مقارنة بين Huawei Y9 2019 و Xiaomi Note 6 Pro – مقارنة صعبة جداً جداً !

مراجعة النهاردة هنناقش فيها أهم هواتف الفترة دى فى الفئة المتوسطة هاتف Xiaomi Note 6 Pro و هاتف Huawei Y9 2019 و اللى ناس كتيرة مهتمة تعرف مين الأفضل بينهم علشان يقدروا يختاروا المناسب ليهم بلاش نطول فى المقدنة خلينا نشوف مميزات و عيوب كل هاتف منهم وبعد كدا نشوف مين الافضل فى التصميم و الشاشة و البطارية والكاميرا و الأداء.

هاتف Huawei Y9 2019 :-

مميزات:

  • أداء ممتاز فى الألعاب الثقيلة حتى فى أعلى جرافيك.
  • سماعة المكالمات صوتها عالى.
  • تصميم شيك و جميل.
  • شاشة بحجم كبير و حواف قليلة.
  • لمبة اشعارات بأكثر من لون.
  • منفذ منفصل لكارت الذاكرة الخارجي.

عيوب:

  • ظهر الهاتف سريع الاتساخ ببصمات الاصابع مع بلاستيك بجودة غير عالية .
  • واجهة التشغيل ثقيلة بعض الشئ.
  • لا يوجد طبقة حماية على الشاشة.

هاتف Xiaomi Note 6 Pro :-

مميزات:

  • يوجد طبقة حماية على شاشة الهاتف.
  • يدعم مستشعر IR للتحكم بالاجهزة الكهربائية.
  • صوت السماعات الخارجية رائع و ممتاز.
  • واجهة تتميز بالسلاسة و الخفة.

عيوب:

  • نوتش كبير مع حواف كبيرة.
  • تصميم تقليدى ليس جديد.
  • يجب الاستغناء عن الشريحة الثانية للاستخدام كارت الذاكرة الخارجي.
  • بروز الكاميرا لا يزال موجود و لكنه أقل من المعتاد.
  • سخونة خفيفة الهاتف فى الألعاب.
  • الاشعارات لا تظهر بجانب النوتش و لمبة اشعارات بلون واحد فقط.

التصميم :-

محدش يقدر يحدد مين أحسن فى التصميم لانها وجهة نظر شخصية بس خلونا نعرف أبعاد و خامات التصنيع لكل واحد.

هاتف Huawei Y9 2019 متوفر بألوان الأسود و الأزرق و البنفسجي بأبعاد 162.4 x 77.1 x 8.1 و وزن 173 جرام الهاتف مصنوع من البلاستيك المقوي مع طلاء لامع بينما هاتف Xiaomi Note 6 Pro متوفر بألوان الأسود و الأزرق و الذهبي الوردي و الأحمر بأبعاد 157.9 x 76.4 x 8.2 ملم و وزن 182 جرام مصنوع من المعدن مع اطار بلاستيكي قوى.

كلاهما بتصميم جميل و لكن فى وجهة نظر موبيزل يتفوق ال Y9 فى التصميم لأنه أشيك و أجمل و لكن الشاومى أحسن للناس اللى ايديها صغيرة لانه حجمه أقل و بيتمسك أسهل و أفضل.


الشاشة :-

بالنسبة لهاتف Huawei Y9 2019 تأتى الشاشة بحجم 6.5 بوصة من نوع IPS LCD بدقة Full HD+ و جودة 1080*2340 بيكسل و 369 كثافة بيكسلات و نسبة استحواذ الشاشة من الهاتف 82.8% مع نوتش و يمكنك اخفائها من الاعدادات و لكن يعيب الشاشة عدم وجود طبقة حماية و لكن قامت الشركة بتعويض ذلك عن طريق اضافة اسكرين للحماية فى علبة الهاتف .

أما عن Xiaomi Note 6 Pro تأتى بحجم 6.26 بوصة IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة و أبعاد 19:9 تفوقت بطبقة حماية من Corning gorilla glass و لكن غير محدد اصدارها و تمثل الشاشة 81.1% من حجم الشاشة و تأتى الشاشة بنوتش أكبر من Y9 و يمكنك اخفائها من الاعدادات ايضا.

أداء الشاشة يعتبر متقارب فهو جيد و رائع و لكن تتفوق الشاومي فى وجود طبقة حماية و نقطة لصالح ال Y9 أنها أكبر بحواف أقل.


الأداء :-

دى النقطة الفارقة بين الاتنين, فى اختبار Antutu ال Huawei Y9 2019 بيسجل 139182 نقطة بمعالج Hisilicon Kirin 710 بتكنولوجيا 12 نانوميتر أما ال Xiaomi Note 6 Pro بيسجل 115027 نقطة بمعالج Qualcomm Snapdragon 636 بتكنولوجيا 14 نانوميتر, بالرغم من ان معالج ال Y9 أحدث و أفضل الا ان الواجهة ثقيلة على الجانب الاخر الشاومي الواجهة بتاعته أخف و أكثر سلاسة .

من الاخر لو عايز سلاسة فى البرامج و سرعة فى التنقل بين التطبيقات يبقي تاخد Xiaomi Note 6 Pro أما لو بتحب أداء أفضل فى الألعاب و سخونة أقل يبقي تختار ال Huawei Y9 2019.


الكاميرا :-

هاتف Huawei Y9 2019 يأتى بكاميرا خلفية مزدوجة 13+2 ميجا بيكسل مع فتحة عدسة رئيسية f/1.8 مع فلاش أحادى LED و تصوير فيديو بجودة 1080 مع 30 أو 60 لقطة فى الثانية و لا يوجد مثبت بصري أو اليكتروني أثناء تصوير الفيديو كما أن الكاميرا تدعم الذكاء الاصطناعى و يمكنك التحكم به.

