مراجعة موبايل Realme 5 – بـ 4 كاميرات خلفية وبطارية عملاقة وسعر 2500 جنية !

السنة الي فاتت كان صعب تلاقي موبايل تحت الـ 3000 جنية بيقدملك قيمة ممتازة مقابل السعر اللى بتدفعه لكن بعد دخول شركة Realme السوق المصري و نزلت أول هاتف ليها تحت الـ 3000 جنية وهو ريلمي 3 .. الموبايل ده غير مفاهيم كتير اوي في السوق ولحد النهاردة الموبايل لسه اسمه مسمع وله سمعة محترمة جدا بين المستخدمين سواء اونلاين او حتى اوفلاين والموبايل بقا منتشر في المحلات.

والنهاردة بنراجع ليكم النسخة الأجدد منه وهو Realme 5 علشان تعرف فعلا ريلمي لسه ماشية على المسار بتاعها في تقديم المواصفات الأفضل مقابل السعر ولا لأ ؟

وكمان هنعرف ايه الزيادة في الموبايل ده عن الريلمي 3 القديم ؟


مواصفات Realme 5 :-

  • أبعاد الهاتف 164.4×75.6×9.3 ملم.
  • وزن الهاتف 198 جرام مع تصميم من البلاستيك.
  • تأتي شاشة الهاتف سوبر أمولد بقياس 6.5 بوصة مع دقة HD+ بجودة 720*1600 بيكسل مع 269 كثافة بيكسلات و حماية من جوريلا جلاس الجيل الثالث.
  • معالج الهاتف هو Qualcomm Snapdragon 665  مع معالج رسوميات Adreno 610.
  • يمكنك اضافة كارت ذاكرة خارجي يصل الى 256 جيجا بايت فى منفذ منفصل.
  • الهاتف متوفر بنسختين 64 جيجا بايت مع ذاكرة عشوائية 3 جيجا رام و 128 جيجا بايت مع ذاكرة عشوائية 4 جيجا بايت رام .
  • يأتي الهاتف بنظام تشغيل اندرويد 9.0 Pie و من المخطط تحديثه الى أندرويد 10 مع واجهة مستخدم Color OS 6.0.
  • كاميرا الهاتف الخلفية تأتي رباعية بجودة 12+8+2+2 ميجا بيكسل و فلاش احادى LED و تصوير فيديو بجودة 4K و 1080 بيكسل مع مثبت اليكتروني gyro EIS.
  • كاميرا السيلفي تأتي بجودة 13 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية.
  • بطارية الهاتف تأتي بسعة 5000 مللي أمبير ولا تدعم الشحن السريع.
  • يدعم الهاتف مستشعر بصمة الاصبع.
  • متوفر بالهاتف ميكروفون اضافي لإزالة الضوضاء.
  • يدعم الهاتف تشغيبل الراديو FM.
  • متوفر بالهاتف خاصية OTG و الجيروسكوب.
  • متوفر بالهاتف دعم شبكات الجيل الثاني والثالث والرابع GSM/HSPA/LTE عن طريق شريحتين اتصال من نوع Nano.
  • الهاتف متاح في الأسواق بألوان البنفسجي و الأزرق.

 

مميزات ريلمي 5 :-

  • يمكنك استخدام شريحتين اتصال و كارت ذاكرة خارجي فى نفس الوقت.
  • بطارية الهاتف تقدم أداء مميز حيث 5000 مللي أمبير.
  • معالج الهاتف سناب دراجون 665 يقدم أداء مميز فى المهام اليومية و فى الألعاب الثقيلة مثل PUBG.
  • أداء الكاميرات الخلفية و السيلفي مميزة جدا خاصة مع تحميل تطبيق جوجل كاميرا على الهاتف تصبح الصور ممتازة.
  • كلا من الشريحتين تعمل على شبكة الجيل الرابع فى نفس الوقت.

 

عيوب Realme 5 :-

  • وزن الهاتف ثقيل نوعا ما و فيه صعوبة فى استخدامه بايد واحدة.
  • لا يوجد لمبة اشعارات بالهاتف.
  • زمن اعادة شحن الهاتف طويل بعض الشئ ما يقارب 3 ساعات.
  • دقة الشاشة HD+ كان من الأفضل لو كانت أعلى قليلا.
  • الهاتف سهل الخدش و التجريحات بسبب أنه مصنوع من البلاستيك.
  • صندوق الهاتف لا يحتوي على سماعات الرأس Headphones.

