الفئة المتوسطة هتولع بنزول هاتف Realme 2 Pro لأنه تقريبا ملهوش منافس و لكن النهاردة اخترنا هاتف Xiaomi Mi 8 Lite و اللى تقريبا بنفس السعر علشان نقارن بينهم و نشوف فعلا الريل مي 2 برو ينفع حد يقف قصاده و لا لأ.
هنشوف في المقارنة دى من فيهم أفضل من التانى فى الشاشة و الكاميرا و الأداء و البطارية.
هاتف Realme 2 Pro :-
مميزات:
- يدعم الهاتف منفذ منفصل لكارت الذاكرة الخارجي.
- شاشة الهاتف تدعم طبقة حماية علي الشاشة.
- الشاشة بحجم كبير و استغلال ممتاز الحواف مع نوتش صغير.
- بطارية الهاتف تقدم أداء جيد جدا حيث تصمد طول اليوم.
- معالج الهاتف يقدم أداء مميز و سلس فى الألعاب و المهام اليومية.
- كاميرا خلفية بعدسة واسعة تقدم أداء جيد فى النهار أو الليل كما أنها تدعم تصوير الفيديو بجودة 4K.
- يتوافر بالهاتف عوامل حماية الأمان حيث مستشعر بصمة الاصبع و خاصية قفل الوجه Face unlock و كلاهما يقدم أداء متميز.
- الهاتف يشبه هاتف Oppo F9 فى التصميم و الامكانيات بسعر أقل و رام أكبر.
عيوب:
- بطارية الهاتف لا تدعم تقنية الشحن السريع.
- الهاتف لا يدعم تشغيل الراديو FM.
- لا يوجد لمبة اشعارات كما أن الاشعارات لا تظهر بجانب النوتش.
- الهاتف سهل الاتساخ ببصمات الاصابع و سهل الخدش.
- لا يدعم الهاتف USB Type C.
هاتف Xiaomi Mi 8 Lite :-
مميزات:
- أداء المعالج رائع و قوي.
- بطارية تدعم تقنية الشحن السريع Quick Charge 3.0.
- كاميرا الهاتف الخلفية تدعم التصوير بجودة 4K.
- الهاتف متوفر به USB Type C.
- صوت السماعة الخارجية و سماعة المكالمات عالى و مجسم.
- يدعم لمبة اشعارات كما تظهر الاشعارات بجانب النوتش.
عيوب:
- ظهر الهاتف مصنوع من الزجاج لذا هو سريع الاتساخ ببصمات الاصبع و لكن يتم حل المشكلة بالجراب المرفق.
- الهاتف لا يحتوي على منفذ 3.5 ملم لدخول سماعات الرأس.
- سعة بطارية الهاتف صغيرة بالنسبة للمنافسين.
- لا يدعم تشغيل الراديو.
التصميم :-
هاتف Realme 2 Pro متوفر بألوان الأسود و السماوي بأبعاد 156.7*74*8.5 ملم مع وزن 174 جرام مصنوع من البولى كاربونيت مع اطار من البلاستيك و طلاء لامع فى الظهر, التصميم يعتبر تقليدي ويعطي احساس ملمس رخيص في الايد بسبب البلاستيك.
هاتف Xiaomi Mi 8 Lite متوفر بألوان الأزرق و الذهبي و الرمادى بأبعاد 156.4x 75.8×7.5 و وزن 169 جرام مصنوع من الزجاج مع تغيير فى الألوان حسب الاضاءة و اطار من المعدن و التصميم جميل جدا و جديد و فى احساس فخامة كده.
احنا متفقين ان الأفضلية هنا مختلفة من شخص للتانى, لكن رأى موبيزل ان هاتف Mi 8 Lite أحلى فى التصميم و احساس ال premium لكن فى نفس الوقت ال Realme 2 Pro يتحمل الصدمات و الوقوع أكثر.
الشاشة :-
شاشة هاتف Realme 2 Pro تأتي بقياس 6.3 بوصة من نوع IPS LCD بدقة full HD plus بجودة 1080*2340 بيكسل مع كثافة بيكسلات 409 بيكسل لكل بوصة و تدعم اللمس المتعدد وتمثل 90% من حجم الهاتف مع أبعاد19.5:9 كما تدعم طبقة حماية علي الشاشة من نوع Corning gorilla glass 3 و عليه اسكرينة متركبة كما يوجد نوتش صغير علي شكل قطرة ماء و لكن لا يمكن الغائها الا فى تطبيقات محددة ويقدم استغلال افضل للحواف.
