مقارنة بين Huawei Y7 2019 و Honor 8C – مين الأفضل وليه ؟!

الفئة الاقتصادية مشتعلة بسبب المنافسة بين اجدد الموبايلات في الفئة ديه من هواوي وهونر وهما Y7 Prime 2019 و  HONOR 8C .

فى مقارنة النهاردة هنتعرف على الاتنين بالتفصيل و نقارن بينهم من حيث أدائهم فى الشاشة و المعالج و الكاميرا والصوت علشان تقدر تحدد المناسب بالنسبة لك و نحسم الجدل بيهم.


هاتف HONOR 8C :-


مميزات:

  • يمكنك تركيب كارت ذاكرة خارجي بالإضافة الي شريحتين اتصال.
  • بصمة الهاتف تقدم أداء سلس و سريع كما يدعم الهاتف خاصية قفل الوجه Face unlock.
  • تقدم بطارية الهاتف أداء رائع.
  • معالج سناب دراجون 632 من أفضل المعالجات الموجودة تحت 3000 جنيه و يقدم أداء جيد.
  • متوفر بالهاتف دعم OTG .
  • تصميم جميل و خفيف فى الوزن مما يجعله مريح فى الاستخدام.
  • فتحة عدسة الكاميرا الخلفية واسعة و تقدم أداء مقبول فى اضاءة النهار.
  • يدعم الهاتف ميكروفون اضافي لعزل الضجيج.
  • المعالج بتكنولوجيا 14 نانومتر مما يجعله موفر للطاقة.
  • صوت السماعات الخارجية عالى و نقي.
  • شاشة الهاتف تم تركيب اسكرينة للحماية عليها مسبقا من الشركة.

عيوب:

  • بطارية الهاتف لا تدعم تقنية الشحن السريع.
  • كان من الأفضل لو أن الهاتف يتم اصداره بأندرويد فطيرة PIE 9.0 .
  • كان من الأفضل لشاشة الهاتف لو كانت الدقة Full HD + بدلا من HD +.
  • لا يدعم الهاتف مستشعر الجيروسكوب.
  • شاشة الهاتف غير متوفر بها طبقة للحماية من الصدمات و الخدوش.
  • الحواف حول الشاشة كبيرة و كان يمكن استغلالها بشكل أفضل.
  • كاميرا الهاتف السيلفي تقدم أداء ضعيف و لا تدعم خاصية العزل.

هاتف HUAWEI Y7 2019 :-


مميزات:

  • يمكنك تركيب كارت ذاكرة خارجي بالإضافة الي شريحتين اتصال.
  • بصمة الهاتف تقدم أداء سلس .
  • تقدم بطارية الهاتف أداء رائع.
  • تصميم جميل و خفيف فى الوزن مما يجعله مريح فى الاستخدام كما أن Finish الهاتف ممتاز.
  • كاميرا السيلفي تقدم أداء مميز و صور بجودة رائعة.
  • يدعم الهاتف ميكروفون اضافي لعزل الضجيج.
  • الهاتف يدعم تشغيل الراديو FM.

عيوب:

  • بطارية الهاتف تستهلك وقت طويل للشحن لا تدعم تقنية الشحن السريع.
  • ظهر الهاتف سريع الاتساخ ببصمات الاصابع و التجريحات.
  • كان من الأفضل لو أن الهاتف يتم اصداره بأندرويد فطيرة PIE 9.0 .
  • كان من الأفضل لشاشة الهاتف لو كانت الدقة Full HD + بدلا من HD +.
  • لا يدعم الهاتف مستشعر الجيروسكوب.
  • واجهة الهاتف لا تدعم خاصية Dual app.
  • شاشة الهاتف غير متوفر بها طبقة للحماية من الصدمات و الخدوش.
  • الحواف حول الشاشة كبيرة و كان يمكن استغلالها بشكل أفضل.
  • خاصية قفل الوجه Face Unlock تعمل ببطئ قليلا عن المنافسين.

التصميم :-

احنا متفقين من قبل كده ان التصميم حلو أو لا دا أمر نسبي مختلف من شخص للتاني.

