أفضل الموبايلات بسعر 2500 جنية مع المميزات والعيوب !
لو بتفكر تشتري موبايل جديد فى حدود 2500 عندك اختيارات كتيرة فى السوق دلوقتى, احنا فى موبيزل اخترنا أفضل 3 هواتف فى الفئة السعرية دى و عملنا بينهم مقارنة علشان نساعدك فى اختيارك و الهواتف هي Realme 3 و Xiaomi Redmi 7 و Honor 8C.
فى المراجعة دى هنقارن بينهم من حيث المميزات و العيوب و أدائهم فى الشاشة و المعالج و الكاميرا و البطارية.
هاتف Realme 3 :-
المميزات:
- بطارية الهاتف تقدم الاداء الأفضل حيث انها 4230 مللي أمبير.
- معالج الهاتف P60 يقدم أداء مميز فى المهام الميومية و فى لعبة PUBG وهو صاحب الاداء الأفضل في هذه الفئة السعرية .
- الهاتف باحدث نظام اندرويد 9.0 و أحدث واجهة Color OS 6.0 والاشعارات تظهر بجانب النوتش .
- نوتش صغير على شكل Drop Water .
- أسرع بصمة وش Face Unlock في الفئة السعرية .
- أداء الكاميرات سواء الامامية او الخلفية هو الأفضل بهذا السعر .
- صوت الهاتف الخارجي جيد جدا.
العيوب:
- لا يوجد لمبة اشعارات بالهاتف.
- زمن اعادة شحن الهاتف طويل بعض الشئ ما يقارب 3 ساعات الا ربع.
- دقة الشاشة HD+ كان من الأفضل لو كانت أعلى قليلا ولكن كل الموبايلات في الفئة ديه HD+.
- لا يمكنك الغاء النوتش من الاعدادات.
- صندوق الهاتف لا يحتوي على سماعات الرأس Headphones.
هاتف Xiaomi Redmi 7 :-
المميزات:
- الهاتف هو الوحيد فى الفئة السعرية الذي مستشعر IR و الذي يمكنك من التحكم بالأجهة المنزلية.
- تتميز الشاشة بوجود نوتش صغير مع دعم طبقة لحماية الشاشة من الصدمات و الخدوش.
- متوفر بالهاتف لمبة اشعارات بلون واحد.
- واجهة شاومي واجهة خفيفة وسلسة جدا في التشغيل ومبنية على أندرويد 9.0.
- يمكنك عمل نسختين من كل البرامج على الهاتف وليس برامج السوشيال فقط مثل بقية الهواتف.
العيوب:
- الاشعارات لا تظهر بجانب النوتش.
- لا يمكنك الغاء النوتش من الاعدادات.
- الهاتف لا يدعم الجيروسكوب حيث لا يمكنك تشغيل نظارات ال VR.
- كان من الأفضل لو أن دقة الشاشة FULL HD+ بدلا من HD+.
- صندوق الهاتف لا يحتوي على سماعات الأُذن Earphones.
- ألوان الشاشة غير مشبعة على عكس الـ 8C والريلمي 3 بشاشات أفضل في الألوان.
هاتف Honor 8C :-
المميزات:
- تقدم بطارية الهاتف أداء جيد مع زمن شحن متوسط حوالي ساعتين وربع .
- تصميم جميل و خفيف فى الوزن مما يجعله مريح فى الاستخدام.
- ألوان الشاشة هي الأفضل في تلك الفئة السعرية .
- يتوافر بالهاتف لمبة اشعارات بأكثر من لون ونورها قوي ويعتمد عليه .
- هو الأكثر انتشارا في السوق المصري نظرا لانه الأقدم .
العيوب:
- كان من الأفضل لو أن الهاتف يتم اصداره بأندرويد PIE 9.0 ولكن للاسف الهاتف قديم في السوق نسبيا ولو يتم تحديثه حتى الأن .
- كان من الأفضل لشاشة الهاتف لو كانت الدقة Full HD + بدلا من HD +.
