دلوقتى التوجه لشركات الهواتف انهم يعملوا شاشة كاملة بحواف أقل و نلغى النوتش و نخلي الكاميرا السيلفي موجودة فى Slider زي أخوه الكبير Y9 Prime 2019 … النهاردة معانا موبايل Huawei Y9s مع كاميرا امامية بجودة 16 ميجا بيكسل و كاميرا خلفية ثلاثية و بطارية 4000 مللي أمبير و شاشة 6.6 بوصة و معالج Hisilicon Kirin 710F و بصمة مدمجة بزر الـ Power.
هنعرف سوا ايه التطوير اللي ف الموبايل ده عن الموبايل الأقدم من هواوي في فئة الـ Y و اللي حقق نجاح كبير وهو الواي 9 برايم 2019 .
مواصفات Y9s :-
- أبعاد الهاتف 163.1×77.2×8.8 ملم.
- وزن الهاتف 206 جرام مع تصميم من الزجاج.
- يدعم الهاتف شبكات اتصال الجيل الثاني والثالث والرابع GSM/HSPA/LTE عن طريق شريحتين اتصال من نوع nano.
- شاشة الهاتف تأتي بقياس 6.6 بوصة من نوع IPS LCD بدقة FHD plus بجودة 1080*2340 بيكسل مع 391 كثافة بيكسلات.
- معالج الهاتف يأتي من نوع Hisilicon Kirin 710F مع معالج رسوميات Mali-G51 MP4.
- يتم اصدار الهاتف بنظام تشغيل اندرويد 9.0 Pie .
- يأتي الهاتف مع واجهة مستخدم EMUI 9.
- كاميرا الهاتف الخلفية تأتي ثلاثية بجودة 48+8+2 ميجا بيكسل مع فتحة عدسة F/1.8 و F/2.4 و F/2.4 و فلاش LED و تصوير فيديو بجودة 1080 بيكسل مع 30 لقطة في الثانية.
- كاميرا الهاتف الأمامية تأتي Pop up with slider بجودة 16 ميجا بيكسل مع فتحة عدسة f/2.2 و تصوير فيديو بجودة 1080 بيكسل مع 30 لقطة في الثانية.
- الهاتف متوفر به تشغيل الراديو FM.
- بطارية الهاتف تأتي بسعة 4000 مللي أمبير و لا تدعم تقنية الشحن السريع.
- يدعم الهاتف ميكروفون اضافي لإزالة الضوضاء.
- منفذ الشحن USB Type Cو لكن مع شاحن بطئ 10 واط.
- يدعم الهاتف منفذ 3.5 ملم لسماعات الأذن.
- الهاتف متوفر بنسخة 128 جيجا بايت مع 4 جيجا بايت رام.
- يدعم الهاتف مستشعر بصمة الاصبع. مدمج بزر التشغيل Power button
- يدعم الهاتف مستشعر الجيروسكوب.
- الهاتف متاح في الأسواق بألوان الأسود و الأزرق.
التصميم :-
وده تقريبا الاختلاف الجزري الجوهري بين Y9s و Y9 Prime 2019 ، الواي 9 اس تصميمه أشيك و أحسن بمراحل من الواي 9 برايم، الظهر فيه درجة لون حلوة جدا وهتشدك أول لما تشوف الموبايل.
كمان الواي 9 اس ظهره من الزجاج مش زي الواي 9 برايم من البلاستيك و ده هتحسه جدا لما تمسك الموبايلين في ايديك و كمان ده محسوس من وزن الموبايل لأن الواي 9 اس أتقل في ايديك.
و طبعا الموتور بتاع السيلفي موجود في الموبايلين و هو نفسه مفيش اي حاجة جديدة نفس الكوالتي و نفس كل حاجة بالملي مفيش جديد ف النقطة ديه.
تحتوي الواجهة الأمامية للهاتف علي شاشة بقياس 6.6 بوصة و أعلاها و مفيش لمبة اشعارات للأسف لكن الاشعارات بتظهر عادى فوق.
أسفل الهاتف نجد منفذ كابل الشحن USB Type C و ميكروفون المكالمات و السماعة الخارجية على اليمين و منفذ 3.5 ملم لسماعات الأذن.
أعلي الهاتف هنلاقي السلايدر Pop Up جواه الكاميرا الأمامية بجودة 16 ميجا بيكسل و الميكروفون الاضافى لازالة الضجيج و منفذ تركيب شريحتين الاتصال أو شريحة واحدة و كارت ذاكرة خارجي.
علي الجانب الأيمن للهاتف نجد زر التشغيل Power button لفتح و غلق الهاتف مدمج به مستشعر بصمة الاصبع و أزرار رفع و خفض الصوت.
ظهر الهاتف يحتوي علي كاميرا خلفية ثلاثية أعلى يسار الهاتف بجودة 48+8+2 ميجا بيكسل أسفلهم فلاش أحادى LED و شعار AI Camera بجانب الكاميرا و بالأسفل شعار الشركة Huawei.
