة السعرية مع كاميرا سيلفي ممتازة مع منفذ ثلاثي لشريحتين اتصال و كارت ذاكرة فى نفس الوقت مع شاحن سريع مرفق بعلبة الهاتف.
محتويات صندوق الهاتف :-
هاتف سامسونج A30 يأتي في العلبة وتم تركيب اسكرينة للحماية مسبقا مع الشاحن ,كابل الشحن ,سماعات الأُذن Earphones وجراب لحماية الهاتف.
هاتف شاومي نوت 7 يأتي مع الشاحن وكابل الشحن Type C وجراب لحماية الهاتف ولا يأتي معه سماعات أذن .
سعر الموبايلات :-
هاتف Samsung Galaxy A30 :
3600 جنيه مصري للنسخة 64 جيجا بايت مع 4 جيجا بايت رام.
هاتف Xiaomi Redmi Note 7 :
3750 جنيه مصري للنسخة 64 جيجا بايت مع 4 جيجا بايت رام.
و زى ما قولنا لو عايز تريح دماغك من موضوع الشبكة ممكن تجيب هاتف Realme 2 Pro بسعر 3500 جنيه و من وجهة نظر موبيزل هو الأفضل فى الفئة السعرية بسبب المشاكل الأقل مع معالج سناب دراجون 660.
Comments