من أول نزول هاتف Xiaomi Note 7 في مصر و هو عامل ضجة و بيتقارن بكل الموبايلات فى فئته السعرية و كمان هواتف أعلي منه بفضل المعالج Qualcomm Snapdragon 660 لحد ما تم الاعلان عن هاتف Realme 3 بالرغم من أنه من فئة سعرية أٌقل من النوت 7 الا انه يقدر ينافسه وده بفضل معالج الريلمي 3 وهو Mediatek Helio P60 .
فى مراجعة النهاردة هنعرف هل ال Realme 3 ينفع بديل للNote 7 ولا لأ ؟
هاتف Xiaomi Note 7 :-
المميزات:
- يقدم معالج الهاتف أفضل أداء فى الفئة أقل من 4000 جنيه.
- يتوافر الهاتف بنظام تشغيل اندرويد 9.0 Pie.
- سعر الهاتف ممتاز مع ضمان 30 يوم للاستبدال فى حالة وجود أى عيب.
- متوفر بالهاتف دعم مستشعر IR للتحكم بالأجهزة المنزلية.
- يدعم الهاتف USB Type C و هو الأول فى سلسلة REDMI.
- تدعم الشاشة طبقة حماية من Corning gorilla glass 5.
- نوتش صغير علي شكل قطرة ماء أفضل من سابقيه ذو نوتش عريض.
- بطارية الهاتف 4000 مللي أمبير تقدم أداء جيد جدا مع شحن سريع فى حالة استخدام شاحن سريع غير الموجود بعلبة الهاتف.
العيوب:
- يجب الاستغناء عن الشريحة الثانية لاستخدام كارت الذاكرة الخارجي.
- كاميرا الهاتف الخلفية بارزة عن جسم الهاتف.
- كاميرا السيلفي تعتبر قليلة فى دقتها و تقدم أداء أقل من المنافسين.
- اضاءة لمبة الاشعارات ضعيفة ولاحظنا انها لا تعمل في معظم الاوقات كما ان ايقونات الاشعارات تظهر لحظات جمب النوتش ولا تظهر مرة اخرى وننتظر تحديث لحل تلك المشاكل.
- بسبب أن الهاتف مصنوع من الزجاج فى الظهر يجعله سريع الاتساخ ببصمات الأصابع.
- الشاحن المُرفق فى علبة الهاتف يقوم بالشحن فى وقت طويل لذا سيتوجب عليك أن تشتري شاحن أخر للاستمتاع بالشحن السريع.
هاتف Realme 3 :-
المميزات:
- يمكنك استخدام شريحتين اتصال و كارت ذاكرة خارجي فى نفس الوقت.
- بطارية الهاتف تقدم اداء مميز حيث 4230 مللي أمبير.
- معالج الهاتف P60 يقدم أداء مميز فى المهام الميومية و فى لعبة PUBG.
- الهاتف باحدث نظام اندرويد 9.0 و أحدث واجهة Color OS 6.0.
- نوتش صغير على شكل Drop Water .
- أداء الكاميرا الأمامية مميز جدا.
العيوب:
- لا يوجد لمبة اشعارات بالهاتف.
- لا يوجد مثبت الكتروني أثناء تصوير الفيديو.
- زمن اعادة شحن الهاتف طويل بعض الشئ ما يقارب 3 ساعات.
- دقة الشاشة HD+ كان من الأفضل لو كانت أعلى قليلا.
- الهاتف سهل الخدش و التجريحات بسبب أنه مصنوع من البلاستيك.
التصميم :-
هاتف Xiaomi Note 7 بألوان الأسود و الذهبي و الأزرق مع أبعاد 159*75.2*8.1 ملم و وزن 186 جرام, ظهر الهاتف مصنوع من الزجاج مع اطار بلاستيكي و لا يوجد انحناءات بظهر الهاتف.
هاتف Realme 3 بألوان الأسود المتدرج و الأزرق المتدرج مع أبعاد 156.1×75.6×8.3 ملم مع وزن 175 جرام, الهاتف مصنوع من البلاستيك و لا يوجد اطار حيث ان الهاتف بالكامل قطعة واحدة مع انحناء بسيط فى الظهر.
احنا متفقين ان التصميم دا ذوق بيختلف من شخص للتانى وجهة نظر موبيزل من الاخر فى الاتنين ان النوت 7 شكله أكثر قيمة و أشيك بس الريلمى 3 أحسن فى المسكة بسبب الانحناءات الموجودة بالظهر و انه كمان أقصر شوية من النوت7 و كمان بيتفوق فى بروز أقل بكتير فى الكاميرا الخلفية عن النوت 7يعنى لما تيجي تركب جراب حماية للاتنين هتلاقي الكاميرا بارزة لسه فى النوت 7 لكن الريلمى 3 هتلاقي البروز اختفي نهائي.