التصميم :-

تصميم جميل و متين من البولى كاربونيت كعادة هواتف ريلمى أو فى تلك الفئة و التجديد هنا هو النقشة اللى على ظهر الهاتف Diamond cut مما يعطي شكل جذاب كما أن الظهر به طلاء لامع بأبعاد 164.4×75.6×9.3 ملم و وزن 198 جرام و لأن البطارية حجمها كبير دا سبب ان وزن الهاتف كبير و ثقيل نوعا ما علشان كده مش هينفع تستخدمه بايد واحدة خصوصا لو ايدك صغيرة.

و بسبب ان الهاتف من البلاستيك دا بيخليه مُعرض للتجريحات و الخرابيش لذا يجب تركيب الجراب المرفق بعلبة الهاتف للحفاظ على الهاتف.

تحتوي الواجهة الأمامية للهاتف علي شاشة بقياس 6.5 بوصة أعلاها نجد نوتش صغير علي شكل Drop water  بداخله الكاميرا الأمامية بجودة 13 ميجا بيكسل مع سماعة المكالمات و مستشعر القرب و لا يوجد بالهاتف لمبة اشعارات.

علي الجانب الأيمن للهاتف نجد زر التشغيل Power button لفتح وغلق الهاتف.

علي الجانب الأيسر للهاتف نجد أزرار رفع و خفض الصوت و منفذ لدخول شريحتين الاتصال أو شريحة واحدة و كارت ذاكرة خارجي.
أسفل الهاتف نجد ميكروفون المكالمات و السماعة الخارجية و منفذ كابل الشحن Micro USB و منفذ 3.5 ملم لسماعات الرأس Headphones مع الميكروفون العازل للضجيج.

فى أعلى يسار ظهر الهاتف نجد اطار معدنى يجمع ما بين الكاميرا الخلفية الرباعية بجودة 12+8+2+2 ميجا بيكسل بشكل عمودى يعطة فخامة فى الشكل و بجانبهم فلاش أحادى LED و مستشعر بصمة الاصبع فى منتصف ظهر الهاتف و بالأسفل على اليسار شعار الشركة realme.

الهاتف متوفر في الأسواق بألوان البنفسجي و الأزرق.


الشاشة و الصوت :-

شاشة هاتف Realme 5 تأتي من نوع IPS LCD بقياس 6.5 بوصة تعرض 16 مليون لون بدقة HD+ بجودة 720*1600 بيكسل مع كثافة بيكسلات 269 بيكسل لكل بوصة بأبعاد 20:9 مع دعم حماية من نوع Corning gorilla glass 3 مع تركيب اسكرينة للحماية على الشاشة مسبقا.

أعلى الشاشة نوتش على شكل قطرة ماء Drop water و لا يمكنك الغائه من الاعدادات.

بالنسبة لأداء الشاشة مقبول فى العموم مش هتاخد منها تفاصيل sharp طبعا لان الدقة قليلة والشاشة حجمها كبير ة الألوان مقبولة و السطوع تحت الشمس مقبول.

الحواف حول الشاشة كبيرة شوية خصوصا الحافة السفلية كبيرة نسبيا وكل ده ممكن اتغاضى عنه علشان سعر الموبايل.

من الاخر الشاشة نفس جودة شاشة هاتف Realme 3 و لكن بحجم أكبر.

أما بالنسبة لصوت الهاتف :-
صوت السماعة الخارجية متوسط ليس عالى أو منخفض من سماعة واحدة بأسفل الهاتف و اتنقل مكانها من الشمال لليمين علشان ميحصلش كتم للصوت و انت بتلعب على الموبايل بشكل أفقى.

سماعة المكالمات الصوت عالى و ممتاز و بالنسبة للصوت فى سماعة الأُذن فهو جيد جدا ولكن ينقصه بعض الـ Base.

كما يدعم الهاتف ميكروفون اضافي لإزالة الضوضاء مما يُحسن من جودة الصوت في التسجيل و الفيديو.


الأداء :

يأتى ريلمى 5 مع معالج Qualcomm Snapdragon 665 ثماني النواة يعمل بقوة تردد 4*2.0 جيجا هرتز Kyro 620 gold و 4*1.8 جيجا هرتز Kyro 260 silver بمعمارية 11 nm مع معالج رسوميات و جرافيك Adreno 610.

المعالج هنا فى تطور كبير و ملحوظ و أدائه محترم و ثابت مع الوقت و موبيزل شايف انه أفضل من الميدياتك P60 الي كان موجود فى الريلمى 3.

سجل موبايل ريلمي 5 عدد 139223 نقطة فى اختبار Antutu و أداء الهاتف كويس جدا مش هتشتكى معاه من أى حاجة و الواجهة مستقرة و فيها سلاسة مع أداء مميز فى المهام اليومية والتنقل بين التطبيقات.

أما بالنسبة للعبة PUBG يقوم الهاتف بتشغيلها على Medium جرافيك و مفيش أعلى من كده شغالة بسلاسة و أداء ممتاز بدون أى تهنيج أو سقوط فى ال frames مع سخونة بسيطة فى جسم الهاتف.