أما عن هاتف Xiaomi Note 6 Pro يأتى بكاميرا خلفية 12+5 ميجا بيكسل مع فتحة عدسة F/1.9 و F/2.0 مع خاصية الضبط التلقائي المزدوج PDAF و فلاش ثنائي Dual LED مع تصوير فيديو بجودة 1080 بيكسل مع 30 لقطة فى الثانية كما أنها تدعم الذكاء الاصطناعى و يمكنك التحكم به و تصوير الفيديو هنا ممتاز بفضل المثبت الالكتروني الموجود و الذي يمنع الاهتزاز أثناء التصوير.

أما عن السيلفي بالنسبة لهاتف Huawei Y9 2019 تأتى مزدوجة بجودة 16+2 ميجا بيكسل مع فتحة عدسة f/2.0 و f/2.4 و تصوير فيديو بجودة 1080 بيكسل مع 30 لقطة فى الثانية تعطى صور بجودة جيد جدا مع عزل جيد.

أما عن هاتف Xiaomi Note 6 Pro يأتى بكاميرا سيلفي مزدوجة 20+2 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع 30 لقطة فى الثانية و تتميز بجودة عالية و تعتبر أفضل Portrait فى الصور فى هذه الفئة.

يتفوق الشاومي هنا فى صور ال Portrait و المثبت البصري أثناء الفيديو .

أما الأداء العام يعتبر متساوي.


البطارية :-

كلاهما يأتى ببطارية بسعة 4000 مللي أمبير و الاتنين مش بيدعموا الشحن السريع و بياخدوا وقت حوالى ساعتين و نصف و البطارية بتصمد حوالى 7 ساعات Screen on و الأداء واحد بين الاتنين.


خواص أخري :-

كلاهما يدعم بلوتوث 5.0 و WiFi ac مع وجود مستشعر بصمة الاصبع و دعم تشغيل نظارات الواقع الافتراضي VR عن طريق مستشعر الجيروسكوب و ميكروفون اضافي لازالة الضجيج و لكن يتفوق Xiaomi Note 6 Pro فى كونه يدعم مستشعر IR للتحكم فى الأجهزة المنزلية بينما Y9 لا يدعم.

الذاكرة الداخلية لهاتف Huawei Y9 2019 هي 64 جيجا بايت مع 4 جيجا بايت رام و يمكنك اضافة كارت ذاكرة حتي 400 جيجا بايت فى منفذ منفصل و عتبر نقطة تفوق لصالحه أما بالنسبة لهاتف Xiaomi Note 6 Pro مساحة 32 جيجا بايت مع 3 جيجا بايت رام أو 64 جيجا بايت مع 4 بايت رام ذاكرة عشوائية و يمكنك اضافة كارت ذاكرة يصل الى 256 جيجا بايت مع الاستغناء عن الشريحة الثانية.

صوت السماعة الخارجية فى Xiaomi Note 6 Pro أعلى و أفضل من Y9 بنسبة 20% أما بالنسبة للصوت فى سماعة المكالمات يتفوق Huawei Y9 2019 بنسبة 20% أعلى من الشاومي.


لمبة الاشعارات موجودة فى الاتنين و لكنها بلون واحد فقط و هو الأبيض فى Xiaomi Note 6 Pro و كمان الاشعارات مش بتظهر بجانب النوتش لازم تسحب لوحة الاشعارات علشان تشوفها أما بالنسبة لهاتف Huawei Y9 2019 لمبة الاشعارات بأكثر من لون و بتظهر بجانب النوتش عادى.


حماية الخصوصية و الأمان :-

الاتنين فيهم مستشعر بصمة الاصبع و قفل الوجه Face Unlock و تقريبا بنفس السرعة و الدقة ماعدا البصمة أسرع بفرق بسيط جدا فى ال Xiaomi Note 6 Pro و كمان بصمة الوجه علشان تشتغل في الشاومي لازم تغير البلد فى الاعدادات و تخليها الهند مش عارفين هيحلوا الموضوع دا امتى.


محتويات صندوق الهاتف :-

بالنسبة ل Huawei Y9 2019 الشركة كريمة يعنى موجود سماعات الأذن و كابل الشحن و الشاحن و جراب شفاف و اسكرين لحماية الشاشة .

أما بالنسبة ل Xiaomi Note 6 Pro كابل الشحن و الشاحن و جراب شفاف سيلكون فقط.


ايوه يعنى من الاخر مين احسن أو اشتري مين؟

موبيزل بيقولك لو عايز أداء سلس و كاميرا مميزة فى تصوير الفيديو و صور Portrait مميزة مع صوت عالى للسماعات و مريح فى الاستخدام يبقي تختار Xiaomi Note 6 Pro.

أما لو عايز شاشة كبيرة بحواف أقل و أداء أعلى فى الألعاب و صوت سماعة مكالمات مميز مع استخدام شريحتين و كارت ذاكرة فى نفس الوقت يبقي تختار Huawei Y9 2019.


سعر الموبايلات :-

هاتف Huawei Y9 2019
السعر 4350 جنيه مصري نسخة واحدة 64 جيجا مع 4 جيجا رام.

هاتف Xiaomi Note 6 Pro
3777 جنيه مصري للنسخة 32+3 جيجا بايت رام.
4300 جنيه مصري للنسخة 64+4 جيجا بايت رام.


فيديو مقارنة الـ Y9 2019 و Xiaomi Note 6 :-

ممكن تشوف فيديو مقارنة الموبايلين الي موقع موبيزل عامله على اليوتيوب من هنا :-

قد يعجبك أيضا...

Comments

Loading...