الشاشة :-
شاشة هاتف Xiaomi Redmi Note 7 تأتي من نوع IPS LCD بقياس 6.3 بوصة تعرض 16 مليون لون بدقة Full HD+ بجودة 1080*2340 بيكسل مع كثافة بيكسلات 409 بيكسل لكل بوصة بأبعاد 19.5:9 مع دعم حماية من نوع Corning gorilla glass 5 و لا يوجد اسكرينة للحماية من الشركة و تمثل الشاشة 81.4% من حجم الهاتف.
شاشة هاتف Realme 3 تأتي من نوع IPS LCD بقياس 6.22 بوصة تعرض 16 مليون لون بدقة HD+ بجودة 720*1520 بيكسل مع كثافة بيكسلات 270 بيكسل لكل بوصة بأبعاد 19: 9 مع دعم حماية من نوع Corning gorilla glass 3 مع تركيب اسكرينة للحماية على الشاشة مسبقا و تمثل الشاشة 81.8 % من حجم الهاتف مع نوتش على شكل قطرة ماء Drop water.
بالنسبة للأداء فى النوت 7 الألوان و التباين و زوايا الرؤية أحسن بفرق بسيط و كمان الشاشة Full HD+ على عكس الريلمى شاشة HD+ بس خلينا متفقين ان الفرق دا مش هيظهر غير لما تمسك الاتنين جنب بعض أما بالنسبة للحواف يتفوق ريلمي 3 بحافة علوية أقل و بالنسبة للحماية يتفقو الريلمى 3 انه عليه اسكرينة للحماية.
الصوت :-
صوت السماعة الخارجية عالى فى الاتنين بس النوت 7 مجسم أكثر و مكان السماعة مختلف فى النوت 7 على اليمين أما فى الريلمى 3 موجودة على الشمال و الفكرة ان الصوت ممكن يتكتم و انت ماسك الموبايل بتعلب عليه بشكل أفقى أما عن صوت سماعة المكالمات أفضل قليلا فى الريلمى 3 عن النوت 7 أما بالنسبة لصوت سماعات الأُذن ال Base أعلى شوية فى النوت 7 .
الأداء :-
Xiaomi Note 7 بتقدم معالج Snapdragon 660 مع معالج رسوميات Adreno 512 أما عن ريلمي 3 معالج Mediatek Helio P60 و هو نفس معالج هاتف Oppo F9 و بسعر أقل يصل الى النصف مع معالج رسوميات Mali-G72 MP3.
أداء الاتنين رائع منقدرش نقول ان فى واحد أحسن من التانى و لا بردوا نقدر نقول ان فى واجهة أحسن من التانية لا فى النهاية دى أذواق.
بالنسبة بقى للعبة PUBG بتشتغل على High HD على الاتنين بس كانت أكثر سلاسة فى Note 7 بس دا مش هتحسه الا لو مسكت الاتنين سوا.
فى ال Speed test تفوق النوت 7 سرعة أفضل بفرق بسيط فى فتح البرامج و حتى البرامج اللى فى الخلفية مش بيعيد تحميلها.
حقق الشاومى 144304 نقطة على Antutu بينما حقق الريلمى 128570 نقطة .
واجهة المستخدم :-
الاتنين بيجوا بأندرويد 9.0 Pie ولكن الشاومى بواجهة MIUI 10 أما الريلمى بواجهة Color OS 6.0 الاتنين مختلفين عن بعض.
مثلا واجهة الريلمى بيظهر 3 ايقونات اشعارات فى حالة انك قافل ايقونة Network speed أما لو لأ و فاتح ايقونة ال WiFi هيظهرايقونة اشعار واحدة فقط و بجانبها عدد من النقط علشان تعرف ان فيه اشعارات تانية , هنا مفيش لمبة اشعارات.
الواجهة هنا بتدعم عمل نستخين Dual app من تطبيقات التواصل الاجتماعى فقط.
واجهة الشاومى الاشعارات مش بتظهر بجانب النوتش الا لو دخلت فى الاعدادات و شغلتها و و قتها بتظهر لحظة و تختفي , النوت 7 فيه لمبة اشعارات بنور بضوء خفيف و موجودة تحت و تقريبا مش بتنور أصلا الا وقت الشحن و مستنين تحديث من شاومى علشان لمبة الاشعارات تشتغل و الاشعارات تظهر بجانب النوتش دايما.
