و اخيرا جربنا النسخة الجلوبال اللي هي النسخة اللي وصلت مصر من موبايل Xiaomi Note 8 Pro و في خلال كام يوم قدرنا نحدد شوية حاجات زي سخونية الموبايل و قوة الشبكة و أداء الكاميرات الفعلي و هنتعرف كمان علي مميزاته و عيوبه بالتفصيل في مراجعة الشاومي نوت 8 برو الي عامل قلبان اليومين دول.
مواصفات Xiaomi Note 8 Pro :-
- أبعاد الهاتف 161.4×76.4×8.8 ملم.
- وزن الهاتف 200 جرام.
- الهاتف مصنوع من الزجاج مع اطار من الألمونيوم.
- يدعم الهاتف شبكات اتصال الجيل الثاني والثالث والرابع GSM/HSPA/LTE عن طريق شريحتين اتصال من نوع نانو.
- شاشة الهاتف تأتي بقياس 6.5 بوصة من نوع IPS LCD بدقة FHD+ مع 395 كثافة بيكسلات و حماية من جوريلا جلاس الجيل الخامس.
- معالج الهاتف هو Mediatek Helio G90T ثماني النواة بمعمارية 12 نانومتر مع معالج رسوميات Mali-G76 MC4.
- الهاتف متوفر بذاكرة داخلية 64 أو 128 جيجا بايت مع ذاكرة عشوائية 6 جيجا بايت رام.
- كاميرا الهاتف الخلفية تأتي رباعية بجودة 64+8+2+2 ميجا بيكسل مع فتحة عدسة اساسية 1.8 ومستشعر سامسونج GW1 مع فلاش أحادى LED.
- كاميرا الهاتف السيلفي تأتي بجودة 20 ميجا بيكسل مع فتحة عدسة f/2.0.
- بطارية الهاتف تأتي بسعة 4500 مللي أمبير.
يدعم الهاتف احدث اصدار البلوتوث 5.0 مع منفذ شحن Type C وشاحن 18 واط في العلبة. - متوفر بالهاتف دعم Wi-Fi ac.
يدعم الهاتف مستشعرات الجيروسكوب و البوصلة و التقارب و IR. - يدعم الهاتف ميكروفون اضافي لإزالة الضوضاء.
- متوفر بالهاتف مستشعر بصمة الاصبع و خاصية قفل الوجه Face Unlock.
- يتم اصدار الهاتف بنظام تشغيل اندرويد Pie 9.0 مع واجهة مستخدم MIUI 10.
- الهاتف متوفر بألوان الأسود و الأخضر و الأبيض.
مميزات شاومي نوت 8 برو :-
- تصميم الهاتف شيك و فخم .
- شاشة كبيرة مع حواف قليلة جدا .
- البطارية قوية و تعمل لفترة طويلة بدون أي مشاكل .
- يتم شحن البطارية لـ 90% خلال وقت قصير بفضل الشاحن السريع الـ 18 واط .
- يدعم الهاتف الـ IR Blaster الخاص بالتحكم في الأجهزة الكهربائية .
- متوفر بالهاتف لمبة اشعارات .
- معالج مميز جدا في الاداء الرسومي أو الاداء في الألعاب .
- شبكة الهاتف جيدة ولا يوجد اي مشكلة بها .
عيوب Xiaomi Note 8 Pro :-
- وزن الهاتف ثقيل نوعا ماً .
- بسبب قدوم الهاتف من الزجاج مما يعرضه للكسر والخدش بسهولة أكبر .
- يجب الاستغناء عن شريحة اتصال لتتمكن من استخدام كارت الذاكرة الخارجي .
- يوجد ارتفاع بسيط في درجة حرارة الهاتف في المنطقة المحيطة بالكاميرات الخلفية عند تشغيل لعبة ثقيلة مثل PUBG لمدة ساعة واكتر ولكن لا تؤثر على أداء اللعبة فيظل الأداء الرسومي ممتاز في هذه الفئة السعرية من شاومي وعند وضع الجراب المرفق مع الموبايل لن تشعر بتأثير الحرارة .