الهاتف متاح بألوان الأسود و الأزرق في الأسواق.
الشاشة :-
و هنا مفيش تطوير هي نفسها شاشة الواي 9 برايم بحجم 6.6 بوصة من نوع IPS LCD بدقة Full HD plus بدون نوتش لأن السيلفي موجود في موتور و في اسكرينة للحماية متركبة علي الشاشة.
و أداء الشاشة مفيهوش جديد اقوله جمب الواي 9 برايم االلى هو أداء جيد جدا مع ألوان جيدة مقارنة بفئة ال Y المعروف عنها ان تشبع الألوان مش قوى فيها لكن الشاشة هنا مقبولة مع سطوع تحت الشمس جيد جدا و هى بدون نوتش و الحواف قليلة مع تجربة الشاشة الكاملة هتحسسك انك مع هاتف قيم.
الأداء :-
و علشان مشكلة هواوي و هونر لسه مستمرة مع جوجل فالواي 9 اس بمعالج Kirin 710F اللي موجود في Huawei Y9 Prime 2019 وموجود في Honor 9X و هو ثمانى انلاوة يعمل بقوة تردد 4*2.2 جيجا هرتز Cortex-A73 و 4*1.78 جيجا هرتز Cortex-A53 وموجود في كل موبايلات هواوي في الفئة المتوسطة و بالتالي مفيش جديد نقوله على المعالج.
يقدم الهاتف أداء جيد و لكن مع واجهة هواوى الثقيلة نوعا ما يحدث ثقل فى أداء الهاتف بعد فترة من الاستخدام بيحصل تقطيع خفيف لكن على فكرة لو انت مش بتستخدم أكثر من هاتف من أكثر من شركة مختلفة مش هتحس بالكلام دا.
وعموما هواوي Y9s جاي ب 6 جيجا رام على عكس الواي 9 برايم اللي كان 4 جيجا رام و اللي تسبب في ان نتيجة antutu تبقي أعلى و الرام الزيادة هيفرق بس في عدد البرامج المفتوحة في الخلفية هيبقي أكتر إنما مش فارقة فعليا في الأداء و الكلام ده.
يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 512 جيجا بايت و لكن مع الاستغناء عن الشريحة الثانية.
بالنسبة لـ لعبة PUBG بتشتغل على High HD بدون أى مشاكل أو تهنيج مع معالج رسومي Mali-G51 MP4.
الكاميرات :-
و هنا المفروض في تطوير في الـ Huawei Y9s ان كاميرته الرئيسية 48 ميجا بيكسل مع فتحة عدسة 1.8 بدل 16 ميجا بيكسل في الـ Y9 Prime 2019 و باقي الكاميرات زي بعض في الاتنين .. التانية 8 ميجا بيكسل للتصوير الواسع و التالة 2 ميجا بيكسل للعزل.
و نفس السيلفي الموجود في الموتور في الموبايلين 16 ميجا بيكسل مع فتحة عدسة 2.2.
اداء الكاميرات مقبول الصبح .. يمكن الـ Y9s الوان البشرة فيه احسن بفرق بسيط عن Y9 prime 2019 .. بس لسه في الاضاءات الضعيفة الكاميرات مش بتقدم اداء مرضي ع الأطلاق.
ممكن تشوف صور متصورة بالموبايلات في فيديو المراجعة في اخر المقالة.
البطارية :-
نفس البطارية الـ 4000 مللي أمبير في الاتنين اللي بتصمد يوم كامل من الاستخدام وبتوصل لحد 7 ساعات شاشة مفتوحة و بتتشحن عن طريق منفذ USB Type C و شاحن بطئ 10 واط في حوالي ساعتين وربع.
الدعم و الاتصال :-
يدعم الهاتف شبكات الجيل الثاني والثالث والرابع GSM/HSPA/LTE عن طريق شريحتين اتصال من نوع nano و كلاهما يعمل بتقنية dual stand by و الشبكة فى الهاتف قوية و كويسة جدا.
متوفر بالهاتف Wi-Fi 802.11 a/b/g/n مع امكانية انشاء Hotspot و خاصية WiFi direct.
يدعم الهاتف بلوتوث 4.2 مع خاصيتي A2DP,LE.
يدعم GPS مع خواص A-GPS, GLONASS, BDS كما يدعم مستشعرات القرب و السرعة و البوصلة و الضوء.
الهاتف يدعم تشغيل الراديو FM.
يدعم الهاتف مستشعر الجيروسكوب لذا تستطيع استخدام نظارات الواقع الافتراضي VR.
نظام التشغيل و واجهة المستخدم :-
يتم اصدار الهاتف بنظام تشغيل اندرويد 9.0 Pie مع واجهة مستخدم EMUI 9.