هاتف HONOR 8C بيجي بوزن 167.2 جرام و متاح بألوان الأسود و الأزرق و الذهبي , الهاتف أول ما تبص عليه هتفتكر أنه معدن لكنه مصنوع من البولي كاربونيت كمان ظهر الهاتف مطفي و غير لامع و دا له ميزة ان بصمات الاصابع و التجريحات مش بتظهر على الظهر بشكل ملحوظ بالنسبة للتصميم فهو جميل و انسيابي و مسكة الهاتف مريحة و سهلة .

أما هاتف Huawei Y7 Prime 2019 بيجي بوزن 168 جرام متاح بألوان الأسود و الأزرق و الأحمر مصنوع من البولى كاربونيت مع اطار مطفي بلمسة معدنية خفيفة و ظهر لامع و دا بيخليه سريع الاتساخ ببصمات الاصبع و التجريحات بتظهر فيه علشان كده لازم تستعمل الجراب اللى جاى معاه فى العلبة بالنسبة للتصميم فهو جميل و بسيط.

ممكن تريح دماغك من الآخر و تركيب Skin حماية للموبايل علشان تحافظ عليه من شركة Pro skinz .

الأفضلية هنا فى تقفيل الموبايل لهاتف Y7 Prime 2019 لأن الاطار مع لمسة معدنية بارز قليلا عن جسم الهاتف يعطي احساس أفضل من الاطار البلاستيكي فى HONOR 8C.


الشاشة :-

شاشة هاتف Honor 8C تأتي بقياس 6.26 بوصة من نوع IPS LCD تعرض 16 مليون لون بدقة HD plus بجودة 720*1520 بيكسل مع كثافة بيكسلات 269 بيكسل لكل بوصة و تدعم اللمس المتعدد وتمثل 81.9% من حجم الهاتف و تأتى بأبعاد 19:9 و لا يوجد طبقة حماية على الشاشة و لكن الهاتف تم تركيب اسكرينة للحماية عليه مسبقا من الشركة, كما أن الحواف حول الشاشة كبيرة بعض الشئ و كان يمكن أن تكون أقل من ذلك وللأسف تاتي الشاشة بنوتش عريض وكبير نسبيا .

أما عن شاشة هاتف Huawei Y7 Prime 2019 تأتي بقياس 6.26 بوصة من نوع IPS LCD تعرض 16 مليون لون بدقة HD plus بجودة 720*1520 بيكسل مع كثافة بيكسلات 269 بيكسل لكل بوصة و تدعم اللمس المتعدد وتمثل 80% من حجم الهاتف و تأتى بأبعاد 19:9  مع إنحناء بدرجة 2.5 من أطراف الشاشة و لا يوجد طبقة حماية على الشاشة و لكن مرفق فى علبة الهاتف اسكرينة بلاستيكية للحماية يمكنك استخدامها تتميز الشاشة بنوتش صغير على شكل قطرة ماء و يمكنك الغائها من الاعدادات أو يمكنك الغائها من برامج محددة.

الاتتنين ممكن تلغي النوتش من الاعدادات بال Y7 Prime 2019 يتفوق فى كل النوتش الأجمل Dropwater و ان حجمها أصغر .

بالنسبة للأداء الفعلي الاتنين الألوان جيدة جدا و السطوع تحت أشعة الشمس ممتاز.


الأداء :-

الفرق هنا بين الاتنين فى المعالج و الأداء مش بسيط … ازاى؟

معالج هاتف Honor 8C من نوع Qualcomm Snapdragon 632 ثماني النواة سجل 102381 نقطة في اختبار Antutu  يقدم اداء متميز فى المهام اليومية و التصفح و فتح تطبيقات التواصل الاجتماعى كما يمكنك لعب PUBG على الهاتف بدون تهنيج أو سخونة و لكن على أقل اعدادات.

أما معالج هاتف Y7 Prime 2019 من نوع Qualcomm Snapdragon 450 ثماني النواة سجل 73558 نقطة في اختبار Antutu test و يعتبر مقبول جدا فى الاستخدام اليومية من مشاهدة فيديوهات و استخدام برامج التواصل الاجتماعى لكن فى لعبة ثقيلة زي PUBG للأسف بعد أول 5 أو 10 دقائق يحدث سقوط فى ال Frames و تهنيج حتى لو على أقل جرافيك و اعدادات.