التصميم :-
باختصار كدا ده أحسن تصميم ممكن تشوفه في الفئة المتوسطة أو بمعنى أصح فئة 4000 جنيه ويمكن دي أكتر حاجة عجباني في الموبايل ده لأنه برنس في نفسه وتقفيله حلو جدا والإطار قوي في ايديك و الهاتف متوفر بألوان الأبيض و الأخضر و الأسود.
أول ما بتمسك الموبايل بتحس فعلا أنك ماسك موبايل خامة محترمة بس طبعا لازم تبقي فاهم ان الهاتف ظهره مصنوع من الزجاج اللي سهل يتكسر ولنا في ال عبره علشان كده لازم تبقي فاهم أنك بتشتري موبايل فئة متوسطة مش فلاج شيب و الزجاج لازم تحافظ عليه و دائما يكون في جراب للحماية و الأهم انك تكون مش من الناس اللي الموبايل بيقع منها كتير أو عندك أطفال وكل شوية يوقعوا الموبايل.
الكاميرات الخلفية ليها بروز يمكن و لكنه اقل من النوت 7 بس البروز موجود و ظاهر حتى بعد ما تركب الجراب الي معاه لأن في كل مرة بسند الموبايل ع المكتب بسمع صوت زجاج الكاميرا لازم تجيب جراب تاني تخين شوية زي ما عملنا في الـ شاومي نوت 7.
الموبايل شاشة كبيرة وبطارية كبيرة وده مأثر على وزنه الي داخل ع 200 جرام بس السُمك مقبول تحت الـ 9 ملم و توزيع الوزن كويس جدا في الموبايل ده مش هتحس أنك ماسك موبايل تقيل بس أكيد هتحس أنك ماسك موبايل كبير خصوصا أن الشاشة كبيرة و كمان جميلة جدا خصوصا في الألعاب.
تحتوي الواجهة الأمامية للهاتف علي شاشة بقياس 6.5 بوصة أعلاها نوتش فيه الكاميرا السيلفي 20 ميجا بيكسل مع سماعة المكالمات و مستشعر القرب و الضوء.
يحتوي الجانب الأيمن للهاتف علي زر التشغيل Power button لفتح و غلق الهاتف و أزرار رفع و خفض الصوت.
يحتوي الجانب الأيسر على منفذ دخول شريحتى الاتصال او شريحة اتصال وكارت ذاكرة خارجي.
أسفل الهاتف نجد منفذ USB Type C و السماعة الخارجية و ميكروفون المكالمات.
يحتوي ظهر الهاتف علي الكاميرا الخلفية الرباعية بشكل عمودى الأولى بجودة 64 ميجا بيكسل و أسفلها بجودة 8 ميجا بيكسل و أسفلها بجودة 2 ميجا بيكسل و بجانبهم الكاميرا الأخيرة بجودة 2 ميجا بيكسل مع فلاش LED و أسفلهم مستشعر بصمة الاصبع و فى الأسفل شعارRedmi.
الشاشة :-
شاشة Xiaomi Note 8 pro من نوع IPS LCD بحجم 6.5 بوصة بدقة FULL HD Plus و جودة 1080*2340 بيكسل مع كثافة بيكسلات 395 بيكسل لكل بوصة مع أبعاد 19.5:9 مع دعم اللمس المتعدد و الشاشة تقريبا حوالى 84.9% من الهاتف و الشاشة فيها نوتش محطوط فيه السيلفي لكن مفيش أي فن أو تجديد يعني و لا هي اموليد ولا هي كاملة بموتور لو انت عايز الكلام ده ممكن تبص على ال Mi 9T من شاومي و تزود المبلغ شوية إنما هنا بنتكلم عن فئة سعرية أقل شوية فالاهتمام كان أكتر بالأداء والكاميرات.
