سنة 2020 كانت طويلة مليانة موبايلات .. من خلال قناة اليوتيوب وقسم مراجعات الموبايلات على الموقع قدمنا ليكم 120 مراجعة لموبايلات مختلفة .. وجه الوقت اللي هنقولكم فيه عن أسوأ 20 موبايل ممكن تفكر تشتريهم في أخر 2020 .. الموبايلات دي مش الإختبار الأنسب حاليًا .. وهقولك على الأسباب اللي خلتني أستبعد كل موبايل.
1- Alcatel 3L
ليه مش إختبار مُناسب ؟
- تصميم قديم تقليدي مفيهوش أي عناصر إبهار
- شاشة صغيرة 6.2 بوصة بتصميم النوتش القديم وبحافة سُفلية ضخمة
- دقة الشاشة HD+ ومفيش حساس إضاءه لظبط درجة السطوع
- معالج Helio GP22 ضعيف جدًا في 2020
- سماعة الموبايل صوتها ضعيف جدًا
- بطارية صغيرة نسبياً بحجم 4000 مللي امبير بمنفذ Micro USB 2.0
- كاميرا سيلفي 8 ميجا بيكسل ضعيفة جدًا
- مفيش مكان مُخصص لكارت الميموري
موبايل Alcatel 3L سعره حاليًا في السوق المصري للنسخة الـ64 جيجا مع 4 جيجا رام حوالي 2350 جنية مصري .. الموبايل حاليًا ميعتبرش صفحة رابحة تمامًا خاصة مع وجود بداية أحدث وأقوى زي Infinix Hot 10 مثلًا واللي بيقدم بطارية أكبر ومعالج أقوى وبنفس السعر او أقل حاجه بسيطة.
2- Realme C12
ليه مش إختبار مُناسب ؟
- معالج ضعيف Helio G35
- بطارية ضخمة لكن الشحن بطيء
- تصميم تقليدي مفيش فيه إبهار
- شاشة 6.5 بوصة HD+ فقط
موبايل Realme C12 حاليًا سعره حوالي 2400 جنية مصري للنسخة الـ64 جيجا مع 3 جيجا رام .. موبايل مش مفهوم من ريلمي بصراحة وهي نفسها عندها موبايل أقوى منه بفرق كبير وهو الـRealme C3 وبنفس السعر تقريبًا !
3- Infinix Note 7 Lite
ليه مش إختبار مُناسب ؟
- شاشة بدقة متواضعه HD+ وكثافة بيكسلات قليلة
- معالج ضعيف جدًا Helio P22
موبايل Note 7 Lite سعره دلوقتي للنسخة الـ128 جيجا مع 4 جيجا رام .. الموبايل موقفه مش لطيف بالنسبة للمنافسين .. ومن انفينكس نفسها هتلاقي Infinix Hot 10 بنفس السعر وبمعالج أقوى بفرق كبير .. او تقدر تزود 100 جنية مصري وهتجيب النسخة الصغيرة من Infinix Note 7 بمعالج أقوى وشحن أسرع.
4- Infinix S5 Pro
ليه مش إختبار مُناسب ؟
- معالج Helio P35 ضعيف جدًا في الفئة دي
- بطارية صغيرة 4000 مللي وشاحن بطيء ومنفذ Micro USB 2.0
- كاميرا بأداء متواضع جدًا
- شاشة بدقة كويسة لكن سطوع سيء تحت الشمس
موبايل Infinix S5 Pro ده كان مميز جدًا في أنه بـSlider للكاميرا السيلفي وسعره للنسخة الـ64 جيجا مع 4 جيجا رام حوالي 2500 جنية .. الموبايل لسه بيتباع لحد دلوقتي .. وبصراحة مبقاش منافس تمامًا وفيه نقط سلبية قوية ومعظم المنافسين هيقدموا قيمة أفضل منه .. بلاش تروح ورا شكل التصميم بس.