جربنا بردوا لعبة Call of duty اللى عاملة قلبان اليومين دول و شغالة زي الفل على على Very high جرافيك يعنى من الاخر المعالج هنا هيشغلك كل الالعاب المشهورة بدون أي مشاكل مع أداء مستقر وثابت لفترة كبيرة.

يتوافر الهاتف بنسختين حيث الأول بذاكرة داخلية 64 جيجا بايت مع 3 جيجا بايت رام و الثاني 128 جيجا بايت مع 4 جيجا بايت رام ذاكرة عشوائية.

يمكنك​ زيادة المساحة الداخلية للهاتف عن طريق إضافة كارت ذاكرة خارجي يصل الى 256 جيجا بايت فى منفذ منفصل عن شريحتين الاتصال.


الكاميرات :-

كاميرا هاتف Realme 5 الخلفية تأتي رباعية الأولى بجودة 12 ميجا بيكسل مع فتحة عدسة f/1.8 مع دعم الضبط التلقائي المزدوج PDAF و الثانية بجودة 8 ميجا بيكسل ultrawide للتصوير الواسع و فتحة عدسة f/2.2 و الثالثة بجودة 2 ميجا بيكسل عدسة Macro و فتحة عدسة f/2.4 و الرابعة بجودة 2 ميجا بيكسل مع فتحة عدسة f/2.4 من اجل العزل.

مع فلاش احادى LED و تصوير فيديو بجودة 4K 2160 بيكسل مع 30 اطار فى الثانية و دى حاجة جديدة من ريلمى فى الفئة السعرية دى و بجودة 1080 بيكسل مع 30 لقطة فى الثانية مع دعم مثبت اليكتروني gyro EIS فى هذه الجودة فقط و ايضا التصوير بجودة 720 بيكسل مع 30 اطار فى الثانية مع دعم التصوير بوضع بانوراما و HDR .

كاميرا السيلفي تأتي بجودة 13 ميجا بيكسل مع فتحة عدسة F/2.0 و تصوير فيديو بجودة 1080 بيكسل مع 30 لقطة فى الثانية.

سطبنا برنامج جوجل كاميرا المناسب لموبايل ريلمي 5 والي ممكن تحمله من هنا .

بالنسبة لاداء الكاميرا الخلفية فهو ممتاز في الشمس والظلة ولكن البورترية الالوان بتبقا مش واقعية شوية .

وبالنسبة للاضاءة الداخلية الصور من بعيد مقبول بس مع الزوم التفاصيل بتقل بس لما بتصور بجوجل كاميرا بتلاقي تفاصيل كتير حتى بعد الزوم .

وبالنسبة للاضاءة الليلية ممكن تستخدم الـ NightScape الوضع الي موجود في تطبيق كاميرا ريلمي الي بيطلع الوان احسن واضاءة في الصورة اكتر بس تفوق عليه الوضع الليلي الي موجود في جوجل كاميرا .

وبالنسبة للسيلفي فهي بشكل عام ادائها مقبول بس اقل شوية في الجودة من ريلمي 3 القديم بس مع استخدام جوجل كاميرا الصور بتطلع ممتازة وبتبقا احسن بكتير من تطبيق التصوير العادي خصوصا بليل .

ممكن تشوف جودة الصور في فيديو المراجعة في أخر المقالة .


الدعم و الاتصال :-

يدعم الهاتف شبكات اتصال الجيل الثاني والثالث والرابع GSM/HSPA/LTE عن طريق شريحتين اتصال من نوع نانو و كلاهما يعمل على شبكة الجيل الرابع فى نفس الوقت أما بالنسبة لتعامل الهاتف مع الشبكات فى الأماكن ذو الشبكة الضعيفة جربناها و لقينا انها قوية و ممتازة بدون أى مشاكل.

يدعم الهاتف Wi-Fi 802.11 a/b/g/n/ac dual bandمع دعم خاصية Wi-Fi direct و امكانية انشاء Hotspot.

يدعم الهاتف بلوتوث الاصدار الخامس A2DP,LE.

يدعم الهاتف GPS وشغال بكفاءة.

متوفر بالهاتف دعم مستشعرات القرب و السرعة و البوصلة و الضوء.

يدعم الهاتف تشغيل الراديو FM.

يدعم الهاتف مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.

متوفر بالهاتف خاصية OTG حيث يمكنك توصيل أى USB driver للهاتف و يمكنك نقل أى بيانات من و الى.


عوامل حماية الأمان و الخصوصية :-

نفس السرعة و الدقة اللى موجودة فى الريلمى 3 الهاتف لمستشعر بصمة الاصبع الخلفي مع خاصية التعرف Face recognition على الوجه و التى تعمل بشكل دقيق و سريع و لا تفتح و العين مغلقة.


