بقالنا فترة طويلة عايزين نعمل ليكم ترشيحات لأفضل الموبايلات و قررنا في المقالة ديه نعملكم ترشيحات لأفضل الهواتف من أول سعر 3000 لحد سعر 6000 جنية و هيكون فى أكثر من هاتف فى كل فئة سعرية علشان تقدر تختار براحتك وكمان هنتكلم عن المميزات و العيوب علشان نساعدك تختار الأفضل بالنسبة لاستخدامك.
فئة الـ 3000 جنية :-
هاتف Xiaomi Redmi Note 7 :-
الضجة اللي كانت حول الموبايل دا كانت كبيرة جدا لحد دلوقتى حتى بعد نزول هاتف MI 9T لأن Xiaomi Note 7 بيقدم مجموعة مواصفات مميزة ومحترمة جدا.
المميزات:
- تصميم مميز بخامات زجاجية فى الظهر و هو شئ مميز فى هذه الفئة السعرية اللى الهواتف فيها مصنوعة من البلاستيك.
- يقدم معالج الهاتف Snapdragon 660 أفضل أداء فى المهام اليومية و سلاسة فى التنقل بين البرامج مع أداء رسومي مميز خاص فى الألعاب الثقيلة مثل PUBG.
- بطارية الهاتف 4000 مللي أمبير تقدم أداء جيد جدا مع متوسط استخدام من 5 الى 7 ساعات شاشة مفتوحة.
- صوت الهاتف عالى و قوي و يوفر تجربة صوتية محترمة.
- مستشعر بصمة الهاتف يعمل بسرعة عالية.
- متوفر بالهاتف دعم مستشعر IR للتحكم بالأجهزة المنزلية.
- يدعم الهاتف USB Type C.
- تدعم الكاميرا الخلفية المزدوجة بها العديد من الأوضاع للتصوير و بتطلع صور جميلة جدا و تطبيق جوجل كاميرا بيطلع صور ممتازة.
- تدعم الشاشة طبقة حماية من Corning gorilla glass 5.
- نوتش صغير علي شكل قطرة ماء أفضل من سابقيه ذو نوتش عريض.
العيوب:
- يجب الاستغناء عن الشريحة الثانية لاستخدام كارت الذاكرة الخارجي علشان كده بننصح بشراء النسخة 64 جيجا بايت لو توافرت الفلوس معاك.
- كاميرا الهاتف الخلفية بارزة عن جسم الهاتف بشكل واضح و الجراب الموجود فى علبة الهاتف مش بيغطى كل البروز لذا يُفضل انك تستخدم جراب أخر و يكون سميك.
- تدعم بطارية الهاتف الشحن السريع مع USB Type C و لكن مع شاحن غير سريع حيث أن الشاحن المُرفق فى علبة الهاتف يقوم بالشحن فى وقت طويل لذا سيتوجب عليك أن تشتري شاحن أخر للاستمتاع بالشحن السريع.
- كاميرا السيلفي تعتبر قليلة فى دقتها و تقدم أداء ضعيف قليلا.
- صوت سماعة المكالمات قد يكون ضعيف للبعض.
- بسبب الكلام الكتير على قوة شبكة الهاتف و التجارب المختلفة قررنا ندى الهاتف تقييم متوسط لقوة الشبكة.
- اضاءة لمبة الاشعارات ضعيفة.
- بسبب أن الهاتف مصنوع من الزجاج فى الظهر يجعله سريع الاتساخ ببصمات الأصابع.
- صندوق الهاتف لا يحتوي على سماعات الأُذن Earphones.
سعر الهاتف:
3000 جنيه مصري للنسخة 32 جيجا بايت مع 3 جيجا رام.
3500 جنيه مصري للنسخة 64 جيجا بايت مع 4 جيجا رام.
هاتف Honor 8X :-
المميزات:
- شاشة كبيرة 6.5 بوصة IPS بدقة FHD+ أداء جيد لو انت من محبي الشاشات الكبيرة بس مش أفضل سطوع تحت أشعة الشمس.
- تصميم زجاجي شيك و جميل مع احساس Premium و يعتبر من أفضل التصميمات فى هذه الفئة مؤخرا بس الزجاج هنا مش هيستحمل انه يقع كتير زي هاتف الشاومى نوت 7.