- لا يدعم الهاتف مستشعر الجيروسكوب.
- شاشة الهاتف غير متوفر بها طبقة للحماية من الصدمات و الخدوش.
- النوتش كبير نسبيا .
- كاميرا الهاتف السيلفي تقدم أداء ضعيف و لا تدعم خاصية العزل.
التصميم :-
بالنسبة للخامات الثلاثة مصنوعين من البلاستيك المقوي البولى كاربونيت.
هاتف Realme3 بأبعاد 156.1x 75.6×8.3 ملم و وزن 175 جرام بألوان الأسود المتدرج و الأزرق المتدرج كما يتميز الظهر بطلاء لامع مع متانة فى التصميم خاصة و ان الظهر و الاطار كتلة واحدة مع حلقتين لونهم أصفر حول الكاميرا الخلفية و بتدى شكل جذاب و شيك للهاتف.
هاتف Xiaomi Redmi 7 بأبعاد 158.7x 75.6×8.5 ملم و هو سميك بعض الشئ مع وزن 180 جرام بألوان الأسود و الأحمر و الأزرق مع ظهر ذو طلاء لامع لشكل شيك بس خلى بالك ان اللمعة اللى فى الظهر دى بتخلي الموبايل يبان فيه الخرابيش و الخدوش أكثر.
هاتف Honor 8C بأبعاد 157.2*76*7.98 ملم مع وزن 167.2 جرام بألوان الأسود و الأزرق و الذهبي و يعتبر أخفهم فى الوزن و أقلهم فى السُمك و بالتالى هيكون الأفضل فى مسكة اليد و مريح أكثر و لكن طلاء الظهر غير لامع فا دا بيقلل من شياكة الموبايل بس بيحافظ عليه من التجريحات و الخرابيش.
من الآخر وجهة نظر موبيزل فى التصميم الأفضل هتكون للريلمى 3 و فى مسكة اليد هتكون ل Honor 8C .
الشاشة :-
الثلاثة بيجوا بشاشة بحجم 6.2 بوصة تقريبا من نوع IPS LCD و كثافة بيكسلات 270 بيكسل لكل بوصة تقريبا و بيعرضوا بدقة HD+ بجودة 720*1520 بيكسل .
لكن بالنسبة لاستحواذ الشاشة هيكون هنا الأفضل هو Realme 3 لأن الحافة العلوية و السفلية أٌقل بفرق بسيط من المنافسين
أما بالنسبة للنوتش أكبرهم فى النوتش هو Honor 8C و هو الوحيد اللى ممكن تلغى النوتش من الاعدادات و الشاومى و الريلمى بنوتش أصغر على شكل قطرة ماء Drop water .
أما بالنسبة لأداء الثلاث شاشات لو حطيت الثلاثة مع بعض هتلاقي تفوق فى شاشة ال Honor 8C فى الألوان حيث تشبع أكثر و من بعده على طول ال Realme 3 و فى الآخر ريدمى 7 لأن جودة الألوان هى الأٌقل فيه .
أما بالنسبة للحماية على الشاشة الثلاثة بيجوا فى العلية متركب عليها اسكرينة حمتاية من الشكرة مع وجود حماية من جوريلا جلاس الجيل الخامس على هاتف Xiaomi Redmi 7 و الجيل الثالث على ال Realme 3 و مفيش أى كلام رسمي عن وجد طبقة حماية على ال Honor 8C.
هنا الترشيح الأفضل هيكون لشاشة ال Realme 3 لأن ألوانها مقبولة و استحواذ الشاشة هو الأفضل و عليها طبقة حماية و شكل النوتش أفضل من وجهة نظر موبيزل.
الصوت :-
صوت السماعة الخارجية أعلى فى الريلمى 3 بعده الريدمى 7 و الأخير هو 8C بس خلى بالك ان مكان السماعة فى الريلمى 3 تحت على الشمال و دا هيخليها تتكتم و انت بتعلب على الموبايل بشكل أفقى أما ال 8C و الريدمى 7 السماعة على اليمين أما عن صوت سماعة المكالمات فهو عالى و واضح فى الثلاثة يمكن الريلمى 3 أعلى شوية.
