مقارنة بين Huawei Y7 Prime 2018 مع Infinix S3 – مين الأفضل ؟

انا عايز اشتري موبايل جديد معايا 3000 جنيه اجيب ايه ؟ طب انت عايز كاميرا سيلفي و لا عايز كاميرا خلفية كويسة و لا بتحب ال Games و عايز موبايل يستحملك انت و Asphalt 8 و لا بتقعد طول اليوم برا البيت و عايز بطارية تستحمل طول اليوم معاك , النهاردة هنتكلم سوا عن اصدارين فى السوق من أقوي هواتف الفئة المتوسطة تعالوا نشوف مين فيهم الأحسن فى الكاميرا و البطارية و التصميم و الأداء و الشاشة و شوية حاجات فوق بعض هنتكلم عن هاتف Huawei Y7 Prime 2018 و موبايل INFINIX Hot S3 .


الكاميرا :

Infinix S3

لو انت من محبي السيلفي و مهم بالنسبة لك يبقي عليك و على هاتف INFINIX Hot S3 الكاميرا الأمامية  بجودة 20 ميجا بيكسل مع دعم خاصية العزل Portrait mode عن طريق ال Software أحيانا فد يكون العزل غير دقيق و لكنه لا يزال جيد  في ميزة كويسة جدا و هى Dual flash و له 3 مستويات فى الاضاءة أهم حاجة أثناء التصوير تخلي مصدر الضوء فى وشك مش ظهرك و الا خلفية الصورة هتطلع لونها أبيض أما بالنسبة لأداء الكاميرا الأمامية لهاتف Huawei Y7 Prime 2018  بجودة 8 ميجا بيكسل  مع فلاش أمامى LED  و تصوير فيديو بجودة 1080 مع 30 اطار فى الثانية تعطى اداء مقبول و جيد و لكن ايضا تظهر بها مشكلة مصدر الاضاءة أثناء التصوير حيث تصبح الخلفية بيضاء .

أما بالنسبة للكاميرا الخلفية هاتف  INFINIX Hot S3 بتيجي بجودة 13 ميجا بيكسل مع فتحة عدسة F/2.0 مع فلاش ثنائي Dual LED أما عن كاميرا هاتف Huawei Y7 Prime 2018  مزدوجة بجودة 13+2 ميجا بيكسل بتتفوق فى نقطة خاصية العزل أو Bokeh effect ومع الاستخدام الفعلي اداء الكاميرا الخلفية ل Y7 Prime 2018 افضل بفارق بسيط , مع طبعا دعم خاصية العزل .

الخلاصة : الأفضلية في السيلفي ل Hot S3 و الافضلية في الكاميرا الخلفية Y7 Prime 2018


الأداء :

معالج الهاتفين

الهاتفين بيجوا بنفس المعالج ثماني النواة Snapdragon 430 , الاداء بتاع المعالج ده متوسط وعلى اده شوية وبيستهلك من البطارية كتير لان المعمارية بتاعته قديمة , وبالتالي الاداء في التطبيقات والاستخدام البسيط كويس , انما في الـ Games التقيلة معتقدش هيسد معاك وهيهنج كتير وهيسخن طبعا والكلام ده للموبايلين سوا , الحكم على الاداء بعد المعالج بيبقا من خلال الواجهة وبصراحة الواجهتين مميزين ومستغلين كل امكانيات المعالج وهنا مفيش نقطة تفوق لموبايل عن التاني , الموبايلين بيجوا بمساحة تخزين 32 جيجا مع 3 جيجا رام .

بس مش هننسى وجود نسخة 64 جيجا مع 4 جيجا رام لInfinix S3 بأسم Pro الي ممكن تدي شوية أفضلية للموبايل علشان مساحة التخزين هتبقا اكبر مع رام اكبر واداء وتنقل بين التطبيقات أفضل بفارق سعر بسيط .

ممكن تدخل تقرأ مراجعة تفصيلية لموبايل Infinix S3 من هنا , مراجعة Infinix S3

التصميم :

Huawei Y7 Prime 2018

بالنسبة لهاتف INFINIX Hot S3 تصميم جميل و شكل الكاميرا واخد من شكل الكاميرا الخلفية العمودى لهاتف iPhone X الهاتف مصنوع من البلاستيك البولى كاربونيت بالكامل مع أبعاد 153 * 72.8 * 8.5  ملم مع وزن 150 جرام بألوان أسود و أزرق و ذهبي و أبيض .

أما بالنسبة لهاتف Huawei Y7 Prime 2018 تصميم بسيط و جميل بالكامل من البلاستيك البولى الكاربونيت مع أبعاد 158.3 * 76.7 * 7.8 ملم مع وزن 155 جرام بألوان أسود و أزرق و ذهبي .