عموما الشاشة ألوانها كويسة وسطوعها تحت الشمس كويس من الاخر مفيش مشاكل مع الشاشة.
الحواف حول الشاشة أقل ما يمكن وكويسة جدا في الفئة السعرية ديه.
بالنسبة للحماية فالشاشة عليها جوريلا الجيل الخامس لكن الموبايل بيجي من غير اسكرينة ولازم أكيد تشتري اسكرينة علشان تحافظ عليه.
الأداء :-
الأداء هو النقطة الي عليها جدل كبير أوي لأن من فترة جربنا النسخة الصيني من الموبايل ده وقولنا عليه بيسخن شوية.. ناس كتير طلعت هزرت وقالت تقلي عليه بيض وتشغله دفاية وكلام كدا.
بعد تجربتنا للنسخة الجلوبال اللي هي وصلت مصر وبعد ما وصل تحديث كدا 300 ميجا ظبط الدنيا شوية.
المعالج هنا هو Mediatek Helio G90T معالج جديد أول مرة نجربه في الموبايل ده ويعتبر من أقوى معالجات الفئة المتوسطة حاليا و الفكرة إن المعالج ثماني النواة يعمل بقوة تردد بتوصل لـ 2 جيجا هرتز مع تكنولوجيا تصنيع 12 نانو وطبيعي مع القوة الكبيرة للمعالج بتكنولوجيا التصنيع الأعلى من 10 نانو لازم نلاقي سخونية و هنا الموبايل فيه أنبوب تبريد مائي علشان يحاول يلم السخونية شوية.
مع التجربة وبعد التحديث الي ظبط ترددات المعالج شوية اكتشفنا أن المشكلة في توزيع السخونية في جسم الموبايل واللي بيظهر المشكلة اكتر الزجاج اللي بينقل الحرارة أسرع.
بمعنى أنك لو قاعد مثلا في طريق وبتلعب Call of duty هتحس أن الجزء الي بجانب الكاميرا سخن اوي والحته ديه اصلا طبيعي انت ساند عليها ايديك وانت بتلعب وبتحس أن باقي الموبايل مسخنش كدا فطبيعي عقلك هيقلك ان في مشكلة في الحرارة في الحته ديه علي عكس الموبايلات التانية الي بمعالج سناب دراجون واللي السخونية بتبقي متوزعة بالتساوي في جسم الموبايل.
وبالتالي لو عاوز الاجابة ع الموبايل بيسخن او لأ؟ … الإجابة ايوه بيبدأ يسخن بعد نص ساعة ألعاب تقيلة زي كل الموبايلات التانية .. هل السخونية خطيرة ومش هتقدر تمسك الموبايل؟ … الإجابة لا مش للدرجة ديه بس زي ما قولنا توزيع الحرارة مش متساوي و جانب الموبايل الي فيه الكاميرا بيسخن أكتر من الجانب التاني وكدا كدا لما تركب الجراب مش هتحس بالكلام ده كله.
بعد تجربة شاقة و شديدة على الموبايل في الألعاب مفيش ولا مرة هنج ولا مرة قفل اللعبة والأداء ثابت و محصلش أي حاجة.
بالنسبة بقا للاستخدام العادي برامج السوشيال و المكالمات والتصوير الموبايل مش بيسخن فيهم.
الموبايل مكنش فيه أي مشاكل في الاداء في الفترة الي جربنا الموبايل فيها .
وعموما هنوافيكم بالجديد لو وصل تحديث تاني و علي فكرة الموبايل ده أعلى هاتف حاليا ب 4000 جنية من ناحية تشغيل الألعاب يعني بيشغل PUBG على Ultra HDR وكمان بيشغل Call of duty على اعدادات جرافيك Very High و بيشغل fortnite بشكل رسمي على High جرافيك و كل الألعاب شغالة بدون أى تهنيج.
عوامل حماية الأمان و الخصوصية :-
يتميز الهاتف بمستشعر بصمة خلفي سريع جدا مثل كل هواتف شاومي وكمان Face Unlock سريع جدا جدا.
