واحد من أنجح الهواتف في الفئة المتوسطة أو تحت المتوسطة في مصر حاليا هو موبايل Xiaomi Note 5 , لانه بيحقق المعادلة الصعب بيجمع بين أداء قوي جدا مع كاميرات قد تكون الأفضل في الفئة المتوسطة كلها مع بطارية كبيرة و خامات من المعدن , مفيش شك انه من أفضل الموبايلات في حدود سعر 4000 جنية في مصر من أول ما نزل لحد دلوقتي , عيبه الوحيد كان في خامات الشاشة الي ظهر منها بعض الشكاوي ولكن الوكيل في مصر بيقوم بحل معظم المشاكل .
بعد النجاح الكبير ده شاومي مش هتقدر تضيف كتير للنسخة الجديدة من الموبايل الي أسمها Xiaomi Redmi Note 6 علشان تحافظ على تسعيره , واحنا بعد ما اتأكدنا من مواصفات الموبايل من اكتر من مصدر هنعرضها عليكم في المقالة ديه ( بس ممكن يحصل تغيير بسيط في الكاميرا زي الي حصل قبل كدا في شاومي نوت 5 نسخة الهند والصين كانوا مختلفين ) وكمان هنعرض عليكم الاسعار المتوقعة والموبايل احتمال ينزل مصر على شهر 11 أو شهر 12 بالكتير .
مواصفات وسعر Xiaomi Redmi Note 6 :-
- تشغيل شريحتين اتصال او شريحة وكارت ميموري .
- شاشة 6.26 بوصة بدقة FHD+ بها نوتش وبابعاد 19:9 والشاشة من نوع IPS LCD عليها حماية مش معروف نوعها .
- معالج سناب دراجون 636 نفس الموجود في شاومي نوت 5 ومفيش خلاف انه صاحب اداء ممتاز .
- واجهة تشغيل شاومي الجديدة MIUI 9.
- الكاميرا الخلفية 12+5 ميجا بيكسل فتحة عدسة اساسية f/1.9 والتطوير الي حصل فيها كان في السوفت وير والذكاء الاصطناعي علشان تحصل على صور أفضل بنفس الهاردوير القديم الي هو أصلا كان ممتاز .
- الكاميرا الامامية اتغيرت وبقت 20+2 ميجا بيكسل بفتحة عدسة f/2.0 مع وضع البورتريه 2.0 واعتقد هتكون واحدة من أفضل الكاميرات السيلفي الفئة المتوسطة زي ما كانت الكاميرا الخلفية للنوت 5 من افضل الكاميرات الخلفية ف الفئة المتوسطة .
- خامات تصنيع من المعدن و ألوان : أسود – سماوي – وردي .
- بطارية 4000 مللي أمبير ومنفذ micro USB v.2.0 وشاحن 5V/2A زي الشاومي نوت 5 .
- الاسعار المتوقعة :
– للنسخة 32 جيجا مع 3 جيجا رام هتبقا 3800 جنية بعد ما الشاومي نوت 5 نسخة 32 و 3 يرخص ويبقا 3500 جنية .
– للنسخة 64 جيجا مع 4 جيجا رام هتبقا 4400 جنية بعد ما الشاومي نوت 5 نسخة 64 و4 يرخص ويبقا 4100 جنية .
ومن الموبايلات المنتظرة بشدة في الفئة المتوسطة هو Honor 8x الي هيتم الاعلان عنه في مؤتمر كبير بدبي يوم 2 من شهر اكتوبر القادم والسعر المتوقع سيكون تحت 5000 جنية وسيكون هونر 8x منافس شرس لشاومي Mi A2 و شاومي نوت 5 و نوت 6 .
Comments