أفضل موبايل يمكنك شرائه كهدية عيد الأم – ترشيحات موبيزل المؤقتة !

عيد الأم قرب, كل سنة و كل أم طيبة بتفكر تجيب لماما هدية عيد الأم موبايل؟ موبيزل نزل المحلات و شاف الأسعار و بما أن الموبايل دا لماما فا احنا محتاجين شاشة كبيرة و بطارية ضخمة هاتف يستحمل يقع و يتحدف و تكون الشبكة فيه قوية و صوت سماعة المكالمات عالي و كاميرا مقبولة . تعالوا نشوف موبيزل اختار مين بالمواصفات دي.

اخترنا هاتف Realme C1 و اللى هو أحد اصدارات شركة Realme التابعة لشركة Oppo و اللى حققت نجاح كبير فى المحلات و أونلاين, خلينا نتعرف سوا على مواصفات الهاتف مع مميزاته و عيوبه.

مواصفات Realme C1 :-

• تم الاعلان عن الهاتف في نوفمبر 2018.
• أبعاد الهاتف 156.2*75.6*8.2 ملم.
• وزن الهاتف 168 جرام.
• يدعم الهاتف شبكات اتصال الجيل الثاني والثالث والرابع GSM/HSPA/LTE عن طريق شريحتين اتصال من نوع nano.
• شاشة الهاتف تأتي بقياس 6.2 بوصة من نوع IPS LCD بدقة HD plus بجودة 720*1520 بيكسل و 271 كثافة بيكسلات مع حماية من جوريلا جلاس 3.
• معالج الهاتف هو Qualcomm Snapdragon 450 مع معالج رسوميات Adreno 506.
• الهاتف متوفر بذاكرة داخلية 16 جيجا بايت مع 2 جيجا بايت رام ذاكرة عشوائية.
• يمكنك تركيب كارت ذاكرة خارجي يصل الى 256 جيجا بايت.
• يتم اصدار الهاتف بنظام اندرويد أوريو Oreo 8.1 مع واجهة مستخدم Color OS 5.2.
• كاميرا الهاتف الخلفية تأتى مزدوجة بجودة 13+2 ميجا بيكسل مع فلاش أحادي LED و فتحة عدسة f/2.2 و f/2.4.
• كاميرا السيلفي تأتي بجودة 5 ميجا بيكسل مع فتحة عدسة f/2.2.
• بطارية الهاتف تأتي بسعة 4230 مللي أمبير و لا تدعم تقنية الشحن السريع.
• يحتوي الهاتف على ميكروفون اضافي لازالة الضوضاء.
• يدعم الهاتف خاصية التعرف على الوجه Face recognition.
• متوفر بالهاتف Wi-Fi 802.11 b/g/n مع امكانية انشاء hot spot و خاصية Wi-Fi direct.
• يدعم الهاتف تشغيل الراديو FM.
• الهاتف متوفر بألوان الأسود و الأزرق.

مميزات ريلمي سي 1 :-

• بطارية الهاتف بسعة 4230 مللي أمبير تقدم أداء ممتاز حيث تصمد معك فى الاستخدام المتوسط لمدة يومين تقريبا و لمدة 10 ساعات Screen on بالاضافة الى سوفت وير أوبو الموفر للاستهلاك.
• شاشة الهاتف تقدم أداء جيد جدا مع حجمها الكبير 6.2 بوصة , ألوان الشاشة جيدة جدا مع درجة سطوع ممتازة تحت أشعة الشمس مع اسكرينة حماية تم تركيبة مسبقا على الهاتف.
• استغلال ممتاز لواجهة الهاتف مع حواف قليلة جدا.
• أداء الهاتف جيد جدا فى فتح التطبيقات اليومية و مواقع التواصل الاجتماعى أما بالنسبة للعبة PUBG ممكن تلعبها هلى أقل اعدادات بدون أى تهنيج دا فى حالة ان ماما بتلعبها أو هتقلب منها الموبايل و تلعبها انت.
• صوت سماعة المكالمات عالى و مسموع جدا و الشبكة قوية جدا فى فى الأماكن اللى الشبكة فيها ضعيفة.
• الهاتف مصنوع من البولى كاربونيت و دى تعتبر ميزة كون الهاتف فى فئة اقتصادية و كمان البلاستيك هنا جودته ممتازة بالاضافة الى ان ظهر الهاتف عليه طبقة لامعة توحي بانه مصنوع من الزجاج مع أطار بلاستيك قوي و كمان فيه جراب سيلكون بيجي فى علبة الهاتف كدا الهاتف متأمن من كل الجهات.
• الكاميرا الخلفية هنا مزدوجة و دا شئ كويس لأنها بتدعم خاصية العزل و تقدم اداء جيد فى العموم فى حالة الاضاءة العالية.
• الكاميرا السيلفي تقدم أداء جيد فى الاضاءة العالية مع دعم خاصية العزل عن طريق السوفت وير.
• متوفر بالهاتف خاصية OTG و الجيروسكوب.
• يدعم الهاتف خاصية التعرف على الوجه Face recognition لحماية الخصوصية لتعويض غياب البصمة.
• متوفر بالهاتف منفذ 3.5 ملم لسماعات الأذن.
• متوفر بالهاتف تشغيل الراديو FM.
• يمكنك تركيب كارت ذاكرة خارجي فى منفذ منفصل عن شريحتى الاتصال بدون الاستغناء عن أى شريحة.
• تدعم كلا من الشريحتين شبكات الجيل الرابع.
• وزن الهاتف الخفيف يجعله مريح فى الاستخدام.