الأفضلية في التصميم بترجع لكل شخص بيفضل ايه أو بيرتاح لايه مفيش مقياس ثابت .

لو عاوز تقرأ مراجعة شاملة لموبايل Y7 Prime 2018 ادخل هنا , مراجعة Y7 Prime 2018

البطارية :

Infinix Hot S3

لو انت من الناس الي بتشتغل علي الموبايل كتير و بتقعد طول اليوم برا البيت او مش متاح لك انك تشحن التليفون وقت ما تحب بالتالى انت محتاج بطارية تستحمل معاك بالنسبة لبطارية INFINIX Hot S3 اللى بيجي بسعة 4000 مللي أمبير بتصمد فى الاستخدام الشاق لمدة 22 ساعة و لمدة 7 ساعات screen on و تشحن فى حوالى 3 ساعات علشان توصل ل 100% و الفضل لأداء البطارية الرائع دا يرجع للمعالج لأنه متميز فى ادارة استهلاك الطاقة و توفيرها .

أما بالنسبة لهاتف Huawei Y7 Prime 2018 البطارية بسعة 3000 مللي أمبير بتصمد لمدة 12 ساعة تقريبا و أدائها يعتبر متوسط و تستهلك ساعتين و نصف لاعادة الشحن الى 100% وبتوصل ل 5 ساعات screen on .

الخلاصة هنا : الأفضلية في البطارية لهاتف INFINIX Hot S3 .


الشاشة و الصوت :

هاتف INFINIX Hot S3 الشاشة بحجم 5.65 بوصة من نوع  IPS LCD مع انحناء بسيط 2.5D على حواف الشاشة و كثافة بيكسلات 282 بيكسل لكل بوصة أما بالنسبة لهاتف Huawei Y7 Prime 2018 بيجي بشاشة بحجم 5.99 بوصة من نوع TFT LCD مع كثافة بيكسلات 296 بيكسل لكل بوصة الاتنين بيشتركوا فى الدقة HD+ بجودة 1440 * 720 بيكسل و الأبعاد الجديدة 18:9 و مفيش أى نوع حماية على أى شاشة منهم .

الخلاصة ان Hot S3 بشاشة افضل من ناحية الجودة بس اصغر شوية وحواف الشاشة اكبر , اما بالنسبة ل Y7 Prime 2018 فالشاشة اكبر 6 بوصة واطراف شاشة اقل ونوع الشاشة مش على المستوى المطلوب .

أما بالنسبة للصوت يتفوق هاتف INFINIX Hot S3 على Huawei Y7 Prime 2018 لانه بيتميز بصوت أعلى و أفضل .


المميزات الآخري :

يدعم كلا من الهاتفين أندرويد أوريو 8.0 OREO مع خاصية قفل الوجه Face unlock و ايضا مستشعر بصمة الاصبع اللى بيكون بطئ شوية فى الاتنين عن هواتف الفئة العليا و لكن مناسبة للفئة المتوسطة .

الاتنين بيتميزوا بوجود منفذ منفصل لكارت الذاكرة الخارجي مع الاحتفاظ بمكان منفصل للشريحتين الاتصال و كمان دعم خاصية ال OTG و لكن يتفوق هاتف INFINIX Hot S3 فى كونه يدعم الجيروسكوب حيث استخدام نظارات الواقع الافتراضي VR و لكن هاتف Huawei Y7 Prime 2018 لا يدعم .

وطبعا خدمات ما بعد البيع افضل لصالح هواوي من ناحية الصيانة وانتشار قطع الغيار والاكسسوارات .

في النهاية ممكن تشوف ايه اكتر حاجات بتدور عليها في الموبايل وتقدر تحدد قرار شرائك , ومتنساش في نفس الفئة السعرية موبايل شاومي الجبار Xiaomi Redmi 5 Plus بسعر 3250 جنية بافضل اداء وبطارية .

وبنفكركم بان حلبة تنافس فئة ال 3000 جنية دخلها موبايل جديد من شركة هونر التابعة ل هواوي باربع كاميرات ومساحة 32 جيجا و3 جيجا رام وشاشة كبيرة والموبايل اسمه Honor 9 Lite ممكن تدوس على اسمه وتشوف مواصفاته ومميزاته مع موقع موبيزل لمراجعة الموبايلات .


سعر الموبايلات فى السوق :

هاتف INFINIX Hot S3 :
بالسوق المصري 2999 جنيه مصري للنسخة 32 + 3 جيجا رام .

وبالنسبة للنسخة ال Pro سعرها 3500 جنية 64 جيجا مع 4 جيجا رام .

هاتف Huawei Y7 Prime 2018 :
بالسوق المصري 3099 جنيه مصري .
بالسوق السعودى 699 ريال سعودى .

قد يعجبك أيضا...

Comments

Loading...