نظام التشغيل و واجهة المستخدم :-
يتم اصدار هاتف بنظام تشغيل اندرويد PIE 9.0 مع واجهة مستخدم MIUI 10.
تتميز الواجهة بالعديد من الخصائص مثل خاصية البقاء على اتصال دائم بالشبكة الافتراضية always-on VPN و ميزة دوز لتوفير الطاقة والتحسن في تخزين البيانات والتحسين من ذاكرة الرام.
تم اضافة ال Night mode للهاتف و يعمل بشكل رائع.
تتميز الواجهة بامكانية Split screen وهى قسم الشاشة الى نصفين و استخدام تطبيقين فى نفس الوقت مع ايضا امكانية تسجيل الشاشة , و ايضا ميزة Dual apps و التى تمكنك من تحميل نسختين من أى تطبيق و ليس برامج التواصل الاجتماعى فقط كما يدعم الهاتف خاصية Second space و التى تمكنك من الاحتفاظ بملفاتك الشخصية و الخاصة من أى شخص غريب يمسك هاتفك أو أى طفل يلعب فى هاتفك حيث تقوم بتحديد مجموعة محددة من التطبيقات ليقوم ذلك الشخص باستخدامها .
تتميز ايقونات الهاتف بحركات Animation عند غلق التطبيقات مما يعطى شكل جميل .
يدعم الهاتف خاصية App lock و التى تمكنك من تشفير بعض الملفات او التطبيقات عن طريق كلمة سر.
تدعم الواجهة خاصية النقر على الشاشة مرتين لتُضئ و امكانية أخذ Screenshot مطولة مع امكانية تسجيل المكالمات.
يمكنك الاستغناء عن أزرار التحكم الثلاث و استخدام الايماءات Geastures بدلا منها, كما تدعم الواجهة اماكنية تسجيل الشاشة Screen recording.
متوفر بالهاتف لمبة اشعارات بجانب النوتش فوق و لكن نورها ضعيف شوية بس كفاية إنها موجودة وبتنور بلون أبيض و أيقونات الاشعارات بتظهر بجانب النوتش يعني موضوع الاشعارات كويس جدا في الموبايل ده.
الدعم و الاتصال :-
يدعم الهاتف شبكات اتصال الجيل الثاني والثالث والرابع GSM/HSPA/LTE عن طريق شريحتين اتصال من نوع nano و يعملان بتقنية dual stand by أما بالنسبة لقوة الشبكة تعمل بشكل ممتاز حتى لو المكان اللى انت فيه شبكته ضعيفة بتقدر تعمل مكالمات كويس جدا و Mobile data بتشتغل بشكل مميز.
متوفر بالهاتف WiFi 802.11 a/b/g/n/ac و خاصية Wi-Fi direct و dual band و امكانية انشاء hot spot و DLNA.
يدعم الهاتف بلوتوث 5.0 مع دعم خواص A2DP,LE,aptX HD.
مستشعر الجيروسكوب حيث استخدام نظارات الواقع الافتراضي VR و مشاهدة فيديوهات 360 درجة.
متوفر بالهاتف مستشعر القرب و السرعة و البوصلة و التقارب.
يدعم الهاتف GPS بخواص A-GPS, GLONASS, BDS, GALILEO.
الهاتف يدعم مستشعر IR و اللي متعودين عليه من شاومي و اللي مش بنلاقيه في أي موبايل تاني منافس.
الصوت :-
بالنسبة لصوت الهاتف للأسف كنا متعودين على صوت عالي من شاومي لكن الصوت هنا ضعيف و منخفض و تقييمه أقل من المتوسط.
أما عن صوت سماعة المكالمات عالي وكويس وصوت سماعات الأذن مش عالي أوي ومش مجسم.
و الهاتف بيدعم ميكروفون اضافي لازالة الضوضاء.