تأتى الشاشة فى هاتف Xiaomi Mi 8 Lite بحجم 6.26 بوصة من نوع IPS LCD بدقة Full HD+ و جودة 1080*2280 بيسكل مع كثافة بيكسلات 403 بيكسل لكل بوصة مع ابعاد 19:9 و نسبة استحواذ الشاشة 84.5% من حجم الهاتف مع وجود نوتش أعلى الشاشة بالنسبة لطبقة الحماية الشركة بتقول ان الشاشة عليها طبقة جوريلا جلاس 5 بس بردوا تريح دماغك و تركب اسكرينة للحماية أحسن و النوتش ينفع تلغيها من الواجهة.
ال ريلمي 2 Pro يكسب بأفضل استغلال للحواف خاصة مع النوتش الصغير, الألوان أفضل بفرق بسيط خاصة تحت أشعة الشمس و شاشة بحجم أكبر .
أما ال Mi 8 Lite يكسب فى الحماية من جوريلا الجيل الخامس و النوتش يمكن الغائها.
الأداء :-
الاتنين بيجوا بنفس المعالج Qualcomm Snapdragon 660 مع معالج رسومي Adreno 512 المعالج دا من أفضل المعالج الموجودة فى الفئة المتوسطة , سجل هاتف Realme 2 Pro عدد 128000 نقطة أما عن هاتف Xiaomi Mi 8 Lite سجل 144126 نقطة طب له الفرق دا بالرغم من ان الاتنين بنفس المعالج ؟
الفكرة هنا ان شركة ريلمي قللت تردد المعالج من 2.2 جيجا هرتز الى 2.0 جيجا هرتز و دا قلل استهلاك البطارية و سخونة أقل مع الاستخدام المكثف بالنسبة للعبة PUBG الاتنين بيشغلوها بسلاسة مع سخونة أقل فى Realme.
الواجهة فى الشاومى أسرع و أخف و اكثر سلاسة أما الRealme رام أكبر مع سخونة أقل.
الكاميرا الخلفية :-
كاميرا هاتف Realme 2 Pro الخلفية تأتي مزدوجة بجودة 16+2 ميجا بيكسل مع فتحة عدسة F/1.7 و فلاش LED و تصوير فيديو بجودة 1080 بيكسل مع 30 لقطة في الثانية مع جود مثبت اليكتروني و بجودة 4K 2160 بيكسل مع 30 لقطة في الثانية تقدم صور جيدة جدا فى الاضاءات المختلفة بغضل العدسة الواسعة كما أنها تقدم خاصية العزل بشكل جيد.
تأتى الكاميرا الخلفية لهاتف Xiaomi Mi 8 Lite مزدوجة بجودة 12+5 ميجا بيكسل مع فتحة عدسة f/1.9 و f/2.0 بالترتيب مع خاصية الضبط التلقائي المزدوج PDAF و فلاش أحادى LED مع HDR و تصوير بانوراما و تصوير الفيديو بجودة 4K 2160 بيكسل مع 30 لقطة فى الثانية و بجودة 1080 بيكسل مع 60 أو 120 لقطة فى الثانية و بجودة 1080 بيكسل مع 30 لقطة فى الثانية معgyro EIS مثبت اليكتروني تقدم الكاميرا صور بجودة متميزة مع تفاصيل رائعة و تتميز بPortrait جيد جدا.
فى الشاومى الnoise أقل و التفاصيل واضحة أكثر.
الكاميرا السيلفي :-
كاميرا هاتف Realme 2 Pro الأمامية تأتي بجودة 16 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع 30 لقطة في الثانية.
تأتى الكاميرا الأمامية بهاتف Xiaomi Mi 8 Lite بجودة 24 ميجا بيكسل مع تصوير فيديو بجودة 1080 بيكسل مع 30 لقطة فى الثانية و تدعم العزل عن طريق السوفت وير و لكن فى حالة الاضاءة الخافتة تصبح التفاصيل قليلة خاصة مع ال Zoom.
الشاومى تعتبر الأفضل لان العزل و التفاصيل أكثر دقة.
البطارية :-
بطارية هاتف Realme 2 Pro بسعة 3500 مللي أمبير و لا تدعم تقنية الشحن السريع و بتستهلك ساعتين و ربع علشان يتم شحنها الى 100% هتصمد لمدة 7-8 ساعات screen on .
بالنسبة لبطارية هاتف Xiaomi 8 Mi Lite تأتى بسعة 3350 مللي أمبير مع دعم الشحن السريع Quick Charge 3.0 و تصمد لمدة 6 ساعات Screen on على WiFi و Mobile Data و تستهلك حوالى ساعة و نصف ليكتمل شحنها الى 100%.
الشحن الأسرع يكسب فيه الشاومى و الصمود الأكبر للريل مى.