واجهة شاومي بتدعم عمل نسختين Dual apps من كل البرامج و التطبيقات.
الكاميرا الخلفية :-
كاميرا هاتف Xiaomi Redmi Note 7 الخلفية تأتي مزدوجة الأولى 48 بجودة ميجا بيكسل مع فتحة عدسة f/1.8 مع دعم الضبط التلقائي المزدوج PDAF و مستشعر من سامسونج GM1 والثانية بجودة 5 ميجا بيكسل مع فتحة عدسة f/2.2 مع فلاش ثنائي Dual LED و تصوير فيديو بجودة 1080 بيكسل مع 30 أو 60 أو 120 لقطة فى الثانية كما يمكنه تصوير ال Slow motion و ايضا التصوير بجودة 720 بيكسل مع مثبت اليكتروني gyro EIS مع دعم التصوير بوضع بانوراما و HDR و دعم الذكاء الاصطناعى.
كاميرا هاتف ريلمي 3 الخلفية تأتي مزدوجة بجودة 13 ميجا بيكسل مع فتحة عدسة f/1.8 و الثانية بجودة ميجا بيكسل من اجل العزل مع دعم الضبط التلقائي المزدوج PDAF و فلاش احادى LED و تصوير فيديو بجودة 1080 بيكسل مع 30 لقطة فى الثانية و ايضا التصوير بجودة 720 بيكسل مع 30 اطار فى الثانية كما يقوم بالتصوير Slow motion مع دعم التصوير بوضع بانوراما و HDR .
بالنسبة للأداء بعيدا عن الأرقام ال Note 7 أداء الكاميرا بيبقي كويس جدا لما تنزل عليه Google Camera خصوصا فى الاضاءة الضعيفة أما لو لأ الأداء هيكون متقارب جدا ممكن تكون الألوان واقعية أكثر فى الRealme 3 و السوفت وير هنا قدر يستغل الهارد وير بطريقة احسن من الشاومى فى غياب ال Google Camera , وعلى فكرة مع استخدام جوجل كاميرا على النوت 7 ( بيتسطب بسهولة على النوت 7 انما الريلمي 3 لا ) النوت 7 طلع صور احسن بكتير من الصور الي طالعة من سوفت وير الموبايل وفي كل الاحوال الصور بتبقا افضل من الريلمي 3 باستخدام جوجل كاميرا .
بالنسبة لتصوير الفيديو عزل الصوت أفضل فى النوت 7 و كمان هنا فيه مثبت الكترونى.
في فيديو المقارنة الي تحت هتلاقي مقارنة صور وفيديوهات .
الكاميرا الأمامية :-
كاميرا السيلفي شاومى تأتي بجودة 13 ميجا بيكسل مع فتحة عدسة F/2.2 و تصوير فيديو بجودة 1080 بيكسل مع 30 لقطة فى الثانية كما تدعم HDR كما تدعم العزل عن طريق السوفت وير.
كاميرا السيلفي تأتي بجودة 13 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية.
السيلفي هنا أحسن فى Realme 3 حتى بعد استخدام Google Camera فى الNote 7.
البطارية :-
تأتى بطارية هاتف Xiaomi Redmi Note 7 بسعة 4000 مللي أمبير تدعم تقنية الشحن السريع Quick Charge 4 و تستهلك البطارية حوالي ساعتين و ثلث لإعادة الشحن من 15% الى 100% بالشاحن الموجود بعلبة الهاتف 5 فولت و 2 أمبير و الوقت طويل قليلا و يمكنك تقليل وقت الشحن عن طريق استخدام شاحن سريع 9 فولت و تصمد البطارية لمدة 8 ساعات شاشة مفتوحة Screen on على Mobile data و Wi-Fi و يتفوق هنا فى منفذ شحن USB Type C.
تأتى بطارية هاتف ريلمى 3 بسعة 4230 مللي أمبيرو هى الأكبر فى السعة فى فئته السعرية تدعم تقنية الشحن السريع و تستهلك البطارية حوالي 3 ساعات الا ثلث لإعادة الشحن الى 100% بالشاحن المُرفق بقوة 10 وات و تصمد البطارية معك يوم و أكثر فى حالة الاستخدام المتوسط بفضضل معالج يوفر استهلاك البطارية و كمان دقة الشاشة أقل HD+ بس منفذ الشحن هنا Micro USB 2.0.
