مفاجآت بالجملة من سامسونج وهواوي في مصر – لازم تدخل وتعرف الجديد !

بقالنا كتير مستنين موبايلات جديدة تنزل السوق المصري , وبقالنا شهر في مصر عندنا ارتفاع في اسعار الموبايلات بسبب قرار تسجيل المصانع واحنا في موبيزل على بيدج الفيس بوك وضحنا اكتر من مرة ان كل المشاكل هتتحل خلال شهر مارس ان شاء الله .

وبالفعل فاجئتنا هواوي اليوم صباحا بتسعير ممتاز لاشهر موبايلات ليها حاليا في مصر وهما كالتالي :-

• هواوي Y7 Prime 2019 … هيرجع تاني لسعره الطبيعي 2999 جنية واتفتح عليه الحجز في اكتر من محل والتسليم خلال ايام .
• هواوي Y9 2019 … سعره هيبقا 4000 جنية للنسخة 64 جيجا مع 4 جيجا رام والكلام ده بردة هنشوفه خلال أيام .
• هواوي Nova 3i … سعره هيبقا 4600 جنية للنسخة 128 جيجا مع 4 جيجا رام وبردة خلال ايام هنلاقي الاسعار الجديدة .
• هواوي Y6 Prime 2019 … وده نسخة مصغرة من Y7 2019 , اتفتح عليه باب الحجز وسعره الرسمي هيبقا في حدود 2350 جنية للنسخة 32 جيجا مع 2 جيجا رام .

وبكدا هواوي مصر تبقا جهزت لنزول مارد الفئة المتوسطة الجديدة وهو موبايل Huawei P30 Lite الي اسمه بالخارج Nova 4e , الموبايل نتوقع انه هتيوفر للبيع خلال شهر مارس للنسخة 128 جيجا مع 4 جيجا رام بسعر حوالي 5500 جنية , الي يميز P30 Lite هو الكاميرا الخلفية الثلاثية والكاميرا امامية 32 ميجا بيكسل وشحن سريع وType C .. مع نفس معالج النوفا والهونر 8x مع بطارية اقل شوية 3340 مللي أمبير ونتوقع مبيعات ضخمة جدا لموبايلات هواوي القديمة والجديدة بالتسعير الممتاز .

وفي نفس الوقت النهاردة سامسونج مصر أعلنت ان الهاتفين المنتظرين بتوعها بشدة هما Galaxy A50 و Galaxy A30 هيتوفروا للبيع يوم الخميس في المحلات ومن النهاردة على موقع سوق . كوم متوفرين للحجز , والمفاجئة هنا هو السعر .

• سامسونج A50 بسعر 5300 جنية للنسخة 128 جيجا مع 4 جيجا رام .
• سامسونج A30 بسعر 3850 جنية للنسخة 64 جيجا مع 4 جيجا رام .
• لسة شوية على وصول A10 و A20 .. ومفيش اخبار عن سلسلة الـ M في مصر .

واحنا في موبيزل شايفين ان تسعير فئة A ممتاز ومنافس وهيخلي الموبايلات تتصدر مشهد المبيعات في المحلات وكمان اونلاين .

وبالنسبة لموبايل شاومي نوت 7 , المنتظر بشدة , اعلاناته ابتدت تنتشر في محلات الموبايلات وده معناه ان الموبايل خلاص هينزل قريب جدا جدا و والاسعار المتوقعة من 3 لـ 4 الاف جنية ع حسب النسخة 32 ولا 64 جيجا , وهيبقا في هدية قديمة جدا جدا للحجز المسبق للموبايل وقت ما يتم الاعلان عنه يوم 26 مارس في مصر .

وفي نفس الوقت هونر قدرت توفر كميات جديدة من هاتفها الاكثر مبيعا وهو Honor 8x ورجع لسعره الطبيعي 4888 جنية للنسخة 128 جيجا مع 4 جيجا رام وممكن تلاقيه بسعر أقل لحد 4700 جنية .

وهينزل موبايل اقتصادي مشابة لـ Y6 Prime 2019 من هونر وهو Honor 8A بنفس المواصفات تقريبا بس المعالج أحدث ( كعادة هواوي ) والسعر بردة هيكون في حدود 2300 جنية .

لو عاوز تعرف مواصفات كل موبايل .. دوس على أسمه باللون الأزرق وهتروح لصفحة مواصفات الموبايل .

واحنا في موبيزل اول ما نجرب كل الموبايلات ديه هنعملكم مراجعات ومقارنات حيادية علشان تشوفوا مين الافضل بالنسبة لاستخدامكم.

ديه أحدث أخبار الموبايلات في مصر .. تابعوا موبيزل دايما .