نظام التشغيل و واجهة المستخدم :-

الهاتف يتم اصداره بنظام اندرويد 9.0 Pie و يوجد تخطيط لتحدسثه الى نظام أندرويد 10 و واجهة مستخدم Color OS 6.0.

أصبح عدد الاشعارات باللى تظهر بجانب النوتش أكثر من قبل و بلون التطبيق و تم تجديد شكل أيقونات الاشعارات و دا شئ جيد جدا.

و تتمتع الواجهة بالعديد من المميزات و الخصائص حيث يمكنك التحكم فى اخفاء ازرار التحكم الثلاث و استخدامهم فى نفس الوقت حيث تقوم بلمس الشاشة من أسفل لاعلى فى جهة اليمين للرجوع للخلف و فى المنتصف كا زر HOME و من جهة اليسار لفتح ال Recent apps أو استخدام ال assistive ball و هو دائرة فى أى مكان بالشاشة حيث تقوم بلمسها لمرة للرجوع للخلف و مرتين لفتح ال recent apps و ضغطة مطولة ل home.

يدعم الهاتف خاصية Clone apps حيث يمكنك أن تقوم بتحميل نسختين من أى تطبيق مثل What’s app و Facebook و Messenger.

يدعم الهاتف ميزة Private safe و اللى تقدر تحتفظ فيها بملفاتك الخاصة و اخفائها.

تدعم الواجهة خاصية تسجيل المكالمات بشكل تلقائي و لكن يجب تفعيلها من الاعدادت اولا.

يمكنك الهاتف من أخذ screenshot بثلاثة أصابع على الشاشة كما يمكنك قسم الشاشة الى نصفين Split screen و استخدام تطبيقين فى نفس الوقت عن طريق سحب الشاشة من أسفل الى أعلى بثلاثة أصابع.

أصبحت التطبيقات مجمعة فى درج التطبيقات بدلا من أن تكون مبعثرة على الشاشة.


البطارية :-

بطارية ريلمي 5 ضخمة 5000 مللي أمبير هتستحمل معاك يوم ونص استخدام بمتوسط 10 ساعات شاشة مفتوحة وتقريبا ديه من احسن البطاريات الي جربناها الفترة الأخيرة.

بس الحلو ميكملش لان البطارية هتتشحن تقريبا في 3 ساعات وربع بسبب ان مدخل الشحن قديم Micro USB وكمان الشاحن المرفق مع الموبايل 10 واط فقط.


محتويات صندوق الهاتف :-

هاتف Realme 5 و تم تركيب اسكرينة للحماية عليه مسبقا من الشركة
كُتيب التعليمات والتشغيل والضمان
الشاحن بقوة 10 واط
كابل الشحن
دبوس معدني لفتح درج الشريحة
جراب سيلكون شفاف لحماية الهاتف

ملحوظة : صندوق الهاتف لا يحتوي على سماعات الأُذن Earphones.


تقييم الهاتف :-

Realme 5 تطوير عن Realme 3 في التالي .. تصميم أحدث وأشيك مع شاشة أكبر و معالج سناب دراجون أفضل على المدى البعيد مع تجربة العدسة الWide angel والقدرة على تصوير فيديوهات4K وأخيرا البطارية الأكبر واللى فعلا مش هتعرف تخلصها بسهولة 5000 مللي أمبير وبكده نقدر نقول ان ريلمي 5 تطوير كبير عن ريلمي 3 واقدر اقول انه هياخد منه الراية ويكمل وراه بل بالعكس ده كمان ممكن ينجح اكتر من الريلمي 3.

الموبايل دا بصفة عامة في الفئة السعرية ديه بيقدم باكيدج محترمة جدا مش هيضايقك في استخدام الموبايل ده أي حاجة غير بس موضوع زمن الشحن الطويل وغياب لمبة الاشعارات واكيد طبعا هنعمل مقارنة بينه وبين المنافس المباشر له اللي بيقدم مواصفات قريبة جدا و هو Xiaomi Note 8 ونوضح كل موبايل بيتفوق في ايه.


سعر الهاتف :-

دى الأسعار المتوقعة و أول ما تنزل الأسعار الرسمية يوم 21 أكتوبر هنعلن عنها…

2500 جنيه مصري بما يعادل 150 دولار أمريكي للنسخة 64 جيجا بايت مع 3 جيجا رام.
3300 جنيه مصري بما يعادل 195 دولار أمريكي للنسخة 128 جيجا بايت مع 4 جيجا رام.


فيديو المراجعة على اليوتيوب :-

قد يعجبك أيضا...

Comments

جاري التحميل...