و بالنسبة لاختبار السرعة Speed test كان فيه تفوق ملحوظ ل Honor 8C والاختيار  ده ممكن تشوفه من الفيديو الي في اخر المقالة تحت .

من الأخر لو انت هتشتري الهاتف علشان تلعب عليه ألعاب ثقيلة يبقي خليك من Honor 8C أما لو انت مش فارق معاك المعالج فى الألعاب الثقيلة ممكن تشتري Y7 Prime 2019.

أما بالنسبة لواجهة التشغيل الاتنين بيجوا بواجهة مستخدم EMUI 8.2 و أندرويد OREO 8.1 .

الاختلاف هنا ان هاتف Honor 8C يتفوق فى دعم خاصية App twin و هى انك تقدر تعمل نستخين من أى تطبيق من تطبيقات التواصل الاجتماعى زى facebook or what’s app والخاصية ديه مش موجودة في هواوي Y7 2019 .


الكاميرا الخلفية :-

كاميرا هاتف Honor 8C الخلفية تأتي مزدوجة بجودة 13+2 ميجا بيكسل مع فتحة عدسة F/1.8 للأولى و F/2.4 للثانية مع فلاش أحادى LED و تصوير فيديو بجودة 1080 بيكسل مع 30 لقطة في الثانية يقدم أداء جيد فى الاضاءة العالية مع تفاصيل جيدة و عندما تقوم بعمل Zoom تجد تفاصيل واضحة و لكن فى الاضاءة الخافتة تقل جودة الصورة و هنا يحاول الذكاء الاصطناعى أن يقون بتحسين الجودة و لكن عندما تقوم بعمل Zoom تجد noise ظاهرة.

أما كاميرا هاتف Huawei Y7 Prime 2019 الخلفية تأتي مزدوجة بجودة 13+2 ميجا بيكسل مع فتحة عدسة F/1.8 للأولى مع فلاش أحادى LED و تصوير فيديو بجودة 720 بيكسل مع 30 لقطة فى الثانية و بجودة 1080 بيكسل مع 30 لقطة في الثانية مع دعم الذكاء الاصطناعى AI.

الاداء الفعلي كان متقارب جدا جدا ولكن كان في تفوق بسيط لصالح كاميرا Y7 2019 برغم انهم نفس الارقام الا ان كان في تفوق بسيط في معالجة الالوان والصور وهتشوف بنفسك فرق الصور في المقارنة الفيديو الي في اخر المقالة تحت .


الكاميرا السيلفي :-

كاميرا هاتف Honor 8C الأمامية تأتي بجودة 8 ميجا بيكسل مع فتحة عدسة f/2.0 مع فلاش أمامى LED و تدعم Beauty mode تقدم أداء ضعيف الجودة, مقبولة فى اضاءة النهار بشرط أن لا تكون اضاءة الشمس قوية فى الصورة و بالنسبة للأداء فى الليل فهو ضعيف جدا و تفاصيل غير واضحة.

أما سيلفي هاتف Huawei Y7 Prime 2019 يأتى بجودة 16 ميجا بيكسل مع فتحة عدسة f/2.0 و تصوير فيديو بجودة 1080 بيكسل مع 30 لقطة في الثانية تقدم الكاميرا أداء ممتاز فى السيلفي و صور بجودة جيدة جدا كما يوجد فلاش امامى LED.

الاتنين مفيش فيهم عزل Bokeh effect و لكن هنا تتفوق كاميرا هاتف Huawei Y7 Prime 2019 خاصة فى التصوير الليلي.


البطارية :-

يأتي هاتف Honor 8C ببطارية بسعة 4000 مللي أمبير صمدت البطارية لمدة 11 ساعة Screen on خلال يوم كامل من الاستخدام الشاق على سبيل المثال لعبة PUBG لمدة نصف ساعة تستهلك حوالى 7% الى 8% من البطارية و تستهلك البطارية ساعتين ليتم شحنها من 16% الى 100% أى أن زمن الشحن الكلى حوالى ساعتين و ثلث.