الذاكرة الداخلية و الذاكرة العشوائية :-
هاتف Realme 2 Pro متوفر بنسختين 64 جيجا بايت ذاكرة داخلية مع 4 جيجا بايت رام ذاكرة عشوائية و 128 جيجا بايت مع 8 جيجا بايت رام و يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 256 جيجا بايت في منفذ منفصل عن شريحتين الاتصال.
هاتف Xiaomi Mi 8 Lite يأتى باصدارين 128 جيجا بايت مع 6 جيجا بايت رام و 64 جيجا بايت مع 4 جيجا بايت رام و يتم تركيب كارت ذاكرة خارجي بدلا من الشريحة الثانية.
ال Realme 2 Pro لو فتحت تطبيقات كتيرة فى الخلفية و لغيت خاصية ان الواجهة تقفل التطبيقات لو رجعتلها بعد كذا يوم هتلاقي التطبيقات مفتوحة و دا يرجع للرام الكبير.
عوامل حماية الأمان و الخصوصية :-
الاتنين فيهم مستشعر بصمة الاصبع و خاصية التعرف على الوجه Face recognition و مش بتفتح و العين مقفولة و الاتنين بيشتغلوا بدقة و سرعة عالية مفيش تفوق لحد على التانى.
الصوت :-
الاتنين فيهم ميكروفون اضافي لازالة الضوضاء أما بالنسبة لصوت سماعة المكالمات أفضل و أعلى فى Realme 2 Pro و صوت السماعة الخارجية ممتاز و عالى فى الاتنين و لكنه مجسم أكثر فى ال Mi 8 Lite لان الصوت فى ال Realme 2 Pro هتحس ان الصوت فيه noise و تحتاج ان تخفض مستوي الصوت.
خواص اخري :-
الاتنين فيهم WiFi ac و دعم مستشعرات البوصلة و التقارب و السرعة و GPS مع دعم خواص A-GPS, GLONASS, BDS .
الاتنين بيدعموا خاصية ال OTG و مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة .
لمبة الاشعارات موجودة في Mi 8 Lite بلون واحد و هو الأبيض و بعد تحديث MIUI 10 بقي فى اشعارات بتظهر جنب النوتش أما عن هاتف Realme 2 Pro لا يوجد لمبة الاشعارات كما أن الاشعارات لا تظهر بجانب النوتش ويجب سحب لوحة الاشعارات لرؤيتها .
Xiaomi Mi 8 Lite بيدعم وجود USB Type C لكن هاتف RealMe 2 Pro لا يدعم USB Type C .
هاتف Mi 8 Lite لا يحتوي على منفذ 3.5 ملم لدخول سماعات الرأس و لكن المنفذ موجود فى هاتف Realme 2 Pro .
هاتف RealMe 2 Pro لا يدعم تشغيل الراديو FM .
بالنسبة للتعامل مع الشبكات الاتنين بيتعاملوا بشكل ممتاز مع الشبكة حتى فى الأماكن اللى الشبكة فيها ضعيفة قدرنا نعمل مكالمات و نفتح Mobile data بشكل ممتاز .
محتويات صندوق الهاتف :-
هاتف RealMe 2 Pro:
الهاتف و الشاحن و كابل الشحن و جراب شفاف سيلكون.
هاتف Xiaomi Mi 8 Lite:
الهاتف و الشاحن و كابل الشحن و محول لتشغيل سماعات الأذن و جراب شفاف سيلكون.
ملحوظة : كلاهما لا يحتوي على سماعات الرأس Headphonesفى صندوق الهاتف.
اجيب مين يا موبيزل؟
لو بتدور على موبايل بتصميم شيك مع كاميرا أفضل بشكل بسيط و شحن سريع و لمبة اشعارات و واجهة تشغيل أكثر سلاسة يبقي تختار ال Xiaomi Mi 8 Lite .
أما لو بتدور على شاشة أفضل و نوتش شيك و بطارية أفضل و رام 8 جيجا بايت و منفذ 3.5 ملم لسماعات الرأس وبطارية اكبر يبقي تختار ال Realme 2 Pro.
سعر الموبايلات :-
هاتف Realme 2 Pro :
الهاتف لسه منزلش مصر و لكن السعر المتوقع
4000 جنيه مصري للنسخة 64 جيجا بايت مع 4 جيجا بايت رام
5000 جنيه مصري للنسخة 128 جيجا بايت مع 8 جيجا بايت رام
هاتف Xiaomi Mi 8 Lite :
4500 جنيه مصري للنسخة 64 جيجا بايت + 4 جيجا بايت رام
5200 جنيه مصري للنسخة 128 جيجا بايت + 6 جيجا بايت رام
Comments