عيوب Realme C1 :-

• المساحة الداخلية للهاتف 16 جيجا بايت بعد ما تفتح الهاتف هتلاقي متبقي حوالى 7.5 جيجا بايت بعد ما ننزل كل التطبيقات و معاهم PUBG هيتبقي حوالى 3.5 جيجا بايت دول كويسين فى حالة ان الاستخدام بسيط ممكن تزود المساحة الداخلية عن طريق كارت ذاكرة خارجي بس مش هينفع تنزل عليه ألعاب و تطبيقات لكن تحتفظ بالصور و الملفات و الأغاني عليه.
• الذاكرة العشوائية 2 جيجا بايت رام فقط و دا بيسبب ان الهاتف هيقفل التطبيقات لوحدها وهتحتاج تفتحها كل شوية.
• بطارية الهاتف لا تدعم تقنية الشحن السريع و بسبب السعة الكبيرة تستهلك وقت طويل لاعادة الشحن حوالى 3 ساعات الا ربع.
• لا يمكنك الغاء النوتش فى الهاتف من الاعدادات.
• صندوق الهاتف لا يحتوي على سماعات الأُذن.
• للأسف لا يوجد لمبة اشعارات بالهاتف و لا يوجد اشعارات تظهر بجانب النوتش لازم تنزل لوحة الاشعارات علشان تشوفهم.
• الهاتف لا يحتوي على مستشعر بصمة الاصبع بالرغم من وجوده فى هواتف أقل سعرا.
• بسبب أن الهاتف مصنوع من البلاستيك يجعله سريع الاتساخ ببصمات الاصابع و الخدش علشان كده ياريت تستخدم الجراب المرفق فى علبة الهاتف للحفاظ عليه.
• يحدث قص فى الشاشة أحيانا بسبب النوتش.
• الهاتف لا يدعم خاصية Dual Apps.

سعر الموبايل :-

سعر الهاتف حوالى 2300 جنيه مصري و يعتبر البديل الأرخص لهاتف Oppo A3s حبيب الملايين و تعتبر الكاميرا السيلفي فى الريلمي أقل قليلا من A3s ولكن بقية المواصفات فهي متماثلة و لكنه أرخص بحوالى 500 جنيه.

بدائل وترشيحات أخرى وبعض الأخبار :-

و ممكن بديل أخر هو هاتف Xiaomi Redmi 6 بمساحة داخلية و رام أكبر و تقريبا نفس الأداء و الكاميرا و لكن بطارية أضعف و شاشة أصغر و احنا النهاردة فى المقالة دى فى استثناء علشان محتاجين خواص معينة تناسب والدتك , فعلشان كدا فضلنا الريلمي سي 1 عن الريدمي 6 .

أما بقى لو معاك مبلغ اكتر من 2500 جنية ممكن تفكر في Samsung J6 Plus و سعره حوالى 2750 جنيه مصري و مميزاته انه سامسونج و ذاكرة داخلية 32 جيجا بايت مع 3 جيجا بايت رام مع مستشعر بصمة الاصبع و كاميرات جيدة جدا مع ألوان أفضل فى الشاشة و لكن للأسف البطارية أضعف .

لو هنزود أكتر ممكن نفكر فى هاتف Honor 8C بسعر حوالى 3200 جنيه مصري كان سعره قبل كده 2800 جنيه بس زاد شوية بسبب مشكلة الجمارك و هيرجع يرخص تانى خلال أيام .

و ممكن بردوا Huawei Y7 2019 حبيب الملايين اللى اتفتح الحجز له بكميات جديدة بسعره الرسمي 2999 جنية , لان سعره زاد اليومين الي فاتوا بسبب عدم توافره بس هيبقا متاح خلال أيام بسعره الرسمي .

و الأيام دى فيه عروض كتيرة على هواتف بقالها فترة فى السوق و مش بتتباع زي Sico و Alcatel بس موبيزل مش بيحب يرشح الهواتف اللى بقالها فترة فى السوق و فشلت فى الانتشار لأن دا معناه ان الهاتف دا هيكون صعب يتباع و صعب يتصلح و الاكسسوارات هتكون غير متاحة.

الأيام الجاية ممكن ينزل Y6 Prime 2019 النسخة الأصغر من Y7 Prime 2019 بمساحة داخلية 32 جيجا بايت مع 2 جيجا بايت رام هيتفوق فى المساحة و البصمة و لكن البطارية أقل 3000 مللي أمبير و المعالج أقل و السعر هيكون حوالى أقل من 2500 جنيه والموبايل المنافس ليه Honor 8A هينزل بردة في حدود نفس السعر بس بمعالج احسن , واول ما الموبايلات ديه تنزل هنعملها مراجعات ومقارنات زي ما انتوا متعودين مننا .

وخلال أيام هيتوفر في مصر موبايل هواوي الجديد P30 Lite و سلسلة سامسونج الجديدة Galaxy A30 و Galaxy A50… استنوا مراجعة قريبة جدا , ومعظم الموبايلات الي اسعارها زادت هترجع لطبيعتها خلال ايام بردة ان شاء الله .

فيديو هدية عيد الأم على اليوتيوب :-