مراجعة النسخة الجديدة من Huawei P30 Lite بـ 6 جيجا رام – هل فرق عن النسخة القديمة ؟

شركة هواوي قررت تنزل نسخة جديدة من هاتف Huawei P30 Lite تحت اسم P30 Lite New Edition و فى مقالة النهاردة هتقدر تعرف ايه الاختلافات بين النسختين و هل الموضوع يستحق ان الشركة تنزل نسخة مُعدلة من الهاتف ولا لا ؟

 

مواصفات P30 Lite النسخة الجديدة :-

  • أبعاد الهاتف 152.9x 72.7×7.4 ملم.
  • وزن الهاتف 159 جرام مع خامات تصنيع زجاج.
  • تأتي شاشة الهاتف بقياس 6.15 بوصة مع دقة Full HD+ بجودة  1080*2312 بيكسل مع 415 كثافة بيكسلات.
  • معالج الهاتف هو Hisilicon Kirin 710 مع معالج رسوميات Mali-G51 MP4 مع خاصية GPU Turbo 3.0.
  • يمكنك اضافة كارت ذاكرة خارجي يصل الى 512 جيجا بايت.
  • الهاتف متوفر بمساحة 128 جيجا بايت مع ذاكرة عشوائية 6 جيجا بايت رام.
  • يأتي الهاتف بنظام تشغيل اندرويد فطيرة 9.0 Pie مع واجهة مستخدم EMUI 9.0.
  • كاميرا الهاتف الخلفية تأتي ثلاثية بجودة  48+8+2 ميجا بيكسل مع فتحة عدسة اساسية f/1.8  فلاش احادى LED و تصوير فيديو بجودة 1080 بيكسل مع 30 و 60 لقطة فى الثانية و بجودة 720 بيكسل مع مثبت الكتروني.
  • كاميرا السيلفي تأتي بجودة 24 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية.
  • بطارية الهاتف تأتي بسعة 3340 مللي أمبير تدعم تقنية الشحن السريع Huawei Quick charge بشاحن بقوة 9 فولت و 2 أمبير.
  • يدعم الهاتف مستشعر بصمة الاصبع في ظهر الهاتف مع دعم Face Unlock.
  • متوفر بالهاتف ميكروفون اضافي لإزالة الضوضاء.
  • يدعم الهاتف تشغيل الراديو FM.
  • متوفر بالهاتف جميع المستشعرات القرب و الضوء و السرعة.
  • متوفر بالهاتف مستشعر الجيروسكوب ودعم خاصية ال OTG.
  • الهاتف متاح في الأسواق بألوان الأزرق و الأسود و الأبيض.

 

مميزات P30 Lite New Edition :-

  • الحواف حول الشاشة قليلة للغاية.
  • حجم الهاتف مع وزنه الخفيف يجعله مثالى و مريح جدا فى الاستخدام.
  • الهاتف يدعم تقنية الشحن السريع مع USB Type C و شاحن سريع مرفق في العلبة.
  • تصميم الهاتف شيك جدا مع خامات تصنيع ممتازة.
  • بصمة الهاتف تتميز بالسرعة.
  • متوفر بالهاتف لمبة اشعارات بأكثر من لون.

 

عيوب هواوي P30 لايت النسخة الجديدة :-

  • لا يقدم افضل معالج في الفئة السعرية .. فمعالج ريلمي 3 برو أفضل منه .
  • لا يمكنك استخدام شريحتين اتصال و كارت ذاكرة خارجي حيث يجب الاستغناء عن الشريحة الثانية و لكن مع 128 جيجا بايت لا أظن سوف تحتاج الى كارت ذاكرة.
  • سعة البطارية أقل من المنافسين.
  • لا يوجد طبقة حماية على الشاشة ضد الخدوش و الصدمات و لكن يوجد اسكرينة حماية من الشركة على الهاتف.

الأختلاف بين P30 لايت النسخة القديمة والجديدة :-

 

1/ حجم الرام :-

النسخة القديمة كانت بـ 4 جيجا رام لكن النسخة الجديدة بـ 6 جيجا رام و بكده P30 Lite New Edition هو من أرخص موبايلات هواوي فى مصر بحجم رام 6 جيجا رام و دا بيفرق فى عدد البرامج اللى شغالين فى الخلفية و تقدر ترجعلهم من غير ما يقفلوا.

نفس المعالج اللى كان فى النسخة القديمة و هو Kirin 710 اللى كلنا عارفين أدائه الجيد و بالنسبة للعبة PUBG بتشتغل على High HD مفيش فرق عن النسخة القديمة و بنفس السرعة بدون تهنيج.