كما يدعم الثلاثة ميكروفون اضافي لإزالة الضوضاء مما يُحسن من جودة الصوت في التسجيل و الفيديو.
الأداء :-
هاتف Realme 3 بمعالج Mediatek Helio P60 ثماني النواة يعمل بقوة تردد 4*2.0 جيجا هرتز cortex A73 و 4*2.0 جيجا هرتز cortex A53 بمعمارية 12 نانو و هو نفس معالج ال F9.
Redmi 7 و Honor 8C بيجوا بنفس المعالج و هو Qualcomm Snapdragon 632 ثماني النواة يعمل بقوة تردد 4*1.8 جيجا هرتز Kyro 250 gold و 4*1.8 جيجا هرتز Kyro 250 silver بمعمارية 14 نانو .
فى اختبار Antutu سجل هاتف Realme 3 عدد 128570 نقطة و هاتف Xiaomi Redmi 7 عدد 103949 نقطة و هاتف Honor 8C 100301 نقطة.
مع الاستخدام الفعلى واجهة التشغيل بتفرق هتلاقي ان الريلمى 3 اللى بيجي بواجهة Color OS 6 هيدى نفس سلاسة تشغيل الريدمى 7 لأنه بيجي بواجهة تشغيل MIUI 10 من شاومى و أثقل واحد هنا هو ال Honor 8C لأن الواجهة ثقيلة و هى EMUI 8.2 المبنية على أندرويد أوريو 8.0 و دى نقطة ضعف فى الهاتف بالنسبة للمنافسين لأنهم بيقدموا أندرويد 9.0 Pie و خلينا نوضح حاجة الأثقل و الأبطأ و الأسرع دا بتحسه لو انت ماسك الثلاثة مع بعض لكن لو انت اشتريت أى واحد منهم لوحده مش هتحس بحاجة.
لكن اللى هتحس بفرق فيه فعلا هو فرق المعالج الرسومي و هنا فى تفوق تام للريلمى 3 اللى بيجي بمعالج رسومي Mali-G72 MP3 اللى أحسن من Adreno 506 الموجود فى الريدمي 7 و Honor 8C.
تقدر تشغل لعبة PUBG على High HD جرافيك على ال Realme 3 انما فى ال Redmi 7 و Honor 8C تشتغل على medium جرافيك.
من الآخر فى نقطة الأداء يكسب ال Realme 3 بفضل المعالج الرسومي الأقوي.
الكاميرا الخلفية :-
نتكلم على المواصفات بالأرقام و بعدين نشوف الأداء الفعلى للثلاثة .
كاميرا هاتف Realme 3 الخلفية تأتي مزدوجة بجودة 13 ميجا بيكسل مع فتحة عدسة f/1.8 و الثانية بجودة 2 ميجا بيكسل من اجل العزل مع دعم الضبط التلقائي المزدوج PDAF و فلاش احادى LED و تصوير فيديو بجودة 1080 بيكسل مع 30 لقطة فى الثانية و ايضا التصوير بجودة 720 بيكسل مع 30 اطار فى الثانية كما يقوم بالتصوير Slow motion.
كاميرا هاتف Xiaomi Redmi 7 الخلفية تأتي مزدوجة الأولى 12 بجودة ميجا بيكسل مع فتحة عدسة f/2.2 مع دعم الضبط التلقائي المزدوج PDAF و الثانية 2 ميجا بيكسل للعزل مع فلاش أحادى LED و تصوير فيديو بجودة 1080 بيكسل مع 30 أو 60 لقطة فى الثانية و ايضا التصوير بجودة 720 بيكسل و دعم الذكاء الاصطناعى.
