وأخيرا فيديو المقارنة المنتظرة بين Huawei Y9 2019 و Xiaomi Note 6 Pro – تشتري مين فيهم ؟

لو معاك مبلغ 4500 جنية فانت هتبقا محتار جدا جدا بين أهم موبايلين في الفئة ديه حاليا وهما Huawei Y9 2019 و موبايل شاومي Xiaomi Note 6 Pro , احنا ف موبيزل جربنا الموبايلين لفترة 10 أيام وعملنا مقارنة شاملة بين الموبايلين في الاداء و الكاميرات و الصوت و الخامات و البطارية حتى سرعة مستشعر البصمة وحطينا كل المعلومات ديه في فيديو جديد على قناة اليوتيوب لموقع موبيزل .

شوف فيديو المقارنة من هنا :

متنساش تعمل اشتراك في قناة اليوتيوب من هنا , علشان تشوف مراجعات تانية كتير ومقارنات بين كل موبايلات الفئة المتوسطة والاقتصادية والفلاج شيب كمان !

مواصفات Xiaomi Note 6 ونقاط تفوقه :-

  • شاشة 6.26 بوصة من نوع IPS LCD بدقة FHD+ بها نوتش عريض ممكن تلغيه من الاعدادات وحواف الشاشة كبيرة شوية والشاشة عليها طبقة حماية كورينج جوريلا 3 .
  • خامات الظهر من المعدن واطراف من البلاستيك .
  • معالج سناب دراجون 636 بتكنولوجيا 14 نانو .
  • كاميرا خلفية 12+5 ميجا بيكسل فتحة عدسة f/1.9 مع مثبت الكتروني لتثبيت تصوير الفيديوهات .
  • كاميرا امامية 20+2 ميجا بيكسل فتحة عدسة f/2.0 .
  • يدعم البصمة وخاصية فتح الهاتف عن طريق الوجه ولكن عند تغيير البلد الي الهند .
  • بطارية 4000 مللي أمبير .
  • واجهة شاومي MIUI 9.6 .
  • يدعم تركيب شريحتين اتصال او شريحة واحدة وكارت ميموري .
  • المقارنة للهاتف بنسخة 64 جيجا مع 4 جيجا رام بسعر 4300 جنية .
  • يتفوق هاتف شاومي على هواوي في جودة تصوير الفيديوهات و صور البورترية و كمان صوت الاسبيكر الخارجي اعلى مع مسكة في الايد افضل لان حجم الموبايل أصغر بفرق بسيط .

مواصفات موبايل Huawei Y9 2019 ونقاط تفوقه :-

  • شاشة 6.5 بوصة من نوع IPS LCD مع دقة FHD+ مع نوتش صغير يمكن اخفائه من الاعدادات مع عدم وجود حماية للشاشة .
  • خامات تصنيع الظهر بالكامل من البلاستيك مع طلاء لامع يخليك تحس انه زجاج .
  • معالج كيرين 710 الممتاز بتكنولوجيا 12 نانو .
  • كاميرا خلفية 13+2 ميجا بيكسل فتحة عدسة f/1.8 .
  • كاميرا امامية 16+2 ميجا بيكسل فتحة عدسة f/2.0 .
  • يدعم البصمة وخاصية Face Unlock .
  • بطارية 4000 مللي أمبير .
  • واجهة هواوي EMUI 8.2 .
  • يدعم تركيب شريحتين اتصال مع كارت ميموري في نفس الوقت .
  • يتوفر موبايل Y9 2019 بنسخة واحدة 64 جيجا مع 4 جيجا بسعر رسمي 4400 جنية .
  • يتفوق هاتف هواوي على شاومي في انه صاحب الشاشة الأكبر بحواف أقل مع الاداء الافضل في الالعاب بسخونية أقل مع قوة انتشار أفضل مع صوت سماعة مكالمات أفضل وامكانية تشغيل خطين مع كارت ميموري في نفس الوقت .

قد يعجبك أيضا...

Comments

Loading...