أرقام منصة أنتوتو للنسخة القديمة والجديدة

2/ الكاميرا :-

حصل فيها تغيير كبير كاميرا النسخة القديمة ثلاثية الاساسية 24 ميجا بيكسل بفتحة عدسة F/1.8 و النسخة الجديدة بقت 48 ميجا بيكسل مع فتحة عدسة F/1.8 و باقى الكاميرات زي ما هى 8 ميجا بيكسل للتصوير الواسع و الثالثة للعزل 2 ميجا بيكسل بفتحة عدسة F/2.4.

و الكاميرا السيلفي كانت 32 ميجا بيكسل بفتحة عدسة F/2.0 و فى النسخة الجديدة بقت 24 ميجا بيكسل مع بفتحة عدسة F/2.0.

لو هنفكر بالأرقام هنتخيل ان الكاميرا الخلفية بقت أفضل و السيلفي جودتها بقت أقل.

لكن الواقع غير كده غير كدا ..

بالنسبة للكاميرا الخلفية ..

فى اضاءة الشمس تشبع الألوان فى النسخة الجديدة أفضل شوية من القديمة و لما بنعمل Zoom نفس جودة التفاصيل.

فى صور المناظر الطبيعية تشبع الألوان فى النسخة الجديدة بيبقي أوضح و أكثر عن النسخة القديمة.

فى اضاءة الغرفة لون البشرة بيكون مظبوط اكثر فى النسخة الجديدة بس بالنسبة للتفاصيل مفيش فرق بينهم.

فى التصوير بالليل فى النسخة القديمة ظاهر Noise كتيرة فى الصورة علي عكس النسخة الجديدة New Edition اللى تقريبا مفيش Noise فى الصور و لما نعمل Zoom هتلاقي التفاصيل أحسن بفرق بسيط عن النسخة القديمة.

أما السيلفي بالرغم من ان الأرقم أقل لكن الجودة بقت أحسن التفاصيل و لون البشرة بقي أحسن كتير و التفاصيل واضحة لو عملت Zoom.

و فى النسخة الجديدة فيه Night mode في السيلفي و كمان وصل تحديث للنسخة القديمة و بقي فيها Night mode و تقريبا الاتنين زي بعض.

أما بالنسبة لتصوير الفيديوهات الاتنين زي بعض تقريبا بيصوروا فيديو بجودة 1080 بيكسل مع 60 أو 30 لقطة فى الثانية و بجودة 720 بيكسل و الاتنين فيهم Wide angel و تقدر تتنقل بين العدسات وقت تصوير الفيديو.

لاحظنا ان الاهتزاز واضح فى النسخة الجديدة عن النسخة القديمة و دا ممكن يتحل بتحديث للهاتف.


سعر الموبايلات :-

P30 Lite New Edition سعره 5100 جنية مصر بما يعادل 300 دولار أمريكي للنسخة 128 جيجا بايت مع 6 جيجا رام و أكيد هيبقي أقل فى المحلات يعني ممكن 4900 جنية.

النسخة القديمة سعرها حوالى 4150 الى 4200 جنية مصري 128 جيجا بايت مع 4 جيجا رام.


رأى موبيزل النهائي :-

النسخة القديمة كانت بتقدم حاجة مميزة جدا و هى الخامات الجيدة استخدمنا الموبايل لفترة طويلة بدون جراب حتى و مع الاستخدام محصلش حاجة له ولا ظهر فيه خرابيش و كمان متميز فى حجمه الصغير فى الايد خصوصا لو انت ايديك صغيرة و بتحب تستخدم الهاتف بايد واحدة .

و الحجم الصغير دا بيرجع للشاشة الصغيرة 6.15 بوصة  IPS LCD بدقة Full HD+ مع مستشعر البصمة الخلفية بيتميز بالسرعة مع لمبة الاشعارات اللى بتنور بأكثر من لون مع وجود كل المسشتعرات و كمان الموبايل بيقدم تجربة محترمة جدا فى التعامل مع الشبكة.

بس لازم تعرف ان النسخة القديمة و الجديدة من P30 لايت مش بيقدموا أفضل معالج فى فئتهم السعرية و كمان حجم البطارية قليل بالنسبة للمنافسين لكن مع شحن سريع و USB Type C.

ال P30 Lite New Edition نزل علشان يحسن الكاميرا الخلفية فى التصوير الليلي و يحسن السيلفي بشكل كامل و بذاكرة عشوائية أكبر ويبقا 6 جيجا رام.. واحنا في موبيزل شايفين ان الموضوع مكنش يستاهل نسخة جديدة من P30 لايت ..


فيديو المراجعة على اليوتيوب :-

قد يعجبك أيضا...

Comments

جاري التحميل...