كاميرا هاتف Honor 8C الخلفية تأتي مزدوجة بجودة 13+2 ميجا بيكسل مع فتحة عدسة F/1.8 للأولى و F/2.4 للثانية مع فلاش أحادى LED و تصوير فيديو بجودة 1080 بيكسل مع 30 لقطة في الثانية و بجودة 2160 بيكسل مع 30 لقطة في الثانية و لكن الهاتف لا يدعم التصوير البطئ Slow motion و التصوير بجودة 4K بالرغم من ان المعالج بيدعم الخصائص دى.
فى البورتريه يتفوق الريلمى 3 فى لون البشرة الأدق و قص كامل للأطراف بدون أى أخطاء.
فى اضاءة الغرفة الريدمى 7 بيطلع ألوان الخلفية مظبوطة لكن بالنسبة لبقية الألوان تفوق الريلمى 3 و الأقل فى تفاصيل الوجه كان الريدمى 7.
فى الاضاءة الصفراء القوية الريدمى 7 قام بتفتيح الألوان و ال 8C الألوان فرقعت أصفر فى الصورة و الريلمى 3 حاول يعمل توازن فى الألوان.
فى الاضاءة الضعيفة فى الغرفة تفوق الريلمى 3 بفضل ال Night mode اللى يتميز انه موجود فيه هو بس على عكس الباقيين و كمان تفوق الريلمى 3 فى الاضاءة اللى فى وش العدسة تعامل معاها و طلع الصورة مقبولة على عكس الباقى.
ممكن تشوف الصور المتصورة بالـ 3 موبايلات في الفيديو الموجود في أخر المقالة .
الكاميرا الأمامية :-
موبايل ريلمي 3 بجودة 13 ميجا بيكسل أما عن هاتف Xiaomi Redmi 7 بجودة 8 ميجا بيكسل كما تدعم العزل عن طريق السوفت وير و اخيرا هاتف Honor 8C بجودة 8 ميجا بيكسل مع فلاش أمامى LED و تدعم Beauty mode لتحسين الصور و لكنه لا يدعم البورتريه و جميعهم مع فتحة عدسة f/2.0 و تصوير فيديو بجودة 1080 بيكسل مع 30 لقطة في الثانية.
الريلمى 3 تفوق فى اضاءة النهار فى تفاصيل الوجه و تفوق فى اضاءة الغرفة فى الصورة العادية و البورتريه لأنه قدر يطلع تفاصيل و ألوان حقيقة مع عزل مظبوط و تفوق ايضا فى الاضاءة الصفراء حيث ألوان مظبوطة أكثر و بعده الريدمى 7 بتفاصيل جيدة و لكن ألوان خلفية مش مظبوطة لكن الأضعف كان ال 8C.
فى الاضاءة القليلة جدا التفاصيل الأكثر فى الريلمى 3 و بعده الريدمى 7 اللى تحس انه بيمسح التفاصيل شوية و الأضعف هو ال 8C.
ممكن تشوف الصور المتصورة بالـ 3 موبايلات في الفيديو الموجود في أخر المقالة .
البطارية :-
تأتى بطارية هاتف ريلمى 3 بسعة 4230 مللي أمبير و هى الأكبر فى السعة تدعم تقنية الشحن السريع و تستهلك البطارية حوالي 3 ساعات الا ثلث لإعادة الشحن الى 100% بالشاحن المُرفق بقوة 10 وات و تصمد البطارية معك حوالى أكثر من 10 ساعات شاشة مفتوحة يعنى يكمل يوم مستريح.
تأتى بطارية هاتف Xiaomi Redmi 7 بسعة 4000 مللي أمبير تدعم تقنية الشحن السريع و تستهلك البطارية حوالي ساعتين لإعادة الشحن الى 100% بالشاحن المُرفق فى العلبة بقوة 10 وات و تصمد البطارية لمدة أقل من 6 ساعات شاشة مفتوحة Screen on و هي تصمد لمدة حوالى يوم كامل فى حالة الاستخدام المتوسط.