- يمكنك إضافة كارت ذاكرة خارجي في منفذ منفصل عن شريحتين الاتصال.
- يدعم الهاتف تقنية GPU Turbo لأداء أفضل في الألعاب.
- متوفر بالهاتف مستشعر بصمة الاصبع و خاصية التعرف على الوجه.
- يقدم المعالج Kirin 710 أداء قوي و سريع مقارن بسناب دراجون 660 و لكن ليس بنفس السلاسة لأن الواجهة ثقيلة نوعا ما كما أن الألعاب الثقيلة مثل PUBG تعمل بدون تهنيج.
- لمبة الاشعارات موجودة بأكثر من لون.
- كاميرا الهاتف الخلفية تقدم اداء مميز جدا فى حالة اضاءة العالية و لكن يجب أن تكون محترف بالتصوير علشان تقدر تطلع صور كويسة في اضاءة ضعيفة أما بالنسبة لسيلفي فهى مقبولة.
- بطارية الهاتف 3750 مللي أمبير تقدم أداء ممتاز بالرغم من أنها أقل من النوت 7 الا انها بتقدم نفس الاستخدام.
- صوت السماعة الخارجية جيد و لكنه ليس عالى و صوت سماعة المكالمات ممتاز و قوة الشبكة فوق المتوسط فى حين أن Y9 2019 خامات بلاستيك بالتالى استقبال شبكة أفضل ( ممتاز ) والاتنين بنفس السعر.
العيوب:
- ظهر الهاتف سريع الاتساخ ببصمات الاصابع و سهل الخدش لأنه مصنوع من الزجاج.
- بطارية الهاتف لا تدعم تقنية الشحن السريع ومنفذ الشحن Micro USB.
- النوتش كبير بعض الشئ و قديم و الآن النوتش Drop water هو المسيطر الحالى.
- يوجد ظل خفيف حول النوتش و لكن لا يؤثر على أداء الشاشة.
- صوت السماعة الخارجية للهاتف منخفض عن المنافسين.
- شاشة الهاتف لا يوجد عليها طبقة حماية و لكن قامت الشركة بلصق اسكرينة للحماية على الشاشة.
سعر الهاتف:
3400 جنيه مصري للنسخة 64 جيجا بايت مع 4 جيجا رام و هو نفس سعر Y9 2019 و الاتنين قريبين جدا من بعض ال Honor 8x خامات أفضل وكاميرا خلفية أفضل و ال Y9 بيقدم خامات بلاستيك أقل مع شبكة أقوي و بطارية أفضل و سيلفي أقوي.
خلينا نفكرك ان ال Honor 9X هينزل فى شهر أكتوبر بمواصفات أعلى و شاشة كاملة بس بسعر أكبر من 8X حاليا.
فى الفئة دى غاب عن الترشيحات الهواتف الآتية….
1- هاتف Realme 2 Pro :-
بالرغم من انه هاتف جيد جدا و لكن الفرق بينه و بين ال Realme 3 Pro حوالى 600 جنيه و بالفرق دا تاخد معالج أقوي و كاميرا أفضل و شحن أسرع و بطارية أقوي.
2- هاتف Samsung Galaxy A30 :-
موبايل Samsung A30 هو تانى أعلى هاتف مبيعا فى مصر بيقدم أفضل شاشة أمولد فى الفئة السعرية دى مع معالج من تصنيع سامسونج بيقدم أداء جيد و لكنه أقل من سناب دراجون 660 و كيرين 710 مع بطارية 4000 مللي أمبير و أدائها بيقل مع الوقت و دا ممكن نتقبله عادى فى صالح الشاشة الأمولد .
لكن الغير مقبول هو ضعف الشبكة و شكاوى كتيرة جدا من مستخدمين كتير مع الهاتف على شبكات مختلفة و كمان الـ WiFi لكن لو انت معندكش مشكلة مع الشبكة و اماكن تواجدك الشبكة فيها كويسة و بتحب سامسونج و الشاشة السوبر أمولد وقتها تفكر تشتري الA30 بسعر 3400 جنية للنسخة 64 جيجا بايت مع 4 جيجا رام.