مراجعة Infinix S5 Pro :-
5- Honor 9C
ليه مش إختبار مُناسب ؟
- بطارية صغيرة وشحن بطيء ومنفذ Micro USB 2.0
- شاشة HD+ عادية ( لكن سطوعها محترم )
- مفيش خدمات جوجل
- معالج بأداء متواضع نسبيًا في الفئة دي
- صوت ضعيف نسبيًا
- كاميرا سيلفي متواضعة جدًا
Honor 9C فيه NFC ودي حاجه تحسبله بصراحة .. الموبايل وقت ما نزل كان بـ3100 جنية ودلوقتي بقى بحوالي 2600 جنية للنسخة الـ64 جيجا مع 4 جيجا رام .. لو انت بتدور على الخامات والإعتمادية بتاعت هونر يبقى عندك Honor 9X Lite بخامات محترمة وكاميرات كويسة وخدمات جوجل ومساحة تخزين 128 جيجا وسعره 2800 جنية .. أفضل بفرق كبير.
6- Realme C15
ليه مش إختبار مُناسب ؟
- معالج Helio P35 بأداء ضعيف جدًا
- شاشة HD+
- منفذ شحن قديم Micro USB 2.0
- سعر مرتفع نسبياً
موبايل Realme C15 ده عمل قلق جامد لما نزل بسبب سعره الغريب .. النسخة الـ64 جيجا مع 4 جيجا رام بسعر 2650 جنية والنسخة الـ128 جيجا مع 4 جيجا رام بسعر 2950 جنية .. موبايل مفيش فيه أي مميزات او نقاط قوة تخليك تجيبه وتسيب المنافسين .. يمكن البطارية الـ6000 مللي امبير مع الشحن الـ18 وات بس هما دول المميزات اللي فيه.
مفيش سبب يخليك تشتري الموبايل الحقيقة وانت ممكن من ريلمي نفسها تجيب Realme C3 او Realme 6i بمميزات أقوى بفرق كبير وبسعر أعلى بفرق بسيط.
7- Huawei Y8s
ليه مش إختبار مُناسب ؟
- خامات خارجية من البلاستيك
- مساحة تخزين 64 جيجا بس
موبيل Huawei Y8s سعره حاليًا حوالي 2600 جنية للنسخة الـ64 جيجا مع 4 جيجا رام .. موبايل عادي جدًا في كل حاجه .. بخدمات جوجل .. بس ليه تشتريه وتسيب Honor 9X Lite بسعر قريب وبخامات أفضل ومساحة أكبر ؟
8- Vivo Y30
ليه مش إختبار مُناسب ؟
- شاشة HD+ فقط
- خامات خارجية بلاستيك
- معالج Helio P35
- كاميرا متواضعه جدًا سواء أمامية او خلفية
- بطارية ضخمة مع شحن بطيء
موبايل Vivo Y30 سعره حوالي 3000 جنية للنسخة الـ128 جيجا مع 4 جيجا رام .. الحاجه الوحيدة الممتازة فيه هي المساحة الكبيرة .. غير كده الموبايل ضعيف وسط المنافسين .. ولو عايزه حاجه مضمونة من براند ومستقرة ممكن تشوف Galaxy A21s هيكون أفضل منه في نقط كتير أبرزها الكاميرا !
9- Oppo A31
ليه مش إختبار مُناسب ؟
- خامات بلاستيك مع تصميم قديم
- شاشة بنوتش وبدقة HD+
- معالج Helio P35
- بطارية صغيرة ومنفذ شحن Micrro USB 2.0 وشحن بطيء
- كاميرات بأداء متواضع جدًا
موبايل Oppo A31 ده من أعلى 10 موبايلات مبيعًا في مصر بسبب اسم اوبو فقط لا غير، مفيهوش ميزة واحدة .. سعره للنسخة الـ64 جيجا مع 4 جيجا رام حوالي 3100 جنية والنسخة الـ128 جيجا مع 4 جيجا رام حوالي 3500 جنية.