هاتف Honor 8C ببطارية بسعة 4000 مللي أمبير و لا تدعم تقنية الشحن السريع صمدت البطارية لمدة 9 ساعة Screen on خلال يوم كامل من الاستخدام الشاق و تستهلك البطارية ساعتين و ربع ليتم شحنها الى 100% لكنها تصمد معك طوال اليوم بفضل المعالج الموفر للطاقة.
هنا الأفضلية هتكون لبطارية هاتف Honor 8C لأنها صمدت وقت طويل مع زمن شحن أقل من المنافسين.
الذاكرة الداخية و الرام :-
يتوافر ريلمى 3 بنسختين حيث الأول بذاكرة داخلية 32 جيجا بايت مع 3 جيجا بايست رام و الثاني 64 جيجا بايت مع 4 جيجا بايت رام ذاكرة عشوائية و من الممكن ان يتم اصدار نسخة ثالثة 64 جيجا بايت مع 3 جيجا بايت رام.
يتوافرهاتف شاومى ريدمي 7 بثلاث اصدارات حيث الأول بذاكرة داخلية 16 جيجا بايت مع 2 جيجا بايت رام و الثانى بذاكرة داخلية 32 جيجا بايت مع 3 جيجا بايت رام و الثالث 64 جيجا بايت مع 3 جيجا بايت رام ذاكرة عشوائية.
هاتف هونور 8 سي متوفر بنسختين 64 جيجا بايت ذاكرة داخلية مع 4 جيجا بايت رام ذاكرة عشوائية و 32 جيجا بايت مع 4 جيجا بايت رام
و يمكنك زيادة المساحة الداخلية فى الثلاث هواتف عن طريق إضافة كارت ذاكرة خارجي يصل الى 256 جيجا بايت في منفذ منفصل عن شريحتين الاتصال و يصل الى 512 جيجا بايت فى الشاومى 7.
خواص أخري :-
يدعم الثلاث هواتف جميع المستشعرات مثل البوصلة و التقارب و السرعة مع دعم تشغيل الراديو FM و GPS.
الريلمى 3 يتفوق فى دعم الجيروسكوب حيث يمكنك استخدام نظارات VR للواقع الافتراضي و مشاهدة فيديوهات 360 درجة على عكس الشاومى و 8C كلاهما لا يدعم.
مع دعم OTG لنقل البيانات من و الى الهاتف عن طريق أى USB Driver.
يتفوق هاتف ريدمى 7 كعادة هواتف شاومى بدعم مستشعر IR حيث يمكنك استخدام الهاتف كريموت كنترول للتحكم بالأجهزة المنزلية و دا مش موجود فى الباقى.
بالنسبة ل لمبة الاشعارات ال 8C فيه لمبة اشعارات بتنور بأكثر من لون مكانها جوا سماعة المكالمات و نورها واضح انما الريدمى 7 بتنور بلون واحد و هو الأبيض و مكانها تحت الشاشة و نورها ضعيف و بالنسبة للريلمى 3 مفيش لمبة اشعارات أصلا.
أما الاشعارات فى الريلمى 3 بتظهر الاشعارات بلونها الحقيقي للتطبيق بجانب النوتش انما الريدمى 7 فى مشكلة فى السوفت وير و الاشعارات مش بتظهر أما ال 8C الايقونات بتظهر .
بالنسبة لتعامل الهواتف مع الشبكة مفيش اى مشاكل هتقابلها فى التعامل مع الشبكة فى الأماكن اللى بتكون الشبكة فيها ضعيفة أفضلهم هيكون الRealme 3 و بعده ال 8C و أخيرا ال Redmi 7 و نأكد أن مفيش واحد فيهم الشبكة فيه وحشة.
بالنسبة لخاصية Dual apps و اللى تقدر بيها تعمل نسختين من برامج التواصل الاجتماعى موجودة فى الثلاثة لكن الريدمى 7 يتفوق فى امكانية عمل نسختين من كل البرامج و ليس برامج التواصل الاجتماعى فقط.