فئة الـ 4000 جنية :-
للأسف مفيش فيها هواتف كتيرة و الوحيد الي يستحق الترشيح فيها هو هاتف Realme 3 Pro النسخة 64 جيجا مع 4 جيجا رام لأنها بتقدم حاجات كتيرة مكنتش موجودة فى الفئة السعرية دى.
هاتف Realme 3 Pro نسخة 64 جيجا :-
المميزات:
- شحن البطارية سريع جدا VOOC 3.0 تقريبا الهاتف بيتشحن فى حوالى ساعة و ربع و تصمد لمدة أكثر من يوم فى الاستخدام المتوسط.
- يقدم المعالج Snapdragon 710 لا يوجد معالج أفضل منه بسعر 4000 جنيه حاليا أفضل من سناب دراجون 660 بفرق ملحوظ بيقدم اداء متميز فى المهام اليومية و الألعاب الثقيلة مثل PUBG بتشتغل لفترات طويلة بأداء ثابت و كمان فورت نايت بتشتغل عليه بشكل رسمي على Medium جرافيك .
- الأداء الصوتى للهاتف ممتاز سواء فى صوت السماعة الخارجية أو سماعة المكالمات و كمان قوة الشبكة و استقبالها ممتاز.
- الكاميرا الخلفية و السيلفي تقدر تنافس هواتف فى فئة ال6000 جنيه حقيقي بتقدم اداء رائع جدا فى التصوير.
- يمكنك استخدام شريحتين اتصال و كارت ذاكرة خارجي فى نفس الوقت.
- الهاتف باحدث نظام اندرويد 9.0 و أحدث واجهة Color OS 6.0.
- تدعم كاميرا الهاتف الخلفية التصوير بجودة 4K و ايضا Slow Motion حتى 960 اطار فى الثانية.
العيوب:
- لا يوجد لمبة اشعارات بالهاتف.
- منفذ الشحن قديم Micro USB 2.0 و لكن تم التعويض عنه بالشحن السريع.
- الهاتف سهل الخدش و التجريحات و الاتساخ ببصمات الآصابع بسبب أنه مصنوع من البلاستيك.
- يوجد بروز خفيف فى الكاميرا الخلفية عن ظهر الهاتف.
- صندوق الهاتف لا يحتوي على سماعات الرأس Headphones و دى حاجة معتادة من ريلمى فى جميع الهواتف.
سعر الهاتف:
3990 جنية فى المحلات للنسخة 64 جيجا بايت مع 4 جيجا رام.
لو بقي مش عايز تجيب الريلمى 3 برو ننصحك اما تزود الفلوس و تجيب من فئة ال 5000 أو توفر و تجيب هاتف من ترشيحات فئة 3000 جنيه.
غاب عن ترشيحات فئة 4000 ….
1- هاتف Samsung Galaxy A50 :-
و دا غاب بسبب الشكاوى اللى على الشبكة و هى نفسها شكوي ال A30 و كمان زيادة على الشبكة مشكلة البصمة اللى تعتبر أبطأ بصمة مدمجة بالشاشة حاليا حتى بعد كل التحديثات لكن لو انت متقبل البصمة و مفيش مشاكل فى استقبال الشبكة فى أماكن تواجدك يبقي ممكن تفكر تشتري Samsung A50 بسعر 4300 جنيه للنسخة 128 جيجا مع 4 جيجا رام.
2- هاتف Huawei Y9 Prime 2019 :-
دا غير هاتف Y9 العادى , موبايل Y9 Prime 2019 بيقدم كاميرا سيلفي Pop up بسعر 4100 جنيه للنسخة 128 جيجا بايت مع 4 جيجا رام مع توفير تجربة شاشة كاملة بحجم 6.6 بوصة بدون نوتش و بحواف قليلة و لكن بالسعر ده معالج كيرن 710 مش الأفضل .
لو انت شايف ان أدائه مناسب بالنسبة لك و مع تجربة السيلفي اللى بموتور و خصوصا ان أداء الشبكة جيد جدا بس لازم تبقي عارف ان الهاتف مش هيقدم أحسن أداء و لا أحسن كاميرا بالسعر دا.