10- Oppo A53
ليه مش إختبار مُناسب ؟
- خامات خارجية من البلاستيك
- شاشة HD+ فقط
- معالج سناب دراجون 460 بأداء متواضع جدًا جدًا
- كاميرا خلفية متواضعة جدًا
الموبايل مش وحش بشكل عام مُقارنتًا بالـA31 .. موبايل Oppo A53 سعره للنسخة الـ64 جيجا مع 4 جيجا رام حوالي 3100 جنية والنسخة الـ128 جيجا مع 6 جيجا رام بسعر 3500 جنية.
11- Realme C17
ليه مش إختبار مُناسب ؟
Realme C17 مش اختيار مناسب لإنه يعتبر هو الـOppo A53 بالظبط لكن فيه عدسة Ultra Wide إضافية ومفيش صوت Stereo والسيلفي أقل لإنه بقى بدقة 8 ميجا بيكسل .. وسعره للنسخة الـ128 جيجا مع 6 جيجا رام حوالي 3400 جنية.
12- Redmi Note 9
ليه مش إختبار مُناسب ؟
انا عارف انك مستغرب دلوقتي .. انا مشكلتي مع Redmi Note 9 ده مش المواصفات إطلاقًا، وده لإنه من أفضل الموبايلات من حيث المواصفات في الفئة دي .. انا مشكلتي معاه هي الشكاوى المُتكررة من عدم الإستقرار.
عندك Redmi 9 من شاومي بإستقرار أفضل وبدون مشاكل .. وده بالإضافة لإن النسخة الكبيرة منه بنفس سعر Redmi Note 9S اللي أفضل منه في الخامات والمعالج والشحن السريع .. وكمان الكاميرات أفضل بشكل واضح جدًا .. نوت 9 سعره للنسخة الـ64 جيجا مع 3 جيجا رام حوالي 2850 جنية والنسخة الـ128 جيجا مع 4 جيجا رام بحوالي 33000 جنية.
مراجعة Redmi Note 9 :-
13- Huawei Y7a
ليه مش إختبار مُناسب ؟
- مفيش خدمات جوجل
- خامات بلاستيك مش الأفضل
- معالج Kirin 710A بأداء متواضع
- كاميرات متواضعه جدًا
- صوت متواضع في الفئة دي
موبايل Huawei Y7a سعره دلوقتي للنسخة الـ128 جيجا مع 4 جيجا رام حوالي 3100 جنية .. الموبايل تصميمه شيك جدًا وفيه شوية مميزات زي البطارية والشحن السريع والشاشة .. لكن برده مش مناسب بسبب الأداء والخامات وعدم وجود خدمات جوجل والكاميرات اللي هتقدم أداء متواضع في الفئة دي.
14- Galaxy A31
ليه مش إختبار مُناسب ؟
- معالج Helio P65 قديم بأداء متواضع
- تصميم بخامات بلاستيك وتقفيل مش كويس
- كاميرات بأداء متواضع جدًا
موبايل Galaxy A31 سعره حوالي 3800 جنية للنسخة الـ128 جيجا مع 4 جيجا رام .. الموبايل مرفوض شكلًا وموضوعًا .. الحاجة الوحيدة الكويسة اللي فيه هي الشاشة الـSuper AMOLED لكن ممكن تزود وتجيب Galaxy M31 بكاميرات أفضل وأداء أفضل وبنفس الشاشة.