البطارية :-
هاتف شاومي نوت 8 برو ببطارية كبيرة بسعة 4500 مللي أمبير لكن هتقدملك أداء بطارية 4000 مللي امبير من شاومي بسبب أن المعالج مش موفر أوي في استهلاك البطارية خصوصا في الألعاب مع الاستخدام الثقيل البطارية هتصمد حوالي 6 ساعات وشوية شاشة مفتوحة في خلال يوم من الاستخدام، يعني تقييم البطارية لا هيالممتازة ولا الوحشة.
بالنسبة لزمن الشحن بيتم الشحن من 10% لـ 90% في خلال ساعة وربع عن طريق منفذ الشحن ال USB Type C و الشاحن السريع ال 18 واط الي جاي في العلبة لكن اخر 10% بيستهلكوا حوالي ساعة الا ربع وبكده الوقت الإجمالي ساعتين.
الكاميرات :-
الكاميرا الخلفية رباعية الأساسية بجودة 64 ميجا بيكسل مع مستشعر جديد من سامسونج GW1 مع فتحة عدسة 1.8 والتانية للتصوير الواسع Wide angel بجودة 8 ميجا بيسكل مع فتحة عدسة 2.2 و الثالثة بجودة 2 ميجا بيكسل علشان العزل والأخيرة بجودة 2 ميجا بيكسل للتصوير ال macro.
للأسف جوجل كاميرا النسخة الجديدة 6 اللي فيها night scene مشتغلتش علي الموبايل هنا لكن النسخة القديمة 5 هي اللي اشتغلت واللي طلعت نتايج مش كويسة أوي علشان كده في تجربتنا للهاتف اكتفينا بتطبيق الكاميرا بتاع شاومي اللي فيه night mode و وضع 64 ميجا بيكسل ووضع macro و بورتريه و wide angel.
شاومى نوت 8 برو بيجي بسيلفي 20 ميجا بيكسل مع فتحة عدسة 2.0 و تصوير فيديو بجودة 1080 بيكسل مع 30 لقطة فى الثانية.
ممكن تشوف تجربة الكاميرات بالتفصيل في رابط فيديو المراجعة الموجود في أخر المقالة علشان هتقدر تشوف التجربة واضحة.
محتويات صندوق الهاتف :-
هاتف Xiaomi Note 8 Pro
الشاحن بقوة 18 وات
كابل الشحن USB Type C
دبوس معدني لفتح درج الشريحة
كُتيب تعليمات التشغيل و الضمان
جراب شفاف لحماية ظهر الهاتف
ملحوظة: صندوق الهاتف لا يحتوي على سماعات الأُذن Headphones.
سعر الهاتف :-
بسعر 3999 جنيه مصري للنسخة 64 جيجا مع 6 جيجا رام
بسعر 4222 جنيه مصري للنسخة 128 جيجا مع 6 جيجا رام
رأى موبيزل النهائي :-
تشتري النوت 8 برو لو أكثر حاجة تهمك الأداء خصوصا الألعاب .. لأن النوت 8 برو حرفيا أفضل موبايل من ناحية الأداء وتشغيل الألعاب في فئته السعرية و موضوع السخونية وضحناه كويس واللي اعتقد هيتحسن بالتحديثات واصلا هو مش مشكلة .. مع الشاشة الكبيرة الي هتكملك تجربة الألعاب الممتازة عليه وكمان التصميم شيك جدا وفخم و زجاجي ودي حاجة مش موجودة عند معظم المنافسين وكمان في لمبة اشعارات ومستشعر IR ودي الحاجات اللى بتعجبنا دايما في موبايلات شاومي.
العيوب هنا تتمثل في الكاميرات بليل في اضاءة ضعيفة اوي محتاجة تحديثات واكيد موضوع توزيع السخونية الي قولنا عليه اللي دايما هيحسسك ان الموبايل بيسخن و بروز الكاميرا الي هيخليك تشتري جراب تاني غير اللي جاي معاه واخر حاجة صوت الموبايل اللي أقل من المتوسط.
Comments