فئة الـ 5000 جنية :-
هاتف Realme 3 Pro نسخة 128 جيجا :-
هاتف Realme 3 Pro بس النسخة 128 جيجا بايت مع 6 جيجا رام بسعر 4990 جنية و يعتبر هو نفسه الهاتف اللى اتكلمنا عليه فى فئة 4000 جنية و لكن مشكلته الوحيدة هي عدم انتشار الريلمي 3 برو النسخة الكبيرة 128 جيجا شوية تلاقيها و شوية لأ ولو ملاقتهاش تقدر تجيب البديل و هو هاتف Oppo F11 اللى بيتفوق على الريلمي 3 برو فى الخامات الخارجية الأفضل و الصوت الأعلى بفرق بسيط و الشاشة الأكبر و الكاميرات ألوانها واقعية أكثر.
معالج ال Oppo F11 هو Mediatek P70 و هو ليس الأفضل و خصوصا بوجود سناب دراجون 710 فى الريلمى 3 برو و اللى أقوي منه و لكن أداء ال F11 قوي و جيد جدا و هتفضل نقطة تفوق لل F11 هى قوة انتشاره فى المحلات و مبيعات أكثر و صيانة أسهل و خامات داخلية و تقفيل أفضل.
هاتف Oppo F11 :-
المميزات:
- يوفر الهاتف تجربة مميزة فى الألعاب بفضل ال Hyper Boost و Game space.
- يدعم الهاتف الشحن السريع VOOC Charge 3.0 و يتم شحن البطارية فى ساعة و 10 دقائق.
- يقدم معالج أداء مميز و أفضل بشكل بسيط عن سابقيه من نفس السلسة.
- شاشة كبيرة 6.5 بوصة مع سطوع عالى تحت أشعة الشمس.
- متوفر حماية الخصوصية و الأمان عن طريق مستشعر بصمة الاصبع الدقيق السريع مع قفل الوجه Face Unlock السريع ايضا.
- تعامل الهاتف مع الشبكة جيد جدا و الشبكة قوية فى الهاتف.
- الهاتف الوحيد فى فئته السعرية المتوفر ب6 جيجا بايت رام مما يعني تطبيقات أكثر مفتوحة فى الخلفية.
- بطارية الهاتف تقدم أداء مميز.
- كاميرا الهاتف تقدم أداء مميز حيث صور و ألوان واضحة بفضل Dazzle mode.
العيوب:
- يجب الاستغناء عن الشريحة الثانية لاستخدام كارت الذاكرة الخارجي.
- لا يمكنك الغاء النوتش من الاعدادات.
- لا يوجد لمبة اشعارات فى الهاتف.
- لا يدعم الهاتف تصوير الفيديو بجودة 4K بالرغم من أن المعالج يدعم ذلك.
- ظهر الهاتف سريع الاتساخ ببصمات الآصابع بسبب قدومه من البلاستيك.
- لا تدعم الشاشة طبقة حماية ضد الصدمات و الخدوش و لكن تم التعويض عن ذلك بتركيب اسكرينة للحماية من الشركة.
- الهاتف لا يدعم USB Type C و لكن تم التعويض عن ذلك بالشحن السريع VOOC Charge 3.0.
- بروز الكاميرا الخلفية و لكن يمكن تفادى ذلك عن طريق استخدام الجراب الموجود بعلبة الهاتف.
سعر الهاتف:
5590 جنيه مصري للنسخة 128 جيجا مع 6 جيجا بايت رام بألوان الأبيض و الأخضر.
هاتف Samsung Galaxy A70 :-
موبايل Samsung A70 هو الخامس فى الهواتف الأعلى مبيعا فى مصر ولا يوجد به عيوب قاتلة مثل A50 و A30 بسبب استخدام معالج سناب دراجون.
المميزات:
- شاشة كبير سوبر أمولد مع حواف قليلة توليفة رائعة لتجربة مشاهدة ممتعة.
- يمكنك استخدام شريحتين اتصال و كارت ذاكرة خارجي فى نفس الوقت.
- البصمة المدمجة بالشاشة ادائها أفضل من هاتف A50.
- أداء قوة الشبكة أفضل بشكل عام من A50.
- بطارية عملاقة 4500 مللي أمبير مع منفذ شحن Type C و شاحن بقوة 25 وات.
- معالج الهاتف سناب دراجون 675 و اللى بيقدم أداء جيد بفرق ملحوظ عن ال A50.
- يقدم المعالج الرسومي أداء قوي مع الألعاب الثقيلة مثل PUBG و يمكنك تشغيل لعبة فورت نايت.