15- Realme 7i
ليه مش إختبار مُناسب ؟
- شاشة HD+ نوعها IPS LCD هي الأسوأ في الفئة دي
- معالج SD662 متواضع جدًا جدًا في الفئة دي وكل المنافسين أفضل
- بطارية كبيرة لكن شحن بطيء مُقارنتًا بالمنافسين
- سعر مرتفع نسبياً
موبايل Realme 7i سعره حوالي 4000 جنية للنسخة الـ128 جيجا مع 4 جيجا رام .. الموبايل مفيش حد شافه او سمع عنه غير لما قال ان تسعيره مش منطقي .. مش بيقدم أي حاجه تخليه أفضل من المنافسين .. لو انت حابب ريلمي هات Realme 6 او زود وهات Realme 7 .. الاتنين هيكونوا أفضل بفرق ضخم.
16- Galaxy A51
ليه مش إختبار مُناسب ؟
الموبايل مش وحش واكيد انت استغربت .. بس انت ممكن توفر وتجيب Galaxy M31 بسعر أقل وببطارية أكبر وكاميرا خلفية أحسن .. الـGalaxy A51 يتفوق بس في أن خامات خارجية وتقفيل أحسن شوية .. الموبايل سعره للنسخة الـ128 جيجا مع 6 جيجا رام حوالي 4100 جنية وللنسخة الـ128 جيجا مع 8 جيجا رام حوالي 4900 جنية.
مراجعة Galaxy A51 :-
17- Huawei Y9a
ليه مش إختبار مُناسب ؟
- معالج Helio G80 موجود في موبايلات بنص السعر
- كاميرات بأداء متواضع جدًا جدًا
- شاشة كبيرة كاملة لكن مش بتردد عالي ونوعها IPS LCD
- مفيش خدمات جوجل
- صوت متواضع جدًا
موبايل Huawei Y9a سعره للنسخة الـ128 جيجا مع 8 جيجا رام حوالي 4200 جنية .. الموبايل من غير خدمات جوجل ومفيش عناصر إبهار .. تصميم الموبايل ده شيك جدًا وبطاريته حلوة والشحن سريع لكن مفيش مميزات حقيقية تخليك تسيب المنافسين وتشتريه بالسعر ده.
18- Oppo A93
ليه مش إختبار مُناسب ؟
الـOppo A93 مش اختيار مناسب لإنك بكل بساطة ممكن توفر 600 جنية وتجيب Oppo Reno 3 العادي بـ4300 جنية وهتاخد نفس المواصفات تقريبًا .. الـA93 سيء جدًا بسعره .. نسخة الـ128 جيجا مع 8 جيجا رام بسعر 5000 جنية.
19- Oppo Reno 3 Pro
ليه مش إختبار مُناسب ؟
بالرغم من ان سعر Reno 3 Pro نزل لـ6300 جنية للنسخة الـ256 جيجا مع 8 جيجا رام .. سعره نزل حوالي 2700 جنية .. إلا إنه مازال لا يرقى للمنافسة في الفئة السعرية بتاعته .. الـGalaxy M51 وMi Note 10 Lite وRealme 7 أقوى منه في حاجات كتير أوي وبفرق كبير وواضح.
20- Oppo Reno 4 Pro
ليه مش إختبار مُناسب ؟
- خامات خارجية من البلاستيك
- معالج ضعيف جدًا في الفئة دي
- بطارية صغيرة جدًا
- كاميرات بأداء متواضع بفرق كبير عن المنافسين
الموبايل سعره للنسخة الـ256 جيجا مع 8 جيجا رام حوالي 8400 جنية مصري .. اه الموبايل شاشته AMOLED وCurved وشاحن 65 وات لكن كل ده مش فارق حاجه.
عندك Mi 10T Pro لو حطينا الموبايلين في مقارنة اكيد انت عارف مين اللي هيكسب .. اكيد اللي المعالج بتاعك SD865 وخامات زجاج وصوت ستيريو وكاميرا 108 ميجا بيكسل هيكسب .. رينو 4 برو موبايل للناس اللي إستخدامهم خفيف وواثقين في اوبو ومش فارق معاهم المواصفات يرخص 2000 جنية في خلال شهرين تلاته زي ما حصل في رينو 3 برو.
مراجعة Reno 4 Pro :-
Comments