واخيرا هاتف من سامسونج بشاشة بالابعاد الجديدة تحت سعر 5000 جنية

السوق المصري كان يفتقد لهاتف من سامسونج بشاشة بالابعاد الجديدة في رنج سعر 5000 جنية , الهاتف الوحيد الي كان متواجد هو Samsung J7 Pro الي شاشته بالابعاد القديمة , رغم كدا كان بيبع كويس جدا جدا وبعد ما تم تسعير Samsung A6 بأكثر من 6000 جنية كان لازم خلاص سامسونج تساعد موبايل J7 Pro بموبايل تاني علشان تستحوذ على فئة ال 5000 جنية ف الموبايلات .

الموبايل هوا Samsung J6 , مواصفاته اقل شوية من J7 Pro هو بيجي ب نفس المعالج والكاميرات اقل شوية وبطارية أقل بردة مع اختلاف الشاشة الي بقت بالابعاد الجديدة 18.5:9 بس للأسف خلت هيكل الموبايل بلاستيك ! ,  واحنا ف المقالة ديه هنقلك ابرز مواصفات الموبايل ولو عاوز تعرف أكتر اضغط ع اسم الموبايل وهتدخل ع صفحة فيها كل المعلومات عن الموبايل على موقع موبيزل لمراجعة الموبايلات .


مواصفات Samsung J6 :-

  • بيدعم شريحتين اتصال نانو , وبيدعم 4G .
  • معالج قديم من سامسونج بقاله حوالي 3 سنين بيتم استخدامه وهو Exynos 7870 ثماني النواة بقوة 1.6 جيجا هرتز وادائه متوسط ولا ضعيف ولا قوي .
  • وزن خفيف 154 جرام جاي من التصميم الي بقا بلاستيك .
  • شاشة 5.6 بوصة من نوع Super AMOLED وللأسف الدقة HD+ ومخليه كثافة البيكسلات قليلة 294 بيكسل لكل بوصة وطبعا بالابعاد الجديدة 18.5:9 ومفيش حماية ع الشاشة .
  • الموبايل بيجي باندرويد اوريو 8 مع واجهة سامسونج الجديدة اكسبرينس 9 .
  • مكان البصمة بقا ورا تحت الكاميرا وهو افضل مكان سامسونج استقرت عليه لحد دلوقتي .
  • الموبايل بيدعم خاصية Face Unlock .
  • الموبايل موجود منه برا نستخين واحدة 32 جيجا مع 3 جيجا رام وديه الي وصلت مصر , والتانية 64 جيجا مع 4 جيجا رام وطبعا سامسونج هتنزلها بس بعد فترة لما تبيع شوية بالسعر العالي .
  • مكان خاص بتركيب كارت ميموري حتى 256 جيجا .
  • كاميرا خلفية 13 ميجا بيكسل فتحة عدسة f/1.9 مع فلاش .
  • كاميرا امامية 8 ميجا بيكسل فتحة عدسة f/1.9 مع فلاش .
  • بطارية 3000 مللي أمبير مفيهاش شحن سريع .
  • سعر الموبايل للنسخة 32 جيجا مع 3 جيجا رام هو 4600 جنية , السعر كبير شوية ع الامكانيات ديه بس احنا متعودين ع كدا من سامسونج ف التسعير في مصر .

متنساش تزور قسم موبايلات سامسونج ع موبيزل وتشوف كل الموبايلات ومميزاتها وعيوبها .

قد يعجبك أيضا...

Comments

جاري التحميل...