- أداء قفل الوجه Face unlock سريع و جيد جدا.
- بطارية الهاتف تقدم أداء مميز.
- كاميرا الهاتف الامامية تقدم أداء مميز.
- 6 جيجا بايت رام ذاكرة عشوائية فى الفئة المتوسطة خطوة جيدة من سامسونج.
العيوب:
- أداء الكاميرات الخلفية ليس الأفضل.
- بسبب خامة الهاتف من البلاستيك فهو سهل الاتساخ ببصمات الاصابع و التجريحات و الخدوش.
- تصميم الهاتف ليس جديد.
- لا يوجد طبقة حماية على الشاشة ضد الخدوش و الصدمات.
- لا يمكنك الغاء النوتش من الاعدادات.
سعر الهاتف:
حوالي 5800 جنية للنسخة 128 جيجا مع 6 جيجا رام .
فئة الـ 6000 جنية :-
هاتف Xiaomi Mi 9T :-
المميزات:
- معالج سناب دراجون 730 أعلى معالج فئة متوسطة موجود حاليا يقدم تجربة أداء رائعة فى المهام اليومية و الألعاب حتى الثقيلة منها بشكل ممتاز.
- شاشة 6.4 بوصة كاملة بدون نوتش من نوع أمولد توفر تجربة مشاهدة مميزة.
- بطارية 4000 مللي أمبير مع الشحن السريع بقوة 18 وات بيشحن الهاتف فى ساعة و نص.
- أسرع مستشعر بصمة مدمج بالشاشة.
- مستشعر بصمة الهاتف المدمج بالشاشة يعمل بصورة أفضل مما كان عليه فى هاتف Samsung A70 & A50 .
- خامات تصنيع الهاتف مع تصميمه الرائع يوفر تجربة قوية لهاتف Premium خاصة فى الألوان الأحمر و الأزرق.
- حافظت الشركة على وجود لمبة الاشعارات بأعلى ال Pop up.
- كاميرا سيلفي بتقنية جديدة Pop up و شكل جميل.
- تدعم واجهة الهاتف خاصية Dual app لعمل نسختين من كل التطبيقات.
- سوفت وير الكاميرا الخلفية يقدم أداء مميز و تصوير رائع و أوضاع عديدة للتصوير.
العيوب:
- لا يمكنك تركيب كارت ذاكرة خارجي لأنه لا يوجد منفذ له.
- لا يأتى فى صندوق الهاتف سماعات الرأس Headphones.
- الهاتف لا يدعم مستشعر IR بالرغم من وجوده دائما فى هواتف شاومى.
- ثقل وزن الهاتف مع سُمكه الكبير نسبيا قد يجعل صعوبة فى مسك الهاتف ولو وقع مع الخامات الزجاج هيتكسر.
- كان من الأفضل لو أن قوة الشاحن أكبر من 18 وات.
- جودة الكاميرا السيلفي ضعيفة .
- ظهر الهاتف اللامع سريع الاتساخ ببصمات الاصابع.
سعر الموبايل:
متوفر منه نسختين 64 جيجا بايت مع 6 جيجا رام بسعر 5660 جنيه و متوفرة على موقع سوق دوت كوم حصريا و بكميات .. مشكلتها المساحة الداخلية القليلة مع عدم قابلية تركيب كارت ميموري .
النسخة التانية 128 جيجا مع 6 جيجا رام و دى اللى تستحق الشراء و لكنها بتنزل بكميات قليلة و تخلص على طول.
لو مش عايز تشتري من شاومى أو ملقتش ال Mi 9T ممكن تقلل الميزانية شوية و تجيب هاتف من فئة ال 5000 او ممكن تزود الميزانية و تشتري هاتف Honor 20 اللى بمعالج فلاج شيب كيرين 980 و كاميرا خلفية محترمة و بصمة مدمجة بزر التشغيل و خامات ممتازة هو هاتف بدون فزلكة مواصفات قوية قصاد المبلغ اللى هتدفعه حوالى 7500 جنيه للنسخة 128 جيجا مع 6 جيجا رام و لكن للأسف مفيش منفذ 3.5 ملم لسماعات الأذن و مفيش منفذ لكارت الذاكرة الخارجي.
Comments