عوامل أمان و حماية الخصوصية :-
الاتنين فيهم مسشتعر بصمة الاصبع و خاصية قفل الوجه Face unlock و البصمة سريعة فى الاتنين و كمان Face unlock سريع و دقيق .
خواص أخري :-
الاتنين بيدعموا تشغيل الراديو FM .
بالنسبة للمستشعرات الاتنين فيهم مستشعرالبوصلة و التقارب و الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.
يدعم هاتف Xiaomi Note 7 مستشعر IR حيث يمكنك استخدام الهاتف كريموت كنترول للتحكم بالأجهزة المنزلية زي انك مثلا تقدر تقلب أى قناة فى التلفزيون أو تفتح و تقفل التكييف.
بالنسبة لمشكلة الكتابة و التاتش اللى قولنا عليها فى مراجعة هاتف Note 7 بعد ما وصل تحديث للهاتف الموضوع اتحسن كتير و تقريبا المشكلة مبقتش موجودة و الأفضل انك تقفل الاهتزاز أثناء الكتابة Vibration on tap و قتها هتحس ان الكتابة تمام و مفيش أى مشاكل فيها و الأزرار على الحواف شغالة و زر ال Delete شغال تمام مقارنة بالريلمى 3.
وعلى فكرة مش شرط لما تشتري النوت 7 تلاقي تحديث لان النسخة الي كانت معانا كان عليها سوفت وير قديم انما بعد الابديت النسخة الي معانا بقت على نفس السوفت وير الي نزل بيه الموبايل في المحلات ومفيش اي مشاكل في الكتابة على الكيبورد ولا حتى في مشاكل في التعامل مع الشبكة ,
بالنسبة بقي للتعامل مع الشبكات الاتنين بيتعاملوا مع الشبكة بامتياز و دايما الشبكة قوية و بتلقط المكالمات و ال Mobile data فى الأماكن اللى الشبكة فيها ضعيفة.
رأى موبيزل النهائي :-
ال Note 7 متفوق بوضوح فى الظهر الزجاجى و مستشعر IR و الشاشة Full HD+ و الكاميرا الخلفية ممكن تبقي أحسن لو نزلت جوجل كاميرا.
أما ال Realme 3 سعره أقل من النوت 7 وادائه قريب جدا مع امكانية تركيب شريحتين اتصال و كارت ذاكرة خارجي مع ايقونات الاشعارات بتظهر بجانب النوتش و الشاشة عليها اسكرينة للحماية من الشركة مع بروز أقل فى الكاميرا الخلفية و الحافة العلوية للشاشة أقل شوية .
بعد تجربتنا للاتنين نقدر نقول انهم الاتنين ممتازين و نقلة نوعية للهواتف فى الفئة السعرية دى و فى النهاية الحكم هيكون لثقتك فى براند معين تختار Xiaomi و لا تختار Realme التابعة ل OPPO.
محتويات صندوق الهاتف :-
هاتف Xiaomi Note 7 :
الهاتف , الشاحن , كابل الشحن Type C, جراب لحماية الهاتف.
ملحوظة : صندوق الهاتف فى الاتنين لا يحتوي على سماعات الأُذن Earphones.
هاتف Realme 3 :
الهاتف و تم تركيب اسكرينة للحماية علي الهاتف مسبقا من الشركة ,الشاحن , كابل الشحن, جراب لحماية الهاتف.
ملحوظة : صندوق الهاتف فى الاتنين لا يحتوي على سماعات الأُذن Earphones.
سعر الهاتف :-
هاتف Xiaomi Note 7 :
- 3000 جنيه مصري للنسخة 32 جيجا بايت مع 3 جيجا بايت رام والنسخة ديه موجودة اونلاين بس وكمان مش بتبقا موجودة علاطول.
- 3777 جنيه مصري للنسخة 64 جيجا بايت مع 4 جيجا بايت رام.
- 4222 جنيه مصري للنسخة 128 جيجا بايت مع 4 جيجا بايت رام.
هاتف Realme 3 :
- نسخة 32 و 3 اونلاين ب 2490 جنية وفي المحلات ب 2690 جنية وهتبقا على جوميا يوم 27 ابريل.
- نسخة 64 و 3 في المحلات ب 3090 جنية.
- نسخة 64 و 4 اونلاين ب 3190 جنية و في المحلات ب 3490 جنية وهتبقا على جوميا يوم 6 مايو.
- سيتم توافر الموبايل في المحلات يوم 6 مايو بكل النسخ.
Comments