عناصر حماية الأمان و الخصوصية :-
الثلاثة فيهم مستشعر بصمة الاصبع اللى سريع و بدون مشاكل و تقريبا مفيش فرق ملحوظ أو واحد أسرع من التانى لكن لما نيجي نتكلم عن خاصية قفل الوجه Face Unlock هنا يكسب ال Realme 3 أسرع واحد فيهم.
رأى موبيزل…
الـ Realme 3 قدر ينافس Xiaomi Redmi Note 7 بالرغم من سعره أقل من الشاومى نوت 7 بحوالى 500 جنيه أو أكثر و بالرغم من أن الشاومى كسب فى نقط كتير الإ ان الريلمى 3 قدر يسد قدامه و بالتالى فى حدود سعر 2500 جنية احنا في موبيزل شايفين أن أفضل اختيار هو Realme 3 الي كان فيه بعض الشكاوي ظهرت من المستخدمين لريلمي 3 فى السخونية اللى بتظهر من الهاتف و عدم استجابة التاتش و الحاجات دى وصلها تحديث للسوفت وير علشان يحلها بس خلى بالك ان أكبر مشكلة فى الريلمى 3 بالنسبة للمنافسين أنه مفيش فيه لمبة اشعارات.
فى المركز التانى هيجي الRedmi 7 اللى مش منتشر فى المحلات و بينزل أون لاين كل فترة و بيخلص بسرعة و غالبا مش هتلاقيه بسهولة و ساعاتها هتختار الاختيار الثالث و هو ال Honor 8C الأكثر انتشارا و مسجل مبيعات كويسة جدا فى الفئة دى و كمان الأقدم فى السوق و على فكرة مشكلة هواوى مع جوجل مش هتأثر عليه لأنه قديم و واخد الترخيص و هيوصله تحديثات عادى بدون مشاكل.
فى خلال الأيام اللى جاية شركة هواوى هتحاول تحل الموقف الحالى لها و بالتالى دا ممكن يأثر على سياستها و اسعار الهواتف فا ممكن تستني شوية لحد ما نعرف هيحصل ايه ولو انت اشتريت خلاص بلاش تتسرع و تبيع موبايلك بخسارة لأن المشاكل دى ممكن تتحل و كأن شيئا لم يكن.
لو تقدر بقى ترفع الفلوس ل 3000 جنيه ننصحك تشتري Xiaomi Redmi Note 7 نسخة 32 جيجا بايت و كده هيبقي معاك أحسن مواصفات فى الفئة السعرية دى.
محتويات صندوق الهاتف :-
- هاتف Realme 3 و تم تركيب اسكرينة للحماية عليه مسبقا من الشركة مع الشاحن, كابل الشحن و جراب سيلكون شفاف لحماية الهاتف.
ملحوظة : صندوق الهاتف لا يحتوي على سماعات الأُذن Earphones. - هاتف Xiaomi Redmi 7 و تم تركيب اسكرينة حماية على الشاشة من الشركة ,الشاحن, كابل الشحن Micro USB 2.0 مع جراب لحماية الهاتف.
ملحوظة : صندوق الهاتف لا يحتوي على سماعات الأُذن Earphones. - هاتف Honor 8C وتم تركيب اسكرينة حماية من الشركة مع سماعات الرأس Headphones, الشاحن, كابل الشحن مع جراب شفاف من السيلكون لحماية ظهر الهاتف.
سعر الموبايلات :-
هاتف Realme 3:
2490 جنيه مصري للنسخة 32 جيجا بايت مع 3 جيجا رام و هى موجودة أون لاين بتنزل كل فترة فى المحلات بسعر 2690 جنية و متوفر من الموبايل نسخ بمساحة ورام أكبر ولكن بسعر أعلى.
هاتف Xiaomi Redmi 7:
2600 جنيه مصري للنسخة 32 جيجا بايت مع 3 جيجا بايت رام.
هاتف Honor 8C:
بالسوق المصري 2650 جنيه مصري للنسخة 32 جيجا بايت مع 3 جيجا بايت رام.
Comments