يأتي هاتف Huawei Y7 Prime 2019 ببطارية بسعة 4000 مللي أمبير صمدت البطارية لمدة 10 ساعات و نصف Screen on خلال يوم كامل من الاستخدام الشاق على سبيل المثال لعبة PUBG لمدة نصف ساعة تستهلك حوالى 8% الى 9% من البطارية و تستهلك البطارية ساعتين ليتم شحنها من 17% الى 100% أى أن زمن الشحن الكلى حوالي ساعتين و ثلث.

الاتنين نفس سعة البطارية و نفس الأداء و الاتنين مش بيدعموا الشحن السريع.


الذاكرة الداخلية و العشوائية :-

هاتف HONOR 8C و هاتف Huawei Y7 Prime 2019 كلاهما متوفر بذاكرة داخلية 32 جيجا بايت مع 3 جيجا بايت رام و يمكنك إضافة كارت ذاكرة خارجي فى منفذ منفصل عن شريحتى الاتصال .


عناصر الحفاظ على الأمان و الخصوصية :-

الاتنين بيدعموا مستشعر بصمة الاصبع و تقريبا نفس السرعة و الدقة و الاتنين فيهم Face recognition لكن Face unlock أسرع فى HONOR 8C عن هاتف Y7 Prime 2019 و دا ممكن تلاحظه لو استعملت الاتنين مع بعض.


الصوت :-

الاتنين بيجوا بسماعة خارجية واحدة بالنسبة لصوتها فهو أعلى بفرق بسيط فى هاتف Y7 Prime 2019 عن هاتف HONOR 8C أما بالنسبة للصوت فى سماعات الأُذن يتفوق بفرق بسيط هاتف HONOR 8C على هاتف Y7 Prime 2019 و الاتنين فيهم ميكروفون عازل للضجيج و سماعة المكالمات صوتها نفس الجودة فى الاتنين.


خواص أخري :-

الاتنين فيهم لمبة اشعارات نورها قوي وبتنور باكثر من لون و الاتنين الاشعارات بتظهر بجانب النوتش.

الاتنين نفس الأداء مع الشبكات فى الأماكن الضعيفة و هو أداء جيد.

الاتنين فيهم م Wi-Fi 802.11 a/b/g/n مع امكانية انشاء Hotspot و خاصية WiFi direct و بلوتوث 4.2 مع خاصيتي A2DP,LE ,aptX.و GPS و دعم تشغيل الراديو FM.


محتويات صندوق الهاتف :-

هاتف HONOR 8C:
سماعات الرأس Headphones,الشاحن ,كابل الشحن ,جراب شفاف من السيلكون لحماية ظهر الهاتف و اسركينة حماية تم تركيبها على الشاشة.

هاتف Huawei Y7 Prime 2019:
سماعات الرأس Headphones,الشاحن, كابل الشحن, اسكرينة بلاستيكية لحماية الشاشة وجراب شفاف من السيلكون لحماية ظهر الهاتف.


رأى موبيزل :-

على حسب استخدامك انت اللى تقدر تحدد مين المناسب لك على سبيل المثال :-
– لو عايز هاتف بكاميرا أفضل مع استخدام بسيط لبرامج السوشيال ميديا زي الفيس بوك والواتساب والعاب خفيفة يبقي هاتف Huawei Y7 Prime 2019 .
– لو عايز هاتف بأداء أفضل فى الألعاب يبقي هاتف HONOR 8C او تفكر في بدائل تانية زي موبايل Xiaomi Mi A2 Lite بتصميم معدني ومعالج سناب دراجون 625 وبطارية 4000 مللي امبير وشاشة FHD .


سعر الهواتف :-

هاتف Huawei Y7 Prime 2019
3000 جنيه مصري للنسخة 32 جيجا بايت مع 3 جيجا بايت رام.

هاتف HONOR 8C
2800 جنيه مصري للنسخة 32 جيجا بايت مع 3 جيجا بايت رام.


فيديو مقارنة الموبايلين على اليوتيوب :-

قد يعجبك أيضا...

Comments

جاري التحميل...