توفر الواجهة خواص مثل خاصية app lock و التى تمكنك من وضع بصمة أو كلمة سر لأي تطبيق للحفاظ على الخصوصية
تأتى واجهة الهاتف ببرنامج ترجمة فورية لأي لغة كما تمكنك من رسم الاختصارات على الشاشة لفتح بعض التطبيقات مثل رسم حرف C لفتح تطبيق الكاميرا camera أو حرف M لفتح مشغل الموسيقي.
كما يوجد قائمة من الاختصارات عندما تقوم بضغطة مطولة على بعض التطبيقات أو البرامج.
يوجد خاصية أخذ Screenshot بثلاثة أصابع كما يدعم الهاتف خاصية تسجيل الشاشة Screen recorder و تجدها فى لوحة الاشعارات.
و تتمتع الواجهة بامكانية قسم الشاشة الى نصفين Split screen و فتح تطبيقين فى نفس الوقت مع امكانية اضافة درج التطبيقات و ايضا وضع eye comfort و الذي يحسن من اضاءة الهاتف لتكن مناسبة للعين فى حالة الاضاءة المنخفضة المحيطة لراحة العين.
يمكن الغاء أزرار التحكم بزر واحد فقط بلمسة واحدة يقوم بالرجوع للخلف و ضغطة مطولة للصفحة الرئيسية و سحب من اليمين لليسار ليقوم بفتح التطبيقات بالخلفية.
كما يمكنك تصغير الشاشة الى جانب الشاشة لتستخدم الهاتف بيد واحدة.
الواجهة تدعم ميزة Dual app و التى تمكنك من استخدام نسختين من تطبيقات التواصل الاجتماعى مثل facebook أو what’s app.
عناصر حماية الخصوصية و أمان الهاتف :-
مستشعر البصمة في Huawei Y9s موجود في جنب الهاتف مدمج بزر الباور باللمس فقط بدون ضغط و أدائه معقول جدا و مكان جديد و حلو انما الواي 9 برايم 2019 البصمة في الظهر و اللي أداءها كويس بردوا.
ومفيش face unlock في الاتنين علشان تقلل عدد المرات اللى يتفتح فيها السلايدر للكاميرا الأمامية.
محتويات صندوق الهاتف :-
هاتف Huawei Y9s
سماعات الرأس Headphones
الشاحن 10 واط
كابل الشحن
كُتيب تعليمات التشغيل و الضمان
دبوس معدني لفتح درج الشريحة
اسكرينة بلاستيكية للحماية متركبة على الشاشة
جراب شفاف من السيلكون لحماية ظهر الهاتف
سعر الهاتف :-
الهاتف بنسخة واحدة 128 جيجا مع 6 جيجا رام بسعر متوسط حوالي 4300 جنيه مصري.
تقييم الهاتف :-
من الأخر بقي… هواوي Y9s أفضل من Y9 Prime 2019 في الخامات الأفضل والظهر الزجاج و البصمة بقي مكانها أجدد مدمجة بزر الباور و ذاكرة عشوائية 6 جيجا رام بدل الـ 4 جيجا رام و الكاميرات أحسن بفرق بسيط أوي.
و من الأخر بردوا الـ Y9s من هواوي موبايل مقدمش جديد و مع ذلك هينجح في المحلات بسبب ثقة المستهلك في خامات و خدمات هواوي .. إنما الموبايل مقدمش احسن أداء و لا أحسن كاميرات و لا أحسن سرعة شحن يمكن Huawei Y9s مميز بس في حته الشاشة الكاملة و الظهر الزجاج و البصمة اللي في زرار الباور و أداء البطارية الكويس جدا و أداء الشبكات الممتاز في موبايلات هواوي.
مميزات Huawei Y9s :-
- بطارية الهاتف تقدم أداء مميز و تصمد لوقت طويل.
- يأتى الهاتف بمنفذ USB Type C و لكنه لا يدعم الشحن السريع.
- شاشة الهاتف بحجم كبير و حواف قليلة و بدون نوتش توفر تجربة مشاهدة ممتعة.
- سلايدر Pop up للكاميرا الأمامية.
- تصميم زجاجي جميل و شيك.
- بصمة مدمجة بزر التشغيل و هو شئ جديد فى شركة HUAWEI.
عيوب هواوي Y9s :-
- لا يمكنك استخدام شريحتين اتصال و كارت ذاكرة خارجي فى نفس الوقت يجب الاستغناء عن الشريحة الثانية.
- لا يوجد بالهاتف لمبة اشعارات.
- بطارية الهاتف لا تدعم تقنية الشحن السريع بالرغم من وجود منفذ الشحن Type C.
- الهاتف لا يدعم خاصية قفل الوجه Face unlock.
- وزن الهاتف كبير بعض الشئ.
- ضعف أداء و جودة الكاميرا مقارنة بالمنافسين.
- الأداء فى الألعاب ليس الأفضل فى فئته السعرية.
- لا يدعم الهاتف تصوير الفيديو بجودة 4K.
- لا يوجد تطوير جوهري حقيقي عن Honor 9X و Huawei Y9 Prime 2019.
Comments